ۋاقىتنى ئۈنۈملۈك باشقۇرۇشنىڭ 10 مۇھىم ھالقىسى
ھەرىكەت نەتىجىنى بەلگىلەيدۇ. شۇنداقلا مەن شەخسەن شۇنداق قارايمەنكى: بىر ئادەمنىڭ ۋاقىتنى قانداق باشقۇرۇشى ئۇنىڭ مۇۋەپپەقىيىتىبىلەن ئوڭ تاناسىپ بولىدۇ.
ھەممە ئالدىراش بولۇپ كېتىۋاتقان بۇ جاھاندا،ۋاقتىنى ياخشى باشقۇرالايدىغانلارنىڭ باشقىلارغا بېرىدىغان تۇنجى تەسىرى «بەك ئالدىراش»دېگەندىن ئىبارەت. ئەمما بۇ ھەقىقىي مەنىدىكى ئۈنۈمسىز ئالدىراشلىق بولماستىن، بەلكى ھەقىقىي مەنىدىكى ئۈنۈم ئېلىپ كېلىدىغان ئالدىراشلىقتىن ئىبارەت.
ۋاقىتنى تىزگىنلەش-باشقۇرۇشتىكى مەقسەت كۆزلىگەن نىشانغا يىتىشتىن ئىبارەت. شۇڭا شۇنداق قىياس قىلىشقا بولىدۇكى، بىرەر ئىش باشلانمىسىدىلا نىشانلىق، پىلانلىق ئېلىپ بېرىلمىسا، ۋاقىت جەھەتتىكى ئۈنۈم نۆلگە تەڭ.
مۇۋەپپەقىيەتنى كۈندە %1 ئالغا ئىلگىرىلەش دېسەكمۇ بولىدۇ. ھەر كۈنى ئاز- ئازدىن ئۆگەنسەك، ئازراق ھەرىكەت قىلىپ قويساق، پىلانلىغان ئىشلىرىمىز بارغانسېرى كونكرېتلاشتۇرماق، ئۈزلۈكسىز ھالدا ئۆزىمىزنى تەكشۈرۈپ تۇرساقكۈندە ئاز بولسىمۇ ئىشلىرىمىز ئالغا باسسا ھامان بىر كۈنى كۆزلىگەن ئىشىمىزدا مۇۋەپپەقىيەتقازىنالايمىز.
ۋاقىت-ھايات. دېمەك ۋاقىتنى قەدىرلەش- ھاياتنىقەدىرلەش دېمەكتۇر.
بىر ئادەمنىڭ مۇۋەپپەقىيىتى ئۇنىڭ 24 سائەت ئىچىدە نېمە ئىش قىلغانلىقىدىن بەلگىلىنىدۇ. ۋاقىتنى باشقۇرۇشنىڭ مۇھىم نۇقتىسى-ۋاقىتنى مىنۇت-سېكۇنتقىچە كىشىگە نەپ ئېلىپ كېلەلەيدىغان ئىشلارغا سەرپ قىلىپ، ناھايىتى قىسقاۋاقىت ئىچىدە ناھايىتى زور ئۈنۈمگە ئېرىشىشتىن ئىبارەت.
تۆۋەندە باشتىن ئۆتكەن ئەمەلىي تەجرىبىدىنپايدىلىنىپ، قېرىنداشلار بىلەن ۋاقىتنى ئۈنۈملۈك باشقۇرۇشنىڭ 10 خىل ئۈنۈملۈك ئۇسۇلىجەھەتتە ئورتاقلىشىمىز:
1. ھالقا: ئېنىق نىشان بولۇش كېرەك.
تۆۋەندە بارلىق دوستلاردىن بىر دانە قەلەمۋە بىر ۋاراق قەغەز ئېلىپ نىشانىنى ئېنىق يېزىپ چىقىش تەكلىپى بېرىمىز.
