ياش كەتكەن دوستۇمغا

esil817

	ياش  كەتكەن  دوستۇمغا ئا.ئابدۇكىرىم (مەرسىيە) بىللە ئىدىڭ بىز بىلەن  نەچچە كۈنلەر ئىلگىرى ، كېتىپ قاپسەن خەۋەر قىلدى دوستىمىزدىن  بىرلىرى. كىممۇ ئويلاپ باققان دەيسەن سىنى ئۆلۈپ كىتەر دەپ ، بۇرۇنقىدىن يېقىنلىشىپ ئۆتكەن ئىدۇق كۈنسېرى … قىلمىغانتۇق تېلفۇنمۇ ياكى خەت-پەت يازماپتۇق، ئىچىم ئاچچىق سىنى ئويلاپ ئۆلۈپ كىتەر دىمەپتۇق . ئىسمدە بار بۇ ئەجەل بىزگە ھەر ۋاخ ھەمراھقۇ، لىكىن سېنى بالدۇرلا تېپىۋاپتۇ بىلمەپتۇق … دۇكان ساراي ئاچقانتىڭ بارالمىدۇق قېشىڭغا ، ئىشىڭ قانداق ئۆزۈڭچۈ  قول تىقاي دەپ ئىشىڭغا. تېخى تويۇڭنى ساقلىغان ئۇچۇر كەلسە باراي دەپ، غەم قىلما سەن بىز بار دەپ كۈلكە قوشۇپ يېشىڭغا . توي باغىقىڭ كەلمەيلا  ئۆلۈم خېتىڭ كەپ قالدى، دوستلىرىڭ ھەم دۈشمىنىڭ ئەجەپ بوپتۇ دەپ قالدى. يېقىنلىرىڭ  قايغۇرۇپ ئۇخلىمىدى كەتكەن كۈن ، ئاتا_ئاناڭ پىغاندا  قايغۇ ئازاپ يەپ قالدى. بىزمۇ <ئىسىت> دېيىشىپ شۈركەندى ھەم تېنىمىز، يەنە  بىزدە نىمە بار ئامانەتكەن جېنىمىز . بىلىپ تۇرۇپ قورقمايلا قورقساقمۇ ناتەييار، كۆرەڭلىدۇق نېمىگە پاتماي يەنە نېمىمىز . تېخى شۇنچە ياش ئىدىڭ قىران ئىدىڭ شاش ئىدىڭ، جاپالارغا بوي بەرمەي  ياشىغان بەڭۋاش ئىدىڭ. ياشىساڭمۇ دۇنيادا دەۋران سۈرۈپ چىڭگىزدەك، لىكىن ئۆلۈم ئالدىدا ئامالسىز سەن باش ئەگدىڭ. سېنى سۆيگەن دوستلۇرۇڭ ياش تۆكۈشتى ئاھ ئۇرۇپ، ئاناڭ دېدى: <كەتمە> دەپ زار زار يىغلاپ يالۋۇرۇپ. نە ئامال بار بىزلەردە جان ئاللاھنىڭ  قولىدا ، ئەمدى كەتتىڭ كەلمەسكە بىزنى غېرىپ قالدۇرۇپ. تەۋبىلىرىڭ بوپ قۇبۇل كەتكەن بولساڭ  ئىمانلىق، يات خاتىرجەم قەبرىدە بولماس ساڭا يامانلىق. كۆرۈشەرمىز  بىر كۈنى ئاللاھ بۇيرىسا جەننەتتە ، ياد ئېتىمىز بىز سېنى   ھەر    دۇئادا  داۋاملىق. كىم قەيەردە قانداق بوپ ئۆلەر قايسى ھالەتتە، ئاللاھ ئۆزى بىلىدۇ   كىمنىڭ رىزقى  نۆۋەتتە. شۈكرى دېدۇق ھاياتلار يېتىپ جاننىڭ قەدرىگە ، سىناق دۇنيا ھەممىمىز بىر كۈن كىتىمىز ئەلۋەتتە . مەنبە: ئۆزۈم

belga

	شىئىرىڭىزنى ئوقۇپ بىر دوستۇم يادىمغا كىلىپ قالدى ... رەھمەت ئاللا ھەر ئىنسانلارنى ھەر كىشىلىرىدىن ئايرىمىسۇن !؟

gulsumay

	مېنىڭمۇ  ئەڭ  يېقىن ، سىردىشىم ، مۇڭدىشىم  دوستۇم.... تۈنۈگۈن  كۆز  ئالدىمدا   بار  ئادەم ، بۈگۈن  يوق  بولۇپ  كەتكەن..... مېنىڭ  بېشىمغىمۇ  بۇنداق  ئىش  كەپ  باققان  بولغاچقا ، سىزنىڭ  ھازىرقى  ھېسىياتىڭىزنى  چۈشىنىمەن . سەۋىر  قىلىڭ !  ئۇلار  ئاللاھقا  يارىغانلار  بولسا  كېرەك !

زەردار007

	مەرھۇمنىڭ ياتقان يېرى جەننەتتە بولسۇن.

tirikjassat

	بەلكىم ئۇ دوستىڭىز ئاللاھقا يارىغاندۇ قېرىندىشىم،بولدى قايغۇرماڭ،بولمىسا دوستىڭىزنىڭ روھى قۇرۇنۇپ قالمىسۇن...

halpambag

	شىئىرىڭىزنى ئوقۇپ مېنىڭمۇ بىر دوستۇمنى يادىمغا سالدىڭىز ... رەخمەت! كونىلار «ئۇنتۇش نۇمۇس، ئەسلەش شىرىن» دېگەنكەن......

akula1

	مىنىڭمۇ نەچچە يىل بىللە يۈرگەن،تۇيۇقسىز قاتناش ھادىسىدە بىزدىن ئايرىلغان بۇرادىرىمنى ئەسلىتىپ قويدىڭىز،رەھمەت.

akula1

	مىنىڭمۇ نەچچە يىل بىللە يۈرگەن،تۇيۇقسىز قاتناش ھادىسىدە بىزدىن ئايرىلغان بۇرادىرىمنى ئەسلىتىپ قويدىڭىز،رەھمەت.

ئالمىچى

	ھەممىمىز ئۆلىمىز قاچان قانداق ۋاقىتتا ئۆلىمىز بۇنىسى بىزگە نامەلۇم!! ئۇلۇغ ئاللادىن ئۆزىمىزنىڭ ساۋاپلىق ئىشلار ئۈستىدە ئۆلىشىمىزنى تىلەيلى..

太阳

	مىنىڭمۇ مەن بىلەن تەڭ دىمەتلىك ئەمدى 20 نەچچە ياشقا كىرگەن بىر ساۋاقدىشىم تۈگەپ كەتتى..ئۆيدىن چىقىپ كەتكەندە دوستۇم چاقىرىپتىكەن بىرىپ كىلەي ئاپا دەپتىكەن، شۇ كەتكەنچە مەڭگۈ كەتكەن بولدى ... ئۆلۈم ھەرگىز ماۋۇ ياشكەن،ماۋۇ  بىلىملىككەن،ماۋۇ بايكەن دىمەيدۇ،ئەجەل كەلسە ھىچكىم قىچىپ قۇتۇلالمايدىغان گەپ.