بـەخـىت ئـاچـقـۇچى قـەيەردە؟

2014116

	.بىر دانىشمەن كىشىلەرنىڭ بەختلىك ياكى بەخىتسىزلىكىنى بىلىپ باقماقچى بولۇپ ، ئۇلارغا سوئال قويۇپتۇ . بىرئايال سۆز باشلاپتۇ : « مېنىڭ ئېرىم مۇھەببەتنىڭ نېمىلىكىنى بىلمەيدۇ ، ئۇنىڭ ۋەزىپىسى خىزمەت قىلىش ، تاماق يېيىش ، ئۇخلاش ، مېنىڭ مەۋجۇتلۇقۇم ئۇنىڭغا نىسبەتەن ھېچ نەرسە ئەمەس . مېنى قانداقمۇ بەخىتلىك دىگىلى بولسۇن ؟! » بىرئانا دەپتۇ : « مېنىڭ كۈنۈم مالاينىڭ كۈنىدىنمۇ بەتتەر . ئەتىگەندىن كەچكىچە منۇت دەم ئالماي ئىشلەيمەن . بالام كەپسىز ، خىزمىتىم جاپالىق ، ئائىلىدىكى چوڭ – كىچىك ھەممە ئىش ماڭا قاراشلىق ، مەن بەخىتنىڭ نېمە ئىكەنلىكىنى پەقەتلا كىتاپلاردىكى ھېكايىلاردىنلا ئوقۇغان . » بۇنى ئاڭلاپ بىر ئەر سۆز باشلاپتۇ : « ھەي ، ئەر بولماق نېمىدېگەن تەس ، ئائىلىدىكىبېسىم دېگەندەك خىزمەتنىڭ غېمى . ئادەتتىكىچە ئىشلىسەك ئاز پۇل تاپتىڭ دېگەن . كۆپ تاپاي دېسەڭ ئىقتىدارىڭ بولمىسا تېخى . خوجايىنىڭنىڭ كەينىدىن خۇشامەت قىلمىساڭ تېخى بولمىغان . » ئاران تاقەت قىلىپ تۇرغان موماي ھاسسىسىنى توكۇلدىتىپ كېلىپ قايناپ كېتىپتۇ : « مېنىڭكېلىنىم ھورۇن ، ئېزىلەڭگۈ ، مېنى ھۆرمەتلىمەيدۇ . بالىسىنى باقتۇرغاننى ئاز دەپ مېنى ھە دىسىلا ھاقارەتلەيدۇ .مېنىڭ قەلبىم ئاچچىققا تولۇپ كەتتى ،بەخىتلىك دېيىشكە توغرا كەلسە شۇنى دېسە بولار ... » دەل شۇ ۋاقىتتا كىشىلەر توپىنى يېرىپ بىر شا كىچىك كەپتۇ – دە : « بالىلىق دەۋر بەكقىسقا ، ئۇنىڭ ئۈستىگە كۈن بويى ئۆگىنىش بىلەنلا ئۆتىدىغان گەپ ، ھەممە ئادەم بالىلار بەخىتلىك ،دەيدۇ . ئەمەلىيەتتە ، ھازىر بالا بولماق ھەممىدىن تەس ، شۇڭا بىز بالىلارنىڭ كۆڭلى بەكلا يېرىم » دەپتۇ . بۇلارنى ئاڭلاپ دانىشمەن زادىلا تاقەت قىلالماپتۇ – دە ،دەرھال ئورنىدىن تۇرۇپ شۇنداق دەپتۇ : « ھەي ، سىلەر ئەسلىدە بەخىتنىڭ ئاچقۇچىنى ئېرىڭلارنىڭ ، بالاڭلارنىڭ ،خوجايىنىڭلارنىڭ ، كېلىنىڭلارنىڭ ، ئاتا – ئاناڭلارنىڭ يانچۇقىغا سېلىپ قويۇپسىلەرئەمەسمۇ ؟ ھەر بىر ئادەمنىڭ قولىدا بەخت ئاچقۇچى بولىدۇ ، بىراق ئىنسان ئەسلىدىنلا بىخۇد بولغاچقا ، دائىم بىلىپ – بىلمەي بەخىتنىڭ ئاچقۇچىنى باشقىلارنىڭ يانچۇقىغا سېلىپ قويىدۇ . » توغرا، جەمئىيەتتە نۇرغۇن كىشىلەر ئۆزىنى بەخىتلىك ھېسابلىمايدۇ .يەنە كېلىپ بەختنىباشقىلارنىڭ ئاتا قىلىشىنى ياكى غايىپتىن كېلىشىنى كۈتىدۇ . ئەمەلىيەتتە ، ھەقىقىيبەختنى باشقىلار ئاتا قىلمايدۇ . كىشىلەر مەيلى خوشال بولغان ياكى خاپا بولغان مەزگىلىدە ،بولسۇن ھەممىسىنى پەقەت ئۆزىلا كونتىرول قىلىدۇ . ھەقىقىي بەختنى بىرتەرەپلىمە ھالدا باشقىلارنىڭ قەلبىدىن ئىزدەش توغرا ئەمەس . چۈنكى ، بەخت باشقىلارتەرپىدىن ئاتا قىلىنمايدۇ . بەختنى ھەر كىم ئۆز تىرىشچانلىقىغا تايىنىپ يارتىدۇ . داڭلىقبىر ئەدىب بەخت ئۈستىدە مۇنداق دېگەن : « ئالدىراڭغۇ كىشىلەر قىزىل چىراغنىلا كۆرىدۇ ، چۈشكىن كىشىلەر سېرىق چىراغنىلا كۆرىدۇ ، ئۈمۈدۋار كىشىلەر يېشىل چىراغنىكۆرىدۇ . بىراق ،ھەقىقىي بەخت ئېزدىگۈچىلەر رەڭ قارىغۇسىدۇر . » راسىت، ھەقىقىي بەختنىڭ كونكرېت ئىپادىلىنىش شەكلى ياكى موقۇم قېلىپى بولمايدۇ . بەخت ھەربىر ئادەمنىڭ قەلبىدە ھەرخىل شەكىلدە مەۋجۈت بولىدۇ ھەم ئوخشىمىغان مەزمۇندائىپادىلىنىدۇ . ھەقىقىيبەختنى كىشى باشقىلاردىن ئەمەس ، ئۆز روھىدىن ئېزدەش كېرەك . بەخت سايىگە ئوخشاش ھەر ۋاقىت كىشىلەرنى ئەگىپ يۈرىدۇ . بەختنى بار دېسىڭىز ئۇ بار ، يوق دېسىڭىز ئۇئەسلا مەۋجۈت ئەمەس . گەپ سىزنىڭ ئۇنى ھېس قىلىش – قىلالماسلىقىڭىزدا . دۇنيادابەخت ئىچىدە تۇرۇۋاتقان بەختسىزلەر ئىنتايىن كۆپ . ئۇلار ئۆزىنىڭ بەختىنى ئۆزگىلەردىن تىلەپ ، ئۆزىدىكى بەخت تۇيغۇسىدىن مەھرۇم قالغانلاردۇر . ئۆزىنىبەختسىز ھېسابلاش ياكى بەختسىزلىكنىڭ نېمە ئىكەنلىكىنى بىلمەسلىك ھەقىقىي بەختسىزلىكتۇر . ھەربىر كىشىنىڭ بەختىنى باشقىلار يارتىپ بەرمەيدۇ ، ئەكسىچە ئۆزىتىرىشچانلىق ئارقىلىق قولغا كەلتۈرىدۇ . شۇڭا ، ھاياتلىقتا ئۆز بەختىڭىزنىڭ ئاچقۇچىنى باشقىلارغا تاشلاپ بەرمەڭ . بەختنىڭ ئاچقۇچى ئۆزىڭىزنىڭ قولىدا ..مەنبە:  شىنجاڭ مائارىپى.

