رازۋېدكا خاتىرىسى— بىنادىن تاشلىنىش دېلوسى (8)

xamal1124

	ئۇلار لومەننىڭ ئۆيىدىن ئايرىلىپ دېڭىز ساھىلىغا قاراپ يول ئالدى. چىن جوڭ يۈەن  ئالدىنقى شەنبە كۈنى بۇ  دېڭىز ساھىلىغا ساياھەتكە بارغان.شۇڭا جى لىڭ گې مۇ بۇ دېڭىز ساھىلىغا كېلىپ، بۇ يەردىكى خىزمەت خادىمىدىن سوراش ئارقىلىق، ئۇلارنىڭ ئالدىنقى ھەپتىدىكى پائالىيەت ئەھۋالىنى ئىگەللىدى. بۇ پائالىيەتكە جەمىي 37 ئادەم قاتناشقان بولۇپ،  ئېنىق ۋاقتى بولسا ئالدىنقى جۈمە كۈنى چۈشتىن كېيىن 18:00 دىن يەكشەنبە كۈنى سائەت 16:00 گىچە. جۈمە كۈنىدىكى ئورۇنلاشتۇرۇش ئەھۋالى بولسا، 18:00 دە ئورگاندىكىلەر ماشىنىدا كېلىش بىلەن بىر ۋاقىتتا مېھمانخانىدىن ياتاق تەقسىملەنگەن. ئاندىن كېيىن تاماق يېگەندىن كېيىن ئىختىيارى پائالىيەت قىلغان. شەنبە كۈنى چۈشتىن بۇرۇن سائەت 9:30 دا ئەتىگەنلىك تاماقنى يېگەندىن كېيىن، ئىختىيارى پائالىيەت قىلغان. بۇچاغدا دېڭىز بويىدىكى مېۋىلىك باغدىن مېۋە ئۈزسىمۇ، ياكى بېلىق تۇتسىمۇ، ياكى سۇغا چۈشۈپ ئوينىسىمۇ بولغان. چۈش سائەت 12:00 دە چۈشلۈك تاماققا يىغىلغاندىن كېيىن چۈشتىن كېيىن دېڭىز بويىدىكى ماگېزىنلاردىن نەرسە - كېرەك سېتىۋالغان. ئەلۋاتتە، بۇيەردە سېتىلىدىغىنى ئاساسلىقى دېڭىز يۇسۇنلىرى. كەچلىك تاماق ۋاقتى 18:30 بولۇپ، تاماقتىن كېيىن ساليۇرت كۆرۈپ ناخشا ئېيتىشىپ، ئۇسۇل ئوينىشىپ كۆڭۈل ئېچىشقان. تاۋى يوقلار ياكى چارچاپ كەتكەنلەر ياتاققا قايتىپ ئارام ئېلىشقان. يەكشەنبە كۈنىدىكى ئورۇنلاشتۇرۇشمۇ شەنبە كۈنىدىكىگە ئوخشاش بولغان. «سىلەردىن كىم پائالىيەتكە تولۇق ھەمراھ بولغان؟ «سورىدى جى لىڭ گې. خىزمەتچى خادىم سىپايىلىك بىلەن تېلفون ئۇرۇپ، بىر تاقىرباش، ئوتتۇرا ياش ئادەمنى چاقىرىپ ئەچىقىتى.ئۇ دەل ئۇ ئورگاندىكىلەرگە يېتەكچى بولغان بولۇپ، ئىسمى زىڭ دا كەن ئىكەن. بۇ ئادەم خۇددى ئىسمىگە خاس خارەكتېرگە ئىگە بولۇپ، گەپلىرى تولىمۇ ئوچۇق ئىدى. شۇڭا ئۇ كېلىپلا سۆزلەشكە چۈشتى: «مەن ئۇلارغا تولۇق ھەمراھ بولغىنىم يوق. مەن پەقەت ئۇلارنى يېتەكلەپ، يول باشلىدىم خالاس. نېمىلا دېگەن بىلەن ئۇلار بەزى چاغدا بۆلۈنۈپ ھەركەت قىلغان تۇرسا، مەن ياش ئۆزۈمنى پارچىلىيالمىسام ...» جى لىڭ گې ئۇنى ئالدى زالدىكى ئورۇندۇقتا ئولتۇرۇپ سۆزلەشكە چاقىرغاچ، ئۇنىڭدىن ئۇ كۈنلەردىكى چىن جوڭ يۈەننىڭ ئىشلىرىنى سورىدى. «لاۋ چىنمۇ ...ئۇزۇن...تەخمىنەن كەچ سائەت ئالتىلەردىغۇ دەيمەن ...مەن چىقىپ  ئۇنى كۈتىۋالغان. ئۇ ئايالى بىلەن بىللە كەپتىكەن .