ئەدەپ-ئەخلاققا دائىر ھەدىسلەردىن تاللانمىلار

nazukay2

	رەھىملىك ۋە مېھرىبان ئاللاھنىڭ نامى بىلەن باشلايمەن. پەيغەمبەر رەسۇلۇللا ئەلەيھىسسالام ئېيتىدۇكى: 1.ئىلىمنىڭ ئاپىتى -ئەستىن چىقىرىپ قويۇش ۋە ئىلىمگە رىغبىتى بولمىغان كىشىلەرگە (ئىلىم) ئۆگىتىپ ئۇنى زايا قىلماقتۇر. 2.قىزلارنى تۇرمۇشقا چىقىرىش توغرىسىدا ئانىسى بىلەن مەسلەھەتلىشىڭلار. 3.مۇناپىقلىقنىڭ بەلگىسى ئۈچ:يالغان سۆزلەش،ۋەدىسىدە تۇرماسلىق ۋە ئامانەتكە خىيانەت قىلىش. 4.چاقىرىلغان جايغىلا بېرىڭلار! 5.نەپەقە ۋە سەدىقە بېرىشتە ئاۋال ئۆزۈڭدىن باشلا.ئەگەر بىرەر نەرسە ئوشۇق بولسا بالا-چاقاڭغا بەر،يەنە بىرەر نەرسە ئېشىپ قالسا،قېرىنداشلىرىڭغا بەر،ئۇلاردىنمۇ ئېشىپ قالسا ئاندىن باشقىلارغا بەر! 6.ھالال ۋە رۇخسەت قىلىنغان نەرسىلەر ئىچىدە ئاللاھقا خۇش كەلمەيدىغىنى-تالاقتۇر. 7.ئادەملەر ئىچىدە ئاللاھقا يېقىمسىزراق بولغىنى-باشقىلارغا ئەشەددى دۈشمەنلىك قىلغۇچىلاردۇر. 8.بىدئەت-خۇراپاتقا بېرىلگەن ئادەم تا ئۇلارنى تەرىك قىلمىغۇچە،ئۇنىڭ قىلغان ساۋاپلىق ئىشلىرىنى ئاللاھ قوبۇل قىلمايدۇ. 9.تائامنى سوۋۇتۇپراق ئىستىمال قىلىڭلار،ئىسسىق-قىززىق تائامدا بەرىكەت بولمايدۇ. 10.ھەر بىر قوۋۇمنىڭ قىز پەرزەنتىدىن تۇغۇلغان بالىمۇ شۇ قوۋۇمغا مەنسۇپتۇر. 11.قارا تەنلىك خەلىقلەرنىمۇ دوسىت تۇتۇۋىرىڭلار،چۈنكى ئۇلاردىن ئۈچەيلەن جەننەت ئەھلىدۇركى،ئۇلار 1-لوقمان ھېكىم، 2-نەجاشى ،3-مۇئەززىن بىلال ھەبەشى. 12.قەلبىڭ مۇلايىم ،ھاجىتىڭ راۋا بولۇشنى خالامسەن؟ خالىساڭ يېتىملەرگە مېھرىبان بول،ئۇلارنىڭ بېشىنى سىلا،ئۆز تائامىڭدىن ئۇلارغا يىگۈز.شۇنداق قىلساڭ دىلىڭ يۇمشاپ ھاجىتىڭ راۋا بولۇر. 13.قوي بېقىڭلار ،چۈنكى قوي بەرىكەتتۇر. 14.چېقىمچىلىق(ئۆزى)نىمە بىلەمسىلەر؟ئۇ ئادەملەرنىڭ گەپلىرىنى(ئۇلارنىڭ ئۆز-ئارا مۇناسىۋەتلىرىنى بۇزۇش نىيىتىدە)بىر-بىرىگە توشۇشتىن ئىبارەتتۇر. 15.ھارام نەرسىلەردىن ساقلان-ئادەملەر ئىچىدە ئىبادەتلىكرەك ئادەم بولىسەن.ئاللاھنىڭ تەقسىم قىلغان رىزقىغا رازى بول-ئادەملەر ئىچىدە بايراق ئادەم بولىسەن. قوشناڭغا ياىشىلىق قىل-تىنچ يۈرۈيسەن . تولا-كۆپ كۈلمە،كۆپ كۈلۈش دىلنى ئۆلتۈرىدۇ. 16.ئاللاھدىن قورق،ياخشى ۋە خەيىرلىك ئىشلارنىڭ بىرەرىنى كىچىك ھىساپلىما.سۇ سورىغان كىشىنىڭ قاچىسىغا چېلەكتىن سۇ قۇيۇپ بېرىش بىلەن ياكى بۇرادەرلەرنى ئوچۇق چىراي قارشى ئېلىش بىلەن بولسىمۇ ياخشىلىق قىلىڭلار.كىبىر (تەكەببۇرلۇق) ئۈچۈن ئىشتاننى ئۇزارتىپ كىيىشتىن ساقلان.ئاللاھ تەكەببۇرلۇقنى يامان كۆرىدۇ.ئەگەر سىزنى بىر كىشى ھاقارەتلىسە ۋە سىزدە يوپلەر بىلەن ئەيىپلىسە،ئۇنى ئۇنىڭدا بار ئەيىپلەر بىلەن ئەيىپلىمەڭ.ئۇنىڭغا پىسەنىت قىلماڭ. شۇندا گۇناھ ئۇنىڭغا،ساۋاپ سىزگە يار بولىدۇ.ھېچكىمنى ھاقارەتلىمەڭ! 17.ئاللادىن قورقۇڭلار ۋە پەرزەنتىڭلارغا ئوخشاش (بىر خىل) مېھىردە بولۇڭلار،ئۇلارغا كىيىم ۋە تائاملارنى باراۋەر تەقسىملەڭلار! 18.ئىككى( خىل) كىشىگە ئاللاھ قىيامەت كۈنى رەھمەت نەزىرى بىلەن قارىمايدۇ: بىرى (قېرىنداشلىرىدىن) سىلە رەھىمنى ئۈزگۈچى،يەنە بىرى يامان قوشنا. 19.ئىككى كىشى بىر كىشىدىن ياخشى،ئۈچ كىشى ئىككى كىشىدىن ياخشى،تۆت كىشى ئۈچ ىشىدىن ياخشى ،كۆپچىلىك بىلەن بىللە بولۇڭلار،ئاللاھ ئۈممەتلىرىنى پەقەت توغرا يولدا مېڭىش (ئۈچۈن) بىرلەشتۈرىدۇ. 