ئالىم بول ھەقنى دە ھەقنى سۆزلە

abugazi123

	‏ئالىم بول ھەقنى دە ھەقنى سۆزلىگىن ، ‏ناھەقكە چېپىلما  ھەقتىن   يانمىغىن . ‏ئالىملار    ۋارىسدۇر    ئەنبىيالارغا، ‏ئۈممەتكە مەسئۇلسەن ھەرگىز تانمىغىن. ‏ ‏رەسۇلىم دېگەندۇر ھەدىسدە ئوچۇق، ‏ئالىملار پەيغەمبەر ۋارىسلىرى دەپ . ‏ئاللاھمۇ قۇرئاندا قەيىت قىلدىغۇ ، ‏قورقىدۇ مېنىڭدىن ئالىملىرى دەپ . ‏ ‏ھەي ئالىم قارىغىن رەسۇل ئىزىغا ، ‏ھەر ئىزدا چاقنىغان پارلاق نۇرىغا. ‏ئاداشماي ئېسىلغىن قۇرئان ئۇلىغا ، ‏قارىغىن سەلەپنىڭ ماڭغان يولىغا. ‏ ‏ئالىمسىز بۇدۇنيا زۇلمەت ماكانى، ‏ئالىملار جاھاننىڭ قىممەت ماتاسى. ‏بۇرچىڭنى ئۇنۇتما ئەي ئىلىم ئەھلى، ‏قانۇن قىل قۇرئاننى سۈننەت مىزانى . ‏ ‏ئالىمنى ئۇستاز دەپ ھۆرمەتلەر ئۈممەت، ‏مىڭلىغان تۈرۈكتىن بىر ئالىم قىممەت . ‏بىزلەر گە ئالىملار بىر ئالى نېئمەت ، ‏گەر تۇتسا قۇرئاننى ئېسىلسا سۈننەت. ‏ ‏ئالىملار ئۇستازدۇر ئەھلى ساۋاقداش، ‏ئالىمنى قەدىرلە  ئەزىز قېرىنداش. ‏ئالىممۇ ھەقىقى سۆيسە ئىسلامنى، ‏ئۈممەتنى يېتەكلەر ئەھلى ئىلىمداش. ‏ ‏ئاپتور :ئەبۇ غازى   ‏ئىزدەش نومۇرمىز :ihwanlar ‏ ‏

Hammimiz~Yolda

	‏ھەي ئالىم قارىغىن رەسۇل ئىزىغا ، ‏ھەر ئىزدا چاقنىغان پارلاق نۇرىغا. ‏ئاداشماي ئېسىلغىن قۇرئان ئۇلىغا ، ‏قارىغىن سەلەپنىڭ ماڭغان يولىغا. ئىسىل  مىسراالار

abugazi123

	مىسرانىم يېڭى تېمىللىرى دېگەن كۆزنەككە چىقمىدىغۇ، قارسام يوق ياكى ماڭا شۇنداق كۆرنىۋاتامدۇ.