ئەگەر سىزنىڭ ئېنىق نىشانىڭىز بولمىسا، ئۇھالدا "ۋاقتىمنى ئۈنۈملۈك باشقۇرىمەن" دەپ ئاۋارە بولۇپ يۈرمەڭ.
ۋاقتىمىزنى باشقۇرۇشتىكى مۇددىئا- ناھايىتى قىسقا ۋاقىت ئىچىدە سىز يەنىمۇ يەتمەكچى بولغان نىشانغا يېتىشتىن ئىبارەت. بىز دائىمدەپ كېلىۋاتقان مۇۋەپپەقىيەت ئەمەلىيەتتە نىشان دېمەكتۇر. ئەگەر سىز ئىمكانىيەتنىڭ بارىچە نىشانىڭىزنى كونكرېتلاشتۇرالىسىڭىز، ئۇ ھالدا مەن تەۋسىيە قىلغان ئۇسۇل بىلەنۋاقتىڭىزنى يەنىمۇ ئۈنۈملۈك باشقۇرالايسىز.
2. ھالقا:سىزنىڭ چوقۇم بىر «شەخسىي تىزىملىك» ىڭىز بولۇشى كېرەك.
يەنى سىز ئۇنىڭغا سىز مۇشۇ يىل ئىچىدە يەتمەكچى بولغان ھەر بىر ئىشىڭىزنى ئېنىق يېزىپ چىقىشىڭىز كېرەك. سىز ھازىلا قولىڭىزغا قەغەزۋە قەلەم ئېلىپ مۇشۇ يىل ئىچىدە تاماملىماقچى بولغان، مەيلى چوڭ، مەيلى كىچىك ئىش بولسۇن ھەر بىر ئىشىڭىزنى خاتىرىلەپ چىقىڭ.
سىز بۇ «تىزىملىك» نى تۇرغۇزۇۋالغاندىن كېيىن،نىشانىڭىزنى بۆلەكلەرگە ئاجرىتىڭ. يەنى، مەن ماۋۇ پىلانىمغا بىر يىل ئىچىدە يېتىش ئۈچۈنيېرىم يىل ئىچىدە نېمىلەرنى قىلىمەن؟ بىر پەسىلدىچۇ؟ بۇنىڭ ئۈچۈن قانداق ئىشلارنى قىلىشىم كېرەك؟ دېگەندەك تەرەپلەرنى تولۇق تىزىملاپ بولغاندىن كېيىن، يەنە ئايلىق پىلاننىمۇمۇشۇ بويىچە تۇرغۇزۇپ چىقسىڭىز بولىدۇ.
ئەگەر سىزنىڭ «تىزىملىك» ىڭىز يوق دەيلى،سىز ئەڭ بولمىغاندىمۇ چوقۇم ئايلىق پىلان تۈزۈشىڭىز كېرەك. «يىلنىڭ بېشى باھاردىن،ئىشنىڭ بېرىش سەھەردىن» دەيدىغان گەپ بار. سىز "ئەتىنىڭ ئىشى ئەتە سەھەردە"دەپ ئولتۇرماي، ھازىلا (يەنى بۈگۈن كەچتىلا) ئەتە قىلماقچى بولغان ئىشلىرىڭىزنى پىلانغائېلىڭ. سەمىڭىزدە بولسۇنكى: سىزنىڭ مەڭگۈ ھەربىر ئىشنى قىلىشقا ۋاقتىڭىز يوق، ئەمماسىز چوقۇم قىلماقچى بولغان ئىشىڭىزنى قىلىشقا مەڭگۈ (سىز بۇ جاھاندىن خوشلاشقۇچە) ۋاقتىڭىزبار.
