ئۇيغۇركارخانىچىلىرىمىز بىزگە مۇھتاج!!!!!

saldat

	ئەسسالاممۇ ئەلەيكۇم ئاللاھنىڭ سالىمى ھەممىمىزگە بولسۇن..ئالدى بىلەن ئۇيغۇركارخانىچىلىرىمىزنىڭ كارخانا تەرەققىياتى ،ئىقتىسىادىي جەھەتتىن يەنىمۇ بىرباسقۇچ ئىلگىرلىشىنى ئۇلۇغ ئاللاھىمدىن تىلەيمەن. مەقسەتكە كەلسەم مەن پەقەت سىز ۋە باشقا قىرىندىشىمدىن ئازىراقلام ئۆتۈنۈشۈم بار.. ئىلتىماس دوستۇم،ھازىر جەمىئىتىمىزدە ئۆزىمىزنىڭ كارخانا زاۋۇتلىرىمىز ئوتتۇرغا چىقىۋاتىدۇھەم بۇندىن كىيىنمۇ كۆپىيىشىنى ئۈمۈد قىلىمەن.. دىيارىمىز كېرىيە ناھىيەسىنىڭ يەرتەۋرىشىدىكى خەۋەرلەرنى كۆرۈپ بولۇپمۇ كارخانىلىرىمزنىڭ بىرىنچى سەپ بولۇپ ئاتلانغانلىقىنى كۆرۈپ خوشاللىق ياشلىرىم كۆزۈمدىن ئاقتى ھازىرمۇ ئېقىۋاتىدۇ. دوستۇم سىز ئاۋۋال كىچىك ئىشتىن باشلاڭ ،بىربوتۇلكا ئىچىملىك ئىشكەندە ئامىنە،ئابىدەنى تاللاڭ،سىز بىرنى ئالسىڭىز سىزتۇرۇشلۇق يەردىن كۈنىگە 100ئادەم 100ئالسا بىربوتۇلكىنى 3يۇەئەندىن ئالساق 300يۈەن،(بۇ بەك ئاددىي ھىساۋات)مۇشۇنداق 10يەردە كۈنىگە شۇنداق سىتىلسا،3000يۈەن ،خوش كۈنىگە 3000يۈەن بىرئايدا 90مىڭ يۈەن .قانداق تاما تاما كۆل بولار.. كىيىم -كىچەك مىراس،ۋە باشقا ماركىلار بارغۇ..ۋە شۇنداقلا باشقا ماركىلىرىمىز بار ئەلۋەتتە. مۇشۇ يەرتەۋىرىگەندە ئوتتۇرغا چىققان ئابىدە،مىراس،تەلبا،....نىمىدىگەن ياخشى ساۋاپلارنى قىلدى. كارخانا دىگەن شۇ مەن سىز ۋە باشقا قىرىنداشلار ،بىزئىستىمالچى بىزئالىمىز ئۇلار تەمىنلەيدۇ،مەنمۇ ئالمىسام سىزمۇ ئالمىسىڭىز ،ئۇنداقتا ئاستا ئىشىكنى تاقا!! تېڭشۈن،بەيدۇ،سوخۇ،شىنلاڭ،مۇشۇلانى باي قىلىۋاتقان كىمدۇ ؟ھۆكۈمەتمىدۇ؟ياق پەقەت ئادەم كۈچى.ئۇلارنىڭ تۈرى جىق ھەرتۈردىن ھەركىرىم ،كۈنلۈك كىرىمى نەچچە مىليون يۈەن..ئاۋازسانى ئادەم زىيارىتى يامان جىق دەيمەن. شۇڭا بىزمۇ ئۆزىمىزنىڭكىنى قوللايلى،ئاشۇكارخانىلار ئۈچۈن سىزمەن باشقا قېرىنداشلار بەك مۇھىم دەيمەن. يەنەشۇنداقلاITساھاسىدىمۇ بىلىگيار،ئالماس،ئېرپان،سەرخىل ھەي،مۇشۇ لانىڭمۇ سودىسىنى قىلىپ بەرسەك،مەبلەغلام بولىدىكەن،قالغان ئىشتا چاتاق يوق.بۇلارمۇ چوقۇم ،DELL,INTELغا يىتىدۇ بەلكىم بىسىپ چۈشىدۇ. شۇڭا ھەممە ئىشنى ئۆزىمىزدىن باشلايلى!!!

