باھار نەدە

كۆڭلۈم

	باھار نەدە باھار كېلىپ كۈلدى بارچە ، پەقەت مەنلا كۈلەلمەيمەن . تۇنجى يارىم كەتتى يىراققا ، باھار كەپتۇ دەپ بىلەلمەيمەن . مىنىڭ تۇنجى يارىم ئىدىڭ ، كۆڭلۈم ھەرچاغ ئەسلەيدىغان ، باھار ۋە يازىم ئىدىڭ ، زىمىستاندا ئويلايدىغان . چۈشلىرىمگە كىرىپ تۇراتتىڭ ، نىچۈن ئەمدى كىرمەس بولدۇڭ . كېتىپ قاپسەن يىراقلارغا ، مىنى دەتكە تاشلاپ قويدۇڭ . سەن بىلەن بىرگە يۈرسەم ، كۈلەر ئىدى مىنىڭ بەختىم . سەندىن باشقىنى سۆيەلمەيمەن ، يوقتۇر ئەمدى باھار تەختىم . ئەجىبا بىلەلمىدىڭمۇ كۆزلىرىمدىن ، ساڭا بولغان چىن سۆيگۈمنى . ئۇنتۇش تەس ئۇنتالمايمەن ھەرگىز ، كۈتىمەن ئەبەدكە ئىللىق چېھرىڭنى . مەن سىنى سېغىندىم چەكسىز ، سەنمۇ مىنى سېغىنغانسەنمۇ . مۇزلاپ كەتمە يارىم دەپ ، باھار ئېلىپ كىلەرسەنمۇ . مەنبە - ئۆز ئىجادىيىتىمدىن (كۆڭلۈم - زۇلپىيە ئەھەت )

sargarda

	باھارغا   ئاز  قالدى  ...

ئالمىچى

	ئۈمۈتۋارلىق بىلەن ساقلاڭ، باھار بىلەن تەڭ يارىڭىزمۇ كەپ قالار ياخشى يىزىپسىز

kakkuk11

	باھار نەدە سورىما مەندىن ، تاپقىن باھار يارىڭ قەلبىدىن . كاككۇك بولۇپ چىللايمەن ساڭا ، ئىككى ياشنىڭ گۈزەل بەختىدىن . سۆيگۈ ۋىسال بولمىسا سەندە ، ئۆمرۈڭ ئۆتەر ئەبەدى قىشتا . شۇڭا باسقىن ھەر بىر قەدەمنى ، باھار ئۈچۈن قىلغان ھەر ئىشتا .

Nimjan

	باھار نورۇزدا!

magrurjan

	شىئىرىڭىزنى ياقتۇردۇم بەخىتلىك بولغايسىز

karehu

	تىخىمۇ ياخشى يىزىشقا تىرىشىڭ

ihbal99

	كۆڭۈل ئىزدەپ ماختىساقلا بولمايدۇ بەلكى كەمچىللىكىنى كۆرسىىتىپ بېرىش ئارقىلىق بۇنىڭدىن كېيىنكى ئىجادىيەتلىرىدە ئۇتۇق قازىنىشىغا تۇرۈتكە بولساق بولىدۇ . بۇ شېئىرىڭىزنىڭ بوغۇم سانىدا پەرق خېلى زور بولۇپ ھەتتا بەزى مىسرالىرىدا تۆت بەش بوغۇم كەم-زىيادە بولۇش بار . شۇڭا تېما ئىگىسىنىڭ بۇندىن كېيىن بۇ جەھەتكە ئالاھىدە ئەھمىيەت بېرىشىنى سورايمەن . قولىڭىزغا قەلەم ئالغان ئىكەنسىز بۇ تىرىشچان ئىكەنلىكىڭىزنىڭ بەلگىسى داۋاملىق تىرىشىڭ !

uyol

	تېخىمۇ تىرىشىڭ قېرىندىشىم، بۇندىن كېيىنكى ئىجادەتلىرىڭىزگە ئۇتۇق تىلەيمەن

كۆڭلۈم

	magrurjan يوللىغان ۋاقتى  2014-2-27 08:44 PM شىئىرىڭىزنى ياقتۇردۇم بەخىتلىك بولغايسىز ئىجادىيىتىمگە بولغان رازىمەنلىكىڭىزگە ۋە بەخت تىلىگىنىڭىزگە كۆپ رەھمەت . سىزگىمۇ بەخت- ئامەت ، خۇشاللىق ۋە سالامەتلىك يار بولغاي .