قوشنامنىڭ قىزى (پوۋېست)

YuqunAdam

	قوشنامنىڭ قىزى پوۋېست نۇر مۇھەممەد شۈكران (1)            بىر ئادەمنىڭ ئالدىدا بىر كىشىنىڭ يامان گېپىنى قىلىشتىن ساقلانماق تەس. كۈۋجۈم مەھەللىمىزنىڭ ئاياللىرى ئىچى پۇشسا بىزنىڭ ئۆينىڭ دوقىدا ئولتۇرۇشۇپ غەيۋەت قىلىشىدۇ. ئۇلارنىڭ قاش-قاپىقىغا قارىسام مىساللار بىلەن دەلىللەپ سۆزلەيدىغان گەپلىرى باشقىلارغا توغرا بولسىمۇ، ماڭا غەيۋەتتەك بىلىنىدۇ. بىردە بىرسىنىڭ ئارقىسىدىن گەپ قىلسا، بىردەمدىلا يۈزلىرىنى ئۆرۈپلا ھېلى بىرگە ئولتۇرۇپ، ئايرىلىپ تاماق ئەتكىلى كىرىپ كەتكەن قوشنىلارنىڭ ئۈستىدە پاراڭ قىلىدىغان چاغلىرى كۆپ. ئەمما بۇ نۆۋەت مەن تازا مۇشۇ پەيىتتە ئۇلارغا يېقىنلىشىپ قالدىم. گەپ بېشى ئانامدا بولغاچقا ئۇ مەندىن ئەيمىنىپ توختاپ قالمىدى. -ھەي قاراڭلار، بۇ قوشنىمىزنىڭ قىزى تازا دۇرۇس ئەمەسكەن. ئاڭلىسام كەچلىرى قاۋاقخانىمۇ قاۋاقخانا، دىبامۇ دىبا، يەنە ھېلىقى نېمە دەيدىكەن ئاخىرىدا ‹...نا› دېگەندەك قىلغان، شۇنداق يەرلەردە يۈرىيدىكەن جۇمۇ! -توۋا دېسلە، ھەممىمىزنىڭ بالا-ۋاقىمىز بار. -شۇ توۋا، بىزنىڭ ئادەمنىڭ دېيىشىچىمۇ نەچچە قېتىم ناماز ۋاختىدا تاكىسىدىن چۈشۈپ، ئۆيىگە كىرىپ كېتىپ بارارمىش-دېدى يەنە بىر قوشنىمىز. -ھەر قانچە ئىش بولسا نەچچە سائەتتە تۆگەر. بىر كېچە ۋاقىتنى ئويۇنغىمۇ بىرىۋەتمەس. يولدىشىڭىز خاتا كۆرىۋالمىغاندۇ ھە؟! -يولدىشىمنىڭ بىر كۆزى قىسماق بولغىنى بىلەنچۇ كېچىدە ئاينى كۆرىدۇ جۇمۇ، ئۇنى پەش قىلىپ كەتمىسىلە؟ -ۋاي قوشنام گەپنى ئۇ يەرگە ئاپىرىپ كىتىپلا. ئۆزلىرىگە ئېلىپ كەتمىسىلە-دەپ يالغان كۈلدى ھېلىقى ئايال. -شۇ چاغدا كىرگەن قىزىغا قانداقمۇ ئىشىك ئاچقۇسى كىلىدىغاندۇ؟ -ئاچىدۇ خېنىم. دادىسى ساقالنى كوتمەك قويىۋالغان، ئانىسى ياغلىقنى بوياندىن چىگىۋالغان بىلەن شۇنىڭ تېپىپ بەرگىنىگە كۆنۈپ قالغاندىكىن ئاچىدۇ. ‹قورىمىنىڭ تاتلىقى گوشلۇق، تەننىڭ ئارامى خوشلۇق› دېگەننى ئاڭلىمىغانما؟ -شۇ ئاۋاققا قارىسىغۇ چىرايلىق بىر نېمە. بىر ئەر كىشىنى كۆتەرگىدەك ھالى يوق ئۇنىڭ! ئەمما چىرايىنى ساتمايدىغاندۇ ھە!؟ مۇشۇنداق ئەگىرى كوچىدا يۈرگەن مايماقلارنىڭ كۆپىيىشى بىلەن كەچلىرى يول يۈرمەك تەسلەشتى بۇ كوچىدا. -ۋۇي، سىلىگە نېمە بولدى؟ -قايسى كۈنى دوقمۇشتىكى دۇكانغا ئاچچىقسۇغا ماڭسام، ئېۋۇ بۇلۇڭدا بىرى ئاغزىدىن پۈشتەك چالماسما، ئەتراپىمغا قارىسام بىرەر ياردەمدە بولىدىغان كىشى يوق. ئارقىمغا يېنىپ بالامنى يىتىلەپ چىقتىم دەيمەن. -كېيىنچۇ؟ -چىقسام ئۆڭدىمۇ يوق، دۆڭدىمۇ يوق. ئىمانىم مىڭ گەز ئۆرلىگەن. ئېغىزىمنى بۇزۇپ ئېغىزىغا ياپاي دېگەن شۇمنىڭ! -شۇنىڭغا قارىغاندا ياشتا كېچىكرەك بىرى ئوخشايدۇ ھە؟ -كېچىك بولمىسا بۇلۇڭدا تىمىسقىلاپ يۈرمەستى، كوچا ئىتلىرىدەك. -شاپاق يالاپ كۆنۈپ قالغان بولسا قاتايغانلىرىمۇ مارايدۇ خېنىم. ھە راست. بۇ قوشنىمىزنىڭ قىزى نېمىش قىلىدىكەن؟ -ۋاي ئىچكىردىكى بىر مەكتەپنى پۈتتۈرۈپتىكەن. تىل ئۈگۈنۈپتىكەن. -قايسى تىلنى؟ -ۋاي شۇ قايسى تىل بارتى؟ ئەرەب تىلى ئۈگەنمىگەندىكىن شەرەپ تىلى ئۈگىنەر شۇ! -قانداق تىل ئۇ؟ -ئىتنىڭ تىلىدىن ئۇزۇنراق، كالىنىڭ تىلىدىن قىسقىراق بىر تىل بارمىش. شۇدۇ شۇ. -ۋاي تۈزۈك گەپ قىلسىلا خېنىم، سۈرلۈكلەشتۈرمەيرەك سۆزلىسىلە. -....      قوشنىمىزنىڭ ئوقۇپ كەلگەن يېشى مەن بىلەن تەڭ دېمەت بىر قىزى بار ئىكەن. بۇنى ئۆيىگە كىرىپ-چىقىۋاتقاندا پات-پات ئۇچۇرۇتۇپ تۇرىمەن. چىرايلىرىمۇ خىلى جايىدا. ئەمما چوڭ سۈپەتلىكرەك تۇيۇلاتتى. ئەسلى بۇ كاساپەت بىزدەكلەرنىڭ ئارقىسىغا چۈشىۋېلىشىدىن ئەندىكىپ قەستەن چوڭچى بولىۋالغانىكەن دە! ھازىرىقى زاماندىغۇ چوڭ-چوڭ پۇلدارلار بىلەن ئارلىشىپ كۆنۈپ قالغانلار بىزدەكلەرگە ئىتىبارسىز قارايدۇ. بۇلارنىڭ گېپىگە قارىغاندا بۇ قوشنىمىزنىڭ قىزىغا سەل قىزىقىپ قالدىم. بەزىلەر بەزى قىزنىڭ ياخشى گېپىنىڭ قىلسا رايى يېنىپ، ناچارلىقى توغرىسىدا قېقىنىپ سۆزلەپ بەرسە، ئىچىدىكى شەيتىنى ئۇنىڭ نەپسىنى غىدىقلايدۇ. شۇ نەپسىنىڭ كەينىدە بىر مەزگىل ئالدىراش بولۇپ كېتىدىغان كىشىلەر ئاز ئەمەس. مەنمۇ شۇنداق كىشىلەرنىڭ تىپىدىن بولسام كېرەك.       يېڭىدىن كۆچۈپ كەلگىلى ئىككى يىل بولمىغان، زىمىنلىق قىلىپ ئۆينى تېگىدىن سېتىۋالغان قوشنىمىزنىڭ قول ئىلكىدە خىلى بولسا كېرەك. كۆچۈپ كەلگەن چاغلاردا ئىتىبارسىز يۈردۈممۇ ياكى قىزى ئىچكىرى ئۆلكىلەردە ئوقىۋاتقانمۇ، ئەيتاۋۇر كۆرمىگەن ئىدىم. يېقىندىن بىرى پەيدا بولۇپلا ئاياللارنىڭ ئېغىزىدىن ئورۇن ئېلىپ، مەھەللە-كوينىڭ ئىناۋىتىنى سېتىۋاتقان قىزنىڭ ئارقىسىغا چۈشمەي بولمىدى. قىز دېگەن قىزدەك يۈرمىسە، ھەممىمىزنىڭ ئاچا-سېڭىللىرى بار. ئۇنىڭدىن ئۈگۈنۈپ ئەتە-ئۆگۈن سېڭىللىرىمىز بىلەن بارسا-كەلمەس جايلاردا دوقۇرۇشۇپ يۈرمەيلى ئەمدى. قايسى بىر كۈنى توردا ئىچكىرى ئۆلكىلىك بىر دادىنىڭ قىزىنى يوقلىغىلى بېرىپ، ياتاققا پائىشە چاقىرىتسا، تۇيۇقسىز ئۆز قىزى كىرگىنىنى ئوقىغانمەن. شۇڭا دېققەت قىلماي بولمايدۇ. ھەر قانداق بىر ئەركەكنىڭ مەھەللىنىڭ گۈلىنى قوغداش مەجبۇرىيىتى بولىدۇ. مەنمۇ دەل ئەشۇنداق ئەركەكنىڭ بىرىغۇ؟ پوۋېست بولغاندىكىن داۋامى بولىدۇ دە! داۋامى داۋاملىق ھۇزۇرۇڭلاردا

