تۆت روبائىي

Janbar

	تۆت روبائىي شېئىرىيەت كوچىسىغا كىرگىنىمگە خىلى ئۇزۇن يىللار بولدى، بېراق بۇ كوچىدا سەپتىن چۈشۈپ قالماي مېڭىش تولىمۇ تەستۇر. شېئىرىيەت ھەۋەسكارى بولۇش سۈپىتىم بىلەن يازغانلىرىمنى دوستلار ۋە ئۇستازلار بىلەن مۇنازىرىلەردە ئوتتۇرىغا قويۇپ كەلدىم، لېكىن ھازىرغا كەلگۈچە بىرەرمۇ رۇبائىي يېزىپ باقمىدىم. رۇبائىي يېزىشقا شۇ قەدەر قىزىقساممۇ بىراق رۇبائىي دېگەن بۇ ئۇقۇمنىڭ تولىمۇ زور كۈچ تەلەپ قىلىدىغىنىنى بىلگەچكە ئارمانغا چۇشلۇق دەرمان يوق دەپ قاراپ بۇ جەھەتتە قولۇمغا قەلەم ئالمىدىم. مانا بۇ يىلدىن باشلاپ رۇبائىي يېزىپ باقسام قانداق بولار دىگەن مەقسەتتە رۇبائىيغا تۇتۇش قىلدىم.                                                     _________ خاتىرەمدىن          (2014.1.3) ئانا ئارزۇسىغا يەتكەي ئوغۇل شۇڭقارغا ئايلانسا، قىزىمۇ شەرمى-ئەخلاقتا گۈلى-گۈلزارغا ئايلانسا. ئايا دوستلار بىلىپ-بىلمەي كۆزىنى ياشقا تولدۇرساڭ، يامان بىلمە، چوڭۇپ ئوغلۇڭ ساڭا گۆركارغا ئايلانسا. ئاتاڭنىڭ قەددى توغراقتەك ئىدى مەردانە، تىك، مەغرۇر، ئۇنىڭ ئاياغىغا باش قوي ئاتاڭ شۇ تۆھپىگە مەنزۇر. يېغىپ بىر كۈنلەردە چاچقا ئاق ساڭا يەتكەندە يالغۇزلۇق، ئاتاڭنى ئويلىساڭ كەلمەس، يۈرەكىڭ غەشتە، بىمەسرۇر. ئۆمۈر دەقىقلىرى ھەرگىز بىكارغا ئۆتمىسۇن دوستۇم، قۇياشنىڭ ئاستىدا ھورۇن كۆزۈڭگە چاپلىما چاڭ، قۇم... بىلەرسەن بىر كۈنى قىسمەت بېشىڭغا سالسا كۈلپەتنى، ئېسىتكى ياشلىقىم دەيسەن كۆزۈڭدىن ياش تۆكۈپ يۇم-يۇم. يىگىت بولساڭكى كۆڭلۈڭگە كۈنۈن شەھۋەتنى قوندۇرما، ئەقىلنىڭ ئۈستىگە ھەرگىز كەيىپ، غەيۋەتنى قوندۇرما. "جاپانىڭ تەكتى راھەت" تۇر ، "ئەقىل، ئۇ_ شانۇ، شەۋكەتتۇر"، بۇنىڭسىز كۈنلىرىڭ غەمناك ، شۇبۇ ئىللەتنى قوندۇرما.

kakkuk11

	ئەسسالامۇ ئەلەيكۇم جانبەر ئاللاھنىڭ سالىمى سىزگە بولسۇن !! رۇبائىيلىرىڭىزغا مۇبارەك ياخشى چىقىپتۇ... بۇ ھەقتە ئىزدىنىشتىن توختاپ قالماسلىقىڭىزنى ئۈمۈد قىلمەن.... مۇمكىن بولسا كېيىن ھەجمىنى سەل قىسقا ئاھاڭدارلىقىنى يۇقرى كۆتۈرسىڭىز.... ئىسىل تېمىلىرىڭىز ئۈزۈلمىسۇن !

lawa0998

	قېنى جەنبەر ئۆزۈڭ كۆرسەت گۈزەل ئەخلاقنى چەندانلاپ، يىگىتلەرگە قەسەەم نەدۇر؟ سۆزى ئۆلمەس قەسەم تۇرسا....

