يىگىتلەرنىڭ پورتمالدىكى رەسىم

چېچەك

	يىگىتلەرنىڭ پورتمالىدىكى رەسىم مەن بىز مەزگىل ئەتراپىمدىكى ئوغۇللار ياكى ئەرلەرنىڭ پورتمالىغا زادى نېمىلەرنى سالدىغانلىقىنى ئەتراپلىق كۆزىتىپ باقتىم.پۇلنىڭ بۇلۇشى ئۇ مۇقەررەر ئىش،لېكىن مېنىڭ ئەڭ قىزىقىدىغىنم ئۇلارنىڭ پورتمالدىكى زادى كىمىنىڭ رەسىمدۇ؟ بىرىنجى قېتىم ئۇنىڭ بىلەن كۆرۈشكەندە نۇرغۇن ئادەملەر بىلەن ئولتۇرۇپ تاماق يېدۇق.كۆپچىلىك تارقاپ كەتكەندىن كېيىن ئۇ پورتمالىنى چىقرىپ ھېسابات قىلدى.ئۇ پورتمالىنى ياپماقچى بولغان ئاشۇ ۋاقىتتا،تۇيۇقسىز بىر پارچە رەسمىگە كۆزۈم چۈشۈپ قالدى.رەسمىدىكى قىز ئۇزۇن چاچ،بەك چىرايلىق بولمىسىمۇ ئەمما لېكىن بىر خىل سالاپەتلىك ئىدى.مېنى ئەڭ تەسىرلەندۈرگىنى ئۇ رەسمىنى تولىمۇ پاكىز ساقلىغان بۇلۇپ،بۇنىڭىدىن ئۇنىڭ رەسمىدىكى ئاشۇ قىزغا كۆڭلى بارلىقىنى بىلگىلى بولاتتى.ئويلاپ بېقىڭ،ئۇ ھەرقېتىم پورتمالىنى ئېچىپ ياپقان چاغدا نەچچە قېتىم كۆرۈشكە مۇيەسسەر بولىدۇ ئەمەسمۇ؟!-پەرزىمچە بۇ قىز ئۇنىڭ قىز دوستىدەك قىلاتتى. ئەمەلىيەت شۇنى ئىسپاتلىدىكى پەرىزىم خاتا ئەمەس ئىدى.بىر كۈنى ئۇنىڭ پورتمالدىكى رەسىم يوق تۇراتتى،كېيىن بىلسەم ئايرىلىپ كېتىپتۇ. كېيىن ئۇ مېنىڭ ئوغۇل دوستۇم بۇلۇپ قالدى.بىر كۈنى ئۇنىڭ ياتىقىنى يىغشتۇرۋېتىپ بىر خاتىرىنى تېپىۋالدىم.ئۇنىڭ ئىچىمدە ھېلىقى رەسىمگە مۇناسىۋەتلىك بىر كۈندىلىك خاتىرە بار ئىدى.خاتىرىنىڭ بېشىدا ھېلىقى قىزنىڭ ئىسمى تىلغا ئېلىنغان بۇلۇپ،تولىمۇ يېقىملىق باشلانغان ئىدى. ‹بۈگۈن ئىشتىن چۈشۈپ پورتمالىمنى شىركەتتە ئۇنتۇپ قاپتىمەن،پۈتۈن بەدىنمدىن سوغوق تەر چىقىپ كەتتى،دەرھال ئىشخانىغا باردىم.ھېلىمۇ ياخشى پورتمالىم بار ئىكەن،مېنىڭ ئەنسىرگىنىم پۇل بولماستىن،بەلكى پورتمال ئىچىدىكى مەن ئۈچۈن ئەڭ مۇھىم بولغان نەرسە سىزنىڭ رەسىمىڭىز ئىدى.› مېنىڭ ئىچى تارلىقىم كەلدى.ئىچى تارلىق قىلماي دېسەممۇ يەنىلا بولمىدى.پۇرسەت تېپىپ ھېچقانداق ئىش بولمىغان قىياپەتتە ئۇنىڭدىن سورىدىم: -پورتمالىڭىزنىڭ رەسىم سالىدىغان ئورنى قۇرۇق قاپتۇ،يەنە بىرەر پارچە رەسىم سېلۋالسىڭىز بولمامدۇ？？？ ？？؟ ئۇ ھاڭۋېقىپ تۇرۇپ قالدى.بىر ئاز ۋاقىتتىن كېيىن بىر ئېغىز گەپ قىلدى: -بەزى ئىشلارنى ئادەم پەقەت بىرلا قېتىم قىلىدۇ.كېيىن قىلغۇسى يوق ئەمەس،بەلكى شۇ ئىشنى قىلدىغانغا ھەقىقى بىر روھىي ھالەت يوق! دۇنيانىڭ ئىشلىرىنى پەرەز قىلىش تولىمۇ قىيىن.مەن ۋە ئوغۇل دوستۇم ئىككىمىز ئۇزاق ۋاقىت بىر-بىرىمىزگە ھەمرا بولالمىدۇق.‹خوش›دەپ ئايرىلغان ئاشۇ كۈندىن كېيىن مەن خېلى كۆپ ئادەملەرنى ئۇچىراتتىم.