پىلاننى ئېلىپ بولدىڭىز، ئەمدى ئۇنى تەرتىپلەپ چىقىڭ، يەنى ئالدى بىلەن نېمىنى قىلىسىز، كېيىن نىمىنى قىلىسىز، زادى قاچانغىچە قايسىئىشنى قىلىسىز، دېگەندەك. بۇ يەردە چوقۇم ھەر بىر پىلاننىڭ ئاخىرقى چېكىنى بەلگىلەڭ،مۇشۇنداق قىلالىسىڭىزلا سىز مۇۋەپپەقىيەتكە دادىل-ئوڭۇشلۇق قەدەم ئالالايسىز.
3. ھالقا:كۆپچىلىككە تونۇش بولغان 20 ۋە 80 قانۇن.
سىز ۋاقتىنى ئۈنۈملۈك باشقۇرىمەن دەيدىكەنسىز،سىز ئۈچۈن زادى قايسى ئىشلارنىڭ ئەڭ مۇھىم ئىكەنلىكىنى بىلىشىڭىز كېرەك، شۇنداق بولغانداسىز تېخىمۇ زور ھاياتىي كۈچكە ئىگە بولىسىز.
مەن ئەتە قىلىدىغان ھەر بىر ئىشىمنى تەپسىلىي تىزىملاپ، ئۇنى بۆلەكلەرگە ئايرىپ چىقىمەن، مۇشۇنداق قىلالىساملا مەن ئەتىكى ۋاقتىمدىن%100 تولۇق پايدىلىنالايمەن.
تەكىتلەشكە تېگىشلىك يەنە بىر نۇقتا: كۆرۈشسېزىمىدىكى سېھرىي كۈچ. ئومۇمەن ۋاقىتنى ياخشى باشقۇرماسلىقنىڭ تۈپ سەۋەبى سۆرەلمىلىكقىلىشتىن ئىبارەت. سىز «دەرھال ھەرىكەتلىنىش» ىڭىز ئۈچۈن ئالغان شۇ پىلانىڭىزنى كۆزىڭىزچېلىقىدىغان جايغا قويۇپ قويسىڭىز، كۆرۈش سېزىمىڭىزنىڭ غىدىقلىنىشى تۈپەيلىدىن مېڭىڭىزدەبىر خىل ئاكتىپ ئاكتىپ ھەرىكەت تەرتىپى شەكىللىنىپ، سىزنى بىرەر ھەرىكەت قىلىشقا ئۈندەيدۇ.شۇڭا سىز چوقۇم ئىش ئۈستىلىڭىزگە «دەرھال ھەرىكەت قىل» دېگەن ئۈچ سۆزنى چاپلاپ قويۇڭ.
ۋاقىتنى ياخشى باشقۇرۇش ئۈچۈن چوقۇم پىلانكونكرېت بولۇش كېرەك، پىلان قانچە كونكرېت بولسا، مۇۋەپپەقىيەتكە ئېرىشىش شۇنچە ئاسانبولىدۇ.
4 .ھالقا:ھەر كۈنى ئەڭ ئاز بولغاندىمۇ يېرىم سائەتتىن بىر سائەتكىچە «تاشقىتەسىرلەردىن خالىي» ۋاقتىڭىز بولسۇن
ئەگەر سىز كۈندە بىر سائەت ۋاقىت چىقىرىپسىرتقى ھەر قانداق تەسىرلەردىن خالىي ھالدا ئۆزىڭىزنىڭ ئايرىم خانىسىدە بەزى ئىشلارنى تەپەككۇر قىلغاچ، ئۆزىڭىز ئۈچۈن ئەڭ مۇھىم دەپ قارىغان ئىشلىرىڭىزنى قىلالىسىڭىز، ئېھتىمالبۇنىڭ ئۈنۈمى سىزنىڭ بىر كۈنلۈك خىزمەت ئۈنۈمىڭىزدىن يۇقىرى بولۇشى، ھەتتا ئۈچ كۈنلۈكخىزمەت ئۈنۈمىڭىزدىنمۇ يۇقىرى بولۇشى مۇمكىن. شۇڭا قەتئىي ئېسىڭىزدە تۇتۇڭكى: ھەر كۈنى ئەڭ بولمىغاندىمۇ 30 مىنۇت، مۇمكىن بولغىنىدا 60 مىنۇت ۋاقتىڭىزنى ھەر قانداق ئىشىڭىزنى قويۇپ ئۆزىڭىز ئۈستىدە ئويلىنىش ۋە ئىزدىنىشكە ئاجرىتىڭ.
