يىغلىغان تۆگە

a4555

	يىغلىغان  تۆگە بىر كۈنى پەيغەمبەر ئەلەيھىسسالام ساھابىلىرى بىلەن ئولتۇرغانىدى.  بىر تۆگە پەيغەمبەر ئەلەيھىسسالامنىڭ ئالدىغا ئتتىك كېلىپ ئاندىن پەيغەمبەر ئەلەيھىسسالامنىڭ يېنىغىلا چۆكتى. ئۇ خۇددى پەيغەمبەر ئەلەيھىسسالامغا بىر نەرسە دېمەكچى بولغاندەك بوينىنى ئۇ تەرەپكە سوزدى . بۇنىڭدىن ساھابىلار ھەيران بولۇشتى ۋە تۆگىنىڭ بۇ ھەرىكەتلىرىنىڭ سەۋەبىگە قىزىقىپ قاراپ تۇرۇشتى. پەيغەمبەر ئەلەيھىسسالام ساھابىلىرىگە : - « بۇ  تۆگىنىڭ  نېمە دېگەنلىكلىرىنى بىلدىڭلارمۇ؟ » دەپ سورىدى. ساھابىلار: - ئاللاھ ۋە ئۇنىڭ پەيغەمبىرى  بىلگۈچىدۇر،  دەپ جاۋاپ بېرىشتى. - پەيغەمبەر ئەلەيھىسسالام  ئۇلارغا : - « بۇ تۆگە ئۆز ئىگىسى ئۈستۈدىن شىكايەت قىلدى. ئىگىسىنىڭ ئۇنى يىللار بويىچە ئىشلەتكەنلىكىنى، ئۈستۈگە ئېغىر يۈكلەرنى ئارتقانلىقلىرىنى، ئەمدىلىكتە بولسا ئۇنى سويماقچى بولىۋاتقانلىقىنى ئېيتتى »  دەپ چۈشەندۈردى. ئاندىن ساھابىلارنىڭ بىرىگە : - « سەن بېرىپ بۇ تۆگىنىڭ ئىگىسىنى تېپىپ كەل »  دەپ بۇيرىدى. ئۇ ساھابە: - ئى ئاللاھنىڭ پەيغەمبىرى! مەن تۆگىنىڭ ئىگىسىنىڭ كىم ئىكەنلىكىنى بىلمەيدىغان تۇرسام، دېدى. پەيغەمبەر ئەلەيھىسسالام كۈلۈمسىرىگەن ھالدا:   – « تۆگە  سېنى ئۆز ئىگىسىنىڭ قېشىغا باشلاپ بارىدۇ»  دېدى. ھەقىقەت بۇ تۆگە، خۇددى پەيغەمبەر ئەلەيھىسسالامدىن بۇيرۇق ئالغاندەكلا ئۇ ساھابىنىڭ ئالدىغا چۈشۈپ ئۇدۇل ئىگىسىنىڭ  يېنىغا باشلاپ باردى. ساھابە، تۆگىنىڭ ئىگىسىگە : - سېنى پەيغەمبەر ئەلەيھىسسالام چاقىرىدۇ، دېدى. ئۇلار پەيغەمبەر ئەلەيھىسسالامنىڭ ئالدىغا بىرلىكتە كەلدى.  تۆگىنىڭ ئىگىسى كەلگەندە پەيغەمبەر ئەلەيھىسسالام ئۇنىڭغا: - « بۇ تۆگىنىڭ دېگەنلىرى توغرىمۇ ؟ » دېدى.  تۆگىنىڭ ئىگىسى: - شۇنداق ئۇنىڭ دېگەنلىرى توغرا،  دېدى. پەيغەمبەر ئەلەيھىسسالام ئۇنىڭغا: - «ئۇ  تۆگىگە ئىچىڭ ئاغرىسۇن، ئۇنىڭغا ھەدىدىن ئارتۇق ئېغىر يۈك ئارتما » دېدى.  شۇنىڭدىن ئېتىبارەن  تۆگىنىڭ ئىگىسى تۆگىگە ئېغىر يۈك ئارتمىدى،  شۇنداقلا ئۇنى سويۇشتىنمۇ ۋاز كەچتى. ھېكايىدىكى ساۋاقلار ● ھەر بىر ئىنسان ئاخىرەتتە ھايۋانلارغا  قىلغان ياخشىلىقى ۋە يامانلىقىنىڭ نەتىجىسىنى كۆرىدۇ. ھايۋانلارنى ئۇسسۇز ۋە ئاچ قويماسلىق ۋە ئۇلارغا ئازار بەرمەسلىك لازىمدۇر.