ماشىنىنى شىياۋلى ھەيدەپتىكەن. » «شىياۋ لىڭ مۇ بۇ پائالىيەتكە قاتناشقانما؟ » «ھەئە، ئۇ ئىزچىل بىز بىلەن بىللە ئوينىغان. » «...ئۇنداقتا كېيىنچۇ؟ » زىڭ دا كەي ئالدىرىماي ئۇلاپلا ئېيتىشىقا باشلىدى: جۈمە كۈنى چىن جوڭ يۈەن كۆپچىلىك بىلەن بىللە بولۇپ، تاماق يەپ بولۇپلا ياتىقىغا قايتىپ ئارام ئالغان.زىڭ دا كەي ئۇنى ئىككىنچى كۈنى ئاندىن ئۇچراتقان. شەنبە كۈنى چۈشتىن بۇرۇن ئۇ ئايالى بىلەن بىللە مېۋىلىك باغقا بارغان .زىڭ دە كەي ئۇلار بىلەن بىللە بارمىغان. ئۇلار پەقەت چۈشلۈك تاماق ۋاقتىدا ئاندىن قايتا ئۇچراشقان. «كېيىنچۇ؟ » «مەن ئۇنىڭ بىلەن بىللە ئىدىم. چۈشتىن كېيىن بىللە بىرنەرسە ئالدۇق، يالقۇن كۆردۇق، مۇسابىقە كۆردۇق ..» «توختاڭ توختاڭ، دەل مۇشۇ يەر!—— جى لىڭ گې ئۇنىڭ سۆزىنى بۆلىۋەتتى—— كەچلىك تاماق نەچچىدە ئاخىرلاشقان؟ » زىڭ دا كەي بىر ھازا ئويلانغاندىن كېيىن تەخمىنەن 9:30 ئەتراپىدا ئاخىرلاشقانلىقىنى، كېيىن كۆپچىلىك بىللە ناخشا - ئۇسۇل زالىغا كەتكەنلىكىنى ئېيتتى. «كېيىنچۇ؟ » «كېيىن ...تەخمىنەن 21:00 لەردە ساليۇرت كۆرگىلى باردۇق. مەن يەنىلا ئۇ ئىككىسى بىلەن بىللە ئىدىم. ئارىلىقتا بەزىلىرى باشقا نەرسە ئوينىغىلى ياكى ئارام ئالغىلى ياتىقىغا قايتىپ كەتتى. مەسىلەن ئۇنىڭ ئايالى ۋە باشقا ئائىلىسىدىكىلەرنى ئېلىپ كەلگەنلەر ....دېگەندەكلەر. ئۇلاردىن سىرت يەنە بەزى كاتىپلارنىڭ ئويناپ ھالى قالمىغاندىن باشقا يەنە توپ مۇسابىقىسى بىلەن خوشى يوقلارمۇ ياتىقىغا قايتىپ كېتىشكەن. مۇسابىقە كېيىن شۇ 22:30 دە باشلانغان. » بۇنىڭدىن بىلىشكە بولىدۇكى، چىن جوڭ يۈەن بۇلاردىن كېيىن ئاندىن شەخسىي ھەركەت قىلالىغان. «چىن جوڭ يۈەن كەتمىگەنمۇ؟ سىلەر مۇسابىقىنى نەدە كۆرگەن؟ » «ئۇ كەتمىگەن. بىز مۇسابىقىنى ساياھەت كەنتىدە كۆرگەن» «جەمىي قانچە كىشى؟ » «لاۋ چىن، شىياۋ چىيەن، شىياۋ خاۋ لارنى قوشقاندا، 20 نەچچەيلەن. قالغانلار ئارىلىقىتا قەرت ئوينىغىلى ياكى بىليارت سوققىلى كەتكەن. » «كېيىنچۇ؟ ئاڭلىشىمچە چىن جوڭ يۈەن ئورنىدىن 30 مىنۇت ئايرىلىپتىكەنغۇ؟ » زىڭ دا كەي ئويلانغاندىن كېيىن ئېيتتى: «ھەئە، مۇسابىقە 22:30 دا باشلانغان، ئۇ <ياتاققا قايتىپ ئايالىمنى كۆرۈپ چىقاي >دەپ 15 مىنۇتلاردىن كېين ياتاققا قايتقان. لېكىن ئۇ يەنە ئالدىنقى يېرىم مەيدان تۈگىمەستىلا يېنىپ كەلگەن. » ئۇنداق ھېسابلىغان چاغدا، چىن جوڭ يۈەننىڭ كۆپچىلىكتىن ئايرىلىپ شەخسى ھەركەت قىلغان ۋاقتى يېرىم سائەت ئەتراپىدا. «قايتىپ كەلگەندىن كېيىن ئۇ بىرە نەرسە دېمىدىمۇ؟ » «ياق، بىزمۇ ھېچنىمە سورىمىدۇق. » «بولدىلا ...