ئۈرۈمچىدە قەغەز ساتقۇچى بالىلار

dawakol1

	ئىقتىساد تەرەققى قىلىۋاتقان،ھەممە كىشى ئۆز غېمى بىلەن،تۇرمۇش ھەلەكچىلىكى بىلەن ئالدىراش بولىۋاتقان،پۇلنىڭ كۈچى يوقاپ كىتىۋاتقان بۈگۈنكى كۈندە ئالدىمىزغا ھەرخىل كىشىنى ئويغا سالغۇدەك ئىشلار ئۇچراپ تۇرىدىكەن،بىر ئاي قىشلىق تەتىلنى ئەھمىيەتلىك ئۆتكۈزۈپ مەكتەپكە قايتىش سەپىرىمدە ئۈرۈمچىدە ئىككى كۈن تۇرۇپ قالدىم،بۇ ئىككى كۈن جەريانىدىكى پائالىيىتىم چوڭ بازار ئەتراپىدا كۆپرەك بوپقالدى،شۇ ۋەجىدىن بۇ رايون بىلەن بىر قۇر ئاددىيلا تونۇشۇپمۇ ئۈلگۈرۈپتىمەن،ھەممىدىن بەكرەك دىققىتىمنى تارتقىنى  كوچىلاردىكى بىر توپ ياش پەرقى ئانچە چوڭ بولمىغان كىچىك بالىلار بولدى. چوڭ يوللاردا،ئاشخانىلاردا،ئىشقىلىپ ئادەم توپلىشىدىغان ھەر قانداق جايدىن، قولىدا بىر توپ ھۆل قەغەز كۆتۈرگەن،ئۇچرىغانلىكى ئادەمگە قايتا-قايتا يېلىنىپ تۇرۇپ ،ھاۋانىڭ سوغۇقىغا پەرۋا قىلماي ئوقەت قىلىۋاتقان سەبىيلەرنى ئۇچراتقىلى بولىدىكەن.يۇرتتىكى ۋاقتىمدا مۇشۇ ياشتىكى بالىلارنىڭ تەتىللىك تەكرار سىنىپلىرىدا ئانا تىل،ماتېماتىكا قاتارلىق پەنلەردىن تەكرار ۋە ساۋات چىقىرىش بىلەن ئالدىراش ئۆتكىنىنى كۆردۈم،ئەمما ئۈرۈمچىدىكى بۇ بالىلارغا بۇنداق پۇرسەت يوقمىدۇ؟ ئاتا-ئانىسى پۇل تاپ دەپ چىقىرىۋەتكەن بالىلارمۇ ياكى ۋاھاكازالار.... كۈزىتىپ باقسام بۇ بالىلار بىر-بىرى بىلەن تونۇش ھەم ئوقەت ئالاقىسى باركەن،ھەتتا ئۇرۇشۇپمۇ ئۈلگۈرىشىدىكەن،بۇنداق ئەھۋالدا ئەتراپىدىن تۇيۇقسىزلا ‹ياراشتۇرغۇچى›دىن بىرى پەيدا بولىدىكەن،بۇ ‹ياراشتۇرغۇچى›نىڭ گىپىنى ھەممەيلەن ئاڭلايدىكەن،بىر كۈن ئىچىدە مەيلى قايسى ۋاقىتتا بولسۇن ھەر قانداق بىر ئاممىۋى سورۇندا مۇشۇنىڭدەك بالىلارنى ئۇچراتقىلى بولىدىكەن.ھەتتا ماشىنىلار ئۆتۈپ كىتىۋاتقان چوڭ يوللاردىمۇ بۇ بالىلارنى ئۇچرىتىش مۇمكىنكەن . بۇ ئىشلار بەكلا ھەيرانلىقىمنى قوزغىدى، ‹‹ھەر بارخاندا بىر كارۋان،ھەر كارۋاندە مىڭ ئارمان››. ھەر كىمدە تۇرمۇش غېمى بولىدۇ،بەش قول تەڭ بولمىغىنىدەك تۇرمۇشمۇ ئېگىز-پەسچىلىك بىلەن تولغان بولىدۇ ،ئەمما كەلگۈسى ئۈمۈد بولغان بالىلارغا بۇنداق چوڭ يۈكنى يۈكلەپ قويۇش سەل چەكتىن ئېشىپ كەتكەنلىك بولۇپ قالامدۇ قانداق؟ مىنى ئەڭ بەك ئويغا سالغىنى ھېلىقى ‹ياراشتۇرغۇچى › بولدى،بۇ بالىلارنىڭ سودىسىنىڭ قانچىلىك بولىدىغىنىنى،كىم قانچىلىك نۇرمىدا ھۆل قەغەز ساتىدۇ قاتارلىق بىر قاتار مەسىلىلەرنى ئېنىق بىلىدىغان بۇ ‹ياراشتۇرغۇچى› زادى بۇ بالىلار بىلەن قانداق مۇناسىۋەتتە؟بۇ بالىلارنىڭ ئەڭ چوڭىمۇ ئون ياش ئەتراپىدا ئىكەن،بۇ بالىلارنىڭ ئاتا -ئانىسى زادى ئۈرۈمچىدىمۇ يوق؟ بۇ بالىلارغا ئىچىم ئاغرىدى.بەلكىم تۇرمۇش مۇشۇنداق قىلىشقا مەجبۇر قىلغاندۇ،ئەمما بۇ بالىلارنىڭمۇ راھەت ياشاشقا ھەققى بار،ئۇلارنىڭمۇ كۈلۈپ يايرىشىغا ھەققى بار، بۇ بالىلارغا قارىغانسىرى ھېلىقى ئۇ يەر بۇ يەرلەردە يۈتۈپ كىتىۋاتقان بالىلار يادىمغا كىلىۋالدى،بۇ ئىككى كۈن جەريانىدا ئاساسەن دىگۈدەكلا شۇ بالىلارغا دىققەت قىلىپتىمەن،ئەمما ئەتتىگەن قايسى چاغ،كەچ قايسى چاغ ئىشتىن چۈشىدۇ بىلەلمىدىم،ھەتتا بەزى كەچ سائەت 12 لەردە تاقىلىدىغان جايلاردىمۇ شۇ ئورۇن تاقالغۇچە بۇ بالىلارنى كۆرگىلى بولىدىكەن،مىنىڭچە ھېچقانداق بىر ئاتا-ئانا ئۆز يۈرەك پارىلىرىنىڭ بۇنداق جاپالارنى تارتىشىنى،سەككىز  ئون ياشلىق بالىنىڭ بۇنداق چوڭ شەھەردە كەچ سائەت 12 لەرگىچە كوچىدا ھۆل قەغەز سېتىپ يۈرىشىنى خالىمايدۇ،بۇ ئادەمنى ئويغا سالغۇدەكلا بىر ئىش. ماڭىدىغان ۋاقتىممۇ بوپتۇ، ئەپسۇس ۋاقت يوق، بۇ بالىلار بىلەن تېخىمۇ كۆپرەك چۈشەنچە ھاسىل قىلىشقا پۇرسەت بولمىدى،كۆڭلۈمدە ھەر خىل ئويلارنى قىلىپ ئۈلگۈردۈم،بەلكىم ئۈرۈمچىدە ئولتۇراقلاشقانلار ئۈچۈن بۇ بىر نۇرمال ھادىسە بولىشى مۇمكىن،ئەمما بۇ ئىشلار ماڭا غەلىتە تۇيۇلدى،بەلكىم مەن بەك كۆپ ئويلاپ كەتكەندىمەن.ئەمما مۇشۇ كەلگۈسىنىڭ ئۈمۈدى بولغان بالىلار توغرىسىدا ئويلىنىپ بېقىشقا،شۇ بالىلارغا ئازراق دىققەت-نەزىرىمىزنى سېلىپ قويۇشقا ئەرزىيدۇ دەپ ئويلايمەن.شۇ بالىلارمۇ بەلكىم بالدۇرراق ئۆيگە قايتىشنى ئويلايدىغاندۇ.بەلكىم بۇ بالىلارنىڭ ئاتا-ئانىسى ئۈرۈمچىدىدۇ.ۋە ياكى ھېلىقى يۈتۈپ كىتىۋاتقان سەبىيلىرىمىزنىڭ بىرىدۇ.يەنە بەلكىم مەندەك بىر قاتتىق ئۆتەك لاي پاچاق بالا ‹چالا› موللا بەك كۆپ ئويلاپ كەتكەندىمەن. ئەگەر شۇ بالىلار توغرىلىق بىلىدىغانلار بولسا ئېغىر كۆرمەي ماڭا سۆزلەپ بەرسەڭلا،ماۋۇ ھەيرانلىق ،گۇمان بىلەن تولغان كاللام ئازراق ئېچىلىپ قالسا ھەر قايسىڭلاردىن ئالەمچە مىننەتدار بولغان بولاتتىم. مەزمۇن چېچىلاڭغۇراق بوپقالدى،تۈزىتىپ ئوقۇشۇڭلارنى تۆۋەنچىلىك بىلەن سورايمەن. كەچلىكىڭلار خەيرلىك بولسۇن!!

