رازۋېدكا خاتىرىسى— بىنادىن تاشلىنىش دېلوسى (5)

xamal1124

	جاۋ فېي فاسەينىڭ ئۇنىڭغا سۇ قۇيغۇزىشىدا توزاق بارلىقىنى ئويلىمىغان ئىدى. ئۇ ئەسلى ئۇنىڭغا سۇ ئەكىلىپ بەرسىلا «ئىش تۈگەيدۇ »دەپ ئويلىغان ئىدى. ئەمما فاسەي سۇنى  ئۇنىڭدىن  ئېلىپلا ئۇنىڭدىن سورىدى: «بۇ سۇغا مۇشۇنداق تۇرغىلى بىر ھەپتە بولدىما؟ » «ئى...مەن...بىلمەيمەن» «سەنمۇ ئىچىسەنغۇ؟ تېتىمىدىما؟ » جاۋ فېي نىڭ دېيىشىچە، ئۇلارنىڭ ھەممە ئىشخانسىدا بىردىن سۇ ئېلىش ماشىنىسى بار ئىكەن. بۇ سۇ ئېلىپ ماشىنسى مېھمانلار ئۈچۈن قويۇلغان ئىكەن. «ھەممە ئىشخانىدا بىردىن بارما؟ »جەزىملەشتۈرگەن ئاساستا سورىدى فاسەي. «ھە..ھەئە ...» «رەھبەرلەر ئىشخانىسىدىمۇ بارما؟ » «ئى.  »جاۋ فېي بىردەم ئويلانغاندىن كېيىن، رەھبەرلەرنىڭ ئاساسەن چايدان ئىشلىتىدىغانلىقىنى ئېسىگە ئالدى. «801 رەھبەر ئىشخانىسىغۇ ؟ئۇ يەردىمۇ بارمۇ؟ »دېدى فاسەي. ئۇ بايا 8 ـ قەۋەتكە چىققۇچە بۇ قەۋەتنىڭ تەكشىلىك خەرىتىسىگە قارىغان. 801، دەل چىن جوڭ يۈەننىڭ ئىشخانىسى. بۇ چاغدا جاۋ فېي دەرھال دېدى: «توغرا، توغرا، 801 دە سۇ ئېلىش ماشىنىسى يوق! » «قايسى رەھبەر ئۇ؟ » «مۇئاۋىن ئىدارە باشلىقى» «مۇئاۋىن ئىدارە باشلىقى؟ نېمە ئالاھىدىچىلىك قىلىدىكەن ئۇ؟! »ئۇ قولىدىكى قولىدىكى ئىستاكاننى سىقىپ ئىچىدىن ئازراق سۇ سىقىپ چىقاردى - دە، جاۋ فېي نى تېخىمۇ جىددىيلەشتۈردى. «نېمە ئىدارە باشلىقى ئۇ؟ ئۇنچىلىك ئالاھىدىچىلىك قىلىدىغان؟ بىر پىچاق بىلەن ياساپ قويىمەن! » «ياق، ياق، ياق—ئۇ دەرھال دېدى— بۇ ئىدارە باشلىقى بەك ياخشى ئادەم. ھەممەيلەنگە بەك ياخشى مۇئامىلە قىلىدۇ. ئۆيىدىكىلىرىگە، قول ئاستىدىكىلىرىگە، ھەتتا شوپۇرىغىمۇ ھېچقانداق ئارتۇق تەلەپ قويمايدۇ .گەرچە ئۇنىڭ بىلەن ئانچە بەك تونۇشمىساممۇ، ئۇنىڭ بىر ياخشى ئادەم ئىكەنلىكىنى بىلىمەن،ئۇ دېگەن بىر ياخشى رەھبەر! » ئەجىبا ئاقىۋەت راستتىنلا مۇشۇنداقمۇ؟ فاسەي بىرئاز ئويلانغاندىن كېيىن دېدى: «ئۇنىڭ تېخى شوپۇرىمۇ بار دە تېخى؟ » جاۋ فېي فاسەينى يەنە «ئۇنىڭ شوپۇرى باركەن، نېمىشقا سېنىڭ شوپۇرۇڭ يوق؟! يەنە ئالاھىدىلىك قىلىۋاتامدۇ؟! »دەپ ئاچچىقلارمۇ دەپ ئەندىشە قىپ تۇرغاندا، ئويلىمىغان يەردىن فاسەي كۈلگەن پېتى مۇنداق دېدى: «ما بولىدىكەن، بولىدىكەن. يۇقىرىنىڭ شوپۇرى بولامدۇ، مابىتى بولامدۇ، ھېچقايسى مۇھىم ئەمەس. مۇھىمى قول ئاستىدىكىلەرگە ياخشى مۇئامىلە قىلسىلا بولدى. بۇ توغرىلىق غوجام بىزگە بىر نېمە دېگەن» جاۋ فېي ئۇنىڭدىن نېمە دېگەنلىكىنى سورىغاندا، فاسەي جاۋابەن: «غوجام بىزگە <ھازىرقى رەھبەرلەرنىڭ شوپۇرى بولمىسىمۇ بولىدۇ.  