ئامېرىكا زىيارىتىدىكى تۇنجى كۈن --مىسرانىم

Misranim

	ئالدىنقى يىلى ئامېرىكىنىڭ جۇڭگودا تۇرۇشلۇق باش ئەلچىسى لوجىياخۈي ئەپەندىم بىلەن يۈز كۆرۈشكەن شۇنداقلا ئامېرىكىغا تەكلىب قىلىنغان ئىدىم...ئاللاھنىڭ رەھمىتى بىلەن بارلىق قانۇنىي تەرتىپ قائىدىلەر بويىچە بۇ قېتىملىق سەپىرىمنىڭ تۈنجى كۈنىنى باشلىدىم...ئىشلارنىڭ بەك تۇيۇقسىز ھەم بەكلا جىددىي بوپ قالغانلىقى سەۋەبلىك كۆپلىگەن قېرىنداشلىرىم بىلەن دىدارلىشىش مۇمكىن بولمىدى...ۋاقىت يار بەرمىدى..ئاللاھ خالىسا كۈندىلىك زىيارەت خاتىرىلىرىم ھەر ۋاقىت سىلەر بىلەن يۈز كۆرۈشۈپ تۇرىدۇ...قېرىنداشلارنىڭ دۇئالىرىدا ئەسلەپ ،سېغىنىپ تۇرىشىنى ئۈمىد قىلىمەن...ئاللاھقا ئامانەت    تۈنۈگۈن دوستلىرىم بىلەن قۇچاقلىشىپ خوشلاشقاندا كۆزۈمگە لىق ياش كەلگەن ئىدى،بۈگۈن ئاپام دادامنىڭ قوچاقلاپ سۆيۈشلىرى قەلبىمنى ئېزىپ ياشلىرىمنى ئېقىتقىلى تاس قالدى.... شۇنداق قىلىپ سەپەرنىڭ 1-كۈنىنى مۇۋەپپىقىيەتلىك بېسىۋالدىم...بېيجىڭغىمۇ كېلىۋالدىم....ئەمما مۇساپىرچىلىق،يالغۇزچىلىقىمدا ئۈرۈمچى ئايدىرومىدىلا كەيپىمنى ئۇچۇردىغان ئىش يەنە يۈز بەردى...   ئەسلىدىنلا بارچە يەردە تەكىتلەۋاتقان مىيىپلا ۋە مىيىپلارغا كۆڭۈل بۆلۈشلەر ئەڭ ئالىي مۇلازىمەت ئورنى بولغان ئايدىرومدا خارلاندى....ئايدىرومغا كىرىپلا تۇنجى بولۇپ قىلدىغان ئىش باشقىلارنىڭ يۈك تاقىلىرىنى ئوراپ يولغا سېلىش بولسا مىيىپلارغا كۆرۈرەلمىسەڭ ساڭگىلتىۋال دېگەندەك ھاجىتىنى راۋا قىلىۋاتقان جابدۇقلىرىدىن ئايرىش ....ئۇنىمۇ قوشۇپ ئايرىم يولغا سېلىش...ئايروپىلان ئىستانسى ئىشكىدىن كىرىشىمىزگىلا ھاسا بىخەتەرلىك تەكشۈرگۈچىلەرنىڭ دىققىنى قوزغايدۇ...ئايرىم قويۇپ تەكشۈرۈش ئورنىدىن ئۆتكۈزۈپ ھاسىدا مىخ نىڭ بارلىقى قاتارلىقلارنى سۆزلەپ بېرىش شەرىپىگە ئېرىشىمىز....ئىش بۇنىڭلىق بىلەنلا تۈگىمەيدۇ ئەلۋەتتە..