مېھرىنى مىننەتكە ئايلاندۇرما !

.tuz.

	«كىمكى خەيىرلىك ئىشلارنى شۆھرەت تاپماق نىيتىدە داۋراڭ قىلسا ، ياراتقۇچىمۇ قىيامەتتە ئۇنى شەرمەندە قىلىپ ، ئەتراپقا يايىدۇ . كىمكى خەيىرلىك ئىشلارنى ئەدەملەر مىنى كۆرۈپ قويسۇن ، دەپ كۆز-كۆز قىلىش مەقسىتىدە قىلسا ، ياراتقۇچىمۇ قىيامەتتە ئۇنى بارچە بەندىلەر ئوتتۇرىسىدا خىجالەت قىلىدۇ.» يەنە «ئوڭ قولۇڭ بەرگىننى چەپ قولۇڭ بىلمىسۇن» دېيلىدۇ مۇسۇلمانچىلىقتا . بۇنداق قاتتىق ئاگاھلاندۇرۇشلارغا پەرۋا قىلماي ، كۆز- كۆز قىلىنغان ياكى مىننەت قىلىنغان ئېھسان ئۆز ئىگىسىنىڭ ئۇ دۇنيالىقىنى قارا قىلىشى ئېنىق . ئەمما ، بۇ دۇنيالىق ئۈچۈن بولسا زىيىنى ئۇنىڭدىنمۇ كۆپرەكتۇر . سىز مەن ئادەملەرنى ياخشى - يامان ، يېقىملىق - يېقىمسىزغا ئاجرىتىمىز . ئەمما ، ياراتقۇچى ئۈچۈن جىمى ئىنسانلار بىردەك ئەزىز ۋە مۇكەررەمدۇر . ئەمدى ياراتقۇچىنىڭ ئۆزى ئەزىزلەپ تۇرغان بەندىسىنى باشقا بىر بەندىسى سۇندۇرۇپ قويسىچۇ ؟ بىرلا مىسال ئالايلى : يېقىنقى يىللاردىن بېرى تېلېۋىزورلاردا قايسىدۇر بايلارنىڭ قايسىدۇر نامراتلارغا ياردەم قىلغانلىقى ، قايسىدۇر ئوقۇغۇچىلارنىڭ ئوقۇش پۇلنى كۆتۈرۋەتكەنلىكى ھەققىدىكى كۆرنۈشلەر كۆپىيىپ قالدى . (نامرات ، نامراتلار  ، نامرات ئۆقۇغۇچىلار ....)  بۇرادەر ، ساۋاپ دەپ ياردەم قىلىپ ئۇلارنى سازايى قىلىپ داۋراڭ قىلسىڭىز ، ساۋاپ ئەمەس پەقەت مىننەت ئۆزىڭىزنى كۆرسىتىش ،قانداقتۇر بىر مەقسەد پىلانىڭىزنى ئەمەلگە ئاشۇرۇش ئۈچۈن ئەزىز ئىنسانلارنى سازايى قىلىشتۇر ! سىز «ئەيھانناس!» دەپ توۋلاپ ئېھسان قىلمسىڭىزمۇ ، بۇ ئىنسانلار يەنە ياشىيالايتى . ئەڭ نامرات ، كەمبىغەل ئائىلىمۇ ئوغلى ياكى قىزىنى ھەرنېمە قىلىپ ئامالىنى ئىزدەپ ئوقۇتاتتى . نەچچە ئونلاپ مۇخبىر چاقىرىپ ، ئالاھىدە يىغىن سورۇنلارنى ئۇيۇشتۇرۇپ ،قىلغانلىرىڭىزنى ،قىلىپ بەرگەنلىرىڭىزنى ، كۆرە خەق دەپ ،كۆز - كۆز قېلىپ تېلېۋىزوردا يېيىپ ، تاراتقۇلاردا تارقىتىپ ، نېمىگە ئېرىشتىڭىز ؟! سىزگە قالغىنى نېمە ؟ سىزگە قالغىنى گۇناھ ، يەتكۈزگىنىڭىز خىجالەتچىلىك ! شۇنداقلا ئازار ! سىز تازا سىنچىلاپ قاراپ بىقىڭ ، تېلكامىرانىڭ ئۇدىلىدا تۇرغان ئاشۇ ئاتا- ئانا ، ئوقۇغۇچىلارنىڭ كىشىلەرگە تىك قارىغىننى ياكى تەبەسسۇم بىلەن تۇرغىننى كۆردىڭىزمۇ ؟! سىز ئۇلارنى پەشتاق قىلىپ ئۆزىڭىزنى كۆككە كۆتۈرۋاتقان بۇ كۈن ئۇلار ئۈچۈن ئەڭ زەبۇن كۈندۇر . سىز ئۇنى سۈرەتكە ئىلۋاتىسىز . ئۇنىڭ بولسا يۈرىكى يىغلايدۇ . «ئېھ ئاللاھ ، نېمىشقىمۇ قولۇمنى قىسقا قىلىپ قويغانسەن ؟»