تەۋبە ۋە ئۇنىڭ شەرتلىرى

ئالمىچى

	تەۋبە مۇسۇلمان ھاياتىدىكى مۇھىم ئامىللاردىن بىرى بولۇپ،مۇسۇلمان داۋاملىق تەۋبىگە ئالدىرىشى لازىم.تەۋبە بەندە بىلەن ياراتقۇچىسى ئوتتۇرسىدا بولىدىغان بۈيۈك ئىبادەتتۇر. بىز ئاللاھتىن تەۋبىمىزنى قوبۇل قىلىپ،گۇناھلىرىمىزنى كەچۈرۈم قىلىشنى سورايمىز، *تەۋبىنىڭ لۇغەت مەنىسى<<قايتىش>> دىگەننى بىلدۈرىدۇ. *تەۋبە شەرىئەت ئاتالغۇسىدا:قەستەن ۋە سەۋەنلىك بىلەن سادىر بولغان گۇناھلارغا پۇشايمان قىلىش،تەۋبە قىلىش بىلەن بىرگە شۇ گۇناھلارنى قايتا سادىر قىلماسلىققا ئىرادە باغلاشتىن ئىبارەت. ئىمام ئىبنى قەييۇم جەۋزى مۇنداق دەيدۇ:"تەۋبە ئىرادە ۋە قەستنى كۈچلەندۈردىغان پۇشايمان.پۇشايماننىڭ ئالامىتى سادىر قىلغان گۇناھلىرىغا ئۆمۈر بويى پۇشايمان قىلىش،كىلەچىكىنى ئىسلاھ قىلىش دىمەكلىكتۇر". ساھابىلاردىن ئەمرۇ ۋە ئەبۇ مۇئاز (ئاللاھ ئۇلاردىن رازى بولسۇن) لار مۇنداق دىگەن:ھەقىقى تەۋبە،سادىر قىلغان گۇناھلىرىغا ئىككىنچى قايتماسلىق ئىرادىسى بىلەن يىنىشتۇر، بۇنىڭ مىسالى خۇددى سىغىلغان سۈت ئەمچەككە قايتمىغاندەك گۇناھقا قايتماسلىقتىن ئىبارەت. ئالىملاردىن بىرى تەۋبىنى چۈشەندۈرۈپ: تەۋبە تىلدا ئىستىغپار ئىيتىش،دىلدا پۇشايمان قىلىش، جىسمىنى تىزگىنلەشتىن ئىبارەت دەيدۇ. تەۋبە ھەققىدە كۆپلەپ ئايەت،ھەدىسلەر كەلگەن.ئىنسان گۇناھتىن خالى بولالمايدۇ، بىراق ئىنسان گۇناھ قىلىپ سالغاندا بىپەرۋالىق قىلماستىن تەۋبە قىلىشى،قىلىپ سالغان گۇناھلىرىنى قايتا سادىر قىلماسلىقى لازىم. قۇرئان كەرىمدە تەۋببە ھەققىدە كەلگەن بەزى ئايەتلەر: <<ئاللاھ ھەقىقەتەن تەۋبە قىلغۇچىلارنى دوسىت تۇتىدۇ.(ھارامدىن ۋە نىجاسەتتىن)پاك بولغۇچىلارنى ھەقىقەتەن دوسىت تۇتىدۇ>> (بەقەرە سۈرىسى 222-ئايەت) ئى مۆمىنلەر ئاللاھقا سەمىمى تەۋبە قىلىڭلار، ئۈمىدىكى پەرۋەردىگارىڭلار سىلەرنىڭ گۇناھىڭلارنى يوققا چىقىرىدۇ، سىلەرنى ئاستىدىن ئۆستەڭلەر ئىقىپ تۇرىدىغان جەننەتلەرگە كىرگۈزىدۇ، ئۇ كۈندە(يەنى قىيامەت كۈنىدە)ئاللاھ پەيغەمبەرنى ۋە ئۇنىڭ بىلەن بىللە بولغان مۆمىنلەرنى رەسۋا قىلمايدۇ،ئۇلارنىڭ نۇرى ئۇلارنىڭ ئالدىدا ۋە ئوڭ تەرپىدە يۈرىيدۇ،ئۇلار:ئى پەرۋەردىگارىمىز! بىزگە نۇرىمىزنى مۇكەللەشتۈرۈپ بەرگىن،بىزگە مەغپىرەت قىلغىن، سەن بولساڭ ھەقىقەتەن ھەر نەرسىگە قادىرسەن>>دەيدۇ. (تەھرىم سۈرىسى 66-ئايەت) <<پەقەت(ئۇلارنىڭ ئىچىدىن) (بۇ دۇنيادىكى چىغىدا)  تەۋبە قىلغان،ئىمان ئىيتقان ۋە ياخشى ئەمەللەرنى قىلغانلارلا بۇ ھالدا قالمايدۇ،ئاللاھ ئۇلارنىڭ گۇناھلىرىنى ياخشىلىققا ئالماشتۇرىدۇ، ئاللاھ تولىمۇ مەغپىرەت قىلغۇچىدۇر ۋە مەرھەمەت قىلغۇچىدۇر>> (فۇرقان سۈرىسى70-ئايەت) ئى مۆمىنلەر! بەخىتكە ئىرىشىش ئۈچۈن ھەممىڭلار ئاللاغا تەۋبە قىلىڭلار>>(نۇر سۈرىسى 31-ئايەت) تەۋبە ھەققىدە پەيغەمبەر ئەلەيھىسالامدىن بىزگە كەلگەن ھەدىسلەرمۇ ئىنتايىن كۆپ بولۇپ تۆۋەندە بەزىلىرنى كەلتۈرىمىز: رەسۇلۇللاھ ئەلەيھىسالام بىر ھەدىستە مۇنداق دىگەن:<<ئاللاھ بىلەن قەسەمكى مەن ئاللاھتىن بىر كۈندە 70 قىتىمدىن كۆپ تۆۋبە-ئىستىغپار تىلەيمەن "يەنە بىر رىۋايەتتە "نىر كۈندە يۈز قىتىمدىن كۆپ تەۋبە-ئىستىغپار تىلەيمەن دىگەن>>. يەنە بىر ھەدىستە رەسۇلىللاھ ئەلەيھىسالام مۇنداق دىگەن:<<قۇياش غەرىپتىن چىقىشتىن بۇرۇن كىمكى تەۋبە قىلىدىكەن،ئاللاھ ئۇنىڭ تەۋبسىنى قوبۇل قىلىدۇ>>. ئىبنى