تەپەككۇرۇم سەندە ياشنار ئانا تىل

ئەرتۇرا

	تەپەككۇرۇم سەندە ياشنار ئانا تىل تەپەككۇرۇم سەندە ياشنار ئانا تىل. تەسەۋۋۇرۇم سەندىن چاپار ئانا تىل، قانات قېقىپ تەسەۋۋۇرۇم سەن بىلەن، ھەق نۇرىدا ھىكمەت تاپار ئانا تىل. مىڭ يىل بۇرۇن شاھ ئەسەرلەر يېزىلغاچ، ئىتىقادىم ساڭا ئاشار ئانا تىل. خاقانىيە تىلى دىيلىپ قۇياشتەك، مىڭ يىل بۇرۇن بەرگەن باھار ئانا تىل. بۇرۇن ئەرەپ تىل بىلەن تەڭ چاپقىنىڭ، ۋۇجۇدۇمغا غۇرۇر قاتار ئانا تىل. كىرگەچ ئەمدى كومپىيوتېر بېشىغا، خىسلىتىڭ تېخىمۇ چاقنار ئانا تىل. خۇشخەت بىلەن جۇلالىساڭ ئىلاندا، گۈزەللىكىڭ قايناپ تاشار ئانا تىل. سىنى كۆرسەم تىنىم يايراپ شادلىنىپ، سەنسىز دائىم ئىشىم ئاقسار ئانا تىل. يۇمشاق تىللار پادىشاھى ئاجايىپ، ھەرقانداق سۆز راۋان ئاقار ئانا تىل. بىر قىسىم تىللاردەك ئەمەستۇر گاچا، خەنزۇنى "خەنزۇ " دەپ ماڭار ئانا تىل. خەنزۇلار ئۇيغۇرنى "ۋېيۋۇرى "دەيدۇ، ھەر سۆزنى توغرا ئاتار ئانا تىل. يېقىندا ''ئەڭ گۈزەل يېزىق" دىيىلدىڭ، ھۆرمىتىم، ساڭا بەك ياغار ئانا تىل.        2014-2 مەنبە:  ئۆزۈم.

ئەرتۇرا

	ئانا تىلىمىزنىڭ خىرىسلارغا تاقابىل تۇرۇپ چەتكە قېقىلىشتىن قۇتۇلىشىنى ئۇلۇغ ئاللاھدىن تىلەيمەن!

نازىخان

	بارىكاللا !!!!   ئانا تىل كۈنىگە ئاتاپ يازغان  شىئىرىڭىزدىن ھەقىقەتەن سۈيۈندۈم ،،،،،ئاللاھ قۇلىڭىزغا دەت بەرمىسۇن قېرىندىشىم ....!!    ئانا تىلىمىزنى بىرلىكتە قوغدايلى !!!

tirikjassat

	ئانا تىلىم،سۆيىمەن سېنى....

qaraxani

	بىر قىسىم تىللاردەك ئەمەستۇر گاچا، خەنزۇنى "خەنزۇ " دەپ ماڭار ئانا تىل. خەنزۇلار ئۇيغۇرنى "ۋېيۋۇرى "دەيدۇ، ھەر سۆزنى توغرا ئاتار ئانا تىل. يېقىندا ''ئەڭ گۈزەل يېزىق" دىيىلدىڭ، ھۆرمىتىم، ساڭا بەك ياغار ئانا تىل. بۇ مىسرالار شېئىرنىڭ لىباسىنى سالدۇرۇپ تاشلاپتۇ،ئەمما تىل ھەققىدىكى تەسەۋۋۇر تەپەككۇرىڭىزغا قايىل بولدۇم....

ئەرتۇرا

	qaraxani يوللىغان ۋاقتى  2014-2-21 08:23 PM بىر قىسىم تىللاردەك ئەمەستۇر گاچا، خەنزۇنى "خەنزۇ " دە ... كۆرسەتمە بەرگىنىڭىزگە رەھمەت!  سىز شىئېرنىڭ قايسى جەھەتتىكى لىباسىنى دەيسىز?

qaraxani

	ئەرتۇرا يوللىغان ۋاقتى  2014-2-21 10:59 PM كۆرسەتمە بەرگىنىڭىزگە رەھمەت!  سىز شىئېرنىڭ قايسى جەھ ... شېئىرنىڭ مەنىۋى لىباسى،شائىرنىڭ خاھىش قىياسىنى دىمەكچى...