20.ھالاكەتكە ئېلىپ بارىدىغان 7 خىل گۇناھدىن ساقلىنىڭلار:1. ئاللاغا شېرىك كەلتۈرمەك؛ 2. سېھىر ئىشلىرى بىلەن شۇغۇللانماق؛3.بىراۋنى ناھەق ئۆلتۈرمەك؛4.جازانىخورلۇق؛5.يېتىملەرنىڭ مېلىنى يىۋىلىش؛6.ۋەتەن مۇداپەسى ئۈچۈن بولۇۋاتقان ئۇرۇشتىن قېچىش؛7. ئەرلىك مۆمىن ،ئىپپەتلىك(ئەدەپ-ئەخلاقلىق) ئاياللارنى پاھىشە (جالاپ) دەپ ھاقارەتلەش. 21.ئادەملەرنىڭ يۈزىگە ئۇرۇشتىن ساقلىنىڭلار. 22.ھاراقتىن ساقلىنىڭلار.چۈنكى ئۇ ھەممە يامانلىقلارنىڭ ئاچقۇچىدۇر. 23.ئاللاھنىڭ نەزىرىدە ئەڭ ياخشى گەپ-راسىت گەپتۇر. 24.ئاللاھنىڭ نەزىرىدە ئەڭ توغرا جىھاد-زالىم پادىشاھقا ئېيتىلغان ھەق سۆزدۇر. 25.ئاللانىڭ نەزىرىدە بەندىلەرنىڭ ئەڭ ياخشىسى ئۆز ئائىلە-با لا چاقىلىرىغا پايدىسى كۆپ تېگىدىغان كىشىلەردۇر. 26.ئاللاھنىڭ نەزىرىدە ئۆيلەرنىڭ ياخشىراقى-يېتىملەر ئىززەت قىلىنىدىغان(ئاسىرىلىدىغان)ئۆيدۇر. 27.ئۆزۈڭگە ياققان نەرسىنى باشقىلارغىمۇ راۋا كۆر. 28.دوستۇڭنى بوشراق ياخشى كۆرگىنكى،ۋاقتى كېلىپ دۈشمەن بولۇپ قېلىشىمۇ مۇمكىن. دۈشمىنىڭگىمۇ بوشراق ئاداۋەت ساقلىغىنكى،ۋاقتى كېلىپ دوسىت بولۇپ قېلىشىمۇ مۇمكىن. 29.دېھقانچىلىق قىلىڭلار،چۈنكى دېھقانچىلىق بەرىكەتلىك ئىشتۇر.دېھقانچىلىققا زۆرۈر بولغان سۇ مەنبەلىرىنى كۆپەيتىڭلار! 30.لىباسىڭلارنى چىرايلىق كىيىڭلار،ئات-ئۇلۇغىڭلارنى ياراملىق تۇتۇڭلار،ئادەملەرگە يۈزدىكى خالدەك نەمۇنە بولۇڭلار! 31.ئىككى جاغ ۋە ئىككى ئاياغ ئوتتۇرىسىدىكى ئەزالار (ئېغىز ۋە جىنسىي ئەزا) نى چىڭ تۇتۇڭلار! 32.ئۆزۈمدىن كىيىن قالىدىغان ئۈممەتلىرىم ئۈچۈن ئۈچ نەرسىدىن قورقىمەن :1. ھاۋايى نەپىسكە بېرىلىپ يولدىن ئېزىشتىن؛2. نەپسانىي ۋە شەھۋانىي ھېسىياتقا بېرىلىپ كېتىشتىن؛3.ئىلىم مەرىپەتكە ئىگە بولۇپ تۇرۇقلۇق،غاپىللارچە ئىش كۆرۈشتىن. 33.داداڭ ۋاپات بولغاندىن كىيىن ئۇلارنىڭ دوسلىرى بىلەن ئالاقىنى داۋاملاشتۇر،ئۇلاردىن ئالاقىنى ئۈزمە،ئەگەر ئۇلاردىن ئالاقىنى ئۈزسەڭ ئاللاھ سېنىڭ نۇرۇڭنى ئۆچۈرىدۇ. 34.ئەمىرنىڭ سوۋغا ئېلىشى ھارام ۋە قازىنىڭ پارا ئېلىشى دىندىن چىققانلىق. 35.ئۈممەتلىرىم ئۈچۈن ئەڭ قاتتىق قورىققان تەرەپلىرىم:قورساق سېلىپ سەمرىش،كۆپ ئۇخلاش،ھۇرۇنلۇق ۋە دىنىي ئېتىقادى سۇسلىشىپ كېتىشتۇر. 36.ئامانەت قويغان كىشىنىڭ ھەققىنى ئۆز ۋاقتىدا ئادا قىل .ھەققىڭگە خىيانەت قىلغان كىشىگە سەن خىيانەت قىلما. 37.ئىلاجىنىڭ بارىچە ئادەملەرنى ئالىي جازاغا تارىتماسلىققا ھەرىكەت قىلىڭلار.لىكىن ئىمام (باشلىق بولغان ئادەم) جازا قوللانمىسىمۇ بولمايدۇ. 38.ياۋ تەرەپتىن بىر كىشى ئۆز جېنىغا ئامانىلىق تىلەپ كەلسە ئۇنى ئۆلتۈرمە. 39.قايسىڭلارغا قازىلىق لاۋازىمى تاسادىبىي توغرا كېلىپ قالسا ،قاتتىق غەزەپ قوزغالغاندا ھۆكۈم چىقارمىسۇن.دەۋاگەرلەرگە قاراشتا ،ئۇلارنى ئولتۇرغۇزۇشتا ۋە ئۇلارغا ئىما-ئىشارەت قىلىشتا باراۋەر بولسۇن. 40.ئوچاق بېشىغا يارىغان خادىمى ئۆز خوجايىنىغا تائام تەييارلاپ كەلگەندە ئۇنى ئۆزى بىلەن بىللە تاماققا ئولتۇرغۇزۇشى كېرەك.ئەگەر بىللە ئولتۇرغۇزمىسا بىر-ئىككى چىشلەم نېسىۋە بېرىشى كېرەك. مەنبە: سەھىھە ھەدىسلەر. ھازىرچە مۇشۇنچىلىك يوللاپ تۇراي ،داۋامىنى يەنە يوللايمەن.