بىرقاتار جەدۋەللەرنى توشقۇزغاندىن كېيىن ھارۋا ئىلتىماس قىلدىم...ھارۋىنى ئالغاندىن كېيىن ھاسىنى يۈك توشۇش ئورنىغا تاپشۇرۋەتتىم..مۇلازىمەتچىگە قانۇنلۇق ھالدا مىيىپلارنىڭ ھوقۇق مەنپەئەتىنى قوغداش توغرىسىدا ئازراق ھەق سۆزلەپ باققىم كېلىپ ئەھۋاللارنى دىدىم ،بۇنىڭ قىسقا مۇددەتلىك مىيىپ ئەمەسلىكىنى ،بالىلار پارالىچ كېسىلى ئىكەنلىكىنى شۇنداقلا ھۆكۈمىتىمىز بەرگەن قانۇنلۇق ،تۆمۈر تامغىلىق كېنىشكىنى كۆرسەتتىم...ئۇمۇ ئاقمىدى....ئەمدى ئۇنىڭدىن ماتىريال ئارقىلىق ئەمەس ئىنسانىي مېھرى بىلەن ئىش بېجىرىشى ئۈچۈن ،ئىككى ھاسامنىڭ بولمىغىنىدا مېنىڭ ئۆرىمۇ تۇرالمايدىغانلىقىم،ئايروپىلان ئىچىدە ھاجەتكە بېرىش شۇنىڭدەك تاسادىبىي ئەھۋاللار يولۇققاندا ھەل قىلىش چارىسىنىڭ بولمايدىغانلىقى ،ئايروپىلان ئىچىگە ھارۋىنى ئېلىپ چىقالمايدىغانلىقىدەك بىر قاتار ھەقىقەتلەرنى پاكىت بىلەن ئىسپاتلاپ چۈشەندۈرىشىممۇ ھېچقانداق ئۈنۈمىنى كۆرسەتمىدى...خەيىر.....نۇرغۇن ئارزۇ ئارمانلارنى قەلبىمگە پۈكۈپ ئاتلانغان سەپىرىمنىڭ ھۆرمىتى ،يۈكسەك غايىلىرىم ئۈچۈن ئامالسىز  مېڭىشقا مەجبۇر بولدۇم...ئايروپىلانغا چىقىدىغان كۆزنەك 23- نۇمۇرلۇق بولۇپ شۇ يەرگە چۈشۈش ئۈچۈن چوقۇم پەلەمپەيدىن چۈشىشىمىز كېرەك ئىكەن...ھارۋا چۈشەلمەيدۇ دېگەن سەۋەب بىلەن ئۆزۈم پەلەمپەيلەرنى تۇتۇپ بىر ئاماللارنى قىلىپ پۇتۇم بىلەن ئەمەس،ئىرادەم بىلەن مېڭىپ پەسكە چۈشۈپ ئايروپىلان ئالدىغا كەلگەندە ئىككى مۇلازىمغا تەكەللۇپ بىلەن دەپ يۈرۈپ ئىككى قولۇمدا ئىككىسىگە ئېسىلىپ ئىچىگە كىرىپ كەتتىم...ما تەلەينىڭ كەلگىننى دىمەيسىز...بايا مىيىپلارنىڭ قانۇنلۇق ھوقوقىنى قوغداش يولىدىكى تالاش تارتىشىم سەۋەبلىك ئايروپىلاندىكى ئورنۇم ئەڭ ئاخىرغا ئورۇنلاشتۇرۇلۇپتۇ...