Janbar

	kakkuk11 يوللىغان ۋاقتى  2014-3-6 09:15 PM ئەسسالامۇ ئەلەيكۇم جانبەر ئاللاھنىڭ سالىمى سىزگە بولس ... ئەلۋەتتە، رۇبائىيلار ئادەتتە كۆپىنچە ھاللاردا توققۇز بوغۇم ياكى ئون بىر بوغۇم ھالىتىدا ئۇچرايدۇ. بىراق قانچە بوغۇمدا ئىلھام كەلسە شۇ ھالەتتە داۋام قىلىش كېرەككەن، يەنە بىرسىگە غەزەل شەكلىدە رۇبائىي يېزىش كىلاسسىك ئەدەبىياتىمىزدا كەڭ ئۇچرىغىنى بىلەن ھازىر ئاساسەن يېزىلمايدۇ دېسەك بولىدۇ. ھازىرقى زامان شائىرلىرىمىزدىن بۇ ھەقتە كۆپرەك مۇھەممەتئىلى زۇنۇن تەشنائىي (مەرھۇمنىڭ ياتقان يىرى جەننەتتە بولغاي) ئىزدەنگەن. شۇڭلاشقا مەنمۇ دەسلىپىدىلا ئۆزۈمنى چاغلىماي غەزەل شەكلىدە ئەڭ قېيىن ھالەتنى تاللاپ يازدىم. بۇنداق قىلىشىمدىكى سەۋەپ ئۆزۈمنى تەلەپنى ئەڭ چىڭ ھالەتتە قويۇپ يېزىپ چىقىشتۇر. تەكلىپىڭىز ئورۇنلۇق ئاللاھ خالىسا بۇندىن كېيىن رۇبائىيلىرىم بىلەن ئۇچرىشىش نىسىپ بولسا ئەلۋەتتە ئاھاڭدارلىقى يۇقىرى رۇبائىيلىرىم سىلەرنىڭ نەزىرىڭلارغا سۇنۇلىدۇ. كۆپرەك تەكلىپ - پىكىرلەرنى ئايىمىغايسىز!

lawa0998

	ئۆمۈر ئۆتكەي ئېقىن سۇدەك تىنىق تەكتىدە ھىساپ بار، ئىجاۋەتلىك دۇئالاردىن مېيىتلەردىن شېھىد قوپسا.....

سۈرخان1

	پاساھەتلىك چىقىپتۇ

09080908

	16 بوغۇملۇق ،مەزمۇنى چوڭقۇر،تەربىيىۋى ئەھمىيىتى زور رۇبائىلار ئىكەن.رەھمەت!

tohmah

	ياخشى يېزىپسىز يەنىمۇ تېرىشىڭ

Janbar

	باشقۇرغۇچى دوستلار رۇبائىيلار دېگەن ماۋزۇ روبائىيلار دەپ يېزىلىپ قاپتۇ. ئۆزرىلىكمەن، مۇمكىن بولسا ئۆزگەرتىۋەتسەڭلار بوپتىكەن.

xopur

	ئۇنىڭ ئاياغىغا باش قوي ئاتاڭ شۇ تۆھپىگە مەنزۇر. .............. ئاتاڭنى ئويلىساڭ كەلمەس، يۈرەكىڭ غەشتە، بىمەسرۇر. .......... يىگىت بولساڭكى كۆڭلۈڭگە كۈنۈن شەھۋەتنى قوندۇرما، .......... بۇنىڭسىز كۈنلىرىڭ غەمناك ، شۇبۇ ئىللەتنى قوندۇرما. ........... سوراپ باقساق : يۇقارقى تۆت مىسرادىكى ----  مەنزۇر ، بىمەسرۇر ،كۈنۈن ،غەمنەك  دېگەندەك تۆت سۆز قايسى تىلدىندۇر ؟ مەنىسى نىمىدۇر ؟