subat786

	ئەھمىيەتلىك تىيما ئىكەن. رەھمەت سىزگە

nazukay2

	subat786 يوللىغان ۋاقتى  2014-2-18 01:23 AM ئەھمىيەتلىك تىيما ئىكەن. رەھمەت سىزگە سىزگىمۇ رەھمەت!

tuntaxvixi

	ھەدىسلەنى مۇشۇنداق يەتكۈزۈپ تۇرۇش ئىسىل پەزىلەت.

ئالمىچى

	ساقلاپ قويۇشقا ھەقىقەتەن ئەرزىيدىغان تىما!

گازا

	مۇشۇنداق تىملارنى يوللاش شارائىتىڭلار بارلار يېزىۋىرڭلار ھېچكىم قوللىمىسا مەن قوللايمەن!! كاپتانلارنىڭ ئىچنى تازا قاينىتايلى!!!! ھى ھى

kapitan2

	ئىنتايىن ياخشى ھەدىسلەركەن،رەھمەت. بۇ ھەدىسلەرنىڭ مەيدانغا كىلىش ئارقا كۆرۈنىشىدىن, 14ئەسىرنىڭ ئالدىدىكى ئەرەپ جەمىيىتىنىڭ نەقەدەر ئەخلاقسىز،ھەم مەدىنيەتسىز ئىكەنلىگىنى كۆرۈۋالغىلى بولىدىكەن.

basut

	رەھمەت سىزگە،جاپا چېكىپسىز.

yultuzay0997

	ئەھمىيەتلىك تېمىكەن

تاغگۇلى

	28.دوستۇڭنى بوشراق ياخشى كۆرگىنكى،ۋاقتى كېلىپ دۈشمەن بولۇپ قېلىشىمۇ مۇمكىن. دۈشمىنىڭگىمۇ بوشراق ئاداۋەت ساقلىغىنكى،ۋاقتى كېلىپ دوسىت بولۇپ قېلىشىمۇ مۇمكىن. يۇقىرىقى نەسىھەتلەر ھازىرمۇ ئۆز قىممىتىنى يوقاتماپتۇ.