SaBa_002

	تازا  قىزىقىپ    ئوقۇۋاتسام   تۈگەپ   كەتتىغۇ   . ئاخىرىنى        تىزراق     يازاسىز

kulka1

	يەنە  بىر تېتىملىق  ئەسەر  باشلىنىپتۇ ،  تەبرىكلەيمەن .  بولسا  كۇندە  بىزنى يېڭى مەزمۇنلار بىلەن تەمىنلەپ  تۇراسىز .يازمىڭزغا  قاراپ  ئىككى  كۆز  تۆت  بولمىسۇن .

قوزام

	تىلىدىن زەھەر تامىدىغان خوتۇنلاركەنغۇ بۇ .. توۋا

asma507

	ۋوي ۋوي،يەنە بىر پوۋسىت،ئەجەپ ياخشى، بالام اغرىپقىلىپ بۇزۇلۇش از قالغانتى ئوقۇيالمىدىم،ئەمدى ئىككىنى بىرلەشتۈرۈپ تازا بىر ئوقاي ئەمدى

YuqunAdam

	قوزام يوللىغان ۋاقتى  2014-3-5 02:18 PM تىلىدىن زەھەر تامىدىغان خوتۇنلاركەنغۇ بۇ .. توۋا ئاشۇنداق خوتۇنلارنىڭ بولغىنى ياخشى. بولمىسا بەزىلەر كوچىغا يالىڭاچ چىقىشتىن يانمايدۇ جۇما. بىزنىڭ شۇنداق كىشىنىڭ ئىشىغا كۆڭۈل بولىدىغان پايدىلىق تەرەپلىرىمىزمۇ بار. غەيۋەتتىن قورۇققۇلۇق. ئەمما ئۇ ھەقىقىي گەپمۇ ئاخىرىغا نەزەر سالماي بولمايدۇ.

dilnaz911

	كۈندە يولىغا قاراپ كۆزلىرىم تېشىلىدىغان بولدىدە بۇ پوۋىستنىڭ،،،

ئانىجان

	ۋاي-ۋۇي ، نۇرمەھەممەت ئەپەندى، ئىچىڭىز ھىكايە پوۋىست بىلەن لىق تولغانمۇ نىمە؟ «بۇزۇلۇش»نى تېخى تۈنۈگۈن پۈتتۈرۈپ، بۈگۈن «قوشنامنىڭ قىزى»نى باشلىۋاپسىز. قولىڭىزغا دەرت كەلمىسۇن. قەلەمنى قولىڭىزغا ئالسىڭىزلا ئىچىڭىزدىن ئەسەر دىگەن توكۇلىۋېرىدىكەن-دە؟ شۇنداق بولغاندىكىن، كەمپۇت شوراتقاندەك ئاز-ئازدىن يوللىماي، ئوچوملاپ ئوچۇملاپ يوللىۋېتىڭە، بىر تىنىقدا قېنىپلا ئوقايلى،  ھەي مۇشۇ توردىن ئەسەر ئوقۇماي دەيمەن، يەنە چىدىمايمەن، يا بىر ئوقۇپ قانمايمەن، بۇنىڭغا بىر داۋا بارمۇ؟ مۇشۇ يازغۇچىلار سەۋىر قىلىپ، ھەممىنى يېزىپ بولۇپ بىراقلا يوللاڭلارچۇ سادىغاڭ كېتەيلەر!

alzaman

	ۋاي نۈرمەمەتجىنىكا ماندا   بى ئۇزۇن ئۇزۇن يېزىپ بىرلا چىقىرىلى  ئادەمنى تەقەززا قىمماي

YuqunAdam

	ئانىجان يوللىغان ۋاقتى  2014-3-5 05:30 PM ۋاي-ۋۇي ، نۇرمەھەممەت ئەپەندى، ئىچىڭىز ھىكايە پوۋىست ب ... يازماي دېگەندىم. ئەمما ئوقۇرمەنلىرىم شۇنچە قىزغىن تۇرسا يازماي تۇرالمىدىم. كۆزۈم ئاغرىپ كىتىدىكەن. باشقا ئىشلىرىممۇ خېلى بار. بولمىسا ئولتۇرۇپ يېزىۋېتىپلا قۇتۇلماقچى ئىدىم. دېمەك ئىچىمدە نەچچە ۋاقىتتىن ساقلىغان ئوبرازلىرىم بار ئىدى. شۇلارنى ئەقلىمنىڭ كامىل ۋاقتىدا موللاقشىتىۋېتەي دېدىم.