مەسئۇد(ئاللا ئۇنىڭدىن رازى بولسۇن) رىۋايەت قىلغان مەشھۇر ھەدىسىدە پەيغەمبەر ئەلەيھىسالام مۇنداق دىگەن:<<ئاللاھ بەندىسىنىڭ تەۋبىسىدىن،سۇ-گىياھسىز چۆل باياۋاندا توختاپ ئۇخلاپ ئويغىنىپ قارىسا تۆگىسى يىمەك-ئىچمەكلىرى بىلەن يوقاپ كەتكەندىن كىيىن تۆگىسىنى ئىزدەپ بارمىغان يەر قالماي ئۈمۈدىنى ئۈزۈپ،ئۆلۈمنى كۈتۈپ ئولتۇرسا توساتتىن تۆگىسى يىنىدا پەيدا بولۇپ قالغاندىن كىيىن سۇ ئىچىپ، قورسىقىنى تويغۇزغان ئادەم قايسى دەرىجىدە خۇشال بولسا ئاللاھمۇ بەندىسىنىڭ تەۋبىسىدىن شۇنداق خۇشال بولىدۇ>> (بۇخارى،مۇسلىم) *قىرىندىشىم بىلىڭكى، ئاللاھ پۇشايمان ۋە ئىستىغپار بىلەن قىلىنغان ھەققى تەۋبىنى قوبۇل قىلىدۇ. تەۋبىنىڭ دەرۋازىسى ھەر قانداق گۇناھكارغا ئوچۇقتۇر. گۇناھ-مەئىسىيەت ھەر قانچە كۆپ،ئىغىر بولسىمۇ تەۋبە قىلغۇچىغا ئاللاھنىڭ رەھمىتى كەڭدۇر. سىز ھەرگىز ئۈمۈتسىز بولماڭ، ئۈمۈتسىزلىككە يولمۇ قويماڭ. ئىنساننىڭ گۇناھلىرى ھەر قانچە كۆپ بولسىمۇ، ئاللاھنىڭ رەھمەت ۋە مەغپىرىتى كەڭدۇر. گۇناھتىن قايتىپ،تامامەن قول ئۈزۈپ تەۋبە قىلغان كىشى گۇناھسىز كىشىگە ئوخشاش پاكلىنىدۇ. بۇنىڭ دەللى تۆۋەندىكى ھەدىستۇر: ئىمران ئىبنى ھۈسەيىن(ئاللاھ ئۇنىڭدىن رازى بولسۇن) رىۋايىتىدە جۇھەينە ئايمىقىغا مەنسۇپ بىر ئايال رەسۇلۇللاھ ئەلەيھىسالامنىڭ قىشىغا كىلىپ ئۆزىنىڭ زىنادىن ھامىلە ئىكەنلىكىنى ئىيتىپ،ئۆزىگە ئاللاھنىڭ بۇيرۇقىنى ئىجرا قىلىشىنى تەلەپ قىلدى. پەيغەمبەر ئەلەيھىسالام دۇئا قىلغاندىن كىيىن ئايالنىڭ كىيمىنى جىسمىغا تىڭىپ ئاندىن رەجىم(تاش ئىتىپ ئۆلتۈرۈش) قىلىشقا بۇيرىغان. رەجىم قىلىپ ئۆلتۈرۈلگەندىن كىيىن پەيغەمبەر ئەلەيھىسالام ئۆزى ئۇ ئايالنىڭ نامىزىنى چۈشۈرگەندىن كىيىن، ئۇمەر(ئاللاھ ئۇنىڭدىن رازى بولسۇن) ئى رەسۇلۇللاھ! بۇ ئايال زىنا قىلغان تۇرسا نامىزىنى چۈشۈرەملا؟! دىگەندە،پەيغەمبەر ئەلەيھىسالام:بۇ ئايال شۇنداق تەۋبە قىلغانكى،مەدىنە ئەھلىدىن 70كىشىگە تارقىتىلسا يىتىپ ئاشىدۇ،ئۆز جىنىنى ئاللاھ يولىدا قۇربان قىلغان كىشىدىن ياخشىراق كىشىنى كۆردىڭمۇ؟!>>دەيدۇ. (بۇخارى مۇسلىم). تۆۋەندە تەۋبىنىڭ شەرتىنى بايان قىلىشنى مۇۋاپىق كۆردۈم: 1-ئىخلاسنى ئاللاھقا قىلىش، تەۋبىنى ئاللاھقا قىلىش، شۇنىڭ بىلەن بىر ۋاقىتتا ساۋاپ ئۈمۈت قىلغان ھالدا ئاللاھنىڭ ئازابىدىن قۇتۇلۇشنى تىلەش. 2-سادىر قىلغان گۇناھلارغا پۇشايمان قىلىش بىلەن قاتتىق ئىچىنىش. 3-گۇناھدىن تىزلىكتە قول ئۈزۈش. ئەگەر ئۇ ئاللاھنىڭ ھەققىدە بولسا ئىككىنجى قايتماسلىق ئىرادىسى بىلەن قول ئۈزۈش.بەندە ھەققىدە ببولسا قول ئۈزۈش بىلەن بىرگە مۇناسىۋەتلىك كىشىدىن كەچۈرۈم سوراش ۋە ھەققىنى ئادا قىلىش. 4-چوڭ-كىچىك ھەر قانداق گۇناھ قىلماسلىققا ئىرادە باغلاش. 5-تەۋبە قىلىشقا ئالدىراش. قىرىنداشلىرىم! ئەجەل توشۇپ قالغان تەقدىردە، كۈن مەغرىپتىن چىقىپ قالسا تەۋبە قوبۇل قىلىنمايدۇ. ئۇ ۋاقىتتا ئىنسان قاتتىق زىيان تارتقۇچىلاردىن بولۇپ ئاللاھنىڭ ئەلەملىك ئازاپلىرىغا دۇچار بولۇپ قالىدۇ. ئاللاھتائالا ھەممىمىزنى گۇناھلىرىمىزغا تەۋبە قىلىش پۇرسىتىگە مۇيەسسە قىلسۇن. ئاللاھتائالادىن گۇناھ-مەئىسىيەت قىلىۋاتقان ھالىتىمىزدە ئەمەس، بەلكى تائەت-ئىبادەت قىلىۋاتقان ھالىتىمىزدە قەبزى روھ قىلىشىنى ئۈمۈت قىلىدىكەنمىز، ھەر ۋاقىت تەۋبە قىلىشتىن غاپىل ببولماسلىقىمىز كىرەك. مەنبە:KS 0998  ئۈندىدار سالونى