ئالمىچى

	ھازىر زامان تەرەقىياتىغا يىتىشمەك بەك تەس، بولۇپمۇ ئۈرۈمچىدەك تەرەققى قىلغان چوڭ شەھەرلەردە، ھازىرقى جەمىيەتتە ئادەمدە بىرەر ھۈنەر بولمىسا ئاسانلا چەتكە قىقىلىدىغان گەپكەن.

kariguja

	گۇمانىڭىزنىڭ ئاساسى بار . مەركىزى شەھەردىن بۇ مۇنبەرگە كىرىدىغانلار تېما ئىگىسى دىگەندەك جاۋاپ بەرسەڭلار ياكى مۇشۇ ھەقتە كەڭ كۈلەملىك تەكشۈرۈش قىلىپ باقساڭلار بەلكىم ئىجابى نەتىجىسى چىقىپ قالار .

dawakol1

	ئالمىچى يوللىغان ۋاقتى  2014-2-24 09:39 AM ھازىر زامان تەرەقىياتىغا يىتىشمەك بەك تەس، بولۇپمۇ ئۈ ... لىكىن يەتتە سەككەز ياشلىق شۇ بالىلارنىڭ كەچ سائەت 12لەرگىچە جان تىكىپ سودا قىلىشى،ھەمدە ئۇلارنىڭ سېتىش ئۇسۇلىنىڭ ئوخشاشلىقى،ھېلىقى ‹ياراشتۇرغۇچى› قاتارلىقلار بەكلا گۇمانىمنى قوزغاپ قويدى.

barnakiz886

	مەنمۇ گۇمانىڭىزغا قوشىلىمەن،بىراق ئۈرۈمچىدە كۆپ سانلىق ئۇششاق تىجارەت بىلەن شۇغۇلىنىدىغانلارنىڭ بالىلىرىمۇ مۇشۇنداق كىچىك نەرسىلەرنى ساتىدىكەن،ئۇلارنىڭ مەكتەپكە كىرىشىمۇ بەك تەسكەن...

dawakol1

	barnakiz886 يوللىغان ۋاقتى  2014-2-24 10:34 AM مەنمۇ گۇمانىڭىزغا قوشىلىمەن،بىراق ئۈرۈمچىدە كۆپ سانل ... ئۇششاق تىجارەت قىلىدىغانلار ئاساسەن يەرلىك ئۈرۈمچىلىك ئەمەسكەن.كوپ قىسمى ئۈرۈمچىگە كۆچۈپ بارغانلار،نۇرغۇن ئاتا ئانىلار باركەن،كۆز ئالدىدىكى نەپنى دەپلا بالىلىرىنى ئوقۇشتىن چەكلەپ قويىدىغان،مىنىڭ بىر تونۇشۇم بولىدىغان،شۇلارمۇ ئۈچ ئوغۇل،ئەمما ئۆيىدىكىلەر ئۈرۈمچىگە كۆچىمىز دىگەننى باھانە قىلىپ ئۈچ ئوغۇلنىڭ بىرىنىمۇ ئوقۇتمىدى،ئۈرۈمچىگە بېرىپ ئۈچ ئايدىلا قايتىپ چىقتى،مانا ھازىر ئوقۇتمىغانغا پۇشايمان قىلىپ يۈرىدۇ،ئۈرۈمچىگە كىرسىلا پۇل ئاسماندىن چۈشىدىغاندەك ھەممە ئادەم يۈگرەيدىكەن،كۆز ئالدىدىكى مەنپەئەتنى دەپلا يىراقنى كۆرمەي بالىلىرىنى جاپادا قويىدىغان ئاتا-ئانىلارمۇ ئاز ئەمەسكەن،

barnakiz886

	dawakol1 يوللىغان ۋاقتى  2014-2-24 10:42 AM ئۇششاق تىجارەت قىلىدىغانلار ئاساسەن يەرلىك ئۈرۈمچىل ... شۇنداق...ئۈرۈمچى كۇچىلىرىدا...سلياۋ خالتا سېتىۋاتقان...ئاياق مايلاۋاتقان...قەغەز سېتىۋاتقان...يەنە ئالىقانداقتۇر ئۇششاق نەرسىلەرنى سېتىۋاتقان...گۈدەكلەر ھەقىقەتەن ئازئەمەس،بۇ جەمىئەتنىڭ دىقىقىتىنى قوزىغىشى،ھۆكۈمىتىمىز ئۈنۈملۈك تەدبىر قوللىنىشى زۈرۈر بولغان بىر مەسىلە...

1263318936

	سىياسەت ياخشىلنىۋاتىدۇ بىراق بۇلۇڭ پۇشقاقلارغا كىلىپ بولالمىدىمۇ  بىلمىدىم گۆدەكلەر....ھەي

barnakiz886

	بۇ مىنىڭ ئىككى يىل ئاۋال ئۈرۈمچىدە ئوقىۋاتقان ۋاقىتلىرىمدا ئۆزكۆزۈم بىلەن كۆرگەن بىر سەبى ھەققىدە يازغان شئىرىم ئىدى،تىمىڭىزغا قىستۇرۇشنى لايىق كۆردۇم... https://uyghur-archive.com/misranim/thread-92183-4-1.html

dawakol1

	barnakiz886 يوللىغان ۋاقتى  2014-2-24 11:04 AM بۇ مىنىڭ ئىككى يىل ئاۋال ئۈرۈمچىدە ئوقىۋاتقان ۋاقىتلى ... ‹سەرەڭگە ساتقۇچى قىزچاق›نى ئەسكە سالىدىكەن.ئاشۇنداق قۇربانلىقلارنى بېرىۋاتقان بالىلار يەنە قانچىلىكتۇ ھە...