ئەمما ئىزچىل ھالدا بىرەرسىنىڭ پورتمالدىكى رەسمىدىكى ئاشۇ قىزغا ئايلىنالمىدىم. ئەمەلىيەتتە مەن ئىزچىل تۈردە رەسىمىمنى پورتمال ئىچىدە ساقلاشنى ئۈمىد قىلىپ كەلدىم.بىراق بىرسىمۇ يوق،ئەزەلدىن يوق.بىر قېتىم مەن ئىلگىرى مېنى قوغلاشقان بىر يىگىت بىلەن قەھۋە ئىچىشكە داخىل بولدۇم.ھسابات قىلدىغان چاغدا ئۇنىڭ پورتمالدىكى ھازىرىقى ئايالىنىڭ رەسىمىنى كۆرۈپ،ئۇنى ياخشى كۆرمەيدىغانلىقىمىنى جەزىملەشتۈرسەممۇ،لېكىن كۆڭلۈم بىرخىل بۇلۇپ قالدى.بەلكىم ئۇ خىل ھەسەت مۇھەببەت بىلەن مۇناسىۋەتسىز بۇلۇشى مۇمكىن. ھازىر مەن ئاستا-ئاستا قېرشقا قاراپ ماڭدىم.ئەگەر بىرەرسى مېنىڭ رەسمىمىنى پورتمالىغا سېلىۋالسا،مەن چوقۇم ئۇ رەسىمنى قايتۇرۇپ كېلىمەن.كەلگۈسىگە نىسبەتەن مەن ئەينى چاغدىكى ساددا قىز ئەمەس،ھېسىياتقا نىسبەتەن ئەينى چاغدىكى جاھىللىقلىرىممۇ قالمىدى. نۇرغۇن يىللار ئۆتۈپ كەتتى.مەن ئاخىر ھېلىقى يىگتىنىڭ دېگەن سۆزنىڭ مەنىسىنى چۈشەندىم.‹بەزى ئىشلارنى ئادەم پەقەت بىرلا قېتىم قىلىدۇ.كېيىن قىلغۇسى يوق ئەمەس،بەلكى شۇ ئىشنى قىلدىغانغا ھەقىقى بىر روھىي ھالەت يوق!›. ئەرلەرنىڭ پورتمالىغا بەلكىم ئاتا-ئانىسىنىڭ،بالىسىنىڭ،دوستلىرنىڭ رەسىمى سېلىنغان بۇلۇشى مۇمكىن.ئەگەر پەقەت بىر قىزنىڭ رەسمى سېلنغاندىن كېيىن،يەنە بىر قىزنىڭ رەسىمنى سېلىشقا بولمايدۇ.بۇ سۆيۈش ۋە سۆيمەسلىك بىلەن مۇناسىۋەتسىز. قىزلاردىن سوراپ باقاي :سىز يىگتلەرنىڭ پورتمالىغا سېلىنغان رەسمنىڭ باش پېرسوناژىمۇ؟ يىگتلەردىن سوراپ باقاي :كىچىك چاغلىرىڭىزدا سىز ئەڭ ياخشى كۆردىغان ئاشۇ قىز يېنىڭىزدا،پورتمالىڭىزدىكى رەسمىدە بۇلۇپ باققانمۇ؟ مەنبە:ئەلكۈيى مۇنبىرىدىن  كاكتۇس بۇ ئەسەرنى ئوقىغىنمغا ئۇزۇن ۋاقىتلار بولدى.تۇنجى قېتىم كۆرگەن چېغىمدا كومپيوتىر ئالدىدا ئۇزۇندىن ئۇزۇن ئولتۇرۇپ كەتكەن ئىدىم.چۈنكى مەن ئىزچىل بىرسىنىڭ پورتمالدىكى رەسمىنىڭ باش پېرسوناژى ئىدىم.ئۈرۈمچىدە تېلۋىزىيە ئىستانىسىدە پىراكتىكا قىلۋاتقان چاغلىرىم ئىدى.مۇناسىۋەتلىك ئۇرۇنلارنىڭ زىيارەتكە ماسلىشىشى ئۈچۈن،زىيارەت قىلىش تەستىقىنى ئېلىپ قايىتقاچ،بانكىغا كىرمەكچى بۇلۇپ،چوڭ قۇۋۇق (داشىمىن) بىلەن كىچىك قۇۋۇق(شىياۋشىمىن)نىڭ ئوتتۇرسىدا تۇرۇپ ئۇنىڭغا تېلفۇن ئۇردۇم.يېقىن ئەتراپتا قاتناش بانكىسى بولسا ئېيتىپ بېرشىنى سورىدىم.ئۇ تېلغۇندىكى خەرىتىدىن ئىزدەپ تېپىپ بېرىدىغانلىقنى،ھازىر دەماللىققا ئېسىگە ئالالمىغانلىقىنى ئېيتتى.كېيىن ئۇ دەپ بەرگەن يول بىلەن ماڭساممۇ زادىلا تاپالمىدىم،ئۇيان-بۇيانغا مېڭىپ بىر كىچىك ئارقا كوچىغا كىرىپ قاپتىمەن.ئالدىمىغا مېڭۋەردىم.