بېرىپ بولغىچە ئاۋۇ ئىككى مۇلازىمغا كىيىم ئاسقۇچقا مەجبۇرىي ئېسىپ قويۇلغان كىيىمدەك قوللىرىمنىڭ سۆڭەكلىرى تارتىشىپ ،ئۈزۈلۈپ كەتكۈدەك ئاغرىپ ئاخىرى ئورنىمدا ئولتۇردۇم...مانا ....ئايروپىلان باغچىدىكى ئويۇنچۇقتەك ئىككى تەرەپكە پۇلاڭلاپ جايىدىن قوزغالدى....ئەمما مېنىڭ ھاسام ماڭا ھەمراھ ئەمەس.....قانداق قىلىش كېرەك؟ چوقۇم ئايروپىلاندا نەرسە يىمەسلىك،سۇ ئىچمەسلىك لازىم...بولمىسا ئامال قىلغىلى بولمايدۇ....ئەگەر ئايروپىلاندىن كاشىلا چىقىپ ۋە ياكى باشقا سەۋەبلەر بىلەن پاراشوت ئېچىپ سەكرەش قاتارلىق ئىشلار بولۇپ قالسا ،ھېچكىم مىيىپلارغا كۆڭۈل بۆلمەيدۇ...شۇ ئايروپىلاندا پاراشوتىنى ئېچىپمۇ باقماي ۋەقەگە ئۇچىرغىنى يەنىلا شۇ مىيىپ بولۇپ قالىدۇ...شۇ سەۋەبلىك بىر يۇتۇم سۇمۇ ئىچمەي سەپەرنىڭ تۇنجى كۈنىنى تامام قىلىۋالدىم ... دۆلىتىمىزدە ئادىمىيلىك ،شۇنداقلا ئېسىل ئەخلاقىي پەزىلەتلەر تەكىتلىنىۋاتقان ئۇشبۇ كۈنلەردە بىر مىيىپ،ياق نۇرغۇن مىيىپلار شارائىتنىڭ قەستەن ناچارلاشتۇرۋىتىلىشى سەۋەبلىك ئىزدىنىش ھۆجەيرىلىرى ئۆلۈپ ئۆيىدە ئارام ئېلىپ ئەجەلنى كۈتۈپ يېتىشقا مەجبۇر بولماقتا....نۇرغۇن قۇرۇلتايلار ئېچىلىۋاتىدۇ...ياخشى تەكلىبلەر بولىۋاتىدۇ...ئۈمىدىم مىيىپلار ئۈچۈن ئالاھىدىرەك قەدىرلەش بولۇپ ئۇلاردىكى يوشۇرۇن تالانتلىرىنى بايقاش ئۈچۈن ياخشى بولغان شارائىتلار ھازىرلانسا.........بەلكىم يۇقارقىلار يالغۇز مەن ئابابەكرى مۇختەر مىسرانىمنىڭلا سۆزى بولماستىن نۇرغۇنلىغان قەلبدىن چىقىرالمىغان خورلىنىپ قېلىۋاتقان،كەمسىتىشكە ئۇچراۋاتقان مىليونلانغان مىيىپلارنىڭ ئۇچرايدىغان ئەھۋالى بولىشى مۇمكىن...! ..... بۇلارنى ھەل قىلىدىغان ئورۇن زادى چىقماسمۇ؟ شۇ خىياللاردا بېيجىڭ ئايدىرومىدىن تاكسىيدا كېتىپ باراتتىم تاكسىي شوپۇر بىلەن ئارقا ئورۇن ئارلىقىدا يۇرتىمىزدىكىدەك ئايرىپ تۇرىدىغان تۆمۈر سەتكىنىڭ يوقلىقى بايقى غودۇراشلىرىمنى سەل پەسەيتتى .... بېيجىڭ---