مابىتى بولمىسا بولمايدۇ >دېگەن. نېمىشقا بىلەمسەن؟ چۈنكى ماشىنىنى ئۆزى ھەيدىيەلىگەن بىلەن، مابەتنى ئۆزى ئوچۇق تۇتالمايدۇ دە! »دېدى ۋە دەپ بولۇپ ساراڭلارچە قاقاھلاپ كۈلۈپ كەتتى. جاۋ فېيمۇ ئوڭايسىزلىنىپ ئىككىنى ھىجىيىپ قويدى. ئۇنىڭ بۇ تۈرۈلگەن چىرايىغا قارىغان فاسەي مۇغەمبەرلەرچە قىلىپ ئۇنىڭدىن سورىدى: «نېمە؟  ساڭىمۇ مابەتتىن بىرسى لازىممىتى ؟ » «ياق، ياق، ياق، ھەددىم ...ھەددىم ئەمەس» «دەپ باقە، سېنىڭ رەھبىرىڭنىڭ قانچە مابىتى بار؟ »ئۇ شۇنداق سورىغاچ 801 ـ نومۇرلۇق ئىشخانىنى كۆرسەتتى. «ئى ...» ئەگەر چىن جوڭ يۈەن راستلا ئۇنىڭ دېگىنىدەك ئادەم بولغان بولسا، جاۋ فېي ئىككىلەنمەيلا «بىلمەيمەن» ياكى «ياق» دېگەن بولاتتى. ئەمما ئۇ ئىككىلەندى. كېلىش تارىخى ئېنىق بولمىغان بىرسىگە ئۇ يالغان سۆزلەشكە پېتىنالمىدى! ئۇ قانچە ئويلانغانسىرى، فاسەينىڭ ئېغىز بۇرجىكى شۇنچە ئېگىز قايرىلدى  چۈنكى ئۇ  ۋاقىتنى قانچە كەينىگە سۈرسە، شۇنچە بەك چانىدۇ. ئۇ ئويلىنىپ تۇرۇپ «بەلكىم يوقمىكى» دېگەن ۋاقىتتا، فاسەي ئۇنىڭ ئۆزىنىڭ سالاھىيىتى ئۈستىدە مۇداپىئە كۆرۈشكە باشلىغانلىقىنى سەزدى - دە، مۇھىم بىر مەسىلىنى سورىۋالدى: «ئۇ ئادەتتە سائەت قانچىدا ئۆيىگە قايتىدۇ؟ » «ئۇ ئادەتتە سائەت 6 دە ئۆيىگە قايتىدۇ» «رەھمەت» فاسەي يەنە داۋاملىق سورىمىدى. چۈنكى جاۋ فېي يالغان گەپ قىلغىنىنى چاندۇرۇپ قويدى. ئەگەر يەنە داۋاملىق سوراۋەرسە، ئۆزىنىمۇ چاندۇرۇپ قويۇشى مۈمكىن. بۇ چاغدا جاۋ فېي ئۇنىڭدىن چىيەن خانقىز ئۇلارنىڭ قانداق خاتالىق ئۆتكۈزگەنلىكىنى سورىدى. فاسەي جاۋابەن مۇنداق دېدى: «ئۇ ئىككى پارچە پىسا ئېلىپ، پۇلىنى تۆلىمىدى. » «ھە؟ ئۇ پۇل تۆلىگىلى چىققان ئىدىغۇ؟ » «ئۇنىڭ پۇلى يەتمەيدىكەن» «بىر پارچە پىسا قانچە پۇل؟ » «1500» . كېيىن ئۇ ئۇنىڭ ئاغزىدىن چىن جوڭ يۈەننىڭ شوپۇرى ھەمدە بىرقانچە قول ئاستىدىكىلىرىنى «غوجام سىلەرنى بېرىپ چاي ئىچكەچ ئولتۇرۇپ كەتسۇن دەيدۇ »دېگەن باھانە بىلەن ئاستىنقى قەۋەتتىكى جى لىڭ گې نىڭ قېشىغا ئەۋەتىۋەتتى. جى لىڭ گې ئۇلارنىڭ ھەممىنى بىر - بىرلەپ سوراق قىلدى. ئەپسۇسلىنارلىق ئىش شۇكى، ئۇ ھېچقانداق ئەسقاتىدىغان گەپ تاپالمىدى. جى لىڭ گې ئۈمۈدسىزلىنىشكە باشلىدى. ئۇ ئۆزىدىن «ئەجىبا راستتىنلا خاتا ئويلىغان ئوخشىمامدىم» دەپ گۇمانلىنىشقا باشلىغاندا، فاسەي ئۇنىڭغا بىر يوچۇقنى ئېيتىپ بەردى. يەنى ئۇلاردىن «چىن جوڭ يۈەن سائەت قانچىدە ئۆيىگە قايتىدۇ »دەپ سورىغاندا، ئۇلارنىڭ ھەممىسىنىڭ جاۋابى ئوخشاشلا «سائەت 6 دە» دېگەنلىكى .