ئۆي سالسام،توي قىلسام،داۋالانسام (چاتما ساتىرا)

akkani

	ئابدىۋىلى راخمان (ھەققانى) (ساتىرا) 1. ئۆي سالسام (ئاچكۆز ئەمەلدار تىلىدىن) تۇيۇپ-تۇيماي پۈتۈپ قالدى ھۇقۇق بار چاغدا ئۆي سالسام، پۈتەركەن بۇ دەمدە ھەتتاكى ئېگىز ئاسماندا ئۆي سالسام. ھوقۇق بولسا لاتا قۇزۇق كىرەركەن داق يەرگە پۇرلاشماي، ياغاچ، خىش، قۇم، پولات، سىمۇنىت ئىكەن بىكاردا ئۆي سالسام. ھوقۇق مەنسەپنى پەش قىپتىم ياغاچچى، تامچى جان تىكتى، بوياقچى، سىرچى، ئەينەكچى كۈتۈپ تامادا ئۆي سالسام. ئېلىپ ماڭسام زىيان يوقكەن، ھوقۇق بىرلە قېلىنلقنى، نى ھەددى بەرمىسە ياردەم ئاۋام ئاراندا ئۆي سالسام. كىچىكى، چوڭى ئوغلۇمنىڭ تۈگەشتى غېمى، نەۋرەمگە- (ھازىرقى بېرى سەل-پەل ئاز) يەنە ئون جايدا ئۆي سالسام. ئىلىككە ئالمىدىم قىلچە پىكىر، دەرت، ئەرزى-ۋايساشنى، قىلالماس ھىچكىشى غىڭ-پىڭ، ئىگەللەپ ئون مودا ئۆي سالسام. سىناپ باقتىم ھوقۇقۇمنى چېكەمدىن تامچە تەر تۆكمەي، پۈتەركەن ھەپتە ئون كۈندە سۇ يوق جاڭگالدا ئۆي سالسام. داداممۇ ئوتتى يىل-يىللاپ پۈتۈن كېسەكتە ئۆي سالماي، ئۇنىڭ روھىمۇ ھەيرانغۇ مىراس يوق ھالدا ئۆي سالسام. چۈشۈمدە توۋا تام باستى، بىلمىنى غارس قىلىپ نەئىش، يۈتەمدۇ مىنى ئەل قەھرى، يېتىپ سافادا ئۆي سالسام. دىيانەت تىزگىنى تارتىپ ئارام بەرمەيدۇ كاللامغا، تۇتارمۇ بىركۇنى گالدىن پارا-ھارامدا ئۆي سالسام. 2. توي قىلسام (ساتىرا) ماڭا قوش-قوش ياغار ئامەت كۆرۈڭ مۇبادا توي قىلسام، كېلەركەن ھەر تامان پايدا، ھۇقۇق بار چاغدا توي قىلسام. جاھاننىڭ كارى شۇنداقمۇ، ماڭا نۆۋەتتە سوۋغات كۆپ، تولاركەن قازنىقىم تويدا ئەمەل بار چاغدا توي قىلسام. كىچكتى ئۈچ بالام ،ئەپسۇس، چوڭايتىشقا ئامال بولسا، بۇرۇنقى ئۆيلىگەن ئوغلۇم، جىمىگە قايتا توي قىلسام. بۇ تويدا پايدا كۆردۈم جىق، بۇرۇنغا پۇشمىنىم باردۇر، قەدىناسىمنى قىز قىلسام، يېڭىچە كاتتا توي قىلسام. تۇغۇلغان كۈن، تۇيى سۈننەت، مىنىڭ نەۋرەمۇ-چەۋرەم دةپ، بۇگۇن تەبرىك ئەجەپ ئالقىش، ماڭا ياغقاندا توي قىلسام. دەرىخا! ئۈچ قىزىم بولسا، مۇشۇ پۇرسەتكە ئۈلگۈرسە، باغاقنى ئاينتىپ ھەسسە بۇ دورەم باغدا توي قىلسام. بېيىشقا پەمى يەتكەنگە بۇ چارە زەپمۇ ئوبدانكەن، ماڭا ئامەت گويا سەلدەك، ئۇدۇل ئاققاندا توي قىلسام. جىنايەتكە ئەمەس تەۋە، ئەمەس ھەم پارىغا مەنسۇپ، بۇ بىزگە ئۆرپە-ئادەت دەپ سەۋەپ تاپقاندا توي قىلسام. ھوقۇق پەيتى ئۇزۇن بولماس، ئاۋايلاپ قىسقا پۇرسەتتە، سېخى كۈز، ياق جىمى پەسىل، ئۇزاتماي ئايدا توي قىلسام. 3. داۋالانسام (ساتىرا) ئەجەپمۇ پەيزىكەن ياتسام، (ئەمەل باردا داۋالانسام)، كېسەلنىڭ تاينى يوق ئەمما، دارىم مودا داۋالانسام. يېنىمدىن كەتمىدى دوختۇر، مېھىرلىك باقتى ھەمشىرە، كۈنۈم ئۆتتى مىنۇت-سائەت، پاراۋاندا داۋالانسام . كېلىپ تۇردى جىمى نىممەت، يېتىپ بەرسەملا ھەر ياقتىن، مىسالى ئىرىشىپ قازدىمكى، زەر كاندا داۋالانسام. راسا كۈلدۈردى بۇ پىنھان، ياتاققا پاتمىدى سوۋغات، كېچىلەپ تۇشۇدۇق-ساتتۇق دۇكانلاردا، داۋالانسام. تىزىلغان دەستە گۈللەردىن ھۇزۇر ئېپ شۇندا ھىس قىلدىم: گوياكى سەيلە قىلغاندەك چىمەن باغدا داۋالانسام. قېنى پەقىرگە كىم سادىق (يەنە كەلمىدى كىم يوقلاپ؟)، سىناشقا خەقنى خوپ پەيىتكەن ئاداشقاندا داۋالانسام. كۆنۈپ قالدىم ياتاققا خەپ، پەقەت-پەقەتلا كەتكىم يوق، ۋادىرىخ! نەپ كېلۇركەن كۆپ مۇشۇ چاغدا داۋالانسام.