xohsanam886

	تۇنجى ئىنكاسنى مەن يىزىپتىمەن،ئىنشااللە اللە سەپىرىڭىزنى ئوڭۇشلۇق قىلسۇن؛تىنىچ ئامان قايتىپ كىلىشىڭىزگە تىلەكتاشمەن؛

?watenem

	ئاللاھ سىزگە ئاسانلىق بەرسۇن. سەپىرڭىزگەئاق يۇل تىلەيمەن،ئامان ئىسەنلىك سىزگە ياربۇلسۇن.

katran

	ئاللاھ سىزگە يار- يۆلەك بولسۇن قېرىندىشىم، ئىگىلمەس سۇنماس ئىرادىڭىز بىلەن سەپىرىڭىزنىڭ ئوڭۇشلۇق بولۇشىنى تىلەيمەن. -------------------------------------------------- ئۆز قانۇنىغا ئۆزى ئىشەنمگەن، ئىنسانىيلىق روھىي ئۆلگەن مىللەتتىن روناق كۈتۈش بەسى مۈشكۈلدۇر. ئىنشائاللاھ بارلىق قېرىنداشلىرىمغا ئاسايىشلىق تىلەيمەن.

پەرى

	ئەسسالامۇ ئەلەيكۇم ئۇلۇغ ئاللاھدىن سەپىرىڭىزگە  ئاق يوللار تىلەيمەن ، تېنىچ -ئامان قايتىپ كېلىشىڭىزگە تىلەكداشمەن .... ئامان بولۇڭ ،دۇئالىمىز سىز بىلەن بىللە .

مارشال

	سەپىرىڭىزنىڭ تۇنجى قەدىمىدىكى ئۇچرىغان پاراكەندىچىلىكنى كۆرۈپ كۆڭلۈم غەشلىككە چۈشتى.ساق-سالامەت بېيجىڭغا بېرىۋالغىنىڭىزنى كۆرۈپ كۆڭلۈم يەنە جايىغا چۈشتى.سەپىرىڭلار ئاق يول بولسۇن،بىز دوستلارنىڭ خەيرىلىك دۇئالىرى سىلەرگە بولسۇن.      بىر چاغلاردا ئۇستاز ئابدۇقادىر جالالىدىن پويىز بىلەن بېيجىڭغا بېرىپتۇ.چۈشىدىغان چاغدا يۈك-تاق ئېغىرلىقى ئازراق ئېشىپ كېتىپتۇ دەپ بىر مۇنچە جەرىمانە قۇيۇپتۇ.ئابدۇقادىر جالالىدىن ئاكام تارازىدا يۈك-تاقلارنىڭ ئېشىپ كەتكەنلىكى توغۇرلۇق پويىز خادىملىرىدىن گەپ ئاڭلاۋاتقان چاغدا،يۈزىنى لۆڭگە بىلەن ئېيتىۋاتقان ئىكەن.شۇنىڭ بىلەن يۈزىنى ئېيتىپ بولۇپ لۆڭگىنى تارازىدىكى يۈك-تاقلارنىڭ ئۈستىگە تاشلاپتۇ،پويىز خادىملىرى خىجىل بوپتۇ،يولۇچىلار ئارىسىدا كۈلۈشمەك بوپتۇ...     ئەنگىلىيە سەپىرىدە پاسپۇرتنى تەكشۈرەيمىز دەپ خېلى ئاۋارە قىپتۇ،لېكىن بۇ ئاكىمىز تەكشۈرگىنى ياخشى،ئالاھىدە مۇئامىلىگە ئۇچراپ تۇرغىنىم مېنىڭ مەۋجۇتلۇقۇم دەپ ئۆزىچە خوشال بولغان ئىكەن...      دوستۇم ئابابەكرى مۇختار مىسرانىم،ئۇلۇغ ئاللاھنىڭ رەھمىتى بىلەن ئۇزۇن سەپەرگە ئاتلاندىڭىز.  بۇ قېتىملىق سەپىرىڭىزنىڭ ئۇتۇقلۇق بولۇشىغا تىلەكداشمەن. يۇقۇرقى بايانلاردىكى ئابدۇقادىر جالالىدىن ئاكىمىزنىڭ ئۆزى دۇچار بولغان ئىشلارنى ئىنكاسقا قۇشۇپ قۇيۇشۇمدىكى سەۋەب،ئۇلۇغ ئارزۇلارنى،كۆپ ئىشلارنى ئويلايدىغان ئەزىزلىرىمىزنىڭ سەپەرگە يۇلۇقىدىغان كۆڭۈلسىز ئىشلىرى ئوخشاش بولدىغاندەك تۇرىدۇ. ئايرۇپىلان ئىستانىسىدىكى يۇقۇرقى قىلمىشلار دۆلىتىمىزدىكى پۇقرالارنىڭ قانۇنى ھوقۇقى،ئىززەت-ھۆرمىتىنىڭ تېخى تۇلۇق كاپالەتكە ئىگە بولمىغانلىقىنى چۈشەندۈرۈپ تۇرۇپتۇ.بۇنىڭ ئۈچۈن ھۆكۈمەت خادىملىرى يېزىقتىكى قانۇن-نىزاملارنى رېئال دۇنياغا تەتبىقلاش  ئۈچۈن بەكرەك كۈچەپ بېقىشىنى،بارەۋەرلىك،ئىناقلىق،ئىتىپاقلىق تەكىتلىنىۋاتقان،ھەر مىللەت خەلقى قولنى-قولغا تۇتۇشۇپ ئىلگىرلەۋاتقان بىر تارىخىي دەۋردە ھەقىقىي ‹‹جوڭگۇ ئارزۇسى››نى تېزراق ئەمەلگە ئاشۇرىشىنى ئۈمىد قىلىمەن.      ئېقى ۋاراق،قارىسى سىياھ بىلەن تۈزۈلگەن قانۇن-نىزاملار دۆلىتىمىزنىڭ ھەر قانداق يېرىدە ئەمىللەشمەيدىكەن،‹‹جوڭگۇ ئارزۇسى››دېگەن بۇ چىرايلىق سۆز ‹‹جوڭگۇ چۈشى››گە ئايلىنىپ قالىدۇ...

