ئايلاندى

14yax

	ئايلاندى ئانا يۇرت يېزىلار نامى بىراقلا ‹‹شاڭ››غا ئايلاندى، مۇدىر،ھاكىم ۋە نازىرلار ئاخىرى‹‹...جاڭ››غا ئايلاندى. تولا يادلاپ شۇ‹‹جاڭ››لارنى بەك كۆندۈرگەچكە ئاڭلارنى، سوراپ قالسا‹‹بوۋاڭ كىم؟››،جاۋاب‹‹ ۋايتاڭغا››غا ئايلاندى. قەۋەتسىز ئۆينى‹‹پىڭپاڭ››،بىنالارنى دىگەچ‹‹لوفاڭ››، چىرايلىق‹‹ئىسكىلات››،‹‹ئامبار››تۇرالماي‹‹ساڭ››غا ئايلاندى. ئېغىل،قوتانلارنى‹‹ماخۇ››،دېرىزىنى دېدۇق‹‹چاڭخۇ››، ئەزەلدىن بارتۇرۇپ تام مەش،ئېسىت ئۇ‹‹كاڭ››غا ئايلاندى. قۇلۇپ سالغاننى دەپ‹‹سولاپ››،چاي دەملەشنى ھەم‹‹پولاپ››، ئازاپلىق شۇ ئاڭسىزلىق ئاجايىپ ئاڭغا ئايلاندى. قىزىل،كۆك مۇچلانى‹‹لازا››،دەۋالدۇق ‹‹بەلچە››نى‹‹شازا››، كىمىكى ئەسلىنى بىلسە،ئېتى كاداڭغا ئايلاندى. ئەزەلدىنلا قىلىچ ئىسمى بىلەن ئىجىل بولۇپ كەلگەن، ‹‹قۇيۇچ››ئاتلىق ئېگىلمەس بىر جىسىممۇ ئەمدى‹‹گاڭ››غا ئايلاندى. ئەۋىج ئالسا بۇ خىل ئىللەت،تۈزەلگەيمۇ يەنە مىللەت، شۇڭا دەيمەن يورۇق يوللار تۇمان-چاڭغا ئايلاندى. مەنبە:ئۆزۈم  ھۇد ئېيىنىڭ 22-كۈنى شەنبە

تەقدىر07

	راس تۇرمۇشتا ھەر بىر سۆزىمىزگە دىققەت قىلمىساق ئۆزىمىزمۇ بىلمەي خەنچە دەپ سالىغان ھەتتا شۇ خەنچە گەپلەرنىڭ ئۇيغۇرچە ياكى خەنزۇچە ئىكەنلىنى بىلەلمەيدىغان ئىشلارغا دۇچار بولىۋاتىمىز.تىما ئىگىسىنىڭ ئەجىرىگە رەھمەت.

〓重新开始〓

	بۇ دېگەن  داڭلق يازغۇچې تۇرسۇن بەگ ئېبراھېم تايماس نڭ ئەسېرېدۇ ؟؟؟؟؟؟؟؟؟؟؟؟؟؟

dilbar

	‹‹شازى››نى ‹‹بەلچە››‹‹دەمدۇق، بۇنى راستلا بىلمەيدىكەنمەن،ئانا تىلىمنى ساپلاشتۇرۇشقا تىرىشىمەن، ئەھمىيەتلىك شېئىرىڭىزغا تەشەككۈر

Hammimiz~Yolda

	ئەھمىيەتلىك شېئىرىڭىزغا تەشەككۈر

Hammimiz~Yolda

	ئەسەرنىڭ كىمنىڭ بولشى مۇھىم ئەمەس ، ئەسەرنىڭ  مەزمۇنىڭ تەپەككۇر لىغى  بارمۇ يوق  شۇنىڭغا قاراش كېرەك

14yax

	قوللىغىنىڭىزغا كۆپتىن-كۆپ رەھمەت

yan

	‹‹ئۆكتەبىر تېراكتېر زاۋۇتى›› دېگەن سۆزدە  قايسىسى ئۇيغۇرچى ؟  ‹‹تىلفۇنۇمنىڭ شىنخورى نۇرمال››  بۇنىڭدىچۇ؟  ‹‹ماششىنام جىيايوزەندە ماي جالاۋاتىدۇ››؟ بۇنىڭدىچۇ؟ كۇندىلىك تۇرمىشىمىزدا بۇنداق ئۆزىمىزمۇ چۇشەنمەيدىغان گەپ - سۆزلەر ناھايتى كۆپ. قانداق قىلىمىز ئەمدى بىزمۇ يا ئۇ گەپلەرنىڭ مەناسىنى بىلمىسەك.

14yax

	‹‹شىنخو ›› ئەمەس ‹‹سىگنال››،‹‹جىيايوزەن››ئەمەس‹‹مايقاچىلاش پونكىتى››،‹‹جالاش››ئەمەس‹‹قاچىلاش››........................................................................................................................... ئىشقىلىپ بۇنداق ئىشلاردىن ساقلانماق تەس،ئۆزىمىزمۇ بىلىپ-بىلمەيلا خەنچە سۆزلەپ سالىدىكەنمىز ئەمەسمۇ

arkam1128

	توختاپ قالسا تېلىفۇن‹‹تىڭجى››دىيىشكە ئايلاندى، قەرىىزئالساق بانكىدىن‹‹دەيكۇئەن››دېيىشكە ئايلاندى. ساپ ئۇيغۇرتىل مەكتەپ بولمىغاچ يۇرۇتلاردا، پەرزەنىتلىرىمىز‹‹57-مىللەت››كە ئايلاندى. بۇشىئىرنى ئوقۇپ ئېلھام كەپقالدى،قاملاشمىغان بولسا زاڭلىق قىلماڭلار.