ئادەتتىكىچە ئېيتقاندا، مېڭىڭىزنى تەخمىنەن20 مىنۇت ئەتراپىدا تىنچلاندۇرالايسىز، كەيپىياتمۇ مۇقىملىشىدۇ. ئەگەر ئاجراتقان ۋاقتىڭىز30 مىنۇت بولسا، كۆزلىگەن ئۈنۈمگە يەتمەك تەس. شۇڭا كۈندە 1 سائەت ۋاقىت ئاجرىتىش ئەڭئاقىلانە ۋە ئۈنۈملۈك ئۇسۇل.
بۇنىڭغا ئاجرىتىدىغان ۋاقتىنىڭ ئەڭ ياخشىسىسەھەر سائەت 5:00 ~6:00 گىچە بولۇشىنى تەۋسىيە قىلىمىز. چۈنكى بۇ زېھنىڭىزنىڭ ئەڭ سەگەكۋاقتى بولۇپ، بۇ چاغدا سىز مېڭىڭىزنى ئەڭ ئۈنۈملۈك ئىشلىتەلەيسىز. ئەگەر بۇنى قىلىشقائىمكان بولمىسا، چۈشلۈك تاماق يەيدىغان ۋاقىت ياكى چۈشتىن كېيىن سائەت 3:00~4:00 بولسىمۇبولىدۇ، ئەمما مەن بۇ ئىشنى ھەر كۈنى ئىشتىن چۈشۈپ ئۆيگە قايتقاندىن كېيىن قىلىمەن.
5.ھالقا :سىزنىڭ نىشانىڭىز بىلەن سىزنىڭ قىممەت قارىشىڭىز چوقۇم بىر-بىرىگە ماس كەلسۇن،.زىددىيەتلىك بولۇپ قالمىسۇن.
سىز ئۆزىڭىزگە خاس قىممەت قارىشى تىكلىشىڭىزكېرەك. ئۇنداق بولمىغىنىدا، سىز ئۆزىڭىز ئۈچۈن نېمىنىڭ ئەڭ مۇھىم ئىكەنلىكىنى ئاسانلىقچەبايقىۋالالمايسىز. قىممەت قارىشىڭىز ئېنىق بولمىغىنىدا ۋاقتىنى ياخشى تەقسىملىيەلمەيسىز.شۇڭا سىز ئالدى بىلەن ئۆزىڭىزگە ساغلاملىقمۇ، كەسپىمۇ، ئائىلىمۇ، دوستلارمۇ.... ۋەياكى باشقىسىمۇ، ئىشقىلىپ ئۆزىڭىزگە خاس قىممەت قارىشى بەلگىلىۋېلىشىڭىز، ئۇلار ئوتتۇرىسىدىكىمۇناسىۋەتنى ياخشى ماسلاشتۇرۇشىڭىز كېرەك.
ئالاھىدە ئەسكەرتىمىزكى: «ۋاقىتنى باشقۇرۇش»نىڭ مۇھىم نۇقتىسى ۋاقىتنى باشقۇرۇشتا ئەمەس، بەلكى بەلكى ۋاقىتنى قانداق تەقسىم قىلىشتا.
6. ھالقا: ھەر كۈنى بىر سائەت جىمجىت ئولتۇرۇڭ .