ئۇنداقتا ياتاق بىلەن سىلەر مۇسابىقە كۆرگەن جاينىڭ ئارىلىقى قانچىلىك؟ » «تەخمىنەن بەش مىنۇتچە يول مۇساپىسى » ئۇ سۆزلىگەچ ئۇيەرنىڭ تەكشىلىك خەرىتىسىنى ئەپ كېلىپ، ئۈستەل ئۈستىگە قويۇپ ئۇلارغا كۆرسەتتى. «چىن جوڭ يۈەننىڭ ياتىقى قايسى؟ » «بۇ ...» زىڭ دا كەن ئېنىق ئېسىدە قالمىغانلىقىنى ئېيتىپ، خىزمەتچى خادىمنىڭ قېشىغا بېرىپ، ئۇنىڭدىن ئالدىنقى ھەپتىدىكى ياتاق تەقسىملەش جەدۋىلىنى ئېلىپ كەلدى. ئۇلارنىڭ ئورگانىنىڭ تەقسىملىگەن ياتاقلىرى ئۈچىنچى ۋە تۆتىنچى قەۋەتتە بولۇپ، ئۈچىنچى قەۋەت3011- نومۇرلوق ياتاقتىن 3021- نومۇرلۇق ياتاققىچە. تۆتىنچى قەۋەت 4001- نومۇرلوق ياتاقتىن، 4009 - نومۇرلوق ياتاققىچە، جەمىي 20 ياتاق ئىكەن. چىن جوڭ يۈەن ئەر - ئايالنىڭ تۇرغىنى بولسا 3021- نومۇرلوق ياتاق ئىكەن. ئەگەر زىڭ دا كەننىڭ ئېيتقانلىرىنى راست بولسا، ئۇچاغدا چىن جوڭ يۈەن 22:45 دە ئايرىلىپ 23:15 ئۆتكەندە قايتىپ كەلگەن بولىدۇ .پەقەت مۇشۇ ۋاقىتتىلا ئۇنىڭ ئۇ.ئىسپاتىنى ئىنكار قىلغىلى بولىدۇ. لېكىن ئۇ بۇ ۋاقىتتا ماشىنا بىلەن دېڭىز ساھىلىدىن گۈيخەي گۈللۈكىگە بېرىپ ئادەم ئۆلتۈرۈپ كېلىپ بولالمايدۇ— دە! ئۇنىڭ ئۈستىگە زىڭ دە كەننەڭمۇ باشقىلاردەك يالغان سۆزلەش سەۋەبى يوقتۇ! جى لىڭ گې فاسەيگە قارىدى. فاسەي بۇچاغدا ئالدىدىكى خەرىتىگە چەكچىيىپ قاراۋاتاتتى. لېكىن، ئۇنىڭ قاراۋاتقىنى چىن جوڭ يۈەن ئەر -ئايال تۇرىۋاتقان ياتاق بولماستىن، بەلكى بىر قۇرۇق ياتاق—  4021- نومۇرلوق ياتاق ئىدى. فاسەي ئۇ ياتاقنى كۆرسىتىپ تۇرۇپ سورىدى: «بۇ ياتاققا ئادەم ئىسمى يېزىلماپتۇ ...ئۇ كۈنى ئادەم تۇرمىغانمۇ؟ » زىڭ دا كەن ئۇنىڭ قۇرۇق ياتاق ئىكەنلىكىنى ئېيتتى. «ئو ...قۇرۇق ياتاق ئىكەن - دە! » فاسەي بىر تەرەپتىن دېگەچ، بىر تەرەپتىن بىر نەرسىلەرنى ئويلىدى. بۇنىڭدىن جى لىڭ گې ھەيران قالدى. بۇ قۇرۇق ياتاقنىڭ بۇ دېلو بىلەن نېمەئالاقىسى؟ زىڭ دا كەن ھەممىنى تولۇق ئېيتتى. دېمەك چىن جوڭ يۈەننىڭ قولىدا نەق مەيداندا يوقلۇق ئىسپاتى بار. جى لىڭ گې نىڭ بېشى يەنە ئاغرىشقا باشلىدى، شۇنچە يىراقتىن ئالايىتەن زور ئۈمۈت بىلەن كېلىپ، ھېچنىمىنى تەكشۈرەلمىگەندىن سىرت، تېخى يەنە چىن جوڭ يۈەننىڭ نەق مەيداندا ئەمەسلىكى ئىسپاتىنى تېخىمۇ مۇستەھكەملەپ قويغىنى نېمىسى؟ بۇ زادى نېمە ئىش؟ ھېچقانداق يوچۇقى يوقمۇ؟ ئەمما بۇچاغدا فاسەي ئۇنىڭغا دېدى: «ياق، ئۇنداق ئەمەس» «ئىم؟ » «بىز بىكارغا كەلمىدۇق. بۇ دېلونىڭ بىر قىزىقارلىق بۆسۈلۈش نۇقتىسى تېپىلدى. » ھە؟! ئۇنداق ئەمەستۇ؟!

