رازۋېدكا خاتىرىسى— بىنادىن تاشلىنىش دېلوسى(4)

xamal1124

	سودا - سانائەت ئىدارىسىنىڭ بىناسى ئۇنچە بەھەيۋەت ھېسابلانمايدىغان بولۇپ، جەمىي توققۇز قەۋەت ئىدى. ئۇنىڭ ئۈستىگە، ئىگىلىگەن كۆلىمىمۇ خېلىلا چوڭ ئىدى. بۇ بىنا بۇنىڭدىن ئون نەچچە يىل ئىلگىرى سېلىنغان بولغاچقا، سىرتتىن قاراشقا بىر قەدەر كونا كۆرۈنەتتى. ئەمما ئىچكى بېزەكلىرى بولسا خېلى زامانىۋىلاشقان ئېسىل بېزەكلەر ئىدى. چىن جوڭ يۈەن جى لىڭ گې نىڭ تەقى - تۇرقىنى بىلگەچكە، پۇقراچە كىيىنىۋالغان ئۇنىڭغا ئالدىن مۇداپىئەلىنىش تەييارلىقى كۆرۈپ قويغىنى ئېنىق ئىدى. شۇڭا جى لىڭ گې بىۋاستە ئۇنى ئىزلەشنى توغرا تاپمىدى. ئەكىسچە ئاۋۋال ئۇنىڭ خىزمەتداشلىرى ۋە قول ئاستىدىكىلىرىنى چېكىپ بېقىپ بىرەر نەرسە بىلگىلى بولىدىغان، بولمايدىغانلىقىنى بىلىپ باقماقچى بولدى. ئۇنىڭ ئۈستىگە ئۇ ھازىر چىن جوڭ يۈەننىڭ ئىشخانىسىدا بار ياكى يوقلىقىنى بىلمەيدۇ. يوق بولسا تېخىمۇ ياخشى، بەلكىم ئۇنىڭ نەگە كەتكەنلىكى، قاچان كېلىدىغانلىقىدەك سوئاللار بىلەن گەپ كوچىلىغىلى بولىدۇ. لېكىن، فاسەي ئۇنچىلىك ياۋاش ئەمەس. ئۇلار ئۇدۇللا چېن  جوڭ يۈەننىڭ ئىشخانىسى جايلاشقان 8- قەۋەتكە چىقتى. جى لىڭ گې ئالدىدىكى زالغا كىرىپ، مۇلازىمەت سۇپىسىدىكى ئالاقە خادىمىدىن سورىدى: «چىن ئىدارە باشلىقى ئىشخانىسىدا بارمۇ؟ » «كەچۈرۈڭ، ئۇ يوق» دېدى ئالاقە خادىمى. جى لىڭ گې چىن جوڭ يۈەننىڭ كاتىپىدىن ئىش باشلىماقچى بولۇپ، ئەمدى ئۇنى ئىزلەي دەپ تۇرىشىغا، كەينىدىكى فاسەي يۇقىرى ئاۋازدا: «ئىككىڭلار ھېلى پاراڭلىشىڭلار، پىسا قاتلىمىسى ئەپ كەلدىم. سىلەرنىڭ 805 بىر دانە 9 سۇڭلۇق شيا ۋېي يى （夏威夷）پىساسى بىلەن بىر دانە 9 سۇڭلۇق بەش خىل تەملىك كالا گۆشى پىساسى بۇيرۇتقان. كېلىپ پۇلىنى ھېساباتنى قىلىۋېتىڭلار» دېدى. ئالاقە خادىمى ھاڭۋېقىپ قالدى. پىسا ئەكەلدىم؟ ئۇ فاسەينىڭ قۇرۇق قوللىرىغا قاراپ ھاڭۋاقماقتا. ئۇنىڭ بۇ تۇرقىدىن ئېنىقلا جى لىڭ گې بىلەن بىللە كەلمىگەنلىكى چىقىپ تۇرىدۇ. بىراق ..پىسا قېنى؟ ئۇنىڭ ئۈستىگە 805 دېگەن كاتىپلار ئىشخانىسى. ئۇلارمۇ بۇرۇن پىسا بۇيرۇتمىغان تۇرسا؟ يەنە بار تېخى، ھازىر يا چۈشلۈك، يا كەچلىك تاماق ۋاقتى بولمىسا ... جى لىڭ گې فاسەيگە قاراپ بىرنى ئالىيىپ قويدى. ئۇمۇ فاسەينىڭ نېمە ئويۇن ئويناۋاتقانلىقىنى بىلمەيۋاتاتتى. بىراق ئۇ ئويلايتتى، بەرىبىر ئۇنى ياردەمگە چاقىرغاندىكىن، ئۇنىڭغا باشقا بىر نېمە دېمەي، ئۇنىڭغا ئىشىنىپ، ماسلىشىپ بېرىشى كېرەك. ئالاقە خادىمى 805 كە تېلفون قىلدى. بىراق ئۇلار پىسا بۇيرۇتمىغانلىقىنى ئېيتتى. فاسەي بۇ چاغدا ئالاقە خادىمىغا مۇنداق دېدى «چىن ئەپەندىم بۇيرۇتقان» جى لىڭ گې ئاندىن چۈشەندى. مۇنداق قىلغاندا كاتىپلار چىن جوڭ يۈەننى ئۇلارغا پىسا بۇيرۇتۇپ ياكى پۇلىنى تۆلەشكە،  «مېھمان قىلدى» دەپ يەۋىتىشكە مۇشۇنداق قىلدى دەپ ئويلاپ قالىدۇ. ئۇنداق قىلغاندا، چىن جوڭ يۈەننىڭ ئادەتتىكى بەزى ئادەتلىرىنى بىلگىلى بولۇپلا قالماي، يەنە تېخى ئۇنىڭ كاتىپىنىمۇ تېپىپ چىققىلى بولىدۇ. دەرۋەقە، ئىچ تەرەپتىكى بىر ئىشخانىدىن بىر 27،8 ياشلار چامىسىدىكى بىر ئايال سومكا كۆتۈرگىنىچە چىقىپ كەلدى. قارىماققا پۇل تۆلىمەكچى بولسا كېرەك. بىراق ئۇنىڭ چىراي ئىپادىسىمۇ، بىر خىل ھەيرانلىق ئىچىدە. ئۇ كېلىپ فاسەيدىن سورىدى: «چىن ئەپەندىم. ..پىسا بۇيرۇتتى؟ » «بىنا ئاستىدا— دېدى فاسەي ئۇنىڭ قۇلىقىغا تۆۋەن ئاۋازدا— ئەمەلىيەتتە پىسا يوق، چىن ئەپەندىم سىزنى بۇ ئەتراپتىكى بىر تۈرلى ماللار ماگىزىنىدا ساقلاۋاتىدۇ، سىزگە دەيدىغان بىر ياخشى گېپى باركەن» . فاسەي دەپ بولۇپلا ئۇنىڭ قولىدىن تارتىپ ماڭدى. ئاقىۋەتتە ئۇ قارشىلىق كۆرسىتپ ۋارقىرىدى: «جۆيلۈمە! سەن نېمە ئادەم؟! چىن ئەپەندىم ئېنىقلا ئىشخانىسىدا تۇرسا، قانداقسىگە تۈرلى ماللار ماگىزىنىدا بولىدۇ؟!— ئۇ دەرھال ئالاقە خادىمىغا قاراپ دېدى— بۇ ئادەم ئالدامچى ئىكەن! تېزدىن ساقچىغا مەلۇم قىلىڭ! تېز! » بىراق ئالاقە خادىمى ئۇنداق قىلمىدى. چۈنكى ئۇ فاسەي بىلەن جى لىڭ گې نىڭ بىر چەتتە تۇرۇپ كۈلىۋاتقانلىقىنى كۆرگەنىدى. ئۇ  بۇ ئىككەيلەننىڭ بىرگە كەلگەنلىكىنى ئويلاپمۇ باقمىغان ئىدى. ئۇنىڭ ئېسىدە بارى چىن جوڭ يۈەننىڭ ئۇنىڭغا ساقچىغا ئوخشايدىغان ئايال ئۇنى ئىزلەپ كەلسە، «يوق» دەپ قويۇشىنى تاپىلىغانلىقى  ئىدى. شۇڭا ئۇ ئامالسىز دېدى: «چىيەن خانقىز، ئۇلار ئىككىسى ساقچى بولسا كېرەك ...» «ماسلىشىشىڭلار بەك ناچاركەن— دېدى فاسەي ئالاقە خادىمىنى كۆرسىتىپ تۇرۇپ— بولۇپمۇ سەن، يالغان سۆزلىسەڭ كۆزۈڭنى چىمچىقلىتىدىكەنسەن. » بايا ئۇنىڭ «چىن ئەپەندىم ئىشخانىسىدا يوق» دېگەن چاغدا كۆزىنى چىمچىقلاتقىنىنى كۆرگەن فاسەي، چىن جوڭ يۈەننىڭ پۇقراچە كىيىنگەن ساقچىلاردىن مۇداپىئەلەنگەنلىكىنى ھېس قىپ يەتكەنىدى. شۇڭا ئۇ ھەرگىزمۇ ئۆزى بىلەن كاتىپىنى ئاسانلىقچە ئاشكارىلىمايدۇ. ئۇلارنى «ئىشخانىدا يوق» دەپ باھانە كۆرسىتىدۇ. شۇڭا فاسەي پىسا ساتىمەن دەپ، بۇ يالغانچىلىقنى چاندۇرۇپ قويدى. «ئۇ بارغانسىرى گۇمانلىق بوپ كېتىۋاتىدۇ— دېدى جى لىڭ گې تۆۋەن ئاۋازدا— لېكىن مەن چىن جوڭ يۈەننى قايتا سوراق قىلىشقا تەييارلىق قىلمىغان» فاسەي خۇشياقمىغان ھالدا دېدى: «ئەمىسە ئا كاتىپنى جايلا» بەرىبىر ئۆزىنىڭ سالاھىيىتىمۇ ئاساسەن ئاشكارىلىنىپ بولغاندىكىن،جى لىڭ گې ئۇلارغا ئۆزىنىڭ ھەقىقەتەن  ساقچى ئىكەنلىنى، چىيەن خانقىز (ھېلىقى كاتىپ )بىلەن ئايرىم پاراڭلاشقۇسى بارلىقىنى، شۇڭا بىر قۇرۇق ئىشخانا، ياكى يىغىن زالىدەك يەرنىڭ بار يوقلۇقىنى سورىدى. بۇ چاغدا فاسەي ئالاقە خادىمىنى كۆرسىتپ تۇرۇپ دېدى «ھەي!  سەن بىزنىڭ كەلگەنلىكىمىزنى ھېچكىمگە ئۇقتۇرما! » «ماقۇل! ماقۇل» «بولۇپمۇ چىن جوڭ يۈەنگە دېگۈچى بولما» «بولىدۇ» «بولدىلا— دېدى ئۇ يەنە— ئۇنىمۇ بىللە ئېلىۋېلىڭلار» جى لىڭ گې چىيەن كاتىپ بىلەن ئالاقە خادىمىنى بىللە ئېلىپ ئاستىنقى قەۋەتتىكى يىغىن زالىغا قاراپ ماڭدى. كىم بۇ ئالاقە خادىمىنى بايا يالغان سۆزلىگەندە كۆزىنى چىمچىقلاتسۇن دەپتىكەن ... بىراق فاسەينىڭ قىياسىچە، بۇنى كاتىپتىن بىرەر نەرسە تېپىش ئۇنچە ئاسان ئەمەس .نېمىلا دېگەن بىلەن ئۇلار ئۇنىڭ ساقچىلىقىنى بىلىپ بولدى. شۇڭا كۆڭلىدە مەخپىيەتلىك بولسا، چوقۇم قاتتىق ئويلىنىپ، ئېھتىيات بىلەن گەپنى ئەگىتىپ دەيدۇ. شۇڭلاشقا فاسەي بۇ جايدا ھورۇنلۇق قىلىپ ماڭغىلى ئۇنىمىدى. دېيىشىچە، چىن جوڭ يۈەننىڭ خىزمەتداشلىرىنى نازارەت قىلىپ تېخىمۇ كۆپ يىپ ئۇچى ئىگەللەرمىش. يىغىن زالىدا جى لىڭ گې ئۇلارغا ئۆزىنى تونۇشتۇرغاندىن كېيىن، چىيەن كاتىپتىن سورىدى: «سىز چىن ئەپەندىم بىلەن ئىشلەۋاتقىلى قانچە ئۇزۇن بولدى؟ » «بەش يىل»  دېدى ئۇ كېسىپلا. جى لىڭ گې بشىنى بۇراپ، بىر تەرەپتە تۇرغان ئالاقە خادىمىدىن سورىدى: «راستمۇ؟ » ئۇ سوراپ بولۇپلا ئۇنىڭ كۆزىگە قاراپ تۇردى. قارىماققا، بۇ ئالاقە خادىمى تولىمۇ ياخشى بىر «يالغانچىلىقنى تەكشۈرۈش قورالى» ئىدى. ئاقىۋەت ئۇ مۇنداق دېدى «مەن كەلگىلى تېخى بىر يىل بولمىدى ..» جى لىڭ گې ئامالسىز بېشىنى چىيەن كاتىپقا قاراتتى: «بەش يىل بولغاندىكىن،  چوقۇم خېلى تونۇشىسىلەر، ئۇنداقتا ئۇنىڭ قاچان توي قىلغىنىنى بىلەمسىز؟ » چىيەن كاتىپ ئۇنىڭغا چىن جوڭ يۈەننىڭ ھازىر 48 ياش ئىكەنلىكىنى، بۇنىڭدىن تەخمىنەن 20 يىل ئىلگىرى توي قىلغانلىقىنى، ئۇنىڭ بالىسىنىڭمۇ ھازىر  20 ياشقا كىرگەنلىكىنى ئېيتتى. «ئۇ ئايالىغا قانداقراق؟ » «ناھايىتى ياخشى، مەن ئۇنىڭ ئايالى بىلەنمۇ خېلى ئوبدان تونۇشىمەن. ئۇنىڭ ئىسمى جوۋ جۆ（周珏）.ئۇ ئىككىسىنىڭ چىقىشىپ ئۆتىۋاتقىنىغا ئۇزۇن يىللار بولدى.» قارىماققا بۇ كاتىپنىڭمۇ دېمەكچى بولغىنى، چىن جوڭ يۈەننىڭ پاك ئادەم ئىكەنلىكى ئىدى. جى لىڭ گې بىر ئاز ئۈمۈدسىزلەندى. بىراق ئەمدى ئۇنىڭ بىر نەرسە يوشۇرغان - يوشۇرمىغانلىقىنى بىلىش ئۈچۈن داۋاملىق سورىدى. سورىغاندىمۇ، قاتتىقراق ئۇسۇل بىلەن سورىدى. «سىزنىڭ ئۇنىڭ بىلەن قانداق مۇناسىۋىتىڭىزنىڭ بارلىقىنى ئېيتىپ بېرەلەمسىز؟ » «ھە؟!— دېدى ئۇ تەلەپپۇزىنى سەل قاتتىق قىلىپ— مەن ئۇنىڭ كاتىپى. » بۇگەپ گەرچە يالغان بولمىسىمۇ، جى لىڭ گې گۇمان ئارىلاش نەزەر بىلەن ئۇنىڭغا قاراپ سورىدى: «پەقەت مۇشۇلا؟ » «ئەلۋەتتە؟ »ئۇ بۇ گەپنى دەپ بولغاندىن كېيىن ئىپادىسىدە ئازراق ئۆزگىرىش بولدى. يەنى يالغانچىلىق ئەمەس، بەلكى ئاچچىقلاۋاتاتتى. شۇڭا جى لىڭ گې داۋاملىق ئۇنىڭ ئاچچىقىنى كەلتۈردى: «راستلا باشقا مۇناسىۋىتڭلار يوقمۇ؟ » ئۇ مۇنداق دېيىشنىڭ ئېنىقلا چەكتىن ئېشىپ كەتكەنلىكىنى بىلىدۇ. لېكىن بىر ئادەمنىڭ كەيپىياتىنى ئۆزگەرتىش ئۈچۈن، بەزى باسقۇچلارنى بېشىدىن ئۆتكۈزۈش كېرەك - دە! ئەگەر ھازىر ئۇنىڭ ئاچچىقىنى كەلتۈرەلىسە، بەلكىم بەزى ئويلىمىغان ئۇچۇرلارغا ئېرىشەلىشى مۈمكىن. لېكىن، ھەرگىزمۇ ئۇنى غەزەپلەندۈرۈپ قويماسلىق كېرەك. بولمىسا، ئىشنىڭ يوغىنى چىقىدۇ. «يوق!