"يېڭى ناۋا " زادى كىمنىڭ؟

sawapkar

	"يېڭى ناۋا " زادى كىمنىڭ؟ ئەھەد مۇھەممىدۇللا            ئۆيىدە تېلېۋىزور كۆرۈشكە ۋاقتى بار كىشىلەرنىڭ ھەممىسى دېگۈدەك، شىنجاڭ تېلېۋېزىيە ئىستانسىسىنىڭ"يېڭى ناۋا " پروگراممىسىنى چوقۇم كۆرىدۇ دەپ ئويلايمەن. بۇ پروگراممايولغا قويۇلغاندىن بېرى، پروگرامما گۇرۇپپىسىدىكىلەر سەنئەت جەھەتتە تالانتى بارنۇرغۇن كىشىلەر ئۈچۈن ئەلا مۇلازىمەت قىلدى. ماھىرلارنى ياخشى سەھنە بىلەن تەمىنئېتىپ، ئۇلارنىڭ ئۆز سەنئەت ئالاھىدىلىكىنى نامايان قىلىشقا ئوبدان پۇرسەت يارىتىپ بەردى. بۇ ناھايىتى بىر ياخشى باشلىنىش شۇنداقلا ھېچكىم ئىنكار قىلسا بولمايدىغان ھەقىقەت،كىشىلەرگە مەنىۋىي زوق ئاتا قىلىدىغان سەنئەت باغچىسى. كوچا كويلاردا " ئاچ "نېمە يېمەيدۇ، توق نېمە دېمەيدۇ" دېگەندەك سۆزلەر تارقىلىپ يۈرگىنىگە ئوخشاش، مەنمۇ بۇ ھەقتە بىر نېمە دەپ باققۇم كەلدى. بىزدە بىرەر يېڭىلىق بولسىلا، ئۇئىشنىڭ ئالدى-كەينى بىلەن ھېسابلاشمايلا، كىشىلىك ھېسسىياتىمىزغا  تايىنىپ، ھەر بىرىمىز ئاغزىمىزغا كەلگەننى دەپباقىدىكەنمىز. (ئەلۋەتتە توغرا تەكلىپ پىكىرلەر بۇنىڭ سىرتىدا). مەن بۈگۈن"يېڭى ناۋا " پروگراممىسىنىڭ ئۇتۇق-مۇۋەپپەقىيەتلىرىنى قەتئىي مۇئەييەنلەشتۈرۈش بىلەن بىرگە، يۈكسەك مەسئۇلىيەتچانلىق تۇيغۇسى بىلەن، بۇپروگراممىنىڭ تېخىمۇ ياخشى ئىشلىنىشى ئۈچۈن، ئۆز كۆز قاراشلىرىمنى سىلەرگەسۇنماقچىمەن. "ناۋا " سۆزى توغرىسىدا.      ھازىرقى زامان ئۇيغۇرتىلىدا ئىشلىتىلىۋاتقان "ناۋا " سۆزى ئەسلى پارسچىدىكى يېزىلىشى:"نوا" ؛ ئوقۇلۇشى:  "نەۋا"دېگەن سۆزدىن كەلگەن بولۇپ، ئەسلى مەنىسى " نەغمە، ئاھاڭ، كۈي، ئاۋاز"دىن ئىبارەت. بىز بۇ سۆزنى ئىشلەتكەندە، ئۇيغۇر تىلىنىڭ فونېتىكىلىق  قائىدىسىگە ماسلاشتۇرۇپ قوبۇل قىلدۇق. يەنى سوزۇق تاۋۇشلارنىڭ تىل ئورنى جەھەتتىن ماسلىشىش قائىدىسىگە ئاساسەن، "نە" نى " نا" غا ئۆزگەرتىپ "ناۋا" دەپ قوبۇل قىلدۇق. 1. "يېڭى ناۋا "دېگەن نام توغرىسىدا.         "ناۋا" سۆزىنىڭ ئالدىغا ساپ ئۇيغۇرچە" يېڭى" دېگەن سۆزنى قوشساق، يېڭىئاھاڭ، يېڭى نەغمە، يېڭى كۈي دېگەندەك مەنە بېرىدۇ. ئەلۋەتتە "يېڭى"دېگەن بۇ سۆز "كونا" دېگەن سۆزگە قارشى ئېيتىلىدۇ. بۇ پروگرامما بۇرۇنمۇ  بىر مەزگىل يولغا قويۇلۇپ، كېيىن مەلۇم سەۋەبلەر بىلەن ۋاقىتلىق توختىتىلىپ تۇرۇلغانىدى. كېيىن قايتا يولغا قويۇلۇپ "يېڭى ناۋا" دەپ ئاتالدى. لېكىن زورمۇ زور ھالدا  "يېڭى" سۆزى قوشۇلۇپ قالدى،  "يېڭى ناۋا" دەپ ئاتاشتىكى زۆرۈرىيەت نېمە؟ سىز"يېڭى ناۋا" دەپ ئاتىسىڭىز بۇ پروگراممىڭىزدىكى يېڭى ئاھاڭ، يېڭى نەغمە، يېڭى كۈيلەر قېنى؟ ھەممىسى خەلق ناخشىلىرى، ئەلنەغمىلىرى، كونا كۈي، كونا ئاھاڭلارغۇ؟ پروگراممىڭىزنىڭ نامىغا ماس كېلىدىغان "يېڭى ناۋا" لىرىڭىز نەگە كەتتى؟ بۇندىن كېيىن چىقىپ قالامدۇ-يا؟! 2."يېڭى ناۋا" نىڭ رىياسەتچىلىرى توغرىسىدا.          مەركىزىي تېلېۋېزىيەئىستانسىسىنىڭ رىياسەتچىسى نىغمەتنىڭ رىياسەتچىلىك قىلغان پروگراممىسىنى كۆرۈپ باققانلار بولۇشى مۇمكىن. بۇ ئۇيغۇر يىگىتىنىڭ گەپ قىلغاندىكى سالماقلىقى، تىلىنىڭ لوگىكىلىقى، چىراي، ھەرىكەت ئىپادىسىنىڭ كىشىنى زوقلاندۇرۇشى، كىشىنى رىياسەتچى بولسا، مانا مۇشۇنداق بولسا دېگەن تۇيغۇغا كەلتۈرۈپ قويىدۇ؛ مەركىزىي تېلېۋېزىيەئىستانسىسى "پارلاق يول" پروگراممىسىنىڭ خەنزۇ رىياسەتچىسى بى فۇجيەن(كىشىلەر ئۇنى ھۆرمەتلەپ لاۋ بى، بى لاۋيې دەپمۇ ئاتايدۇ) نىڭ كۆپ قىرلىق،يۇمۇرىستىكىلىققا تولغان گەپ-سۆز ۋە ھەرىكەتلىرى خۇددىي ئۇيغۇر بوۋايلىرىنىڭ خۇشپېئىل، چاقچاقچى سىماسىنى كۆز ئالدىمىزغا كەلتۈرىدۇ. مانا بۇلار ھەقىقتەن كۆرۈرمەنلەرگە ھۇزۇر ئاتا قىلغان رىياسەتچىلەر! ھازىرقى " يېڭى ناۋا" پروگراممىسىنىڭ رىياسەتچىلىرى مېنىڭچە بەك كۆپ بولۇپ كەتكەن، شۇنچە خۇشاللىقا تولغان بىر سەھنەسىلەرنىڭ سەھنىگە توپلىشىپ چىقىۋېلىشىڭلار بىلەنلا تويۇنۇپ قېلىپ، قىزغىنلىق سۇسلىشىپ قالغان. ھازىر خىزمەت تېپىشنىڭ تەسلىكىدە بۇنىمۇ بوپتۇ دەيلى، لېكىنسىلەر خۇددىي بىر نەرسىدىن قورۇنىۋاتقاندەك، ئۆزۈڭلارنى قويۇۋېتەلمەي،"ناۋا" غا جۆر بولالماي، "خەلق نېمە دەپ قالاركىن" دېگەندەك بىر خىل چۈشىنىكسىز تۇيغۇدا ئۆزۈڭلارنى ئۆزۈڭلار چۈشەپ قويۇۋاتىسىلەر. مېنىڭچە ئەركىن بولۇڭلار، بەزى كۈلكىلەرنى سىلەر كۈلمەڭلار، تاماشىبىن كۈلسۇن. سىلەر دېگەن  رىياسەتچى، شۇ سورۇننى باشقۇرغۇچى! توختىماي تۇرمۇشتىن، باشقىلاردىن، كىتابلاردىن ئۆگەنسەڭلار ئىشىنىمەنكى، سىلەرمۇ بىر كۈنلىرى مەركىزىي تېلېۋېزىيەئىستانسىلىرىنىڭ رىياسەتچىلىرىدەك ئوبرازنى چوقۇم يارىتالايسىلەر. 3."يېڭى ناۋا" غا قاتناشقان ماھىرلار توغرىسىدا.        