ئۇرۇۋەتتىم ئوغلۇمنى قاتتىق

kok-sultan

	كۆڭلۈم يېرىم، تۇمۇرۇمغا يامرىدى زەھەر، بايرام بولغان ھېلىقى سەھەر. ئۇرۇۋەتتىم ئوغلۇمنى قاتتىق، يۆكەم-يۆگەم ئەۋرىشىم سىمدا، ۋەسۋەسىگە سالغان شەيتان. ئېغىزىمدىن ئاقتى پوق، سۈيدۈك، ئەۋلادىمغا باشلاپ زىمىستان. چىرقىرىغان بىچارە ئاۋاز، توختاپ قالدى كىرمەي قۇلاققا، نەسىھەت قىلسام، تۇتمىغان ئەستە، دەسسەپ ماڭغان گۇناھى ئۈچۈن، ئوقۇمىغان گۇناھى ئۈچۈن، ئۆگەنمىگەن گۇناھى ئۈچۈن، تورخانىدىن كەلمەي تاڭغىچە، ئەندىشىگە سالغىنى ئۈچۈن كوچا-كۇيدىن ئىزدەپ تاپالماي، ۋەيران بولغان قىمارۋاز كەبى، يىغلاپ ياتقان ئۇزۇن كېچىدە، مىشىلدىشىپ ئايالىم بىلەن... ئۇرۇۋەتتىم ئوغلۇمنى قاتتىق، يۆگەم-يۆگەم ئەۋرىشىم سىمدا. گەپ ئاڭلىماي، داپ تاراڭلىغان، ئىشەك ھاڭرىغان، تەمسىز يەردە يۈرگىنى ئۈچۈن. تاماق يېمەي، ئۇسسۇزلۇق ئىچمەي، مەپتۇن بولۇپ كارتۇن جانلارغا، ئويناپ يۈرگەن گۇناھى ئۈچۈن... ئۇرۇۋەتتىم ئوغلۇمنى قاتتىق، يۆگەم-يۆگەم ئەۋرىشىم سىمدا. چىرقىرىغان بىچارە ئاۋاز توختاپ قالدى كىرمەي قۇلاققا. بولۇپ قالدىم ئۆزۈممۇ بەلكى، غالجىرلاشقان ياۋايى قاۋان. تورخانا، پىۋەخانا، تانسىخانا، ئىشرەتخانا، شاپتۇ ئەمەسمۇ، جان ئوغلۇمنىڭ روھىغا كىشەن! ئۇۇۋەتتىم ئوغلۇمنى قاتتىق، يىغىسىغا جاللاتتەك چىداپ. يېلىنىشقا قىلمىدىم پەرۋا، چىرايىدىن ئۆچسىمۇ ئاپتاپ. يىقىلغاندا تۇرالماي ئۆرە، تەستەك سالدىم بۇلۇڭغا قاپساپ. بەدىنىدە تىلىم-تلىم ئىز، كۆزلىرىدىن توختىمايدۇ ياش، مەن قانداق دادا؟ ئۇيۇپ كەتكەن باغرى قارا تاش... مەنبە:ئىجادىيىتىم

aldawa

	بۇ ................... بۇ ................... ياخشى شئىركەن تەھرىرلەپ قويغان بولسا ،

گۆزەل

	سىزنىڭ شۇ ھىسياتىڭىزدا كۆزلۇرىمگە ياش كىلىپ كەتتى.ئەي ۋاپاسىز دۇنيا ، بىزلەرنىڭ پەرزەنتلىرىمىزنىڭ بەختىنى قارا قىلمىغىن!

rajab

	بالىنى بەرگەن ئىگەم ئېمانىنى، ئىنساپىنى ھىدايىتىنىمۇ بەرگەي . ئاللاھ سالىھ پەرزەنتلەردىن قىلغاي !

WENAS@

	بالىڭىزنى يۆگەم- يۆگەم ئەۋرىشىم سىمدا ئۇرغىنىڭىزدا بەلكىم ئۆزىڭىزمۇ ئوتتىكى قىلدەك تولغانغانسىز، يۇرىكىڭىز ئاغرىپ- ئاغرىپ  كەتكەندۇر. ھەي ئاتا- ئانا كۆڭلىنى چۈشەنسىچۇ بۇ بالىلار. ئىلاھىم بالىڭىزغا بۇ تايىغىڭىز ئىبرەت بولۇپ ، غەپلەت ئۇيقۇسىدىن ئويغىنىشىغا تۇرتكە بولا، بۇندىن كېيىنكى ھايات مۇساپىسى خەيرىلىك بولار.

wares7381

	ناخايىتى مۇ   ياخشى يىزىپسىز   ھارمىغايسىز

dilbar

	ھەجەپ يۈرۈگىمنى ئەزدى بۇ شېئىر،بالا ئۇتىدا كۆيگەن، كېچىلىرى ئامانلىقىنى تىلەپ يوللىرىغا تەلپۈنگەن، پۇچىلانغان  شۇ جاپاكەش مېھرىبان ئاتا ئانىلار كۆز ئالدىمغا كەلدى، اللادىن بارلىق پەرزەنتلەرگە ئىمان، ۋاپادارلىق، كۆيۈمچانلىق تىلەيمەن..قەلىمىڭىزگە بەركەت تىلەيمەن

Hammimiz~Yolda

	ياخشى يىزىپسىز قەلىمىڭىزگە بەركەت تىلەيمەن

alip-ar

	نىمە دىگەن قورقۇنۇچلۇق . ھەرقانداق نەرسىنىڭ ئىجادچسى ۋە رىمۇنىت قىلغۇچىسى بولىدۇ ئەگەر بىزنىڭ  ماشىنىمىز بۇزلۇپ قالسا ئەلۋەتتە ئۇنى ئۇنى ئوبدان چۇشۇنىدىغان رىمۇنىتچىنىڭ ئالدىغا ئاپىرىپ رىمۇنىت قىلدۇرمىز ياكى ئىشلەپ چىقارغان شىركەتكە قايتۇرمىز . ئەمدى بالا خاپا سالسىچۇ ئەلۋەتتە ئۇنىڭ ئىجادچىسى بولغان ئاللانىڭ ئالدىغا ئاپىرمىز يەنى ئاللاغا بالىمىزنى ياخشى -توغرا ئادەم قىلىپ بىرىشىنى تىلەپ دۇئا قىلىمىز ھەمدە يوللۇق سەۋەبىنىمۇ قىلىمىز . بۇنىڭ دەلىلى : پەيغەمبەر ئەلەيھىسسالام مۇنداق دىگەن : ئاللانىڭ تەقدىرىنى ھىچنىمە ئوزگەرتەلمەيدۇ ، ئەگەر ئوزگەرتەلەيدۇ دىيىشكە توغرا كەلسە ئۇ بولسىمۇ خەيرىلىك دۇئا ئوزگەرتەلەيدۇ  دىگەن .

ئالمىچى

	ياخشى سۆز تاشنى ئىرىتەر، نەسىھەت ئاچچىق مىۋىسى تاتلىق