Qabiljan

	چوقۇم ئوقۇڭ، ئوقۇمىسڭىز بولمايدۇ دەپ ماۋزۇغا گەپ قىستۇرۇپ تەۋسىيە قىلىپ كەتمىسىڭىزمۇ مۇسۇلمان بەندە ماۋزۇغا قاراپلا ئوقۇش كېرەكلىكىنى بىلىۋالىدۇ.

ئالمىچى

	Qabiljan يوللىغان ۋاقتى  2014-2-16 10:18 PM چوقۇم ئوقۇڭ، ئوقۇمىسڭىز بولمايدۇ دەپ ماۋزۇغا گەپ قىست ... ئەسكەرتكىنىڭىزگە رەھمەت. مىنىڭچە مەن خاتا قىلمىدىم

nazukay2

	ياخشى تىمىكەن رەھمەت

kurax099

	ئاللاھ رھمەت قىلسۇن قېرىندىشىم. قەلەملىرىڭىزگە بەركەت بەرسۇن.

asenat

	ئاللاھ ئەجرىڭىزنى بەرسۇن،ياخشى تېما يوللاپسىز~~~~~

subat786

	رەھمەت تۇلىمۇ ئەھمىيەتلىك تېيما يوللاپسىز.

ئاقار

	مىسرانىمدا ئىسلامى تىمىلار ئۇزۇلمىگەي

KURAX.JAN

	اللاھ رەھمەت قىلسۇن قېرىندىشىم . ناھايتى ئەھمىيەتلىك تېما يوللاپسىز .