guzal~yurtum

	كەمىنە 7- بولۇپ،   خىيىم خەتەرلەرنى ساقلاپ، ئاللاھ ئوزى يار يولەك بولىشنى  ئۇمۇد قىلىمەن! سەپىرىڭىز ئوڭۇشلۇق بولسۇن.. شۇ ئامرىكغا بارغىنىڭىزدا، ئوتكۇر كوزىڭىز، ئىرادىلىك قەدىمىڭىز بىلەن ، ئىنگىلىسلارنىڭ، مەدىنىيىتى، بىلىمىنى، ئوقۇتۇش ئۇسۇلىنى، تورباشقۇرۇش ئۇسۇلىنى كورۇپ، ئارتۇقچىلىقى بولسا ئۇگۇنۇپ، يىتەرسىزلىكىڭىز بولسا تۇزۇتۇپ كىلىشىڭىز نى ئۇمۇد قىلىمەن... ئامان بولۇڭ.. ئاقيول بولسۇن!

XERHAN

	ئامرىكىغا بارىدىغانلىقىڭىزنى دىگەن ۋاقتىىڭىزدا خۇشال بولغان ئىدىم ، بېرىش ئالدىدىكى بۇ قىيىنچىلىقلارغا ئۇچرىغانلىقىڭىزنى بىلىپ مەيۈسلىنىپ قالدىم ، شۇنداقتىمۇ سەپىرىڭىزگە ئاق يوللار بولسۇن ! ئادەتتە چوڭ - كىچىك قاتناش ۋاستىلىرى ، مۇلازىمەت كۆزنەكلىرىدە مېيىپ ، ياشانغان ۋە ھەربىيلەرگە ئالدىن مۇلازىمەت قىلىنىدۇ دىگەندەك خەتلەر بار ئىدى ، ئەلۋەتتە ئىنساني مىھرى - مۇھەببەت ئالدىدا ئۇنداق خەتلەر ھاجەتسىز ، يېزىلمىسمۇ ئەسلىدىنلا مېيىپ - ياشانغانلارغا كۆڭۈل بۆلۈش ۋە ئەتراپلىق مۇلازىمەت قىلىش جەمئىيەتنىڭ مەسئۇلىيتى . بولدىلا بۇ قائىدە يۇسۇنلارنى چۈشەنمەيدىغانلارنىڭ پىشانىسىگە چاپلاپ قويسىمۇ يەنىلا ئۈنۈمى بولماسلىقى مومكىن ، شۇڭلاشقا باشقا گەپلەرنى قويۇپ تۇرۇپ سەپىرىڭىزگە بەرىكەت ۋە ئامانلىق تىلەيمەن . ئامرىكىغا ساق سالامەت يىتىپ بارغاندىن كىيىن بىزنى خەۋەرلەندۈرۈپ قويۇشنى ئۇنتۇپ قالمىغايسىز ! گۈزەل تىلەكلەر ، ئاپئاق كۆڭۈللەر سىزگە ھەمراھ !

ئەجەل

	ئادىمىيلىكنى قائىدە-قانۇنغا ياكى كىتاب-دەپتەرگە ئەمەس قەلبىگە كىرگۈزسە ئاندىن بولىدۇ.

zarim

	سەپىرڭىزگە ئاق يول بولسۇن   كۆڭۈلسىزلىكلەرنى ئۇنتۇپ  كىتىڭ