arman312

	ھېلىغۇ ھايۋانكەن،ئاتا-ئانسىغا ئېغىر يۈكلىرىنى ئارتىۋاتقانلارنى نىمە دەيمىزكىن........

ئالمىچى

	ھايۋانلامۇ ئاللاھتائالانىڭ بىر جانلىقى، بىر قىتىم ئىغىلىمىزدىكى بىر ئۆچكە ئىككىنى ئوغلاقلىدى، ھەممىمىز شۇنداق خۇشال بولغانىدۇق، بىرنەچچە كۈن ئۆتتى، بىر ئەتتىگىنى  قارىساق بىر ئوغلاقنى كالىمىز دەسسەپ ئۆلتۈرۈپ قويۇپتۇ. ئۇلاغلىرىمىزنى باققىلى ئىلىپ ماڭدۇق،ھەممە ئۇلاغلىرىمىز ئىغىلدىن چىقىپ بولغان لىكىن ئۆلۈپ  كەتكەن ئوغلاقنىڭ يەنە بىر قىرىندىشى ئىغىلدىن چىقماي ئۇنىڭ ئۆلىكى يىنىدا توختىماي مەرەپ كەتتى شۇ چاغدا كۆزۈمدىن ياش چىقىپ كەتكىلى تاس قالغانىدى.... شۇنىڭغا قاراپ ھايۋانلاردىمۇ ھىسيات بولىدىغان ئوخشايدۇ دەپ قالىمەن بەزىدە.....

nurjahan0997

	پەيغەمبىرىمىز ھايۋانلارغا سىلە رەھىم قىلغىنىڭلار ئۈچۈنمۇ جەننەتكە داخىل بولىسىلەر دېگەن تېما ئىگىسى ھارمىغايسىز

زەردار007

	arman312 يوللىغان ۋاقتى  2014-3-7 04:32 PM ھېلىغۇ ھايۋانكەن،ئاتا-ئانسىغا ئېغىر يۈكلىرىنى ئارتىۋ ... ئۇنداقلارغا تەۋبە دەيمىز قېرىندىشىم.

زەردار007

	ئالمىچى يوللىغان ۋاقتى  2014-3-7 04:58 PM ھايۋانلامۇ ئاللاھتائالانىڭ بىر جانلىقى، بىر قىتىم ئى ... ھېسىيات بولىدۇ دە ئەلۋەتتە،ھېسىيات بولمىسا نەسىل قالدۇرالامتى؟ ھېسداشلىق دەڭ......

زەردار007

	رەھمەت ياخشى تېمىكەن.

abdusami1992

	تەربىيىۋى  ئەھمىيىتى  چوڭقۇر   تىما  ئىكەن  ،

tikanpasli

	بەزى كىشلىرىمىز ھايۋاندىنمۇ بەتەر . ھايۋان جېنىدا ياخشىلىق نېمە؟ يامانلىق نىمە؟ ئېنىق ئايرىيالايدۇ . بۇ يەردە دىيىلىۋاتقان بەزى كىشلەر دەل ئاشۇ مۇناپىق ، ھايۋاندىنمۇ بەتەر قىلىقى بار ئەمەلدارلارغا قارىتىلغان . ئەگەر خەلققە مۇشۇ تۆگىنى باشلىق قىلىپ قويغان بولسا ، خەلىق ئۇنچىلىكمۇ خورلۇق تارتماس بولغىيتى!

subat786

	مۇشۇنداق ياخشى تىيمىلارنى كۆپرەك يوللىشىڭلارنى ئۈمىد قىلىمەن! ئىماننى كۈچەيتىدىكەن.