كۆرۈپ تۇرۇپتىمىزكى،"يېڭى ناۋا" پروگراممىسىغا قاتنىشىۋاتقان ماھىرلار ئاساسەن بالىلار،ياشلار، ئوتتۇرا ياش ۋە ياشانغانلاردىن تەركىب تاپقان بولۇپ، بۇلاردىكى ئاۋاز،تالانت، ئورۇنداش ماھارىتى ۋە باشقا ھەر خىل سەنئەت جەھەتتىكى تالانتلىرى ھەقىقەتەنمۇ كىشىنى قايىل قىلىدۇ. ئۇلارنىڭ بەزىلىرى ئىشتىن سىرتقى ھەۋەسكارلاربولۇپ، ئۆمرىدە ناخشا- مۇزىكا جەھەتتىن ئۇستاز كۆرمىگەنلەر، ئۆزلۈكىدىن ئۆگىنىپسەھنىگە چىقالىغۇدەك سەۋىيەگە يەتكەنلەر. بۇ پروگراممىنىڭ ئەۋزەللىكى دەل مانا مۇشۇنداق ئىشتىن سىرتقى سەنئەتكارلىرىمىز ئۈچۈن سەھنە ھازىرلاپ بەرگەنلىكىدە! شۇڭا، بۇندىن كېيىنك ىسانلىرىدا مۇمكىن بولسا، پروگراممىنىڭ نامىغا لايىق يېڭى كۈي، يېڭى ئاھاڭلارنى ئىجاد قىلغان ماھىرلارنى قاتناشتۇرۇشقا ئەھمىيەت بەرسە، شۇ ئارقىلىق  ناخشا-مۇزىكىنىڭ يەنىمۇ گۈللىنىشى، يېڭى ئەسەرلەرنىڭ كۆپلەپ بارلىققا كېلىشى ئۈچۈن، ئىجادىيەتچىلىرىمىزنىڭ كۆمۈلۈپ قالماسلىقى ئۈچۈن، پروگرامما گۇرۇپپىسىدىكىلەر تېخىمۇ ياخشى مۇلازىمەت قىلىپ، بولسا تېخىمۇ كۆپلىگەن "ھېكىم ھەسەن" لەرنى پروگرامما ئارقىلىق تەربىيەلەپ چىقسا.يەنە بىر تەكىتلەپ قويۇشقا تېگىشلىكى ماھىرلار ناخشا تېكىستىدىكى سۆزلەرنىڭ ئەسلىگە سادىق بولسا، باھالىغۇچىلىرىمىز ئېيتقاندەك "يارىم" نى"يايرىم" دەپ ئۆزگەرتىۋالمىسا؛ناۋادا خەلق ناخشىسىنى ئېيتىش زۆزرۈرىيىتى تۇغۇلسا، ناخشا تېكىستىدىكى سوزۇق تاۋۇش "ئا، ئە " نى ئاجىزلاشتۇرماي ئەسلىدىكىسىدەك ئېيتسا؛ مەسىلەن: "يېڭىسانىڭ يوللارى، ئەتراپىداباغلارى" دىكى "يوللارى"نى يوللىرى، "باغلارى"نى باغلىرىقىلىپ ئۆزگەرتىۋالمىسا. ئەرلەر ئاياللارنىڭ ناخشىسىنى، ئاياللار ئەرلەرنىڭ ناخشىسىنى ئېيتىۋالمىسا. 4."يېڭى ناۋا" نىڭ باھالىغۇچىلىرى توغرىسىدا.           باھالىغۇچى دېگەنلىك، بىرەرئىش-ھەرىكەتنىڭ توغرا-خاتالىقى، ياخشى-يامانلىقى، سۈپەتلىك-سۈپەتسىزلىكى قاتارلىق تۈرلۈك تۈمەن بەلگە –ھالەتلىرىگە ئادىل، ھەققانىي باھا بەرگۈچى دېگەندىن ئىبارەت. "يېڭىناۋا" پروگراممىسىغا قاتنىشىۋاتقان باھالىغۇچىلىرىمىزنىڭ ھەممىسى خەلققەلبىدىن ئورۇن ئالغان ئەل سۆيگەن ناخشىچىلىرىمىز. يەنە شۇ مەركىزىي تېلېۋېزىيەئىستانسىسىنىڭ " پارلاق يول" ۋە باشقا پروگراممىلىرىدىكى باھالىغۇچىلاربىلەن سېلىشتۇرىدىغان بولساق، بىزنىڭ باھالىغۇچىلىرىمىزنىڭ يېتەرسىز تەرەپلىرى مانا مەن دەپ چىقىپلا تۇرىدۇ. مەن بۇ يەردە باشقىلارنىڭ ياخشى، ئۆزىمىزنىڭ ياخشى ئەمەس دېمەكچى ئەمەسمەن. پەقەت سېلىشتۇرما