بۇ گەپنى ئاڭلىغان جى لىڭ گې نىڭ ئىچى بىردەمدىلا سوۋۇدى. ئەينى چاغدا فاسەي جاۋ فېينىڭ جاۋابىغا ئاساسەن، ئۇلارنىڭ بۇرۇنلا دېيىشىۋالغانلىقىنى پەملىگەن ئىدى. چۈنكى جاۋ فېي ئېيتقاندەك، تازا بەك تونۇشمايدىغان ئادەم قانداقسىگە ئۇنى «سائەت  6 دە ئۆيىگە قايتىدۇ؟ »دەپ جەزىملەشتۈرەلەيدۇ؟ ئۇنىڭ ئۈستىگە بىر رەھبەرنىڭ ھەركۈنى دەل سائەت 6 دە ئۆيىگە قايتىشىمۇ سەل گۇمانلىق ئەمىسمۇ؟ بۇلاردىن تەھلىل قىلىشقا بولىدۇكى، بۇ كىشىلەرنىڭ ھەممىسى ...يالغان سۆزلەۋاتىدۇ!؟ ئەگرى راستلا مۇشۇنداق بولسا، بۇ ئىش تولىمۇ تەسكە توختايدۇ. نېمىلا دېگەن بىلەن، جى لىڭ گې دا ئۇلارنىڭ يالغان سۆزلىگەنلىكىنى ئاشكارىلىغۇدەك ئىسپات يوق - دە! لېكىن بۇلار يەنە شۇنى ئېيتىپ بېرەلەيدۇ، يەنى، چىن جوڭ يۈەننى نىشان قىلىپ تاللىغانلىق، ھەرگىزمۇ خاتالىق ئەمەس. «سىزدىن ياردەم سورىغىنىم ھەقىقەتەنمۇ ئاقىلانىلىك بوپتۇ - دېدى جى لىڭ گې پەشتاقتىن چۈشۈۋاتقاچ - دەرۋەقە شۇ چىن جوڭ يۈەن ئىكەن. ئەمدى ئۇنىڭغا قارشى ماتېرىيال توپلىساق بولغىدەك. » «ھىم، ئۇدۇللا بېرىپ ئۇنى جايلىۋەتسەم تېخىمۇ ياخشى ئەمەسمۇ؟ »دېدى فاسەي. جى لىڭ گې نىڭ قارىشىچە، ھازىرچە مۇۋاپىق ئەمەس، ماتېرىيال كەمچىل.چۈنكى ئۇنىڭدا نەق مەيداندا يوقلۇق ئىسپاتى بار ئەمەسمۇ. «ئەگەر ھازىرلا بېرىپ ئۇنى جايلىسىڭىز، ئۇ نەق مەيداندا يوقلۇق ئىسپاتىنى چىشۋىلىپ قويۇپ بەرمىسە قانداق قىلىسىز؟ » شۇڭا جى لىڭ گې نىڭ ئەمدىكى نىشانى، چىن جوڭ يۈەننىڭ ئۆلگۈچى بىلەن مۇناسىۋىتى بارلىقىنى ئىسپاتلىيالايدىغان ئادەم ياكى بۇيۇملارنى تېپىپ چىقىش .ئەگەر بۇلارلا بولسا، بۇلارنى باھانە قىلىپلا چىن جوڭ يۈەننى قايتا سوراققا تارتقىلى بولىدۇ.ئۇمۇ ھەم دۇنيادا ئۇ ئىككىسىنىڭ مۇناسىۋىتى بارلىقىنىمۇ ئىسپاتلىيالايدىغان ئادەمنىڭ مەۋجۇتلىقىغا ئىشىنىدۇ. نۇر قېتىملىق تەكشۈرۈش گەرچە چىن جوڭ يۈەن ئۈستىدە ئېلىپ بېرىمىلغان بولسىمۇ،  ئۇنىڭغا ئۆزىنىڭ تېخىچە ئۇنىڭغا دىققەت قىلىۋاتقىنىنى بىلدۈرۈپ قويدى. ئەگەر ئىدارىدە پۇقراچە كىيىنگەن ساقچىنىڭ پەيدا بولغانلىقى توغرىلىق گەپ تارقالسا، چىن جوڭ يۈەن تېخىمۇ قاتتىقراق مۇداپىئە قىلىدۇ. «بۇلار ھېچ گەپ ئەمەس. ئۇلار ئالدىنالا ساقچىلارغا تەييارلىق كۆرۈپ قويغان» دېدى فاسەي. «قانداق دەيسىز؟ » «ۋاي قاپاق، بولمىسا ئۇلار نېمىشقا ئالدىن گەپلىرىنى بىر قىلىشىپ دېيىشىۋالىدۇ؟! » ئەسلى مۇنداقكەندە  ... «ئەمدى نەگە بېرىپ ياسايمىز؟ »سورىدى فاسەي ئىككەيلەن ماشىنا توختىتىش ئىسكىلاتىغا كىرىپ تۇرىشىغا. «مىڭخەي ئالىي مەكتىپىگە» دېدى جى لىڭ گې جاۋابەن. ئۇ بايا شوپۇرنىڭ ئاغزىدىن ئىگەللىگەن خەۋەرگە ئاساسەن، چىن جوڭ يۈەننىڭ ئوغلى چىن چىمىڭ نىڭ مىڭخەي ئالىي مەكتىپىنىڭ قانۇن فاكۇلتېتىدا ئوقۇۋاتقانلىقىنى بىلگەن ئىدى. ئالدىنقى شەنبە، ئۇ ئاتا - ئانىسى بىلەن بىللە دېڭىز بويىغا بارمىغان. دېمەك ئۇنىڭ بۇ كوللىكتىپ پائالىيەت بىلەن بىۋاستە ئالاقىسى يوق مەخپىي شەخىس بولۇش ئېھتىماللىقى مەۋجۇت. «ئەتە بارايلى» دېدى فاسەي. چۈنكى ھازىر كەچ كىرىپ قالدى. بۇ جايدىن ئۇ يەرگە بېرىپ بولغىچە،كۈن  قاراڭغۇ بوپ بولۇشى  تۇرغانلا گەپ. بىراق، جى لىڭ گې بۇنىڭغا قوشۇلمىدى. «ئەتە شەنبە، ئەتە يەنە بارىدىغان باشقا يەرلەر بار» «يەنە نە؟ » «جىنايەت مەيدانى بىلەن دېڭىز ساھىلى  ».ئۇنىڭ قارىشىچە، ئۇ جايلاردىن چىن جوڭ يۈەن بىلەن ئۆلگۈچىنىڭ بىللە تۇرغانلىقىنى كۆرگەن كىشىلەر بولۇشى مۈمكىنمىش. «ئەتە ئالىي مەكتەپتە دەرس ئوقۇمايدۇ. چىن چىمىڭ ئۆيىگە كەتسە قانداق قىلىمىز؟ » «ھە ماقۇل، ماقۇل—دېدى فاسەيمۇ ئامالسىز — ئۇدۇللا بېرىپ ئۇ سولتەكنى جايلاپ ئۆلتۈرىۋەتسەملا بولىدىغۇ» بىراق بۇ چاغدا ئۇلار بىر مەسىلىگە يولۇقتى. جى لىڭ گې نىڭ ماشىنىسىنىڭ قېشىدا، ھېلىقى ئامانلىق ساقلىغۇچى بىلەن بىر پاكار ، سېمىزرەك ئادەم پاراڭلىشىۋاتاتتى. «مېنىڭ مۇنداق ماشىنام يوق» «بىراق ئۇلار بۇنى سىزنىڭ ماشىنىڭىز دېگەنىدى، مەن ئاندىن ئۇلارنى كىرگۈزىۋەتكەن ئىدىم. » «ئۇلار زادى كىمكەن؟ » «بەلكىم ئىشپىيون بولۇشى مۈمكىن!— ئامانلىق ساقلىغۇچى دەرھال ھوشيارلىقىنى ئۆستۈردى -دە، دەرھال ئامانلىق ئۆيىگە بېرىپ سىگنال چالماقچى بولدى. بۇ چاغدا جى لىڭ گې دەرھال ئالدىغا بېرىپ ۋارقىرىدى: «ھەي! ئۇ دېگەن مېنىڭ ماشىنام! » ئامانلىق ساقلىغۇچى ئۇلارنى كۆرۈپ دەرھال ئۇلاردىن سورىدى: «سىلەر زادى كىم؟ ۋاڭ ئىدارە باشلىقىنىڭ مۇنداق ماشىنىسى يوقكەن! » «قايسى ۋاڭ ئىدارە باشلىقى؟ »فاسەي ياندۇرۇپ سورىدى. ئامانلىق ساقلىغۇچى يېنىدىكى ھەيرانلىق چىرمىۋالغان ئادەمنى كۆرسەتتى. ئالە شەرىڭنى! راستلا بىر ۋاڭ ئىدارە باشلىقى باركەنغۇ؟! جى لىڭ گې دەرھال ساقچىلىق ئىزنىكىنى چىقارماقچى بولىۋىدى، فاسەي ئۇنى توسۇۋالدى ۋە پەس ئاۋازدا دېدى «بىردەم ئوينىمامدۇق؟ » جى لىڭ گې نىڭ شۇتاپتا «سىز نېمانچە قالايمىقان كېلىسىز؟ »دېگۈسى بار ئىدى. ئەمما بۇچاغ فاسەي ۋاڭ ئىدارە باشلىقىغا قاراپ ھاياجانلانغىنىچە دېدى «ھە؟ ..سىز دەل ...چىن ئىدارە باشلىقى؟! كۆرۈشمىگىلى ئۇزاق بوپتۇ -ھە! » ۋاڭ ئىدارە باشلىقنى تېخىمۇ ھەيران قالدى. بىرچەتتە تۇرغان ئامانلىق ساقلىغۇچى ئۇلاردىن كىملىكىنى چىقىرىشىنى تەلەپ قىلىۋاتاتتى .ئەمما فاسەي ئۇنىڭغا پىسەنت قىلماستىن داۋاملىق سۆزلىمەكتە ئىدى: «ئۇنتۇپ قالدىڭىزمۇ؟ بىز ئالدىنقى كۈنى دېڭىز ساھىلىدا كۆرۈشكەن ئىدۇققۇ؟ ھېلىقى كوللىكتىپ پائالىيەتتە ...» «ھە؟ سىز ھېلىقى پائالىيەتنى دەۋاتامسىز؟— ۋاڭ ئىدارە باشلىقى تۇرۇپلا ھەممىنى چۈشەندى— مېنىڭ فامىلەم ۋاڭ، چىن ئەمەس. مەن ئۇنىڭ بىلەن بىر ئورگاندىن ئەمەس، مەن ئۇ پائالىيەتكە قاتناشمىغان. فاسەي ھەيران قالغان قىياپەتتە دېدى:«ھە؟! ...تېخى بىر ھەپتە ئىچىدىلا نېمانچە بەك ئۆزگىرىپ كەتكەندۇ دەيمەن تېخى ...خاپا بولماڭ ھە، سەت بولدى، سەت بولدى ...» شۇتاپتا بىر چەتتە تۇرغان جى لىڭ گې نىڭ ئۇنىڭدىن بىر سوئال سورىغۇسى كېلىۋاتاتتى: ئەجىبا سىز چىن ئىدارە باشلىقىنىڭ تەقى - تۇرقىنىڭ قانداقلىقىنى بىلەمتىڭىز؟ «ئاپلا، كەچۈرۈڭ ھە، خاتا تونۇپ قاپتىمەن» دېدى فاسەي. ئۇ يەنە يېقىندا ئورگاندا ئىشلارنىڭ بەك كۆپ ئىكەنلىكنى، ئۆزىنىڭ تولا بىخەستەلىك قىلىپ قويىۋاتقانلىقىنى، تېخى ئۇنىڭ ئۈستىگە بىكار قالسىلا پۇقراچە كىيىنگەن ساقچىلارنىڭ پەيدا بوپ قالغانلىقىنى، شۇڭا كۆڭلىنىڭمۇ پەقەت ئارام تاپمايۋاتقانلىقىنى دېدى. ۋاڭ ئىدارە باشلىقى ئاڭلىغاندىن كېيىن ئۇنىڭغا: «ئەمىسە سىز بەكرەك دىققەت قىلسىڭىز بولغىدەك، ھەرگىزمۇ خاتا سۆزلىمەڭ جۇمۇ! »دېدى. «ئىم؟ قانداق خاتا گەپلەرنى دەيسىز؟ »فاسەي خۇپسەنلىك قىلىۋاتاتتى. جى لىڭ گې مۇ دەرھال قولاقلىرىنىڭ توپىسىنى قېقىپ، دىققىتىنى يىغدى.ئاقىۋەتتە ۋاڭ ئىدارە باشلىقى ھىجايغان پېتى: «بۇچۇ، ماڭىمۇ دېيىشكە ئەپسىز. ئۆزۈڭلارنى دەڭسەپراق بىر ئىش قىلساڭلا بولدى» دېدى. بۇ ئىدارە باشلىقىنىڭ ئاغزىمۇ، شۇنچىلىك چىڭ ئىكەن. ئامانلىق ساقلىغۇچ تېخىچە ئۇلاردىن كىملىك تەلەپ قىلىۋاتاتتى.ئەمما فاسەي يەنىلا ئۇنىڭغا پەرۋا قىلماستىن يەنە گەپ كوچىلاپ سورىدى «چىن ئىدارە باشلىقىغا مۇناسىۋەتلىكمۇ؟ »ۋاڭ ئىدارە باشلىقى بىرئاز سۈكۈتتە تۇرغاندىن كېيىن تۆت ئەتراپقا بىر قۇر قارىۋەتكەندىن كېيىن، ئالدىرىماي دېدى: «ھېچ ئىش يوق، بىلمىسىڭىز تېخى ياخشى. لاۋ چىن ئۇ دېگەن بىر ياخشى ...公务员(بۇنى ئېغىر كۆرمەي ماڭا تەرجىمە قىپ بەرسەڭلار ...)