بىراق تېخىمۇ ئېزىقىپ كېتىپ ھەتتا كىرگەن يولۇمنىمۇ تاپالمىدىم.شۇندىلا ئۇنىڭ ‹سىزنىڭ يول تۇنۇش ئىقتىدارىڭىز نۆل ئەمەس مىنۇس›دېگەنلىرىنىڭ توغرا ئىكەنلىكىنى ھېس قىلىدىم .‹قاچانلا بىر يەرگە بارماڭ، شۇ يەرنىڭ يوللىرىنى ،ئالاھىدە قۇرۇلۇشلىرىنى ئېسىڭىزدە تۇتىۋېلىڭ،مەن يوق ۋاقىتلاردا سىزنىڭ ئېزىقىپ قېلىشىڭىز مۇقەررەر›دېگەنلىرىدە،تۇمشۇقۇمنى ئۆردەكنىڭىكىدەك ئۇچلاپ تۇرۇپ ‹كىم شۇنداق دەيدۇ›دېگەن مەن ئەمدىلكىتە راستىنلا ئۆزۈمنىڭ نەدىن كىرىپ قانداقلارچە بۇ يەرگە كېلىپ قالغانلىقىمنى بىلمەيۋاتاتتىم. يېلى چىققان توپتەك سالپىيىپ تۇرۇپ ئۇنڭىغا تېلفۇن ئۇردۇم.تۇنجى قىلغان سۆزى:-ئېزىپ قالدىڭىزمۇ مۈشۈكۈم؟ -شۇ،مەن سىز دەپ بەرگەن بويىچە ماڭغان،لېكىن 。。。。。。........................... ئۇ تېلفۇننى قويىۋەتمەسلىكىنى،ئۆزىنىڭ ئاللىقاچان ماشنىدا ئىكەنلىكىنى،ماڭا دەپ بەرسىمۇ تاپالمايدىغانلىقىمغا كۆزى يېتىپ،باشلىقىغا دەپ قۇيۇپ چىققانلىقىنى ئېيتتى.كۆڭلۈم بىر خىل ئىللىق بۇلۇپ قالدى.خېلى ئۇزۇندىن كېيىن ،پۇتلىرىم ئۆرەپ تۇتۇپ تۇرۇپ تېلىپ،بىر سىمۇنىت پەشتاق ئۈستىدە ئولتۇرۇپ تۇرغان ۋاقتىمىدا ،تولا يۈگرەپ تەرگە چۆمگەن ئۇنىڭ مەن تەرەپكە قاراپ كېلىۋاتقانلىقىنى كۆردۈم.. شۇنىڭىدىن كېيىن ئۈرۈمچىدە تولا ئېزىپ قالدىم.يا ئاپتۇبۇسقا خاتا چىقۋالاتتىم ياكى تۆت يۆنلىشىنى پەرق ئېتەلمەي يا كەلگەن يولۇمنى تاپالماي پىرقىراپ قالاتتىم.مەيلى يامغۇرلۇق ياكى قار ياغقان كۈنلەردە بولسۇن ئۇ ھامان مېنى تاپالايتى.‹سىزنى ھەرگىز يۈتتۈرۈپ قويمايمەن›ئۇ ھەر قېتىم كۈلۈمسىرەپ تۇرۇپ ‹قانداق تاپتىڭىز ؟›دېگەن سوئالىمغا ئەنە شۇنداق جاۋاپ بېرەتتى.. ئۇنڭىغا پورتمالنى مەن ئېلىپ بېرەتتىم.ھەر قېتىم ئالماشتۇرغان پورتمالدىكىرەسمىدە يېشىل كۆينەكلىك بىر قىز  بار ئىدى.ئۇ مەن ئىدىم. مەن ئىزچىل ئۇنىڭ پورتمالدىكى رەسىمدىكى قىز بۇلۇپ كەلدىم.ئۇ مېنىڭ ساۋاقدشىم ئىدى.بىز ئىككى شەھەردىكى ئالىي مەكتەپتە ئوقۇدۇق.ئالىي مەكتەپتە ھەپتىدە ياكى ئايلاردا تېلفۇنلىشاتتۇق.ئۇنىڭىغا بارلىق دوستلىرىمغا ئوخشاش خەت يېزىپ،پاراڭلىشىپ دېگۈدەك ئۆتكەن كۈنلەردە، ئۇ ئەڭ ئازاپلىق كۈنلەرنى باشتىن كەچۈرگەن ۋاقىتلاردا مەن خەۋەرسىز ،ئايرۇپىلاندا يىراقلارغا سەپەر قىلغان شۇ ۋاقتىتا ئۇنىڭ يېنىدا بولمىغانلىقىمىدىن شۇنچىلىك ئۆكۈندۈم. ئالىي مەكتەپنىڭ ئۈچىنچى يىلى رەسىمىم ئۇنىڭ پورتمالدىن ئۇرۇن ئالدى.شۇ چاغدىن تارتىپ ئۇ مېنى ھەرقانداق چاغدا تاپالايىتى. ئۇنىڭ پورتمالدىكى رەسىمدىكى يېشىل كۆينەكلىك قىز ئۇنىڭ يۈرىكىدە ئىدى. مەنبەسى:ساداقەت

