ئابدۇللا ئابدۇرەھىم غا
مەمەت ئابلا (قۇملۇق)
ئەلنى سۆيگەن چولپانسىز،
ئەلمۇ سۆيگەن چولپانسىز.
ئەلگە كۆيۇپ ئەل ئۇچۇن،
ئەل ئىشقىدا ۋولقانسىز.
غىرىپلارنىڭ قىشىدا،
كۆردۇق سىزنى ھەممىز.
سۆيۇندۇردى يۇرەكنى،
ساخاۋەتچى قەلبىڭىز.
غەم چۇشكەندە ئاجىزغا،
شۇئان يۇقلاپ بىرىپسىز.
ئاجىزلارنىڭ دىلىغا،
ئىللىق مىھرى بىرىپسىز.
خەلقىمىزنىڭ پەخرى سىز،
ئۇيغۇرۇمنىڭ نەسلى سىز.
خەلقىمىزنى تۇنۇتقان،
ئىسىل چولپان ئەسلى سىز.
مىرىڭىزدىن سۆيۇندۇق،
چولپانىمىز ئابدۇللا.
سىزگە بولسۇن بار بەخىت،
يولەك بۇلسۇن بىر ئاللا.
2014-يىلى2-ئاي19-كۇنى ( تەكلىماكان)
ئادىلجان مەمتىمىن ناخشا كىچىلىگىگە…ئاتاپ……
مەمەت ئابلا (قۇملۇق)
ئادىلجان ئىگەللەپ بىر چوڭ سەھنىنى،
ئۆزىگە قاراتتى جاھان ئەھلىنى.
كىچىلىك باشلاندى شۇنچىلىك ھەيۋەت.
چىقاردى بۇ چولپان جانو جەھلىنى.
شۇخ ناخشا سەھنىدە ھەركىتى ئەركىن،
ئانىنى كۆيلىگەن ناخشىدا غەمكىن.
ئادىلجان ئۆزى بىر روللىرى ھەر خىل،
توكچى بىز مارىشتا قامىتى تەمكىن.
تۇيۇقسىز سەھنىگە چىقتى بىر پىكاپ،
ھەيرانلىق ئىلكىدە قالدۇققۇ تۇۋلاپ.
راسمىدۇ ۋەياكى يالغانمىدۇ دەپ،
ئىشەنمەي قالدۇققۇ كۆزلەرنى ئۇۋلاپ.
مەمەتجان رۇزىنىڭ شۇخ ئۇيناشلىرى،
بىر ئالدى چوڭ زالنى ۋە قۇللاشلىرى.
گۇلدۇراس ساداغا جۇر بۇلدى خەلىق،
شاتلىقتىن بىسىقماي ھەم تۇۋلاشلىرى.
ناخشىلار ھەم يىڭى تارىخى ھەر خىل،
ماھارەت يۇقىرى ئەرتىسى سەرخىل.
مەرھۇم ئۇستازى ئەخمەتجاننىمۇ.
ئەسلەتتى بىزلەرگە ئىزىلدى ھەر دىل.
شۇخ ئۇيناپ سەھنىدە گىتتارنى چىلىپ،
مەمەتجان ماسلاشتى بىر ياقتىن كىلىپ.
شاراپەت ئۇسسۇلدا قىلدى شۇخ پەرۋاز،
چاۋاكتا جۇپ قوللار قالمىدى تىلىپ.
ئەھەتكام گۇلبەھرەم ئىتۇتتا رۇلدا،
ئانىنىڭ ياغلىقى يىغلايدۇ قۇلدا.
تەلمۇرەر ئۇھسىنىپ غىرىپ كۆزلىرى،
يەنىلا ۋاپاسىز بالىنىڭ يۇلدا.
جۇۋانلار، مەشرەم، ھەم خنىم قىزچاق،
سازچىلار جۇشقۇن رەڭمۇرەڭ چىراق.
ئابلاجان، نۇرمەمەت، مەمەت ئابلامۇ،
سايرىدى بۇلبۇلدەك ئاۋازى ياڭراق.
ئىسىمدە شۇ كىچە شۇ كۇن ھازىرمۇ،
كۆرگەنتى سودىگەر دىھقان كادىرمۇ.
مەمەتجان رۇزىغا ھەمنەپەس بۇلۇپ،
رىياسەتچى بۇلدى دۇستى نادىرمۇ.