دەپ نىدا قىلىدۇ ئۇ . «ئۆز جۈپتى ھالالىمنى ،ئائىلەمنى ، بالاچاقامنى بىراۋلارنىڭ سادىغى پۇلى بىلەن بېقىۋاتىمەنمۇ ؟ نېمىشقا مىنى خەلقى ئالەم ئالدىدا ئوتتۇغا چىقاردىڭ ؟ «ئەركەك» دېگەن نامىم قەيەردە قالدى ؟ مەنمۇ بىر ئەركەكمۇ ؟» دەپ بوزلايدۇ ئۇنىڭ ئار - نۇمۇسى ! سىز كەڭ تاماشىبىنلارغا كىنو قىلىپ كورسىتىۋاتقان ئاشۇ ئوقۇغۇچى ،ھاياتقا غەمكىن باقىدۇ ! ئاتا بولغۇچى ئەر ئۆيىگە كېلىپ ، بالىسنىڭ مەڭزىگە - مەڭزىنى يىقىپ تۇرۇپ شېۋىرلاپ بۇلدۇقلايدۇ ! « ئەمدى ھەرگىز سىنى ئۆزەمگە ئوخشاتمايمەن » دەپ يىغلايدۇ . « سېنى ھېچكىمگە موھتاج قىمايمەن » دەپ ئىسەدەيدۇ . « سېنى خەقلەرنىڭ ئالدىدا سازايى قىلدۇرمايمەن » دەپ يۇركى ئاغرىپ نىدا قىلىدۇ . ...... مانۇ بۇ سىز قالدۇرغان داغ ! مانا سىزنىڭ ئۇزاققا باردىغان شاراپىتىڭىز . بۇرادەر ، ئېيتىڭا ، سىز ئاشۇ قانائەت قىىلىپ ياشاۋاتقان ئادەملەرنى نېمىشقا سازايى قىلسىز ؟! نېمىشقا مۇبارەك دىلىنى ئىگىپ ، كۆزلىردىن مولدۈرلەپ ياشلارنى تۆكتۈرسىز ؟ ئەسلىي سىزنىڭ قىلغىنىڭز ئېھسان ئىدىغۇ ؟ بىلنەشتۇرمەي ئۇنىڭ ئۆيىدە پىر پىيالە چاي ئىچىپ ، ئېشىنغىنىڭىزنى ، ئاتىغىنىڭىزنى سەزدۈرمەي كۆرپىنىڭ ئاستىدا قويۇپ چىقسىڭىز بولماسمىتى ؟ ئېھسان ئەگەر مىننەتكە ئايلىنار ئىكەن ، داۋامى كۈلپەتتۇر . قىيامەتتىكى سازايى بولۇشىڭىزنى قويۇپ تۇرايلى ،  بۇ دۇنيادىكى يەنى زىينىڭىزدىن ئەندىشە قىلىپ تۇرۇپتۇمىز . بەزى جايلاردىكى ئۆزى ساق ، بەش ئازايى نورمال بىر قىسىم تاماخور كىشىلەر « پالانچىدىن مەن كەمبىغەلمەن ، ماڭىمۇ ئېھسان قىلسا بولاتتى ...» دەپ يىپىشۋىلىپ ، ھورۇن تەييار تاپ ئادەملەر كۆپىيىپ كەتتى . مانۇ بۇ داۋراڭنىڭ ئۈنىمى ! سىزنىڭ ئېھسانلىرىڭىزغا ئاشۇنداق ساختا ئەسكى كىشىلەرمۇ شىرىك بولماقتا .... ھەممە نەرسە نىيەتكە باغلىقتۇر . دىيلىدۇ مۇقەددەس كىتابلىرمىزدا . سىزنىڭ نىيتىڭىز يامان ئىدى ، يەنى شۆھرەت تاپماقچى ئىدىڭىز . شۇنىڭ ئۈچۈن ياراتقۇچى شۇنچە يۈگۈرۈپ] يۈرىشىڭىزنى بىكار قىلدى . چۈنكى سىز  شۆھرەت تاپىمەن دەپ ، يوقسۇللارنىڭ دىللىرنىمۇ ۋەيران قىلدىڭز . مەنبە : ھايات - ئىجتىمايى ئەخلاق مەجمۇئەسى مۇنبەرگە يوللىغۇچى : تۇز 2014- يىلى نورۇزنىڭ 2- كۈنى ئەزىزانە شەھرى قەشقەر

asenat

	بۇ يازمىڭىز مېنى ئويلاندۇرۇپ قويدى،نۇرغۇن ئىشلارنى كۆزئالدىمغا كەلتۈردى،چوڭقۇر ئويلىنىشقا تىگىشلىك تېما بولۇپتۇ.