yultuzay0997

	ياخشىكەن

رۇسلان127

	ئېسىل شېئركەن، ھەقىقەتەن ئېسىل، قولىڭىزغا دەرت كەلمىسۇن. ئۆيۈم يوق ئىدى، مەنمۇ سەل ئۆسۈۋىلىپ ئاندىن ئۆي سالايمىكىن،،، ھاھا

Gvljahan

	بەك بەك ياخشى چىقىپتۇ شىئىرىڭىز ، خۇددى مەن تۇنۇيدىغان ئاۋۇلارنى قۇلىقىدىن تۇتۇپ تۇرۇپ يازغاندەكلا تەسۋىرلىۋېتىپسىز ، ئاپىرىن ! لىكىن بۇنداقلارنىڭ يۈزى چەمدەكلا بولىدۇ -دە......

tabar

	پاسائەتلىك ياخشى چىقىپتۇ

derhem

	تۈپتۈزلا  يىزىۋېتىپسىزغۇ ئابدۇكىرىمكامدەكلا كۈڭلىگە كىلىپ قالار دىمىدىڭىزما ئۇنداقلارنىڭ .....

ئالمىچى

	ھازىر كىچىككىنە ھوقوقى بارلارنىڭمۇ كىبىرى بەك ئۈستۈن.كادىر زىيالى بولسىڭىز ئىشىڭىزنى تىز-تىز پۈتتۈرۈپ بىرىدۇ، خۇددى سىز ئۇلارنىڭ يىزنىسىدەك. ئەگەر دىھقان بولسىڭىز نەچچىنى ھومىيپ بىر پاتمان قاقشاپ خوش ياقسا قىپ بىرىدۇ، خوش ياقمىسا ئەتە-ئۆگۈن دەپ يولغا سىلىپ قويىدۇ، خۇددى دىھقان ئۇلارنىڭ بىر نىمىسىگە چىقىلىپ قويغاندەك

ئۇتغۇر

TAXNAI2

	ياخشى يېزىلىپتۇ .....ئاچكۆز ئەمەلدارلارمۇ يوق ئەمەس .....ئۇلار پۇل مەنبەسىنى تېپىش ئۈچۈن  كىچە-كۈندۇز ئارزۇ قىلدىغانلار ...ئۇلار باشقىلاردىن پايدا ئېلىپ كۆنۇپ قالغانلىقتىن ئالى دەرجىلىك نۇمۇسسىزلاردۇر...

aldawa

	بەك ياخشى يېزىلىپتۇ بۇ شىئىر ئاشۇنداقلار قان يۇتۇۋالغىدەك ئەمدى ؟