ئار-نومۇسۇڭ ئايالىڭدىن قىممەتتۇر ، ئوغلۇم !

.tuz.

	سۇئال : بەزى كېلىشمەسلىكلەر سەۋەبلىك بىر يىل بۇرۇن ئايالىم بىلەن ئاجرىشىپ كەتكەن ئىدۇق . ھازىر ئۇمۇ ، مەنمۇ قايتا تۇرمۇش قۇرمىدۇق. ئارىدا قانداقلا گەپ - سۆزلەرنىڭ كۆپلىكىدىن قەتئىينەزەر مەن ئۇنىڭغا ئىشىنىمەن ۋە ياراشسام دەيمەن . ئاتا-ئانام بولسا نارازى ، قانداق قىلسام بولار ؟ جاۋاپ: ئوغلانىم ھېچكىمنى كۆز ئېچىپ كۆرگىنىدىن قويمىسۇن ، بۇ پەلسەپىنى ئاتا-ئانىڭىزمۇ ياخشى بىلىدۇ. تۇرمۇشتا بولىدىغان ئونلاپ ،يۈزلەپ خاتالارنى كەچۈرسە بولىدۇ . لېكىن بىر - ئىككى گۇناھ باركى .......بۇ ھالەتتە تەھلىلمۇ ، خۇلاسىمۇ ئىنچىكە ۋە غايەت خالىس بولىشى كېرەك . «ئۆزى رۇخسەت بەرگەن ئىشلار ئىچىدە ياراتقۇچىنىڭ ئەڭ يامان كۆردىغىنى تالاقتۇر » دېيلىدۇ مۇقەددەس كىتابىمىزدا . ئائىلە ھەق تۈزگەن ئۇيۇشمىدۇر ، ھەر بىر نىكاھتا ئۇنىڭ ئۆزى گۇۋاھلىقتىن ئۆتىدۇ ! ھەر قېتىم تالاق ياڭرىغاندا بولسا ئەرشىئالا زىلزىلىگە كىلەر ئىكەن . ياراتقۇچىنىڭ نارازىلىقىدىن قاتتىق قورقۇش كېرەك . تالاق ھەممە يوللار بېكىلىپ ، نائىلاجلىقتىن باشقا يول قالمىغاندىلا ئۆتتۇرغا چۈشىشى مۈمكىن . ئەگەر بىر ئەجرىم بىلەن ئىككى ياخشى ئايرىلىپ چۈشىۋاتقان بولسا ، يولىنى تىپىپ يېرىم تەقدىرلەرنى بىر پۈتۈن قىلماق ساۋابتۇر . بۇنداق پەيىتتە ئائىلىدە نەچچە كاللا بولسا ، ھەممىسى باراۋەر ئىشلىشى ۋە ياراتقۇچىنىڭ رازىلىقى ئۈچۈن ، بىر ئەقىللىق توختامغا كېلىشى لازىمدۇر . ئوغلانىم ، سىزنىڭ سۇئالىڭىز سەۋەبلىك سىزنىڭ ھالىتىڭىزدە تۇرۋاتقان ياشلارغا ئايرىم مۇلاھىزىلىرىمنى بېلدۈرۈپ ئۆتەي : ئەگەر ئايالىڭىزغا شۈبھە بىلدۈرلىۋاتقان بولسا ، قىلمىشلىرىنى كۆرگەن تۆت گۇۋاھ ھۆججەتلىككە ئۆتمىگىچە (بۇ يەردە كۆزدە تۇتۇلغىنى باشقىلار سۆز چۆچەك قىلغان بولسا ) ئۇنى يامان ئاتلىق قىلىش مۈمكىن ئەمەس .بەتگۇمانلىق -ئەڭ ئېغىر گۇناھ ! ناۋادا ، خۈنۈك ھالەتتە ئۆزىڭىز گۇۋا بولۇپ قالغاندىمۇ ، خۇلاسىگە ئالدىرماڭ : ئايالىڭىزغا بۇ قەستتىن ، ھەسەتتىن ھۈجۈم بولمىسۇن يەنە ! بۇنىڭ نامى پالاكەت دېيلىدۇ ، ئۇنىڭدىن ھەمراھنى قۇتقۇزىدۇ ، يۈزىگە تۈكۈرۈلمەيدۇ . ئەگەر ئايالىڭىزنىڭ سىزگە كۆڭلى يوقلىقىنى بىلىپ قالسىڭىز ، ئاۋۋال ئۇنىڭغا ئەسدايىدىللىق بىلەن ئۇنىڭغا يېقىشقا ، مېھرىنى قازىنىشقا ھەرىكەت قىلىڭ ! چۈنكى ئۇ ياشلىق قىلىپ ، ئەپسانىۋى مۇجۇمەل خىيالدىن ھەدېگەندە چىقالمايۋاتقان ، ياخشى - ياماننىڭ پەرقىنى ئايرىيالمايۋاتقان بولىشى مۈمكىن . سىزگە كۆنمەي خاپا قىلۋاتقان بولسىمۇ سەۋرى قىلىڭ ، ۋاقىت ھەممە ئىشقا داۋا ! ئەمما ، ئۇ ئاشۇ خاھىش تەرەپكە قەدەم قويسا ، بۇ يامان ! سىز بۇنى بىلگەن بولسىڭىز  ۋە بىلگىنىڭىزنى بىلىپمۇ ئۇ خىجالەت چەكمىسە ، ئوچۇقلا خاھىش تەرەپكە ئۇچۇشقا ئىنتىلىپ تۇرسا ، بۇ ئىش ياماننىڭ يامىنى ! بۇ ھالدا سۈلھىنى ئۈزۈش كېرەك ! بۇنداق نالايىق يامان ئايال ۋە شۇنىڭدەك ئەركەكتىن نەسىل كۆپەيمىگىنى جەمىئەت ئۈچۈنمۇ ئىنتايىن ياخشى ! « كۆڭۈل ئەمەسمۇ ، گۇناھلىقىنى بىلىپ تۇرساممۇ كېچىپ كېتەلمەيۋاتىمەن » دېيىش مۇھەببەت ئەمەس ، مەردلىكمۇ ئەمەس ، ۋاپادارلىقمۇ قەتتى ئەمەس ! ئار- نۇمۇس بۇلغانغان جايدا مۇھەببەت يوق ! نەپس بار ، ھېرىس بار ! سېنى خار قىلغاننىڭ ئايىغىغا باش قويۇشنىڭ ئېتى نېمە ؟! بۇ نادانلىق ، شەرمەندىلەرچە نادانلىق ! ئەقلىڭنىڭ قاتتى ئىشلىمەي قىلىشىدۇر ! شۇنى بىلگىنكى ، ئىنسانلار بىر - بىرلىرىنى پەزىلەتلىرى ئۈچۈن سۆيىدۇ . بىر كۈنى بىر يىگىتنىڭ گېپىنى ئاڭلاپ قالدىم : « ھەدە ، ئۇ مېنى ياخشى كۆرىدۇ ، باشقىسىنى ساڭا ئوخشىتالمىدىم ، ئويلاپ كۆرسەم ، سېنى بەكمۇ بەك سۆيەر ئىكەنمەن ، شۇنىڭ ئۈچۈن سېنىڭ قىشىڭغا قايتىپ كەلدىم ، دىدى . ( قىلغۇلۇقنى تازا قىلىپ ،تازا ئويناپ قايتىپ كەپتىمىششششش ) ئۇ مېنى ياخشى كۆرگەچ قايتىپ كەپتۇ ، دېمەك بۇ مېنىڭ ئۇتۇقۇم ، شۇنىڭ ئۈچۈن ئۇنىڭ بىلەن بىرگە ياشاۋاتىمەن » ئەسلىدە ، بۇ يىگىتنىڭ ئىمانى سۇس ، ئەركەكلەرگە خاس غۇرۇر ۋىجدان دېگەندىن ئەسەرمۇ يوق ! بۇ زىناخور شەرمەندە ئايال ئۇنىڭغا جازا ئورنىدا يەنە ئەۋەتىلگەن ! ئىككى ئېغىز شىرىن گەپنى قىلىپ ئەركىلەپ ناز قىلىپ يىپىشسا ، ئۆزىگە قىلىنغان دەھشەتلىك خىيانەتنى ئۇنۇتقان ئەر ، ئەركەك يىگىت سانىلامدۇ ؟! قېنى دەڭا ھەي ئايال  ، سىز پۇتبۇل توپىمۇ خالىغان تەرەپكە تېپىۋەرسە بولدىغان ؟! ياكى كۈچۈكمۇ سىز ، خالىسا بىشىڭىزنى سىلاپ ، خالىمىسا تىللاپ ، چامما ئىتىپ قوغلىۋىتىدىغان ! ئوغلانىم ، يىگىت كىشىنىڭ ئەڭ قىممەت دۇنياسى _ ئار - نۇمۇستۇر !  غۇرۇر ، ۋىجدان ، نۇمۇس  ئەركەك ئۈچۈن ، خوتۇندىنمۇ ، بالا - چاقىدىنمۇ ھەتتا جاندىنمۇ يۇقۇرى ھەم مۇھىمدۇر ! شۇ ئىسىڭىزدە بولسۇن ! دۇنيا ئار-نۇمۇسلۇق ئەركەكلەرگە تايىنىپ ياشنايدۇ ! مەنبە : ھاياتلىق ئىجتىمايى - ئەخلاق مەجمۇئەسى مۇنبەرگە يوللىغۇچى : تۇز 2014-يىلى نورۇزنىڭ 1- كۈنى ئەزىزانە شەھرى قەشقەر