xamal1124

	تېلفونۇم بۇزۇلۇپ قالغاچقا، مەكتەپ سىرتىغا ياش خالىغان ۋاقتىمدا چىقالمىغاچقا، تېلفونۇمنى يا ۋاقتىدا ئوڭشىتالمىدىم؛ ئىقتىسادىم سەل ناچارراق بولغاچقا، يا باشقا بىرنى ئالالمىدىم. ئىچكىرى تولۇقتا ئوقۇۋاتقاچقا، بەزىلىرىڭلار دەۋەت قىلىۋاتقان ئۆزى ئەرزان، قولايلىق تورخانىلارغا كىرىپ نەچچە سائەت ۋاقتىمنى چىقىرىپ ياكى ئۇلاپ يازالمىدىم. شۇندىمۇ سىلەرنى توغرا چۈشىنەر دەپ ئويلاپ يۈرگەنىدىم ...يازغان ئىنكاسلىرىڭلارنى كۆرۈپ،  يېرىم كۆڭلۈمنى  تېخىمۇ يېرىم قىپ قويدۇم. يا ئاللا، ئەتە - ئۆگۈن تىللاشقا چۈشۈپ كەتمەڭلار مېنى يەنە ...تىللاشلىرىڭلاردىن قورقۇپ، ساۋاقداشلىرىمنىڭ تېلفونىنى«تىلەپ»، مۇشۇ يېرىم كېچىدە ئارامىمنى  ئالماي سەل ئازراق بولسىمۇ مۇشۇنچىلىك يوللاپ قويدۇم. خاپا بولماي كېلەر قېتىم يوللىغىچە توغرا چۈشەنمىسەڭلار ھاياجىنىڭلارنى بېسىۋېلىپ، كۆڭۈلگە تېگىدىغان گەپلەرنى ئازراق قىلساڭلار! ئۆتۈنگىنىم بولسۇن سىلەردىن!