،بىز تونۇشلارنىڭ ھەممىسى ئۇنىڭغا قايىل، ئۇنىڭدىن گۇمانلانمىسىڭىزلا بولدى. » ئاخىرقى جاۋابى يەنىلا مۇشۇ؟ ۋاڭ ئىدارە باشلىقىمۇ شۇنداق دەۋاتىدىغۇ؟ ئەجىبا ئۇمۇ ئۇنىڭ راستتىنلا ئۇنداق ئادىمى بارلىقىنى بىلمەمدۇ؟ ياكى ئۇنىڭغا چاپان يېپىۋاتامدۇ؟ ئۇنىڭ گەپلىرىدىن، ئىككىسىنىڭ يېقىنلىقى چىقىپلا تۇرىدۇ بولمىسا .... «چۈشەندىم» دېدى فاسەي. ئامانلىق ساقلىغۇچى تېخىچە ئۇلاردىن كىملىكىنى سوراۋاتاتتى. بۇچاغدا ۋاڭ ئىدارە باشلىقى ئۇنىڭغا ئۇلارنى ماڭغىلى قويۇشنى، ئۇلارنىڭ چىن ئىدارە باشلىقىنىڭ ئادەملىرى ئىكەنلىكىنى ،ئەسكى كىشىلەر ئەمەسىلىكىنى ئېيتقاندىن كېيىن، بىنا ئىچىگە قاراپ يۈرۈپ كەتتى. « ئۇ بىزنىڭ ساقچىلىقىمىزنى بىلىپ قالدىمۇ؟ »سورىدى جى لىڭ گې سەل ھەيران بولۇپ. « ھەئە، ئۇ بىزنى چىن ئىدارە باشلىقىنىڭ ئادىمى دەپ ئويلايدىغان بولسا مەن ئۆلەي— دېدى فاسەي—كاللىسى ئىشلىمەيدىغان قاپاقمۇ بىزنىڭ ئۇنىڭ ئادىمى ئەمەسلىكىمىزنى بىلىۋالالايدۇ، ئۇ ئۇنداق ھاڭۋېقىپ تۇرغاندەك تۇرغىنى بىلەن ئەمەلىيەتتە ھەممىنى كۆرۈپ بىلمەسكە سېلىۋالدى.ئۇنىڭ ئۇنداق دېيىشى، يەنىلا بىزنى قويۇۋېتىش ئۈچۈن  » «ئۇنداقتا بىز ساقچىلىقىمىزنى نەدىن چاندۇرۇپ قويدۇق؟ سىزنىڭ بايا دېگەنلىرىڭىزنىڭ ھەممىسى بىر ئىشچى ئورنىدا ئېيتىلغان تۇرسا ....» «مەن ئەمەس، سىز چاندۇرۇپ قويدىڭىز »دېدى فاسەي. جى لىڭ گې چاندۇرۇپ قويدى؟ ئۇ باياتىن بېرى بەت ئېغىزمۇ گەپ قىلمىغان تۇرسا،قانداقسىگە ئۇ چاندۇرۇپ قويغان بولىدۇ ؟ «سىزنىڭ ساقچىلىق ئىزنىكىنى چىقارماقچى بولغان ھەرىكىتىڭىزگەپ قاراپلا بىلىۋالغان. ئۇ بىلىپ بولغىنى بىلەن پەقەت چاندۇرمىدى خالاس ». فاسەي ئۇنىڭغا يەنە ۋاڭ ئىدارە باشلىقىنىڭ ئۇلارنىڭ ساقچىلىقىنى بىلىپ بولغىنى بىلەن يالغان سۆزلىمىگەنلىكىنى، ئۇ كىشىنىڭ نەزىرىدە چىن جوڭ يۈەننىڭ راستتىنلا بىر ياخشى ئەمەلدار ئىكەنلىكىنى، شۇڭا ئۇلارغا ئۇنىڭدىن گۇمانلانماسلىقىنى دەۋەت قىلغانلىقىنى ئېيتتى. ئۇلار مىڭخەي يولىنى بويلاپ ماڭماقتا. شۇتاپتا جاھاننى تۈن پەردىسى ئوراشقا باشلىغان بولۇپ، ئېگىز - ئېگىز بىنالار ۋە كوچا چىراغلىرى بىر بىرلەپ يېنىشقا باشلىغان ئىدى. ئالاھەزەل بىر سائاتچە ماڭغاندىن كېيىن، مىڭخەي ئالىي مەكتىپى دەرۋازىسى ئۇلارنىڭ ئالدىدا پەيدا بولدى. «مەكتەپنىڭ قانۇن فاكۇلتېتى بىناسى قەيەردىكىن؟ »سورىدى جى لىڭ گې مەكتەپ ئىشىكىدىكى ئامانلىق ساقلىغۇچىدىن. «ئىچىگە كىرىپ، سولغا بۇرۇلۇپ، ئىككىنچى يول ئېغىزىدىن ئوڭغا بۇرۇلۇپ، يەنە بىر ئوڭغا بۇرۇلۇپ يولنى بويلاپ ماڭسىلا بولدى. »بۇ فاسەينىڭ بەرگەن جاۋابى .