ياۋۇز

	bir ixni sorap yazgan inkas idi, hal  boptu, bu inkasni oqurwiting amdi. awara kildim

花公主

	ئىسىل تىما يوللاپسىز،كۈچلۈك تەربىيگە ئىگە بولدۇم،رەھمەت!

cubat

	توي قىلغىلى ئىككى يىلدىن ئېشىپتۇ شۇنداق بەخىتلىك ئىدىم، ئۇنى سۆيەتتىم، ئۇ خۇددى پۈتۈن ھاياتىمدەك، بولمىسا ياشىيالمايدىغاندەك ھېس قىلاتتىم، يۈرىكىمدىن پۈتۈن ھاياتىم بەدىلىگە ئۇنى سۆيىشنىلا ئويلايتىم، ئۇنىڭسىز ھەر بىر كۈنۈمنىمۇ تەسەۋۋۇر قىلىپ باقمىدىم. بىراق بىز ئۇرۇشۇپ قالدۇق، ئۇ تۇنجى قېتىم مېنى ئۇردى. ئاسماندىكى كۆڭلۈم يەرگە چۈشكەندەك... ئۇنىڭغا نەپرەتلىنىمەن، ھەممىدىن كەچكىم كېلىۋاتىدۇ. ئۇنىڭغا قىلغان ئەقىدەمگە ئېچىنغۇم، سۆيگۈمدىن تانغىم كېلىۋاتىدۇ. ئازاپلىنىۋاتىمەن...

cubat

	توي قىلىپ تۇنجى قېتىم ئاپامنىڭ ئۈيىگە يامانلاپ چىقتىم. خۇشالمۇ ئەمەس، خاپىمۇ ئەمەس،،، قىزىمنى ئوينىتىپ ئۇنىڭ قىلىقلىرىغا قاراپ كۈلەلەيمەن. شۇنىڭغا قارىغاندا مەن تېخى بەختىمنى يۇقىتىپ قويمىدىم، بىراق ئۇنىڭ بىلەن كەتكىم يوق. ئو دوسلىرىنى دەپ مېنى ئۇردى، مەن ئۇنى دەپ دوسلىرىمدىن كەچتىم... ئىشقىلىپ ئۇنى ئويلىساملا ئازاپلىنىمەن. ماڭا نىمە بولغاندۇ؟ مەن زادى قانداق قىلىسام بولار؟

.tuz.

	cubat يوللىغان ۋاقتى  2014-3-1 04:37 PM توي قىلىپ تۇنجى قېتىم ئاپامنىڭ ئۈيىگە يامانلاپ چىقتىم. ... شىنجاڭ خەلىق رادۇيى ئىستانسىسىنىڭ كەچ سائەت 8دە بىرلىدىغان تۇن تىۋېشلىرى پىرگىراممىسىغا تېلفۇن ئۇرۇپ  ھوشۇجان يەنى ھوشۇجان قىزىقتىن مەسلىھەت سوراپ بىقىڭ