2014-2-16 مەمەت ئابلا
مەمەتجان رۇزى سايىتقا.
مەمەت ئابلا (قۇملۇق)
ئەلنى سۆيگەن ئەلمۇ سۆيگەن چولپانسىز،
تەسىرلەندۇق ئەلگە شۇنچە كۆيگەنسىز.
ئاجدادىڭىز بۇلغاچ ئۇستاز رۇزىكام،
شۇڭا دىھقان ئاجىزلارنى سۆيگەنسىز.
غەم چۇشكەندە قىرىنداشلار بىشىغا،
ئاتلىنىپسىز ئەھۋال سۇراپ قىشىغا.
پەخىرلىك سىز ئۇغلانىمىز قىرىنداش.
جۇر بۇلۇپسىز ئاجىزلارنىڭ يىشىغا.
ئۇبرازىڭىز بەك يىقىملىق جەلىپكار،
كۆپكە ماھىر كۆپكە قادىر سەنئەتكار.
كۆز تەگمىسۇن ساخاۋەتچى مەمەتجان،
ھارمىغايسىز ئاللا بۇلسۇن مەدەتكار.
2024-يىلى 2-ئاي15-كۇنى (تەكلىماكان)
توغراق روھى
مەمەت ئابلا (قۇملۇق)
كۆز ئالدىمدا ساناقسىز توغراق،
بەزى قاقشال بەزىسى ئويغاق.
ئاڭلىغانتىم دەرەخ شاھى دەپ،
خىياللىرىم كەتتىغۇ يىراق.
بۇۋاملارنىڭ يۇرتى ماكانى،
تەكلىماكان تارىم ۋادىسى.
ئۇلار شۇنچە ياشاپتۇ قەيسەر،
ئاڭلانماپتۇ قىلچە نالىسى.
بۇۋامنىڭمۇ بۇۋىسىنىڭمۇ،
تەكلىماكان .ىكەنمىش ئۆيى.
يىشىللىققا پۇركەندۇرگەنمىش،
دولقۇنلىغان تارىمنىڭ سۇيى.
تارىم سۇيى تەدىرجى ئازلاپ،
قۇملىشىپتۇ تىرىلغۇ ئىتىز.
سۇسىزلىنىپ ئۆلۇپتۇ جانلىق،
توغراق قەيسەر ياشاپتۇ ئىگىز.
ھازىرمۇ ھەم مەغرۇر ياشىغان ،
زۇقلاندۇرۇپ توغراق قامىتى.
بىتەلەيكەن ئەجداتلىرىممۇ،
تەكلىماكاندا يۇقكەن ئامىت.
نەچچە مىڭلاپ يىللارنى كۇتكەن،
چۆلنى بىسىپ ياشىغان توغراق.
ئۆلسىمۇ گەر مىڭ يىل ئۆمرىنى،
بۇ زىمىنغا ئاتىغان توغراق.
ھەۋەس قىلدىم توغراق روھىغا،
تەۋرىمەيدۇ چىقسىمۇ قۇيۇن.
ئەڭ ئاخىرقى نەپەستىن قىلىپ،
يىقىلسىمۇ ئىگىلمەس بۇيۇن.
2014-يىلى2-ئاي14-كۇنى (تەكلىماكان)
توردىكى ئىسىم
مەمەت ئابلا (قۇملۇق)
قىلىقلىرى بۇۋايدەك،
ئۆزى شۇشەن ياش باللا.
توردا ئىسىم قۇيۇپتۇ،
ئۆزلىرىگە شاش باللا.
جانانى يۇق يىگىتنىڭ،
ئىسمى ئىكەن جانىجان.
تۇغۇپ باقماي بەزىلەر،
بولىۋاپتۇ ئانىجان.
تۇردا ئىسىم شۇنداقكەن،
مۇمايلارنىڭ پەرىزات.
مەدىكارنىڭ پادىشاھ،
سايىملارنىڭ ئەركىزات.
گۇمۇشلارنىڭ دانىشمەن،
قۇرقۇنچاقنىڭ زالىمكەن،
ئىلىپبە نى بىلمىگەن،
ساۋاتسىزنىڭ ئالىمكەن
ئاياللاردەك نازى يۇق،
ئىسمى تىخى پەرىشتە،
ئۇڭ تاناسىپ ئىسىپ يۇق،
ياشامدىكى ئەرىشتە.
