خەلقئارا ئانا تىل كۈنى مۇبارەك

baxtax

	خەلقئارا ئانا تىل كۈنى مۇبارەك                                    ئەسسالامۇ - ئەلەيكۇم، سۆيۈملۇك قېرىندىشىم، تىلدىشىم، يېزىقدىشىم:                  ھەر يىلى 2-ئاينىڭ 21- كۈنى خەلقئارا ئانا تىل كۈنى. يەنى ئانا تىلىمىز ئۈچۈن تەنتەنە قىلىدىغان ، ئانا تىلىمىزنى ئىشلىتىۋاتقان بىزلەر خۇشال بولىدىغان كۈن. ئەسلى مەن خېلى كۆپ ئىشلارغا تەييارلىق قىلغان بولساممۇ، لېكىن مەۋسۇم بېشىدىكى خىزمەت جىددىيلىك تۈپەيلىك، بەزى ئىشلارنى دەل ۋاقتىدا دوستلارنىڭ ھۇزۇرىغا سۇنۇش مۇمكىن بولمىدى. ئازراق بولسىمۇ 12 پارچە ماقالە ( تېمىدىن) تۈزۈلگەن بىر پارچە ئېلكىتابنى ئېلىپ كەلدىم، قېرىنداشلارنىڭ ياقتۇرۇشىنى ئۈمىد قىلىمەن.         ئېلكىتابنىڭ مەزمۇنى: PDF نۇسخىدىكى ئېلكىتابنى بۇ يەردىن چۈشۈرۇڭ: چۈشۈرۈش SWF نۇسخىدىكى ئېلكىتابنى بۇ يەردىن چۈشۈرۇڭ: چۈشۈرۈش ئەسكەرتىش: ئېلكىتابقا كىرگۇزۇلگەن مەزمۇنلار ژۇرنال ۋە تور بەتلەردىن تاللاپ ئېلىنغان، بىر قىسىم تېمىلارنىڭ ئاپتورى ۋە مەنبەسىنى تولۇق خاتىرىلىۋالمىغاچقا ئەسكەرتىش مۇمكىن بولمىدى،يۇقىرىقى ئەسەرلەرنىڭ ئاپتۇرلۇق ھوقۇقى ئەسلى يازغۇچىغا مەنسۇپ.توغرا چۈشەنگەيسىلەر.

pixwa

	رەھمەت بۇرادەر، ئىنتايىن ياخشى بىر تېما ئەكەپسىز، سىز قاتارلىقلارنىڭ ئانا تىل ھەققىدىكى ئىزدىشنىش ۋە خىزمەتلىرىنىڭ قىممىتى نەچچە يىللاردىن كىيىن تىخىمۇ بىلىنگۈسى. ھەممەيلەن ئانا تىلنى پۇختا ئۆگىنەيلى، توغرا قوللىنايلى، كۈچەپ تەشۋىق قىلايلى، يۈرەكلىك قوغدايلى.  ئۇ بىزنىڭ ئانىمىز ھەم ئەۋلادلىرىمىزنىڭمۇ ئانىسى.

hokumran

	ئالدى بىلەن بەشتاش ئەپەندىنىڭ قىممەتلىك ئەجرىگە كۆپتىن-كۆپ رەخمەت ئېيتىمەن. بىر نەچچە كۈندىن بۇيان ئېلان قىلىنغان ئانا تىلىمىز ھەققىدىكى يازمىلارغا قىلچىمۇ ئىنكاس قايتۇرمىدىم. ئىنكاس يازماسلىقىمدىكى سەۋەب ئانا تىلىمىزنى ياقتۇرماسلىقىم، ياكى قوغدىماسلىقىمدىن ئەمەس بەلكى تورداشلىرىمنىڭ ئېغىزىدىكى دەبدەبىيلىك شۇئارلارنىڭ زەررىچىسىنىمۇ ئۆز ئەمەلىيىتىدە كۆرسىتەلمىگەنلىكىدىن كۆڭلۈمنىڭ تولىمۇ ئاچچىق بولغانلىقىدا. ئانا تىل-يېزىقىمىز پەقەت 32 ھەرىپتىنلا تۈزۈلگەن. مۇشۇ 32 ھەرپ ئارقىلىق ئەڭ نازۇك، ئەڭ مۇرەككەپ ھېس-تۇيغۇلىرىمىزنى بىمالال ئىپادىلىيەلەيمىز. ھەممە ساھەدىكى ئەڭ مۇرەككەپ ئاتالغۇلارغىمۇ مۇشۇ 32 ھەرىپىمىز ئارقىلىقلا ئەڭ چۈشۈنۈشلۈك مەنا بېرەلەيمىز. ھازىرچە تىنىش بەلگىلەرنىڭ ئىشلىتىلىش ئورنى ھەققىدە كۆپ سۆزلۈگۈم يوق. ئەي سۈيۈملۈك تورداش: يازمىلىرىڭىزغا، ئىنكاسلىرىڭىزغا قاراب بېقىڭ! قەدەمدە بىر ئۇچراپ تۇرىدىغان ئىملا خاتالىقى بىلەن ئۆزىڭىز جار سېلىۋاتقان ئانا تىل-يېزىقىمىزنى قوغداش ھەققىدىكى شۇئارلىرىڭىز ئوتتۇرىسىدىكى قارىمۇ-قارشىلىقنى قىلچە ھېس قىلالمىدىڭىزمۇ؟ ھاراقكەش بۈگۈنى ھاراقنى ئۆلگۈدەك ئىچىۋېلىپ، ئەتىسى (ھاراق ئىچمەڭ) دەپ نەسىھەت قىلسا تامامەن بولىدۇ. چۈنكى ئۇنىڭ ھاراق ئىچكىنىنى باشقىلار كۆرمىدى. ئەمما سىز يازما ۋە ئىنكاسلىرىڭىزدىكى ئىملا خاتالىقىنى قىلچىمۇ تۈزىتىش ئۇيىدا بولماي تۇرۇپ (ئانا تىل-يېزىقىمىزنى قوغدايلى!) دەپ شۇئار توۋلىسىڭىز، سىزنىڭ قىلىقىڭىز تاماكىنى پۇقىرىتىپ چېكىپ تۇرۇپ (تاماكا چېكىش سالامەتلىككە زىيانلىق) دەپ توۋلايدىغان بەڭگىنىڭ ئىشىدىن نېمە پەرقى قالىدۇ؟ چۈنكى سىزنىڭ يازما ۋە ئىنكاسىڭىز بىلەن شۇئارىڭىزنى توردا ھەممەيلەن كۆرىدۇ ئەمەسمۇ. ھەممىمىز ئىشنى ئۆز ئەمەلىيىتىمىزدىن باشلايلى!   سەمىمىي ئەسكەرتىش: ئىنكاسىمدىكى ئىملاغا قارىتىلغان گەپلەر بەشتاش ئەپەندىنىڭ يازمىسى بىلەن مۇناسىۋەتسىز. خاتا چۈشىنىش بولۇپ قالماسلىقىنى ئۈمىد قىلىمەن.