xamal1124

	بۇ سەككىزىنچى قىسمىنىڭ يېرىمى ئىدى، قالغان قىسمىنى يېڭى تېما شەكلىدە داۋاملىق يوللايمەن. « يېنىمدا تېلفون بولمىغاندىكىن قاچان يوللىيالىشىمنى ئەمدى ئېنىق بىرنېمە دېيەلمەيمەن. بۇنىڭدىن مەنمۇ خىجىل. لېكىن،ھامىنى  يوللايمەن  .مېنىڭ ئۇنداق قىلىۋاتقان ئىشىمىنى يېرىم يولدا توختىتىپ قويىدىغان ئادىتىم يوق! »

ana

	چاتاق يوق ، ساقلاپ تۇرايلى ئەمسە

g520

	ھە رەھمەت ھەر نىم بولسا يوللاپسىز، ئاخىرغىچە ساقلايمەن ،،

sargarda

	xamal1124 يوللىغان ۋاقتى  2014-3-4 02:20 AM تېلفونۇم بۇزۇلۇپ قالغاچقا، مەكتەپ سىرتىغا ياش خالىغان ... شۇنچىلىك   قىيىنچىلىق   ،  جاپا   ـ مۇشەققەت  ئىچىدە   ،  قەتئىي  ئېرادە بىلەن  بىزلەرگە بۇ  تېمىنى   يوللىغىنىڭىزدىن  سۆيۈندۈق   .   ئۇلۇغ   ئىگەم   زىھنىڭىزنى   ئۇچۇق  ،  ئىلمىڭىزنى  زىيادە  قىلغاي  ... قارىغاندا   :   دېلو  بىجىرىش  ،   بىرەر   پەيجۇسۇغا  مۇئاۋىن  سوجاڭ (  ئۇيغۇرچە ئەبجەش پاراڭ ) بولۇشقا  قىزىقىدىغاندەك  قىلسىز  .     ھەركىمنىڭ   قىزىقىشى   باشقا   ئەمەسمۇ  ؟  نىشاننى   تېخىمۇ  چوڭ  بېكىتىڭ  ... ! بىزدىن  چىققان   سىياسىيۇن   بولۇپ  قالسىڭىز   ئەجەب  ئەمەس.................

گۆزەل

	سىزنى سەۋىرچانلىق بىلەن ساقلايمىز.

laylim

	رەھمەت      ئاخىرىنى  يوللىغىچە   ساقلايمىز

amannisa

	رەخمەت.، ئاخىر يوللاپسىز،

تەسەللى

	مەنغۇ كۆڭۈلگە تېگىدىغان گەپلەرنى قىلمىغان. بۇنىڭدىن كىيىن سىزنىڭ ئۆتۈنۈشىڭىزگە ھۆرمەت قىلىپ. ئازراق بولسىمۇ كۆڭۈلگە تېگىدىغان گەپلەرنى قىلىپ تۇرسام بولىدىغان ئوخشايدۇ.(چاقچاق) . داۋامىنى ئىزچىل ساقلايمىز جۇما! بوش كەلمەڭ ھە!.