چۇشەنچە
بۇلبۇلجانتىم نەچچە يىل بۇرۇن،
سەھنىلەردىن ئالغانتىم ئورۇن.
رۇھىم زەئىپ دىلىمنى بۇزدى،
ئەيىش ئىشرەت تۇگىمەس سورۇن.
ئاۋازىڭىز بۇلبۇلكەن دىسە،
بۇلبۇلجان دەپ قۇيدۇمغۇ ئىسىم،
سەھنىلەردە چولپان ئالدىدا،
ماڭا شۇنچە بۇلدىغۇ بىسىم.
تىپىۋالدىم ئەقلىمنى بىر كۇن،
مەمەت ئابلا ئۆزەمنىڭ ئىسمى،
شۇندىن بىرى ئۆزگەردى تۇرمۇش،
ھاياتىمنىڭ ئىككىنجى قىسمى.
پەيغەمبەركەن مۇھەممەت دىگەن،
ئابدۇللا ھەم ئۇنىڭ دادىسى.
گۇناھ قىلسام بۇ ئىسىم بىلەن،
ئىغىر ئىكەن ئۇنىڭ جاجىسى.
كەيىپلەرنى تاشلىدىم شۇ ئان،
ياخشى دادا ياخشى ئەر بۇلۇپ.
ئۇكۇنىمەن ئۆتكەن كۇنۇمگە،
ياشاپتىمەن گاھى يەر بۇلۇپ.
ئىسىللارنىڭ ئەخلاقلىرىدىن،
دىلىم يۇرۇپ ئىچىلدى كۆزۇم.
مەمەت ئابلا دىگەن ئىسىمنى،
شۇڭا يالغۇز ئىشلەتتىم ئۆزۇم.
خوتەنلىكمەن
مەمەت ئابلا (قۇملۇق)
خوتەنلىكمەن بىرنى بىر دىگەن،
كۇچ قۇۋۋەتلىك گۇشگىردە يىگەن.
دادام ماڭا بوينۇڭنى ئەگمەي،
خوتەنلىكتەك ياشىغىن دىگەن.
يۇرۇڭقاشنىڭ سۇينى ئىچكەن،
تەكتىماكان باغرىدا ئۆسكەن.
جاھىل يىگىت دىمەڭلار مىنى،
ناھەقلەرگە چىدىماق تەسكەن.
خوتەنلىك دەپ نامىم ئاتالغان،
مەرتلىك سىخى يولىنى تۇتقان،
قىرىندىشىم خەلقىم ئالدىدا،
راسچىل بۇلۇپ كۆڭلىنى ئۇتقان.
2014-2-17 مەمەت ئابلا
باتۇرجان ئابدۇقادىرغا
مەمەت ئابلا (قۇملۇق)
دىھقان ئۇغلى باتۇرجان،
چىرا دامكۇ يۇرتىڭىز.
ئۇيغۇرغا خاس كىلشكەن،
زەپ ياراشقان بۇرتىڭىز.
«قەدىرلەيلى دىھقاننى»،
بۇ ناخشىڭىز بەك ئىسىل.
دىھقان بىلەن زاغرا يەپ،
ياشاپ كەپسىز ھەم ئىجىل.
پىلاستىنكا «تەنھامەن»
ئەلگە كەڭرى تارالغان.
ئەل ئىچىدە ناخشىڭىز،
«بەك ئىسىل» دەپ قارالغان.
ناخشىڭىزدا «دۇتتارىم»
پۇراقلىرى ئۆزگىچە.
قايتا_قايتا ئاڭلىدىم،
ھۇزۇرىنى سۇرگىچە.
ئىكرانلاردا ئۇچراتتىم،
باھار،ياز،كۇز پەسلىدە.
چولپانغا خاس تۇرقىڭىز،
ئەكىس ئەتتى سەھنىدە.
سىزدىن چىققان ناخشىلار،
ئىچ_ئىچىدىن قاينىغان،
ناخشڭىزغا زۇقلۇنۇپ،
يۇرەكلىرىم قانمىغان.
ئەي باتۇرجان تالمىسۇن،
تەمبۇر چىلىپ قولىڭىز،
ئەلنى سۇيۇڭ ئەل سۇيسۇن،
ئۇچۇق بۇلسۇن يۇلىڭىز.
2014-2-20 مەمەت ئابلا
بۇ يازمىنى ئاخىرىدا Qabiljan تەھرىرلىگەن. ۋاقتى 2014-2-24 01:39 AM