قوزىمال

	منىڭ پورتىمالىمدا  سىڭلىمنىڭ رەسىمى بار

xajarim

	مەن پورتىمال تۇتمايمەن سەۋەبى  پورتىمالمنى بىر قتىم ئوغرى ئىلۋىلىپ  بانكا كارتام ، كىملىكىم   تەڭ  يوقاپ كەتتى  نەچچە كۈن  ئۆزمنى ئىزدەپ يامان  ئاۋارە بولۇپ كەتتىم..      مەن  ياخشى كۆرگەن قىزنى پورتىمالىمدا ئەمەس بەلكى  يۈرەكتە ساقلايمەن...  بۇ  يۈرەككە يەنە  نۇرغۇن كىشىلەر پاتىدۇ....( مېھرى -مۇھەببەت جەھەتتىن جۇمۇ ) {::}

م.زۇنۇن

	ۋاھھھھھھھھھھھھھھھھ  نېمدا  پەيزى                                                       مەنمۇ  مۇشۇنداق بەخىتكە نائىل  بولالارمەنمۇ ....

nurjahan0997

	ئۇ بالىنىڭ دېگىنى توغرا،ئۇ خىل روھى ھالەت ۋە شۇ چاغدىكى كەيپىياتنى ئادەم پەقەت بىرلا قېتىم بېشىدىن ئۆتكۈزىدۇ..........

minglak0999

	شۇكەمگىچە بىرەر قىزنىڭ رەسىمىنى پورتمالدا ساقلاپ باقماپتىمەن . بۇ مەندىكى مەسىلىمۇ ياكى شۇنداق روھى ھالەت پەيدا قىلغۇدەك قىز تېخى ئۇچراپ باقمىدىمۇ بىلمىدىم ...

太阳

	كىمدە مىنىڭ سۈرىتىم بارلىقىنىمۇ ئۇقمايمەن تىخى

SaBa_002

	مۈشۈكۈم     دەپ     ئەجەپ      پەيزى     ئوخشۇتۇش  بوپتا

bowak1

	مېنىڭ پورتمالىمدا ئۆزەمنىڭلا رەسىمى بار، مەسىلەن: سالاھىيەت گۇۋاھنامىسى، شوپۇرلۇق كېنىشكىسى.............

گۆزەل

	مەنمۇ يۇلدىشىمنىڭ پۇرتمالىغا كىمنىڭ رەسىمىسىنى سىلىپ باققىننى ئۇقمايمەن، بىراق ئۇنىڭ  قەلبىنىڭ ئەڭ چۇڭقۇر يىرىگە ماڭا ، ئۇغلىغا بۇلغان مۇھەببىتىڭ سىلىنغانلىقىنى يۈرىكىم ھەر بىر قەدەمدە  ھىس قىلىپ تۇرىدۇ، مەن ئۆچۈن شۇ كۇپايە.