gayur1

	بىزدە ھەقىقەتەن ئېھسانىغا ئەمەل قىلىدىغان كىشىلەر يەنىلا كۆپ. ئاللاھقا سېغىنىپ رىياخورلۇقتىن فاناھلىق تىلەيمەن. تىرەن تېمىلىرىڭىز ئۈچۈن ئاللاھ ئەجرىڭىزنى زىيادە قىلغاي قېرىندىشىم.

gulbaxikar

	مۇشۇ يىقىن يىلنىڭياقى بارلىققا كىلىۋاتقان خەيىر - ساخاۋەت تەشكىلاتلىرى ھەم شەخسىي ساخاۋەتچىلەر  خېلى كۆپىيىۋاتىدۇ ، بۇ ياخشى ئەھۋال ، شۇنداقلا ئومۇمى جەھەتتىن تەھلىل قىلغاندا ، كۆپ سانلىق  كىشىلەر ئېڭىنىڭ مىھىر - مۇھەببەت تەرەپكە قاراپ  يۈزلىنىۋاتقانلىقىدىن  ، قەيەردىن بولمىسۇن بىر قېرىندىشى  ياردەمگە مۇھتاج بولسا يۈرىكى ئىچىشىدىغانلىقىدىن دېرەك بېرىدۇ ، ئەمما تېمىدا دىيىلگەندەك ئايرىم ساخاۋەتچىلەرمۇ باركى پەقەت ئۆزىنىڭ مەنپەئەتى ئۈچۈن ،  باشقىلارنىڭ نەزىرىدىكى ‹‹ساخاۋەتچى›› دىگەن ‹‹ ساختا ›› شۆھرەتكە ئىگە بولۇش ئۈچۈن  قەستەن  ئاشۇنداق ‹‹ ساختا ›› قىياپەتتە ئۇتتۇرغا چىقىۋاتىدۇ. مۇشۇ قېتىم خوتەندىكى  يەر تەۋرەشتە  نۇرغۇن ساخاۋەتچىلىرىمىز  ئوتتۇرغا چىقتى،  بىزمۇ  بىلىپ  پىدايىلىرى قاتارىدا  ئىئانە توپلىغان، بىز دەسلەپ  كىيىنكى سانىنى تۇغرا چىقىرىش ئۈچۈن دەپ ، ئاز بولسۇن ، كۆپ بولسۇن تىزىملاپ   ماڭغانتۇق ، شۇ كۈنى ھىس قىلدىمكى ، ئايرىم ساندىكىلەرنى ھىساپقا ئالمىغاندا ، نۇرغۇن  ئاددى ئەمما غورۇرلۇق  ئاكا ئاچىلىرىمىز ، ياشلىرىمىز ، خەلقىمىز ئىسمىنى يىزىپ قۇيايلى دىسەكمۇ ئۇنىمايلا  پۇللىرىنى ،  ماددى بۇيۇملىرىنى قۇيۇپلا ماڭدى ،  دېھقان سۈپەت بىر ئاكىمىز كىلىپ  ئىسمىنىمۇ دىمەيلا بىر مىڭ سوم پۇلنى ئىئانە قىلىۋىتىپ كەتتى.   ئۇلارنىڭ ئۆزىنىڭ ئاددى تۇرمۇش خىراجىتىدىن  ئىشىنىپ قىلغان بۇ ئىشلىرىدىن مەن خېلى چوڭقۇر تەسىرات ئالدىم ، ھەم  ھەقىقى ئۈن تىنسىز  ياردەمنىڭ مەنىسىنى تۇلۇق  ھىس قىلدىم.

.tuz.

	مېھىرنى مىننەت يۇيۋىتىدۇ ......

花公主

	ئىسىل تىما يوللاپسىز قېرىندىشىم،رەھمەت سىزگە!

1263318936

	چوڭقۇر ئويلىنىشقا تىگىشلىك تېما بولۇپتۇ.