جى لىڭ گې ھەيران بولۇپ ئۇنىڭدىن قانداق بىلگەنلىكىنى سورىۋىدى، ئۇ جاۋابەن «بۇيە ماڭا تونۇش » دېدى. «بۇ ئالىي مەكتەپ قانداقسىگە سىزگە تونۇش بولىدۇ؟ » «چۈنكى سىڭلىم مۇشۇ يەردە ئوقۇيدۇ. » فاسەينىڭ تېخى بىر سىڭلىسىمۇ باركەن. قارىماققا ئۇنىڭ ئازراق بولسىمۇ نورمال ئادەمگە ئوخشايدىغان يەرلىرى بار ئوخشايدۇ. قانۇن فاكۇلتېتىغا كەلگەندىن كېيىن جى لىڭ گې چىن چىمىڭ نى قانداق تېپىش ئۈستىدە ئويلاندى: يالغاندىن ئوقۇتقۇچى بولۇپ ئىزلەش  كېرەكمۇ ياكى بىۋاستە ساقچىلىق سالاھىيىتىدە ئىزلەش كېرەكمۇ؟ ئاقىۋەت فاسەي يولدىن ئۆتكەن بىر موغۇل بالىنى توختىتىپلا سورىدى: «ھەي، چىن چىمىڭنى تونۇمسەن؟ ئۇ ھازىر نەدە؟ » ئۇ ئوقۇغۇچى ئۇنىڭ تۇرقىغا قاراپ گۇمانلانغان ھالدا سورىدى «سەن، سەن كىم؟ » «مەن سەنئەت ئىنىستىتۇتىدىن، چىن چىمىڭ بىزنىڭ دەرىسىمىزنى تاللىغان، بىر تاپشۇرۇق بار ئىدى ،ئۇ ھازىرغىچە تاپشۇرمىدە. بىزمۇ يا ئۇنىڭ بىلەن ئالاقىلىشالمىدۇق. ئەگەر يەنە تاپالمىساق، نەتىجىسىنى نۆل قىلىۋېتىمىز ». سەنئەت ئىنىستىتۇتىدىن؟ ئۇنىڭ تۇرقى ھەقىقەتەن ئوخشايدۇ. (چېچىنىڭ رەڭگى ئېسىڭلاردا ھەقىچان ...)ئاقىۋەت ئۇ.ئوقۇغۇچى دەرھاللا: «مەن ئۇنىڭ ياتىقىنىڭ جەنۇبى 3 ـ كورپۇستا ئىكەنلىكىنى بىلىمەن، لېكىن ئېنىق قايسى ياتاق ئىكەنلىكىنى بىلمەيدىكەنمەن» جى لىڭ گې ئويلاپ قالدى، قارىماققا ھېچكىم فاسەينىڭ سوئال سورىشىدىن قاچالمامدۇ نېمە؟ شۇنىڭ بىلەن ئۇلار بىۋاستە ياتاق بىناسىغا بېرىپ ساقچىلىق سالاھىيەت بىلەن ياتاق باشقۇرغىچىغا مەكتەپ ئوقۇغۇچىلار ئۇيۇشمىسى نامىدىن ئۇنى چاقىرتقۇزۇپ، ئوقۇغۇچىلار ئۇيۇشمىسى نامىدىن ئۇنى سوراق قىلماقچى بولدى - ۋە ياتاق باشقۇرغۇچىنى تېپىپ، بۇيرۇدى. ئۇزاق ئۆتمەي، كېلىشكەن بىر ئوقۇغۇچى كىرىپ كەلدى. تۇرقىدىن قاراشقا تېخى بايىلا يۇيۇنغاندەك قىلاتتى. « ساۋاقداش چىن چىمىڭ، سىزنى ئاۋارە قىپ قويدۇق، ئەپۇ قىلارسىز— دېدى جى لىڭ گې تولىمۇ ئەدەپ بىلەن—  فامىلەنفامىلە جى ،ئوقۇغۇچىلار ئۇيۇشمىسىدىن ...» ئۇ «ھېچ ۋەقەس يوق» دېگەندىن كېيىن نېمە بولغانلىقىنى سورىغاچ، قىزىقىش نەزىرىدە بىرچەتتە پۇتىلىرىنى مىنگەشتۈرۈپ خىيالىي ئولتۇرغان فاسەيگە نەچچە قېتىم قاراپ قويدى. شۇتاپتا جى لىڭ گې نىڭمۇ ئۇنىڭغا قاراپ شۇنداق بىرنى ئالايغۇسى بار ئىدى. نېمىلا دېگەن بىلەن، ئۆزلىرىنى ئوقۇغۇچىلار ئۇيۇشمىسىدىن دەپ تۇرسا، ئۇنىڭ يەنە مۇشۇ تۇرقىدا، مۇشۇ قىياپەتتە تۇرغىنى نېمىسى ؟