jmgur

	؟؟؟؟؟

kurax099

	اللەنى تۇنۇغان ۋە ئۇنىڭ بۇيرۇقلىرىنى ئىجرا قىلغان ئالىملار ھەقىقىي ئالىمدۇر. بولۇپمۇ بىزنىڭ ئارىمىزدىن چىققان ئۇيغۇر ئالىملار ئاللاھنى تۇنۇشقا ۋە ئۇنىڭ كالامى بولغان قۇرئانغا ئەگىشىشكە ئىنتىلىشى كېرەك. بولمىسا قىيامەتتە ئۇنىڭ ئالىملىقى ئۆزىنىڭ زىيىنىغا ھۆججەت بولۇپ قېلىشى مۇمكىن. ھەقىقەتتە ئىلىم ئۆ ساھىبىنى ئەڭ ئاخىردا ئەگەر ئۇ اللەنى تۇنىمىغان ياكى ئۇنىڭ ئەمىر پەرمانلىرنى ئىجرا قىلمىغان بولسا اللەنى تۇنۇشقا ئېلىپ بارىدۇ. ئەگەر ئۇ اللەنى تۇنۇغان ۋە ئۇنىڭ ئەمىر پەرمانلىرىنى ئىجرا قىلىپ كەلگەن مۇسۇلمان ئالىم بولسا شۇ ئارقىلىق اللەنىڭ قۇدرىتىنى تېخىمۇ ھېس قىلىدۇ. ئۇيغۇر ئالىملىرىغا شۇنى تەۋسىيە قىلىمەنكى اللەنى ھەقىقىي رەۋىشتە تۇنۇڭلار ،مەن ئۇيغۇر ئالىملىرىنىڭ كۆپىنچىسىنى دىندىن يىراق كۆردۈم، ئۇلارنىڭ ئارىسىدا ھەتتا اللە پەرىز قىلغان بەش ۋاق نامازنى ئوقۇمايدىغانلارمۇ خېلى كۆپمىكىن دەيمەن. ھەم ئۇلارنىڭ كۆپىنچىسى ئەھلى ئاياللىرىنى ئىسلام كۆرسەتمىسى بويىچە ھىجابلىمايدىكەن. ھالبۇكى شۇ ئالىملار ئۆزلىرىنى مۇسۇلمان مىللەت دەپ قارايدۇ. بەلكىم بۇنىڭغا نۇرغۇن ئىشلار سەۋەب بولغاندۇر. ئەمما ئۇلار ئىلىمنىڭ يۇقىرى پەللىسىگە يېتىپ ئالىم دەپ ئاتالغانكەن ئەلۋەتتە شۇ ئىلىمنى ئاتا قىلغان پەرۋەردىگارنى تۇنۇشى كېرەك ئىدى. ئەي ئالىملار ھەقىقەتەن بىز سىلەردىن پەخىرلىنىمىز ،سىلەرگە ھۆرمىتىمىز بار ئەلۋەتتە ،سىلەر ئۆز قەۋمىڭلارغا كۆڭۈل بۆلگەندەك بىزمۇ سىلەرگە كۆڭۈل بۆلىمىز. سىلەرگە كۆڭۈل بۆلۈپ شۇنى ئېيتقۇم كېلىۋاتىدۇ: اللەنى ھەقىقىي ئالىمغا خاس تۇنۇڭلار ،ئەھلى ئاياللىرىڭلارنى قۇرئان كۆرسەتمىسى بويىچە باشقۇرۇڭلار ،قىيامەتتە ئالىملىق تونىڭلار بىلەن دوزاققا مەھكۇم بولۇپ كەتمەڭلارھالبۇكى بىز سىلەرنى دۇنيادا ئالىم دەپ تۇنۇيتۇق . ھەقىقىي ئالىم ئۇ اللەنى تۇنۇغاندىلا ئاندىن دۇنيادا ۋە ئاخىرەتتە ئىززەتكە ئېرىشەلەيدۇ ......مەن پەقەت سىلەرنى ئۆز قېرىندىشىم قاتارىدا كۆڭۈل بۆلۈپ ئۇشبۇ سۆزلەرنى ئېيتىۋاتىمەن.

ئاقار

	قىرىندىشىم ئەبۇ غازى مىسرانىمغا ئەزا بولغانلىقڭىزدىن بەك سۇيۇندۇم    ئىسىل شئىرلىرڭىز ئۇزۇلمىگەي.

subat786

	بەك ياخشى يېزىپسىز.

fathullah

	ئەبۇ غازىنىڭ مىسرانىمغا قەدەم باسقىنىغا مەرھابا! كىلىشىڭ خەيرلىك بولسۇن قېرىندىشىم. ئې اللە!بىزنى خەير ئۈستىدە ئۇچراشتۇرغاندەك،ئايرىلىش تېخىمۇ ئەۋزەل بولغاندا ئايرىغايسەن.ئامىين!

گازا

	ماۋۇ تىمغا مەن ياخشى كۇردىغان كىشلەرت ئىنكاس يېزىپتۇ .تىمايازغان قېرىندىشمىزغا ئاللاھنىڭ رەھمىتى بولسۇن........

abugazi123

	kurax099 يوللىغان ۋاقتى  2014-3-8 11:39 PM اللەنى تۇنۇغان ۋە ئۇنىڭ بۇيرۇقلىرىنى ئىجرا قىلغان ئال ... ئەگەشتىم