PUTBOLJAN

	راس  دەيدۇ..

ئەلكۈن

	توغرا، بەخت ئىچىدە تۇرۇپ يەنە بەخت ئىزدەيدىغانلار تولا. خۇددى تۆگىگە مىنىۋېلىپ تۆگە ئىزدىگەنگە ئوخشاش.

karavan

	بەخىتنى     5 ۋاخ ناماز   ئىزدىسەك

sahiba33

	داڭلىقبىر ئەدىب بەخت ئۈستىدە مۇنداق دېگەن : « ئالدىراڭغۇ كىشىلەر قىزىل چىراغنىلا كۆرىدۇ ، چۈشكىن كىشىلەر سېرىق چىراغنىلا كۆرىدۇ ، ئۈمۈدۋار كىشىلەر يېشىل چىراغنىكۆرىدۇ . بىراق ،ھەقىقىي بەخت ئېزدىگۈچىلەر رەڭ قارىغۇسىدۇر . »   ماۋۇ گەپ بەك يارىدى ماڭا! تىما ئىگىسىگە رەھمەت.ياخشى يېزىپسىز!

alixir13

	ھەر كىم ئۆز تەقدىرىنىڭ تۆمۈرچىسى .

?watenem

	بىزنىڭ ئاللاھقا ئىشەنگەنلىكىمز،پەيغەمبىرمىزنى تونغانلىقىمىز بىزنىڭ ئەڭ چوڭ بەختىمىزدۇر. ئەمدى بۇ بەخىت سۈزنى باشقىچە تەھلىل قلساق بىزيەنىلا بەخىتسىز.چۈنكى بىز.......... كىچىك دائىردە تەھلىل قىلساق بىز بەخىتلىك،چۈنكى تۇرمىشىمىز خاتىرجەم. بۇمىنىڭ شەخسى كۈزقارشىم ھە.

subat786

	بۇلار ھەقىيقەتەن بەخىتسىزكەن. ئاللاھقا چەكسىز شۈكۈرلەر بولسۇنكى مەن ھەقىيقەتەن بەخىتلىك. نىمە ئۈچۈن؟ چۈنكى نۇھ ئەلەيھىسالامنىڭ ئوغلىغا، ئىبراھىم ئەلەيھىسالامدەك ئاللاھنىڭ دوستىنىڭ ئاتىسى ئازەرگە ۋە  ئەڭ سۈيۈملۈك كاتتا پەيغەمبەرنىڭ تاغىسى ئەبۇ تالىب قا بىرىلمىگەن كاتتا نىئمەت ماڭا بىرىلدى. ھەتتاكى مەن پىرئەۋىن ۋە نەمرۇد تەك پۈتۈن زىمىننىڭ پادىشاھلىقى بىرىلگەن كىشىلەردىنمۇ بەخىتلىك چۈنكى ئاللاھ ئۇلارغا بەرمىگەن نىئمەتنى ماڭا بەردى. مۇشۇ نىمەت سەۋەپلىك پۈتۈن دۇنيا كىشىلىرى بۇ دۇنيادا كاپىر ۋە مۇسۇلمان دەپ پەقەت ئىككىلا تۈرگە ئايرىلىدۇ. ئەڭ مۇھىمى ئاخىرەتتە پەقەت مۇشۇ نىمەتلا بىزگە ئەسقىتىدۇ مۇشۇ نىمەتنىڭ بىزگە بىرىلىشى دۇنيا ۋە ئاخىرەتتە بىزگە كۇپايە قىلىدۇ.

laylim

	بۇ  يازمىڭىز   ماڭا   بەكلا  يارىدى .....رەھمەت

م.زۇنۇن

	ھەممە ئادەم   ئۆز تەقدىرىنىڭ  تۆمۈرچىسى ...