بولغاندىلا، ئاندىن پەرقنى بىلىۋالالايدىكەنمىز دېمەكچى. بۇنداق چوڭ سەھنىگە چىقىش ئۇ ياقتا تۇرسۇن، ئاشۇ ياشامىغىچە بۇنداق سەھنىلەرنى كۆرۈپمۇ باقمىغان بىر ئەل ئىچى سەنئەتكارىغا باھا بەرگەندە، باھالىغۇچىلىرىمىز دېيىشكە باشقا گەپ تاپالماي قالغاندەكلا " ناخشا ئېيتىشتىكى تۇرقىڭىز بولماي قالدى، كىيىمىڭىز ماسلاشماپتۇ-يەي، ئاۋاز تۈسىڭىزياخشىكەن، ئاۋازىڭىز يۇقىرى ئاۋاز ئىكەن-ئەي..." دېگەندەك بىر تالاي مۇناسىۋەتسىز گەپلەرنى دەپ، ئۇلارنىڭ ھەقىقىي بىر سەنئەتكار بولۇشقا ياردىمى تېگىدىغان، تارازىدا توختىغۇدەك پايدىلىق باھادىن بىرەرنى كۆرسىتىپ بېرەلمەيۋاتىدۇ. ئەي! ئەزىز باھالىغۇچىلىرىمىز، سىلەر ئۇ يەردە ئولتۇرۋېلىپ ئەمدىلا سەھنىگە چىققان ماھىرلارنىڭ قىياپىتىنى، ھەرىكىتىنى، چېچىنى ياكى كىيىمىنى باھالىمايسىلەر، خەلققە سۇنماقچى بولغان يېڭى كۈيلىرىنى باھالايسىلەر! ئۇلارنىڭ تېخىمۇ تېز يېتىلىشى ئۈچۈن توغرا يول كۆرسىتىپ بېرىسىلەر. سىلەرمۇ يېڭى سەھنىگەچىققاندا قانچىلىك قىزىرىپ تاتىرىپ، نېمە قىلارىڭلارنى بىلمەي تەمتىرەپ كەتكەن بولغىيدىڭلار؟ ياكى سىلەر بىراقلا چولپان بولۇپ كەتكەنتىڭلارمۇ؟ بۇنىڭدىن باشقايەنە،  باھالىغۇچى بولغان چولپانلىرىمىز ياش جەھەتتىن ناۋا پىروگراممىسىغا قاتناشقان ماھىرلاردىن ئاساسەن چوڭ دېيەرلىك بولۇپ، مەيلى "سىز" دېسۇن، ياكى "سەن" دېسۇن تامامەن بولىۋېرىدۇ. لېكىن باشتا "سىز " دەپ ئوبدان باھا بېرىپ كېلىپلا"سەن" لەپ كېتىسىلەر. بۇ ھۆرمەت تۈرى "سىز"نىڭ "سەن" گە ئۆتۈشتىكى ئۆتكۈنچى باسقۇچىمۇ ياكى "سەن"دېگىنىڭلار"سىز" دېگىنىڭلارمۇ؟ بۇنىڭدىن كېيىن مۇشۇنداق ئىنچكە تەرەپلەرگە دىققەت قىلساڭلار. ئەگەر مۇمكىن بولسا، باھالاشقا كىرىشتىن ئاۋۋال ئازراق بولسىمۇ كىتاب كۆرۈپ، ئوبدان تەييارلىق بىلەن كىرسەڭلار. چۈنكى، بىز كۆرۈرمەنلەر ناۋاغا قاتناشقان ماھىرلاردىنمۇ بەكراق سىلەرنى نېمە باھا بېرەركىن دەپ، ئاغزىڭلاردىن چىققان ھەر بىر ئېغىز سۆزۈڭلارغا تەلمۈرۈپ ئولتۇرۇپ كېتىدىكەنمىز.         "يېڭى ناۋا"پروگراممىسى سىزنىڭ، بىزنىڭ شۇنداقلا ھەممىمىزنىڭ پروگراممىسى. بۇ پروگراممىنىڭ ياخشى-يامان بولۇشى يالغۇز پروگرامما گۇرۇپپىسىدىكىلەرنىڭلا ئىشى ئەمەس، بەلكى ھەممىمىزنىڭ ئورتاق ئىشى. شۇڭا پروگراممىنىڭ بۇنىڭدىن كېيىن تېخىمۇ ياخشى چىقىشى ئۈچۈن ھەممىمىز بىرلىكتە كۈچ چىقىرايلى!   شىنجاڭ گېزىتىدىن ئېلىندى

