ھەققانىي: كەلپىن دىگەن شۇنداق يۇرت

akkani

	ئاپتۇرى:  ئابدۇۋەلى راخمان ھەققانىي ئادەملىرى مىھماندوست، ئاياغىدا ئۆلمەس قۇرت، باغلىرىدا ھەر خىل سورت، كەلپىن دىگەن شۇنداق يۇرت. ئەتراپىدا تاغلىرى، كەڭرى كەتكەن سايلىرى، ئۇندا يايلار ماللىرى، كەلپىن دىگەن شۇنداق يۇرت. مەيلى نامرات-بايلىرى، قاملاشقان ئۆي-جايلىرى، قىزىپ كېتەر چايلىرى، كەلپىن دىگەن شۇنداق يۇرت. ھۇسۇل ئالار تاشلىقتىن تەپ تارتمايدۇ باشلىقتىن، ئۈمۈدى زور پاكلىقتىن، كەلپىن دىگەن شۇنداق يۇرت. دۈم چۈشمەيدۇ راھەتكە، ھارام پايدا-ئامەتكە، قورقماي سۆزلەر ناھەقكە، كەلپىن دىگەن شۇنداق يۇرت. دېھقاندىمۇ ساپا بار، راست سۆزلىسەك جاپا بار، بىر-بىرسىگە ۋاپادار، كەلپىن دىگەن شۇنداق يۇرت. زىمىنى كۆپ سۈيى ئاز، خاسلىقى بار كەيپى ساز، بۇ يۇرتتا يوق بىرمۇ تاز، كەلپىن دىگەن شۇنداق يۇرت. يوق تىلەمچى، دىۋانە، خەققە قىلۇر ئىئانە، يىگىتلىرى مەردانە، كەلپىن دىگەن شۇنداق يۇرت. گەپ-سۆزلىرى دان-دانە، پەن-بىلىمگە پەرۋانە، چىقماس شوڭا ۋەيرانە، كەلپىن دىگەن شۇنداق يۇرت. تاشتىن-تاشقا سەكرىشىپ، ئوغلاقلىرى سەمرىشىپ، ئەركىلەيدۇ مەرىشىپ، كەلپىن دىگەن شۇنداق يۇرت. كۆكسىمىزدە قولىمىز، تەييار پاخلان-قويىمىز، مىھمان كەلسە سويىمىز، كەلپىن دىگەن شۇنداق يۇرت. ئەجەپ بەلەن تەمى بار، چاپىتا دەپ نېنى بار، ئوران، گۇڭگۈرت كېنى بار، كەلپىن دىگەن شۇنداق يۇرت. «ئېزىتقۇ»دەپ نام ئالدۇق، بۇ لەقەمدىن تاڭ قالدۇق، ئەمما ئازماي تۈز ماڭدۇق، كەلپىن دىگەن شۇنداق يۇرت. تاغ ئىچىدە تېغى بار، سەيلىگاھى-بېغى بار، ئەنئەنىمىز تېخى بار، كەلپىن دىگەن شۇنداق يۇرت. ئاسمىنىدا گۈلدۈرى، ئەمما ئازدۇر يامغۇرى، شوڭا تاتلىق چامغۇرى، كەلپىن دىگەن شۇنداق يۇرت. (داۋامى بار)

akkani

	يازمىنى ئوتتۇرىغا تەڭشەي دىسەم تەڭشەك يوقمۇ-نىمە؟ۋورتتا يېزىۋېلىپ بىر ئوبدان تەڭشەپ،تىمىسىنى چوڭراق قويۇپ مۇنبەرگە يۆتكىسەم يەنە بۇرۇنقىدەك چىقىۋالدى.مۇنبەرنىڭ تەڭشىكى نەدە باللا؟

ap~qilam

	مەنمۇ كەلپىنلىكنىڭ پۇشتىدىن ،راستىنلا ئېسىل يۇرت جۇمۇ

ap~qilam

	يەتتىنچى كۇبلىت بىر خىل قاپىيە قوغلاشقاندەك چىقىپ قالدىمۇ نېمە

uygurum165

	ياخشى يېزىپسىز

basut

	شېئىر ئارقىلىق يۇرتىڭىزنى تازا بىر ماختىۋاپسىز- ھە؟ سىزگە ئەگىشىپ بىر كۇبلىت ئەگىشىپ چاخچاق قىلىپ قوياي-ھە؟ كەلپىن دېگەن ياخشى يۇرت، ئىشلەپ چىقار تېتىتقۇ. كېچىلىرى يول ماڭماڭ، ئېزىقتۇرار «ئېزىتقۇ».

گۆزەل

	يۇرتىڭىزنى بەك ماختاب، كۆتىردىڭىز ھەقىچان. دىۋانا يۇق يۇرتتا دەپ ، كۆپتۈردىڭىز ھەقىچان.       داۋامىنى ساقلاپ قالدۇق.

Gvlbargi0999

	akkani يوللىغان ۋاقتى  2014-2-12 05:36 PM يازمىنى ئوتتۇرىغا تەڭشەي دىسەم تەڭشەك يوقمۇ-نىمە؟ۋورت ... بەك ياخشى چىقىپتۇ، بولسا داۋامىنى بالدۇرراق يوللاڭ.

tirikjassat

	مەنمۇ كەلپىنلىك ئىدىم.ھەجەپ ياخشى ماختىپسىز يا!!!ئۇقۇپ شۇنداق خۇش بولدۇم

kizix

	ئەسسالامۇ ئەلەيكۇم ھەققانى ئاكا شېئىرىڭىزدىن خۇددى كەلپىننى كۆرگەندك بولدۇم،ياخشى يېزىپسىز. خاسلىقى بار كەيپى ساز، بۇ يۇرتتا يوق بىرمۇ تاز،   ما گەپ راسمۇ ياھى ھى داۋامىغا قاراپ قالدۇق.