ئازاپلانماي ئۆلۈش قانۇنى توغرىسىدا

nasrulla

	بېلگىيەدە ئازابلانماي ئۆلۈشنى خالايدىغانلارنىڭ قانۇنلۇق يېشى چەكلىمىگە ئۇچرىمايدىكەن جۇڭگو ئاخبارات تورىنىڭ 13 – فېۋرال بريۇسسېلدىن بەرگەن تېلېگراممىسى  نۇر تورى تەرجىمىسى: 2014 – يىل 2 – ئاينىڭ 13 – كۈنى بېلگىيە تارىخىدىكى بىر مۇھىم ۋاقىت بولۇپ قالدى. شۇ كۈنى بېلگىيە ئاۋام پالاتاسى «ئېغىر كېسەلگە گىرىبتار بولۇپ قالغان بالىلارنىڭ ئازابلانماي ئۆلۈش ھوقۇقى بولۇشى كېرەك» تېمىلىق بىر قانۇن لايىھەسىنى ماقۇللىدى. بېلگىيە پادىشاھى فىلىپ كەلگۈسى نەچچە ھەپتە ئىچىدە بۇ قانۇن لايىھەسىگە ئىمزا قويماقچىكەن، بېلگىيە شۇندىن ئېتىۋارەن پۈتكۈل يەر شارى بويىچە تۇنجى بولۇپ، «ئازابلانماي ئۆلۈش» قانۇنلۇق يېشىنى چەكلىمەيدىغان دۆلەت بولۇپ قالىدىكەن. شۇ كۈنى، بېلگىيە ئاۋام پالاتاسى 86 ئاۋازنىڭ قوشۇلۇشى، 44 ئاۋازنىڭ قارشى تۇرۇشى، 12 ئاۋازنىڭ ھوقۇقىدىن ۋاز كېچىشى بىلەن «ئېغىر كېسەلگە گىرىبتار بولۇپ قالغان بالىلارنىڭ ئازابلانماي ئۆلۈش ھوقۇقى بولۇشى كېرەك» تېمىلىق بۇ قانۇن لايىھەسى ماقۇللاندى، بۇلتۇر 12 – ئايدا، بېلگىيە كېڭەش پالاتاسى مەزكۇر قانۇن لايىھەسىنى ماقۇللاپ بولغان ئېدى. 2002 – يىل، بېلگىيە ئۆزىگە قوشنا دۆلەت گوللاندىيەدىن كېيىنلا «ئازابلانماي ئۆلۈش» نى قانۇنلاشتۇرغانلىقىنى جاكارلىغان، بىراق ئەينى چاغدا بۇ قانۇن ماددىلىرى پەقەت 18 ياشتىن يۇقىرى كىشىلەرگىلا تەدبىقلانغان بولۇپ، 18 ياشتىن تۆۋەنلەر بۇ خىل ھوقۇقتىن بەھرىمەن بولالمىغان ئېدى. گوللاندىيە پۈتكۈل يەر شارى بويىچە تۇنجى قېتىم «ئازابلانماي ئۆلۈش» نى قانۇنلاشتۇرغان دۆلەت، بىراق گوللاندىيەدە «ئازابلانماي ئۆلۈش» ھوقۇقى بارلارنىڭ ياش چەكلىمىسى 12 ياشقىچە تەسىس قىلىنغان. شۇنىڭ بىلەن بىر ۋاقىتتا، 12 ياشتىن يۇقىرى قورامىغا يەتمىگەن بالىلار ئېغىر كېسەلگە گىرىبتار بولۇپ قېلىپ، «ئازابلانماي ئۆلۈش» نى تاللىماقچى بولسا، چوقۇم ئائىلە باشلىقلىرى، دوختۇرلارنىڭ ماقۇللىقىنى ئېلىشى كېرەك. بېلگىيە ئاۋام پالاتاسى شۇ كۈنى ماقۇللىغان «ئېغىر كېسەلگە گىرىبتار بولۇپ قالغان بالىلارنىڭ ئازابلانماي ئۆلۈش ھوقۇقى بولۇشى كېرەك» تېمىلىق قانۇن لايىھەسى ياش چەكلىمىسى جەھەتتە بىر قەدەر جانلىق مەشغۇلات قىلىۋاتقان گوللاندىيەگە قارىغاندا تېخىمۇ جانلىق بولدى. بېلگىيەنىڭ قانۇن لايىھەسىدە ئالاھىدە ياش تەسىس قىلىنمىغان، بەلكى «پەرق ئېتىش ئىقتىدارىغا ئىگە» ئېغىر كېسەلگە گىرىبتار بولغان بالىلارلا «ئازابلانماي ئۆلۈش» ھوقۇقىدىن بەھرىمەن بولالايدۇ، دەپ تەسۋىرلەنگەن. قانۇن بىلەن شۇغۇللىنىدىغان بەزى زاتلار مۇنداق تەھلىل قىلىشتى، مەزكۇر قانۇن لايىھەسىگە ئاساسەن، قورامىغا يەتمىگەن، ئېغىر كېسەلگە گىرىبتار بولۇپ قالغان بالىلار ناۋادا «ئەمدى ساقىيالمايدىغانلىقى، ھاياتنىڭ ئەڭ ئاخىرقى پەللىسىگە كېلىپ قالغانلىقى» نى توغرا ھەم تامامەن چۈشىنەلىسە، ھەمدە مۇستەقىل داۋالاش ئاپپاراتلىرىنىڭ دوختۇرلىرى قوشۇلغاندىن كېيىن، «ئازابلانماي ئۆلۈش» ھوقۇقىدىن بەھرىمەن بولالايدۇ. ئېغىر كېسەلگە گىرىبتار بولۇپ قالغان بالىلار ناۋادا «ئەمدى ساقىيالمايدىغانلىقى، ھاياتنىڭ ئەڭ ئاخىرقى پەللىسىگە كېلىپ قالغانلىقى» نى  چۈشىنىپ، «ئازابلانماي ئۆلۈش» يولىنى تاللىغان بولسا، چوقۇم ئائىلە باشلىقىنىڭ پىكرىنى ئېلىش كېرەك. رېيتىر ئاگېنتلىقى خەۋىرىگە قارىغاندا، بېلگىيە ئاۋام پالاتاسى شۇ كۈنى مەزكۇر قانۇن لايىھەسىنى ماقۇللىغان ۋاقىتتا، بەزىلەر بىر ياندا تۇرۇپ فرانسوز تىلى بىلەن «قاتىللار!» دەپ توۋلىشىپ كەتكەن. بىراق بېلگىيە دۆلىتىدىكى ئەل رايىنى تەكشۈرۈش نەتىجىسىن مەلۇم بولۇشىچە، تەخمىنەن %75 كىشى مەزكۇر قانۇن لايىھەسىنى قوللايدىكەن. مەنبە؛نۇر تورى