kakkuk11

	مېنىڭ ئەمەس !

TIRIXQANBALA

	مىنىڭچىمۇ يېڭى ناۋا بولغاندىكىن چۇقۇم ناخشا مۇزىكىسى ،يېڭى ئىجادى ناخشا مۇزىكىنى ئاساس قىلسا ، ياخشى بۇلاتتى ، باھالىغۇچىلارمۇ ھەقىقى تالانتىنى باھالاش كېرەك .

parwaz314

	سەنئىتىنىڭ مىللەت تەرەققىياتىغا قىلچىلىك تۆھپىسى يوق ،قايسىڭلار سەنئەت بىلەن نام چىقارغان سىگانلار نى تاپالايسىلەر ،تاپالمايسىلەر ئ‍ەلۋەتتە چۇنكى ئ‍ۇلار ئ‍اللىقاچان ئ‍ۆزىنڭ سەنئىتى بىلەن ئ‍ۇ دۇنياغا كەتتى ، سەنئىتى بۇلۇپ سانائ‍تى بولمىغان مىللەت مۇشۇنداق جىمجىتلا يوقاپ كېتېدۇ ، مەن ھەرقايسى سەنئ‍ەەتخۇمارلاغا شۇنداق دەيمەنكى ئ‍ۆزۇڭلارنى تۇتۇۋېلىڭلار سىلەرمۇ يوقاپ كەتمەڭلار

parwaz314

	قايسىبىر ئ‍ەنئ‍ەتكار ئ‍ۆلگەندىن كېيېن ئ‍ەسلەپ تۇرىسلەر ! ئ‍ەمما ئ‍الىم ئ‍ۆلىمالىرىمىز بىز ئ‍ەسلىمىسەكمۇ يەنىلا ئ‍ەسلىنپ تۇرىدۇ

SaBa_002

	توۋا   ..ئىنكاس    يازغانلارنىڭ    ھىچقايسڭلا         ياقتۇرمايدىكەنسىىلەردە  ............   ھەممە   ئىش   لايىقىدا     بولسا    ياخشى   مىنىڭچە  ............  ماۋۇ  قاپاق    كاللىنى  ئانچە-مۇنچە     ناخشا    مۇزىكا    ئاڭلاپ    ،  ئارام    ئالدۇرۇش   كىرەك  ...........

8koqa

	بۇ ناۋانى كۆرۈپ ئەقلىمىزنى بۇلغىغۇچە ، ئىستىقبال سەھنىسىنى كۆرۈپ ئېدىيىمىزنى ئازاد قىلغىنىمىز نەچچە يۈزمىڭ ھەسسە ئەۋزەل! ھازىر دېگەن ئۇچۇر ئىقتىساد دەۋرى قېرىنداشلار!

sardor0908

	يەنە بىرقىتىملىق ئەخمىقانە قاۋاشلار ............................ تىلىۋىزور كۆرمەي كىتابلا كۆرگەن كىملەردۇر.سوتسىيالىزىمچە كىنوفىلىملەرنى كۆرۈپ ئۇتامدىن -بۇتامغا ئۇچۇپ يۇرگەن كىملەردۇر؟مەكتەپتە لاۋشى ()   ،سىرىتتا چې  سانې ؟ئويگە كىرگە كىرسە ماما ۋو بۇياۋ دەپ يۇرىۋاتقان ئائىلىلەرگە ‹‹بىزنىڭ ناخشىمىز››نى توۋلاپ بەرسە بۇنى بالىسىغا چۈشەندۇرگىدەك كىملەردۇر؟       ھەي ئىنسانلىرىم ،سىزگە يامان تۇيۇلغان ئىشلارنىڭ ھەممىسى يامان ئەمەس .سىزگە ياققان ئىشلار تىگىدىن يىقىملىق ئەمەس .ئۆز شەخسىيىتىگە مىللەت ئۈچۈن كۈچ چىقىرىۋاتقانلار غاجاش دەل ...................................................

0997tumuqi

	منىڭ سەنئەت دىگەن ئۇقۇم بىلەن تازا خۇشۇم يوق،