maymah

	ئۆز كارخانىمىزنى قوللايلى دىگەن بۇ شۇئار دەدەبىلىك، ئاڭلىماققا يېقىملىق، تار مەنىدىكى مىللى روھتىن ھالقىپ كىتەلمىگەنلەر ئۈچۈن ناھايىتى زور تارتىش كۈچى بار بىر شوئار. بۇ شوئارنىڭ ئالاھىدىلىكى، بۇ شۇئار، ئۆز ماللىرى بازار تاپالمىغان قەۋىملەر ئىچىدىلا تىلغا ئېلىنىدىغان شوئار. ئۆز مەھسۇلاتىنىڭ سۈپىتىگە ۋە سېتىلىشىغا كۆزى يەتمەي، ئۆزىگە ئىشەنچىسى قالمىغان، خەلىقنىڭ ھېسداشلىقىغا تايىنىپ، بازاردا تۇرىمەن دەيدىغان زەيپانە كارخانىلار توۋلايدىغان شۇئار.....ئەڭ ياخشىسى بۇ شۇئارنى توۋلىمايلى. قايسىسى ياخشى بولسا ، قايسىسى پاكىز بولسا شۇنى تاللاپ ئالايلى. بۇنداق قىلمىساق قوللاپ قولاپ ھارام توخۇ گۆشى يەپ سېلىشىمىز مۇمكىن. مەن ئىشىنىمەنكى قۇرۇق شۇئارنى قويۇپ، بازاردا مال، قىممەت، ۋە ئەركىن تاللاشنى بىردىن بىر ئۆلچەم قىلساق، بىزنىڭ ھېسداشلىق قىلىشىمىز بىلەن ئەمەس ئۆزىنىڭ تاۋارلىرى بىلەن بازاردا ئۆرە تۇرالايدىغان كارخانىلىرىمىزنىڭ كۆپلەپ مەيدانغا كىلىشىگە ئىشىنىمەن. بۇنداق كارخانىلار ھەم ئەتراپىمىزدا بار.  كۆپ سۆزلەپ قويدۇم. گەپلىرىم خاتا كەتكەن بولسا، سىپايىلىق بىلەن كۆرسىتىپ بېرىشكەيلا.

tuntaxvixi

	ئويلىغانلىرىڭ تولىمۇ ئورۇنلۇق بۇرادەر

گازا

	maymah يوللىغان ۋاقتى  2014-3-9 10:30 PM ئۆز كارخانىمىزنى قوللايلى دىگەن بۇ شۇئار دەدەبىلىك، ئ ... مەنمۇ كارخانچىللىرمىزنىڭ سۇپەتلىك پاكىز بىخەتەر مەھسۇلاتلاربىلەن تەمىنلىشنى ساختا مەينەت نەرسىلەر بىلەن ئۆز قېرىنداش ۋە دىنداشلىرنى ئالدىماسلىقنى ئۇمىد قىلمەن

uyol

	بىزمۇ قوللايلى ئۇلارمۇ بىزنى رازى قىلسۇن

saldat

	شۇ دىمەك بۇيەردىكى قوللاش شۇ ئەلۋەتتە شۇ ياخشىسىنى،ئىشەنچىلىكىنى .قوللايمىز،بىز ھەرگىزمۇ ساقتىسىنى،ناچىرىنى تاللىمايمىزدە ،ئەقلى بارئادەم بۇنچىلىك ئىشنى بىلىدۇ.خۇددى ئاپتۇبۇسقا ئالدى ئىشىكتىن چىقىپ،كەينى ئىشىكتىن چۈشۈڭلار دىگەندەك گەپ بوپتۇغۇ؟..

