‹‹باھاردا توزىغان چېچەكلەر››نەشىر قىلىندى

مارشال

	ئۇيغۇر پىروزىچىلىقىدا ئۆزىگە خاس ئىجادىيەت يولى تۇتۇپ، بىر تۈركۈم نادىر ئەسەرلىرى بىلەن ئوقۇرمەنلەرنىڭ ئېتراپ قىلىشىغا ئېرىشىپ كېلىۋاتقان ئىقتىدارلىق يازغۇچى ئابلا ئېسھاق پەروزان ئاكىنىڭ <<باھاردا توزىغان چېچەكلەر>> ناملىق پوۋېست، ھېكايىلەر توپلىمى يېقىىندا شىنجاڭ ياشلار - ئۆسمۈرلەر نەشرىياتى تەرىپىدىن نەشر قىلىندى. بۇ مۇناسىۋەت بىلەن ئابلا ئېسھاق پەروزان ئاكىنى قىزغىن تەبرىكلەيمىز. يازغۇچى ئابلا ئىسھاق پەرۇزاننىڭ قىسقىچە تەرجىمىھالى: ئابلا ئىسھاق پەروزان 1965-يىلى 7-ئىيولدا قومۇل شەھرىگە قاراشلىق راھەتباغ يېزىسىنىڭ شامالچاھارباغ كەنتىدە دېھقان ئائىلىسىدە تۇغۇلغان.1984-يىلى راھەتباغ تولۇق ئوتۇرا مەكتەپنى پۈتتۈرگەندىن كېيىن،شىئەن قۇرۇقلۇق ئارمىيە ئىنىستىتوتىنىڭ ئۈرۈمچى شۆبىسى تەرجىمانلىق كەسپىدە ئوقۇغان.مەكتەپ پۈتتۈرۈپ 1987-يىلى ئىيۇلدا قىزىلسۇ شۆبە ھەربى رايونىغا قاراشلىق چېگىرا مۇداپىئە 11-تۇەنى 2-روتىسىغا تەقسىم قىلىنىپ،تەرجىمانلىق بىلەن شۇغۇللانغان.شۇندىن ئېتىبارەن 1995-يىلى 9-ئايغىچە ئاتۇش،گۇچۇڭ،مورىلاردا ھەربى قىسىمدا خىزمەت قىلغان.1995-يىلى 10-ئايدا شىنجاڭ خەلق قوراللىق كادىرلار مەكتىپىگە يۆتكىلىپ كېلىپ ئوقۇتقۇچىلىق خىزمىتى بىلەن شۇغۇللانغان.2002-يىلى 1-ئايدا ھەربى قىسىمدىن كەسىپ ئالمىشىپ،شىنجاڭ ئۇيغۇر ئاپتونۇم رايونلۇق ئورگانلار خوجۇلۇق ئىشلىرى ئىدارىسى ئىشخانىسىدا كاتىپلىق خىزمىتى بىلەن شۇغۇللانغان. 2006-يىلى 1-ئايدىن باشلاپ،شىنجاڭ ئۇيغۇر ئاپتۇنۇم رايونلۇق دۆلەت مېھمانلىرى ماشىنا باش ئەترتىنىڭ مۇئاۋىن سېكىرتارى ھەم مۇئاۋىن ئەترەت باشلىقى بولۇپ ئىشلەپ كەلمەكتە. ئۇنىڭ ئەدەبىي ئىجادى ھاياتى 1985-يىلى «جەڭ غەلبىسى» گېزىتىگە بېسىلغان «سالام گۈزەل ئۈرۈمچى» دېگەن شېئىرى بىلەن باشلانغان بولۇپ،شۇندىن ئېتىۋارەن «خەلق ئارمىيىسى»،«شىنجاڭ گېزىتى»،«ئۈرۈمچى كەچلىك گېزىتى»،«تۇرپان گېزىتى»،«تارىم»،«قومۇل ئەدەبىياتى»،«شىنجاڭ ئاياللىرى»،«تۇرپان»،«يېڭى قاشتېشى» ، «مۆلچەرتاغ» قاتارلىق گېزىت-ژورناللاردا 100 پارچىغا يېقىن شېئىر،ماقالە ۋە بىر قىسىم تەرجىمە ئەسەرلىرى ھەم « زىلالە »،«ئاق ئاتنىڭ ھېكايىسى ».« باھاردا توزىغان چېچەكلەر»،«ئاياللىق قەلبنىڭ ئىزھارى»،«ئانىسىنى تالاق قىلغان ئوغۇللار»،«مېنى ئەسلەر كىشىم بارمۇ» ، «تۇغقان يوقلاش»،«كۈلۈمسىرەش»،«ئىشەنگەن تاغدا كىيىك يوق»،«ئۆسمە»،«ھەي كۆڭۈل دېگەن»،«ئەقىدە»...قاتارلىق يىگىرمە پارچىغا يېقىن ھېكايە،پوۋستى ئېلان قىلىنغان.يېقىندا ئۇنىڭ « باھاردا توزىغان چېچەكلەر » ناملىق پوۋېست – ھېكايىلەر توپلىمى شىنجاڭ ياشلار-ئۆسمۈرلەر نەشرىياتى تەرىپىدىن نەشىر قىلىندى.

guzal~yurtum

	ئەسسالامۇ ئەلەيكۇم! تۇنجى  تىمىڭىزنى كورگۇچى بولۇش، ھەم ئىسىل يازمىلىرىڭىزنى ياقتۇردۇم.. تىخمۇ تىرىشىڭ!

a.dolan

	ئابلا ئىسھاق پەرۇزاننىڭ ئىجادىيىتىگە ئۇتۇق تىلەيمەن.

xalqi

	تەبرىكلەيمەن. ئۇنىڭ كۈلۈمسىرەش دېگەن پوۋېستىنى دەسلەپ توردا ئوقۇپ، كېيىن ژورنالغا بېسىلغىنىنى ئوقۇغانتىم. ئانچە ئوخشىشىپ كەتمەيدىكەن. خۇددى ئىلگىرى توردا مودا بولغان زىنا ئالدىدا ئولتۇراغان قىز دېگەن ئەسەر كېيىن ژورنالغا بېسىلغاندا ئەسلى ئەسەردىن زور دەرىجىدە پەرقلەنگەندەك. شۇنىڭغا قارىغاندا تەھرىرلىك دېگەنمۇ مۇرەككەپ بىر ئىش بولسا كېرەك.

uyol

	مۇبارەك بولسۇن! ئاپتۇرنىڭ ئىجادىيتىگە ئۇتۇق تىلەيمەن

SaBa_002

	ئوھوي    .    ئوقۇيدىغانغا     كىتاپ   چىقىپتۇدە

ئالمىچى

	شىنخۇا كىتابخانىلىردا بامىدۇ؟

2014215

	مۇبارەك بولسۇن! ئاپتۇرنىڭ ئىجادىيتىگە ئۇتۇق تىلەيمەن.

magrurjan

	ئاپتورنىڭ ئىجەدىيەتلىرىگە ئۇتۇق تىنىگە سالامەتلىك تىلەيمەن مۇبارەك بولسۇن

پەروزان

	مېنى قوللىغان بارلىق دوستلارغا ئالى ئېھتىرام! ھەممىڭلارنىڭ ئاۋات ۋە قايناق كېلەچەككە ئېلىنغان مۇۋەپپەقىيەتلىك قەدەملىرىڭلاردىن گۈللەر ئۈنگۈسى! ھەممىڭلارغا رەھمەت!