alip-ar

	cubat يوللىغان ۋاقتى  2014-3-1 04:34 PM توي قىلغىلى ئىككى يىلدىن ئېشىپتۇ شۇنداق بەخىتلىك ئىدى ... ئۇنى ھەقىقى سويسىڭىز ئۇنى بوش قويۋەتمەڭ سىزنى تاشلاپ كىتىشىگە يول قويماڭ ، تۇرمۇش شۇنداق بولىدۇ كىتابلاردا ، كىنولاردا سوزلەنگەندەك ئۇنداق رومانتىك بولمايدۇ ، ئۇنى ھەر ۋاقىت سويدىغانلىقىڭىزنى ھورمەت قىلىدىغانلىقىڭىزنى ۋە داۋاملىق ئۇنىڭ ئارقىسىدا بولىدىغانلىقىڭىزنى ئۇنىڭغا ھىس قىلدۇرۇڭ . شۇنداق قىلىشنى داۋاملاشتۇرۇپ كىلىۋەرسىڭىز ئاخىرى ئۇ سىزنى چۇشۇنۇپ قىلغانلىرغا پۇشايمان قىلىپ سىزنى ئۇرغان شۇ قولىنى چانىۋەتكۇسى كىلىدۇ ۋە بىر ئومۇر ۋىجدان ئازابى تارتىدۇ ئۇنىڭ ئۇچاغدىكى ئازابى سىزنىڭ ئازابىڭىزدىن نەچچە ھەسسە ئىشىپ كىتىدۇ . بىر دەملىك ئاچچىق ۋە كوڭۇلسىزلىكنى دەپ ئوزىڭىزنى ئومۇرلۇك پۇشايمانغا دۇچار قىلماڭ .

cubat

	cubat يوللىغان ۋاقتى  2014-3-1 04:37 PM توي قىلىپ تۇنجى قېتىم ئاپامنىڭ ئۈيىگە يامانلاپ چىقتىم. ... مەن ئۇ پىروگىراممىنى ئاڭلاپ باققان... ئەمما بىز ئۇ دەرىجىدە ئەمەس، ئىشىنىمەن ئۇ مېنى بەكلا ياخشى كۈرىدۇ. ئۇنىڭدىن ئايرىلىپ كېتىشنىمۇ ئويلاپ باقمىدىم، ئەمما كۆڭلۈمدە ئۇنى ئەپۇ قىلالمىدىم... يۈرىكىم ئاغرىۋاتىدۇ... ئۇ مېنى ئۇرىۋېدى، ئۇنىڭ بىلەن ئۆتكەن كۈنلىرىمگە پۇشايمان قىلغىنىمدەك... مەن ئۇنىڭدىن يىراق تۇرىۋىدىم ... ئۇمۇ مېنى ئۇرغىنىغا پۇشايمان قىلىدۇ...

cubat

	.tuz. يوللىغان ۋاقتى  2014-3-1 04:56 PM شىنجاڭ خەلىق رادۇيى ئىستانسىسىنىڭ كەچ سائەت 8دە بىرلى ... ئۈزەممۇ بىلمەيلا، كۈندىلىك خاتىرە يازغاندەك بۇ يەرگە ئىنكاس يازدىم...ئەمەلىيەتتە بىرسىگە كۆڭلۈمدىكى گەپلەرنى دىگىم كەلگەندۇ ... ئەمەلىيەتتە مەن بەك شەخسىيەتچى، ئۈزەمچى، ئۈزەمنى چوڭ تۇتىمەن، بىراق مەن ئۇنچىلىك ئالىجاناپ ئەمەس ئۇنىڭ كەينىدە تۇتۇپ مەڭگۈ ئۇنى قوللايدىغانلىقىمنى ھېس قىلدۇرالمايمەن. بەلكىم ئۇنىڭ ئۈچۈن قۇربانلىق بېرىمەن. مەن ھەرگىزمۇ پۇشايمان قىلىپ باقتىم، ئەمما بۇ ئىشمۇ چوڭ ئىش ئەمەس... ئىشقىلىپ ئاخىرى نىمە بۇلىدۇ، كىم بىلىدۇ.

mastura82

	cubat يوللىغان ۋاقتى  2014-3-1 04:34 PM توي قىلغىلى ئىككى يىلدىن ئېشىپتۇ شۇنداق بەخىتلىك ئىدى ... سىز توي قىلغىلى ئارانلا 2يىل بوپتۇ ، ئائىلىدىكى ئۇنچىلىك جېدەل -ماجرا ھىچ گەپ ئەمەس ،ئالدىڭىزدا نۇرغۇنلىغان ئوڭىشسىزلىق ۋە كۈڭۈلسىزلىكلەر بولىدۇ تېخى ،سەۋر قىلىڭ سىڭلىم . تۇرمۇشنىڭ ئاچچىق -چۈچۈكلىرى تېخى ئالدىڭىزدا .....