ئەجەل

	قوللايلى...لېكىن ۋاقتى كەلگەندە خەقنىڭ يانچۇقىدا ئانىمىزنىڭ ھەققى بولمىغاندىكىن پالانچى پۇل بەرمىدىڭ دەپ تىللىمايلى.مۇشۇ قېتىممۇ دېمىگىنىمىز قالمىدى.چوڭلارنىڭ دېگىنىدەك ياخشىلىقنى ئوڭ قولۇڭ قىلسا سول قولۇڭ تۇيمىسۇن دېگىنىدەك بەزەنلەر داۋراڭ سېلىپ گېزىتكە چىقىشنى خالىغان بىلەن بەزەنلەر جىمجىتلا بېرىدىغىنىنى بېرىپ كېتىپ بولىدۇ!بەزەنبىر بوڭقۇش ساراڭلار كۆۋەجەپ پالانچى ياردەم قىلمىدى پۇستانچى مانداق قىلمىدى دەپ يازمىغان نېمىسى قالمىدى.ياردەم قىلسا قىلسۇن قىلمىسا مەيلى.بەلكىم بەزى كارخانىلار ئىقتىسادى قىيىنچىلىق جەھەتتىن ئازراق ياردەم قىلغاندۇ ياكى قىلمىغاندۇ.توغرا چۈشىنەيلى.ۋاقتى كېلىپ شۇ پۇل بەرمىدىڭ دېگەن بوڭقۇشلار بىرەر كارخانا ۋەيران بولسا شۇ كارخانىغا قانچىلىك ياردەم قولىنى سۇنالار؟ياخشىلىق مەخپىي قىلىنىدۇ مەخپىي قالمايدۇ شۇڭا ئالدىراپ بىرسىنى ئەسكى بىرسىنى يامانغا چىقارمايلى!

nijatkurban

	مەنمۇ بىر كۈنى‹ قادىر ماروژنىلىرى›نى بىر تېتىپ باقاي دەپ سېتىۋالغان، كىچىك قاچىغا قاچىلانغىنىنى، لېكىنزە ئىستېمال قىلىش قولايسىزكەن. توڭلاتقۇدا قېتىپ تاش بولۇپ كېتىپتۇ. قاچىنىڭ ئىچىدىن مۇزلاپ كەتكەن ماروژنىنى تولىمۇ تەستە چىقىرىپ يەپتىمەن. ئىستېمالچىلار ئۈچۈن تېخىمۇ قولاي، تېخىمۇ پاكىز، ئىشەنچلىك مەھسۇلاتلارنى ئىشلەڭلار كارخانىچىلىرىمىز! بىلمىگەننى ئۆگەنسەك بولىدۇ، دەسلەپ ياخشى قىلالمىغان بولساق ئاستا - ئاستا ياخشى قىلىپ كەتكىلى بولىدۇ. دۆلەت ئىچىدىكى، خەلقئارادىكى ئىلغار، ئۈنۈملۈك باشقۇرۇش، ئىشلەپچىقىرىش، سېتىش ئۇسۇللىرىدىن ئۆزىمىزگە ماسلاشتۇرۇپ پايدىلانساق بولىدۇ.