xamal1124

	ئازراق ئىشلار تۈپەيلى ھەم كەيپىياتىمنىڭ ناچارلىقى تۈپەيلى سەل كەينىگە سۈرۈپ قالدىم. مۇنبەرداشلارنىڭ ئەپۇ قىلىشىنى سورايمەن.

گۆزەل

	بۇ قىسىمدا ئىلگىرلەش يۇقكەن.

xamal1124

	گۆزەل يوللىغان ۋاقتى  2014-2-14 12:11 AM بۇ قىسىمدا ئىلگىرلەش يۇقكەن. قانداق دەيسىز؟

تەقدىر07

	xamal1124 يوللىغان ۋاقتى  2014-2-13 11:34 PM ئازراق ئىشلار تۈپەيلى ھەم كەيپىياتىمنىڭ ناچارلىقى تۈپ ... ھىچقىسى يوق.داۋامىغا بەك قىزقىۋاتىمەن.

پوكان

	ما دىلو ئەجەپ مۇرەككەپلىشىپ كەتتا......يامان گۇيكەن جۇمۇ فاسەي دېگەن~~~

xamal1124

	تەقدىر07 يوللىغان ۋاقتى  2014-2-14 12:16 AM ھىچقىسى يوق.داۋامىغا بەك قىزقىۋاتىمەن. رەھمەت سىزگە. قوللىغىنىڭىزدىن خۇش بولدۇم

xamal1124

	پوكان يوللىغان ۋاقتى  2014-2-14 12:16 AM ما دىلو ئەجەپ مۇرەككەپلىشىپ كەتتا......يامان گۇيكەن جۇمۇ ... يېشىلگىلىمۇ ئاز قالدى ...

مسكىنÍÍ

	ئاخىرى چىقماسمۇ دەپ ئەنسىرگەندىم

xamal1124

	مسكىنÍÍ يوللىغان ۋاقتى  2014-2-14 01:27 AM ئاخىرى چىقماسمۇ دەپ ئەنسىرگەندىم شۇ تاتپا بۇ گېپىڭىزگە نېمە دېسەم بولار؟