ئىزگۈلۈك خاتىرىسى

nur20

	ئىزگۈلۈك خاتىرىسى ئىلھام ئەنۋەر نۇر ئوغلى مۇزلۇق چوققىلارغا جېنىنى تىكىپ قويۇپ چىقىپ ئۈزۈپ كېلىنگەن مىھىر گۈلىنىڭ ئېتىبارسىز دەپسەندە بولغىنىنى كۆردۈم،چەكسىز ئۈمۈد بىلەن بېغىشىدىن سوغۇرۇلۇپ ئېلىنىپ سۇنۇلغان يۈرەكلەرنىڭ خار-زەبۇنلىقتا چەيلەنگەنلىكىنى كۆردۈم، قەلىبلەر مۇزلىغان ،مىھىرلەر يوقىغان، ھەممە، ھەممىلا يۈرەك قانداقتۇر شەيتان مەئىشەتلەرنىڭ قۇلى بولۇپ مۈدۈرۈشمەكتە، قەۋىمداشلارنىڭ ئۆز -ئارا بىر بىرىنى يىيىشىشى دىللارنى ئۆرتىمەكتە، كۆزلەردىكى نادامەت ئۇچقۇنى ، ئۈمۈدسىزلىكلەر دۇنيانى يىمەكتە…… ئىمكانسىز كۆزلەر جەينامازغا چىقتى، ئۇنىڭ بايىقى دىل قاراڭغۇلىقى، ئاستا نۇر سۆيۈشكە باشلىدى……       كۆزۈمگە تەلمۈرگەن كۆزلەرگە،زور ئۈمۈد بىلەن ئالدىمغا مىھىر سوراپ سونۇلغان قوللارغا ئەشۇلار كەبى ئىمكانسىز بىر تامچە كۆز يېشىمنىمۇ بولسا قويۇپ ئەشۇ قاغجىراق كۆڭۈللەرنىڭ تەشنالىقىغا قىلچىلىك بولسىمۇ داۋا بولالمىغانلىقىندىن قەلبىم ئۆرتىنىدۇ،شۇنچە ئىلاجسىزلىقىمدىن دىلىم كۆيىدۇ،مۇشۇ دەم قۇياش ھەققىدە ئويلاشقا ھېچكىمنىڭ مەيلى يوق،چۈنكى كۆڭۈل كۆزى كور بولغان ئۇشبۇ دەملەردە قۇياش ھەم بىزگە بىھۇدە.                                                                               بىچارە كۆزلەر،ھەر دەم سەجىدىگە باش قويغىنىدا بۇرنىغا تۇپراقتىن باھارنىڭ ھارارىتى كېلەتتى،شۇنداق ،ئۇ تۇپراقتىن تۆرەلگەن ئىدى، شۇڭلاشقا ئۇ قېنى ئېقىۋاتقان قەۋمىدىن كۆرمىگەن ۋاپانى تۇپراقتىن تاپتى،شۇنداق ئۇنى دىلى يۇرىدى ،قەلبى ئىللىدى……                                                                        تىنىقلار توختىماقتا، كۆزلەر يۇمۇلماقتا،ھەسرەتلەر،پىغانلار تۇغۇلماقتا،باھارنىڭ كېلىشىنى تۆت كۆزىمىز بىلەن كۈتىمىز،لېكىن ئەمدىلا بىخ سۈرۈپ چىققان مايسىلارنى يۈتىۋېتىشكە دائىملا تەييار تۇرىمىز، دېمەك زىمىستان ھەر ۋاقىت بىز بىلەن بىرگە. ئۈمۈدلىك كۆزلەرنى ئۇيىۋەتمەكچى بولدۇق،ئۈمۈد تىلىگەنلەرنى ئادەم بولغىنىغا تويغۇزدۇق،شۇ دىل سۇنۇقلارنىڭ كۆزىدىن تامغان ياشلارنى سۈمۈرۈپ ئىچىشكە تەييار تۇردۇقكى،سۈرتۈپ قۇيۇشنى ئويلىمىدۇق، ھەي نەپىس……                                                                                                     سونۇق كۆڭۈللەر نىدا قىلماقتا، ئىككى ئالقىنى كەڭ ئېچىلغان……ئالدىغا مۇھەببەت نۇرى چېچىلغان……كۆزلەردىن ياش يامغۇردەك تۆكۈلمەكتە، يۈرەكنىڭ چۇڭقۇر قاتلىمىدىن ئېتىلىپ چىققان كۆز يېشى بىزتەرەپكە قاراپ ئاقماقتا،ئىچ-ئىچىدىن قاپساپ چىققان يىغا زىمىننى تەۋرەتمەكتە، چىرايلار شۇنچىلىك نۇرلۇق،كۆزلەر شۇنچىلىك ئۈمۈدلۈك، شۇ مىھىرلىك ياراتقۇچىغا يۈكۈنۈلگەن قامەت شۇنچىلىك بەقۇۋۋەت！مۇشۇ تاپ كۆز ياشلار بىز تامان قاپساپ كەلمەكتە،قەددىمىز پۈكۈلمەكتە،ھەقنى ئۇنۇتقان دىلىمىز ، بىز يىغلاتقان، مىھىرگە سۇنۇلغان قوللىرىنى سۇندۇرۇپ تاشلىغان سۇنۇق دىللارنىڭ نالىسىدىن،پارە -پارە بولماقتا……   2013-10-13

0908220

	قەلەم قۇۋتىڭىزگە بارىكاللا.

زەردار007

	رەھمەت.

TAXNAI2

	ياخشى تەسۋىرلەپسىز ،،،،يەنىمۇ ئۈزلۈكسىز ئىزدىنىڭ.....

yultuzay0997

	ياخشى يېزىپسىز ، قەلەم قۇۋىتىڭىزگە بارىكاللا .