awatbag

	ئەلۋەتتەقوللايمىز،بىراق ئۇلارمۇبىزنىڭ مىللى ھىسياتىمىزدىن پايدىلىنىپ بىزنى ئالدىماسلىقى كىرەك.مۇشۇشوئارنى ھەممەكىشى توۋلايدۇبىراق شۇئارتوۋلىغان سىلەردىن سوراپ باقسام مۇشۇتېمىنى يازغان كومپىيۇتېرئىرپان ھەردەم قول كومپىيۇتېرىمۇ؟قولىڭىزدىكى تېلىفون قۇتلان تېلىفۇنلىرىمۇ؟ئۆيىڭىزدىكى ئائىلەئېلىكتىرئېلىكتىرئۈسكىنىلىرىنىڭ قايسىلىرى مەشرەپ،ئارزۇ...........تەبەسسۈملەرنىڭ؟ئەگەرمۇشۇنداق بولۇپ قالساسۈپەتتىن مەسىلەكۆرۈلگەندەسىزقانداق مۇلازىمەتتىن بەھرىمان بولغان؟دىيارىمىزئېلىكتىرۇن ساھاسىنىڭ باشلامچىلرىدىن بولغان ئىلىكتىرۇن كارخانىلىرىدىن قۇتلان،مەشرەپ،ئارزۇقاتارلىق شىركەتلەرنىڭ مەھسۇلاتلىرىدىن ئىشلىتىپ باقتىم،ئۇلاردىن ئالغان تەسراتىم شۇبولدىكى سېتىپ بولغۇچەمۇئامىلىسى ناھايتى سىلىق،پۇلىڭىزنى ئېلىپ بولغاندىن كېيىن مەسىلەكۆرۈلگەندەھەل قىلىپ بېرىشى دەل ئۇنىڭ ئەكسىچە. ئازغىنەيېرىم بارتېرىغان ئاشلىق ئۆزىمىزگەھەرھالدايېتىدۇ،ئاشلىقنى تۈگمەنگەئاپىرىپ ئۆزىمىزتارتىپ يەيمىز،تېرىغان ئازغىنەمايلىق دانلىرىمىزمۇھەرھالداياغ مەسلىمىزنى ئازبولسىمۇكاپالەتكەئىگەقىلىدۇ،ئۇششاق يىمەكلىككەكەلسەك ئارمان،ئىخلاس............دىگەندەك كارخانىلارنىڭ مەھسۇلاتلىرى ئېھتىياجىمىزنى ئاساسەن قاندۇرالايدۇ.ئەمدى كېيىم-كىچەككەكەلسەك راسىت گەپنى قىلسام مىللى كارخانىلارنىڭ كېيم-كېچەكلىرىگەيېتىشىپ بولالمايمىزسەۋەبى مىللى كارخانىچىلىرىمىزئىشلەپ چىقارغان كېيىم-كېچەكلەرنىڭ باھاسىغاھازىرچەچىقىش قىلالمايدىكەنمىز،ئۇكېيم-كېچەكلەرنىڭ بەزىلىرىنىڭ باھاسىغابىزنىڭ ئائىلىدىكى نەچچەجان ئادەم بىرقۇردىن كېيىم سېتىۋالالايدىكەنمىز،يانچۇق سەل تومپايغاندائاندىن بۇنى ئويلىشىمەن.ئىلىكتىرۇن مەھسۇلاتلىرىغاكەلسەم قايسسىنىڭ باھاسى ئەرزان،سۈپىتى ياخشى،سېتىشتىن كېيىنكى مۇلازىمېتى ياخشى بولساشۇنى ئالىمەن.ئاران تاپقان كىچىككىنەپۇلۇمغانەرسەسېتىۋالغان گۇناھىمغايەنەبىرمۇنچەقورساق كۆپۈكى،بىرمۇنچەجاپاتارتىۋالغۇم،خەقنىڭ سېسىق گېپىنى ئاڭلىۋالغۇم يوق. ئەمدى ماڭاتەنبىھ بەرمەكچى بولغانلارغاشۇنى دەي سىلەرمۇئاۋۋال مەندەك نەچچەمىڭ كوينى خەجلەپ بۇيەردەئىسمىنى تىلغائالغۇم يوق.............شىركەتلەرنىڭ توڭلاتقۇلىرىنى،دۋدئاپراتلىرىنى سېتىۋىلىپ مەسلەكۆرۈلگەندەماڭائوخشاش مۇئامىلىگەئۇچرىماي سىلىق ياخشى مۇئامىلىگە،ياخشى بىرتەرەپ قىلىشقائۇچرىغان ئاندىن بېرىڭلار. ئۇلارئاۋۋال ماللىرىنىڭ سۈپىتىگە،سېتىشتىن كېيىنكى ئەتراپلىق ياخشىى مۇئامىلىگەكاپالەتلىك قىلسۇن،شۇچاغدامەن بارلىقىم بىلەن شۇلارنى قوللايمەن.

Abdul

	كورىيە بىلەن ياپۇنيە دە ھەرقانچە باي كىشىلەرمۇ ئۆزىنىڭ دۆلىتىنىڭ ماشىنىسىنى سېتىۋالىدۇ ، باشقا مەھسۇلاتلارنىمۇ ھەم شۇنداق . ھازىر ئۇيغۇرچە مەھسۇلاتلارنىڭ سۈپىتى ياخشى بولماسلىقى مومكىن ، بىراق بىز ئۇلارنى قوللىساق ئۇلار پۇل تېپىپ مەبلەغنى كۆپرەك سالسا مەھسۇلاتلىرىنىڭ سۈپىتىنى چوقۇم ياخشىلايدۇ ، بىز ئۇلارنى قوللىمىساق سۈپەت مەڭگۈ ياخشىلانمايدۇ .