borhanhoja

	ئاناتىل بايرىمىغا مۇبارەك!!!!!!!!!!!!!!!!!!!!!!!!!!!!!!!!!!!!!!

musapir911

	يۈرىگى ئانا تىل ئىشقىدا يانغان ساھىبقىرانلارغا ئالى ئىھتىرام ! ئەجرىڭىزگە تەشەككۇر قېرىندىشىم!

ئالمىچى

	ئانا تىلىم زەر تىلىم، رەھمەت چۈشۈرۋالاي

guzal~yurtum

	hokumran يوللىغان ۋاقتى  2014-2-21 02:23 AM ئالدى بىلەن بەشتاش ئەپەندىنىڭ قىممەتلىك ئەجرىگە كۆپتى ... ئەسسالامۇ ئەلەيكۇم! راس دەيسىز! مۇشۇ تىمىدا 120نەچچە ئادەم كورۇپتۇيۇ..  بىراق توت ئادەم ئىنكاس يوللاپ ، تەبرىكلەپتۇ.. شۇنىڭدىن، بۇ ئانا تىل بايرىمى، 5.5 دوپپا بايرىمى نىمە ئىكەنلىكىنى بىلمەيدىغان، چۇشەنمەيدىغان تورداشلار.... بار.. شۇڭا... ئامال يۇق.. نىمە دەيمىز!

راستچى

	ئانا تىل كۈنگە  مۇبارەك بولسۇن.

basut

	ئالدى بىلەن ئانا تىل بايرىمىنى قىزغىن تەبرىكلەيمەن! ئانا تىلنى قوغداش شوئار توۋلاش بىلەنلا چەكلىنىپ قالسا بولمايدۇ،شوئار توۋلاش ئاسان،ئانا تىل ئۈچۈن چوڭ ئىشلارنى قىلالمىساقمۇ كىچىك ئىشلار قولۇمىزدىن تامامەن كېلىدۇ،ئەمما، بەزىبىر تورداشلار شوئار توۋلىغىنى بىلەن شۇ كىچىك ئىشلارنىمۇ ئەمەلىيىتىدە كۆرسىتەلمەيۋاتىدۇ،بەزى تورداشلارنىڭ ئىنكاسلىرىنى ئوقۇساق ئىملا خاتالىقىنىڭ كۆپلۈكىدىن نېمە دەۋاتقانلىقىنىمۇ بىلىش تەس،تىنىش بەلگىلىرىگە دىققەت قىلمىغان،بەزى تورداشلار توردىكى ئىسىملىرىغا ئاجايىپ بىر«ئىسىم»لارنى قويۇۋالغان،مەنىسىنىڭ نېمە ئىكەنلىكىنى بىلگىلى بولمايدۇ ھەتتا بەزىلىرى ئۆزىمۇ بىلمەسلىكى مۈمكىن،شۇڭا بىز ئانا تىلنى ھەقىقى سۆيۈدىكەنمىز مۇشۇنداق ئىشلاردىمۇ ئەستايىدىل بولۇشىمىز كېرەك.

qaraxani

	قۇتلۇق بولسۇن تىلىمىز،يورۇق بولسۇن دىلىمىز،تىلمىزنىڭ ساپلىقى دىلىمىزنىڭ ساپلىقى....