گۆزەل

	مەيلى قانداقلا كىسەل ئازابى تاتسۇن، بۇمۇ ئاللانىڭ ئۇرۇنلاشتۇرىشى، ئەجەلدىن بۇرۇن ئۆلۈش دىنىمىزدا چەكلىندۇ، بىراق بۇلار مۇسۇلمان ئەمەستە!

ئالمىچى

	غەرىپ ياۋروپا دۆلەتلىرى كوچىدا يالىڭاچ مىڭىش ۋە  ھەمجىنىسلارنى قانۇنلۇقلاشتۇرۋاتقان يەردە بۇنداق قانۇننىڭ بولىشىدىن ئەجەپلەنمىسەكمۇ بولىدۇ

yultuzay0997

	يەنە قانداق ئىشلارنى كۆرەرمىز؟كېيىنچە ھەيران قېلىپمۇ ئۈلگۈرمەيدىغان ئوخشايمىز

subat786

	نىمانچە غەلىيتە بۇ. بۇندا قىلىش پۈتۈنلەي خاتا ✘✘✘✘✘✘✘✘

xabghun

	دۆلىتىمىزدىمۇ پۇقرالارنىڭ داۋالىنىشقا پۇلى بولمىسا داۋالىنالماي ئۆلۈش ھوقۇقى قانۇنلۇق

altun_anqar

	توۋا  زامان   نىم بوپ كىتىۋاتىدۇ  مۇشۇ كۈنلاردە....

gayur1

	قانۇنلۇق قاتىللىقكەنغۇ!

ay-zohra

	75% ئادم بۇ قانۇننى قوللىدى دىگەنگە قارىغاندا،دىمەك ئاتا-ئانىلاردا مەسىلە ئېغىر ئىكەن.سوتسىيالىستىك دۆلەتتە ياشىغىنىمغا مىڭ شۈكرى!