بىر دانە ئۇرۇندۇق تېپىپ، ھەر قانداق تاشقىتەسىرلەر، مەسىلەن، مۇزىكا، شاۋقۇن... نى قوبۇل قىلمىغان ئاساستا ئۇنىڭدا جىمجىت ئولتۇرۇڭ.ئەلۋەتتە دەسلەپتە باشلىغاندا كۆنمەك تەسرەك، ئەمما سىز ئۆزىڭىزگە تىپتىنچ ئولتۇرۇشنىئەسكەرتكەچ بىر سائەت جىمجىت ئولتۇرۇپ بېقىڭ. ھەر كۈنى مۇشۇنداق قىلالىسىڭىز، خىزمەتئۈنۈمىڭىزنى چوقۇم يۇقىرى كۆتۈرەلەيسىز.
7.ھالقا: ھەر قانداق ئىشىڭىزنى باشلىنىشىدىنلائەڭ مۇكەممەل قىلىپ مېڭىڭ.
ھەر قانداق ئىشنى باشلىنىشىدىنلا ئەڭ مۇكەممەل،ئەڭ ياخشى قىلىپ مېڭىڭ. شۇنداق قىلغاندىلا سىز بىر ئىشنى تەكرار قىلىش ئاۋارىچىلىكىدىنساقلىنالايسىز.
8. تېلېفوندا سۆزلىشىش ۋاقتىڭىزنى مۇتلەق كونترولقىلىڭ.
سىز بىرى بىلەن تېلېفوندا كۆرۈشمەكچى ياكىگەپ قالدۇرۇپ قويماقچى بولسىڭىز، قايسى ۋاقىتنىڭ ئەڭ ياخشى ۋاقىت ئىكەنلىكىنى ئايدىڭلاشتۇرۇۋېلىشىڭىزكېرەك. قارشى تەرەپ يوق بولۇپ قېلىش سەۋەبلىك ئىشىڭىز ئاقساپ قالمىسۇن. يەنى بارلىقئالاقىلىشىش ۋاقىتلىرىنى مۇۋاپىق بىر پەيتكە يىغىپ، ئۇلار بىلەن سۆزلىشىپ چىقىڭ.
9. ھالقا: ئوخشاش ئىشنى چوقۇم بىرلا ۋاقىتتاپۈتتۈرۈۋېتىڭ.
ئوخشاش تۈردىكى ئىشلارنى تەكرار قىلىۋەرسىڭىز،سىزمۇ بۇ ئىشقا بارغانسېرى ئۇستا بولۇپ قالىسىز، ئۈنۈمىمۇ ناھايىتى ياخشى بولىدۇ.
10.ھالقا: «ۋاقىت خاتىرىسى» تۇتۇڭ.
قانداق ئىشلارنى قىلدىم، نېمىلەرنى قىلدىمدېگەندەك ۋاقىت تەرتىپى بويىچە ھەر كۈنى نېمە ئىشلارنى قىلغانلىقىڭىزنى خاتىرىلەپ ماڭسىڭىز،ئۆزىڭىزنىڭ نۇرغۇن ۋاقىتلارنى ئىسراپ قىلىۋاتكەنلىكىڭىزنى بايقىيالايسىز ھەمدە ئۇنىڭغاقارىتا مەلۇم ئۆزگەرتىش كىرگۈزۈپ تەدبىر قوللىنالايسىز.
مەنبەسى:توردىن ساقلىۋالغانلىرىم
بۇ يازمىنى ئاخىرىدا alimjan705 تەھرىرلىگەن. ۋاقتى 2014-3-11 09:32 PM بۇ مەزمۇنلار پۈتۈنلەي مىسرنىم مۇنبىرىدىن كۆچۈرۈلگەن @. O: X0 V8 |5 j4 Y) C
بۇ مەزمۇنلار پۈتۈنلەي مىسرنىم مۇنبىرىدىن كۆچۈرۈلگەن @" ^' G/ F+ |& Z6 Z! Q0 Z
يوللىغان ۋاقتى 2014-3-11 09:25:38 PM
.gif)