— ئۇنىڭ بۇ گېپىدىن ئۇنىڭ ئاچچىقلانغانلىقىنى،شۇندىمۇ  ئاچچىقىنى بېسىۋېلىپ تۇرىۋاتقانلىقنى بىلگىلى بولاتتى— مەن بىلەن ئۇنىڭ ئوتتۇرىدا پەقەت خىزمەت مۇناسىۋىتىلا بار! قالايمىقان جۆيلۈمەڭ! » نۇر پوزىتسىيە، دەل جى لىڭ گې كۈتىۋاتقان پوزىتسىيە. شۇڭا ئۇ دەرھال سورىدى: «ئەسلىدە سىز ئەمەسكەنسىز - دە! ئۇنداقتا سىز چىن ئەپەندىم بىلەن كىمنىڭ شۇنداق مۇناسىۋىتى بارلىقىنى بىلەمسىز؟ » بۇ چاغدا بىر چەتتە ئولتۇرغان ئالاقە خادىمى ئاغزىنى ئېچىپ قالدى. چىيەن كاتىپمۇ داڭقېتىپ تۇرۇپ قالدى. ئەگەر ئۇ مۇنچە ئاچچىقلانمىغان بولسا، بەلكىم مۇنداق قېتىپ تۇرۇپ قالماسلىقى مۈمكىن ئىدى. «يوق .....»دېدى ئۇ. «يوق؟ سىز قانداقسىگە يوقلىقىنى بىلىسىز؟— جى لىڭ گې مۇھىم يەردىن تۇتۇۋالدى— سىزنىڭ ئۇنىڭ بىلەن ئۇنداق مۇناسىۋىتىڭىز بولمىسا، سىز نېمىشقا ئۇنداق < يوق >دەپ جەزىملەشتۈرەلەيسىز؟ ئىككىڭلار پەقەت خىزمەتداش مۇناسىۋىتىدە تۇرساڭلار < بىلمەيمەن >دېسىڭىز توغرا بولار ئىدىغۇ؟ »جى لىڭ گې نىڭ گەپلىرى گەرچە شۇنچە كۈچلۈك بولغان بىلەن، چىيەن كاتىپ بۇ چاغدا دەماللىققا جاۋاپ بەرمىدى. ئۇ ئويلىدى: بۇ ساقچى چوقۇم چىن ئەپەندىمنىڭ مەخپىي ئادىمىنى تەكشۈرگىلى كەلگەن. شۇڭا ئۇ مەندىن گەپ كوچىلاۋاتىدۇ. مەن بىر كاتىپ بولغاندىكىن، مۇنداق چاغدا ھەرگىزمۇ قالايمىقان گەپ قىلىپ چاندۇرۇپ قويسام بولمايدۇ. شۇڭا چوقۇم ئېغىر - بېسىق بولۇشۇم كېرەك. «كەچۈرۈڭ -دېدى ئۇ بىردىنلا كەيپىياتىنى نورماللاشتۇرۇپ - چىن ئەپەندىم ئايالىغا ۋە ئوغلىغا تولىمۇ ياخشى مۇئامىلە قىلىدۇ، كۆيۈنىدۇ. ئۇ دېگەن بىر ياخشى ئەمەلدار. مەن ئۇنىڭ ئىش - ھەرىكەتلىرىدىن  ھازىرغىچە بىر قېتىممۇ گۇمانلىنىپ باقمىغان. سىز دېگەن بىر ساقچى بولغاندىكىن، ئۇنداق ئۆسەك سۆزلەرگە ئىشەنمىسىڭىز بولامدۇ؟ » جى لىڭ گې بۇ كاتىپنىڭ كەيپىياتىنى مۇنچە تېزلا تەڭشىيەلەيدىغانلىقىنى ئويلىمىغان ئىدى. قارىماققا ئۇنىڭدىن گەپ كوچىلاش، ھەقىقەتەن ئاسان ئىش ئەمەس ئىدى. شۇڭا ئۇ نىشانىنى يۆتكەپ، ئالدىنى ئالاقە خادىمىغا قاراتتى دە، قولنى ئۇنىڭدىن  سالماقچى بولدى. شۇ تاپتا ئالاقە خادىمىنىڭ چىرايىدىن، ئۇنىڭغا بىرنېمىنى چۈشەنگەنلىكىنى بىلىۋالغىلى بولاتتى. مەيلى نېمىلا بولمىسۇن، بۇيەردە ئولتۇرغان چىيەن كاتىپ ئۇنىڭغا ئېنىق قىلىپ: «بۇ ساقچى گەپ كوچىلاۋاتىدۇ! »دېيەلمەيدۇ - دە! سەككىزىنچى قەۋەتتە. فاسەي ئالاقە خادىمىنىڭ ئورنىدا ئىككى پۇتىنى مىنگەشتۈرۈپ ئولتۇرماقتا. بۇ ئورۇن تولىمۇ ياخشى بىر ئورۇن بولۇپ، بىرىنجىدىن، ئىچ تەرەپتىكى ئىشىكلەرنىڭ ھەممىسى دېگۈدەك يېپىقلىق. شۇڭا باشقىلار ئۇنى كۆرەلمەيدۇ. ئىككىنچىدىن، ئاپتوماتىك سۇ ئېلىش ماشىنىدىن قەغەز ئىستاكانغا خالىغانچە سۇ ئېلىپ ئىچەلەيدۇ. ئۈچىنچىدىن، ئالدىدىكى مۇنبەردە بىر مۇنچە ماتېرىيال بولغاچقا، خالىغانچە ئېلىپ ئوقۇيالايدۇ  .كىم بىلىدۇ، ئىچىدە چىن جوڭ يۈەنگە مۇناسىۋەتلىك بىرە ماتىرىيال چىقىپ قالامدۇ تېخى... بىراق ئۇنىڭ ئاساسلىق مەقسىدى، يەنىلا توپتىن ئايرىلىپ قالغان يالغۇز بايقۇشتىن بىرنى تۇتۇش. دەرۋەقە، ئۇزاق ئۆتمەي 805 - نومۇرلۇق ئىشخانىدىن بىر ئەركىشى چىقىپ كەلدى ۋە زالغا كېلىپ قاراپ باقتى. ئۇ كىشى كۆردىكى، ئالاقە خادىمى يوقاپ كەتكەن بولۇپ، ئۇنىڭ ئورنىغا ئاغزىدا تاماكا چىشلىگەن بىر غەلىتە ئادەم ئولتۇراتتى. ئۇ قاتتىق چۆچۈپ كەتتى. ئۇ ئەسلى پۇل تۆلىگىلى چىقىپ كىتىپ ئۇزۇنغىچە قايتىپ كەلمىگەن چىيەن كاتىپنى ئىزلەپ چىققانىدى. لېكىن، سىرتنىڭ ئەھۋالىغا قارىغاندا ئەھۋال ياخشى ئەمەستەك قىلاتتى. ئۇ دەرھال كەينىگە بۇرۇلۇپ قاچماقچى بولدى - يۇ، فاسەينىڭ «توختا! »دېگەن ئاۋازىنى ئاڭلاپ، شۇ زامان پۇتلىرى بوشاشتى. بۇچاغدا فاسەي ئورۇندۇقتا بېلىگە تىرىنىپ  ئولتۇرغان بولۇپ، مىنگەشتۈرگەن ئىككى پۇتى ئالدىدىكى مۇنبەر ئۈستىگە چىققىلى ئازلا قالغان ئىدى. مۇز يەنە قولىدىكى ماتېرىياللارنى سەۋىرسىزلىك بىلەن ئۆرىگەچ بۇ كىشىگە دېدى: «ئۇ ئىككىسىنى غوجام چاقىرىپ ئەكەتتى— بۇ چاغدا ئۇ بېشىنى بۇراپ تولىمۇ قورقىنىچلىق نەزىرى بىلەن ئۇنىڭ تىتىرەۋاتقان پۇتلىرىغا قاراپ تۇرۇپ، سوغۇق ئاۋازدا سۈرلۈك قىلىپ دېدى— ئەگەر ئۇلار خاتا گەپ قىلمىسىلا، ھاياتىغا خەۋپ يەتمەيدۇ. » ئۇ كىشى بۇ گەپنى ئاڭلاپ قېتىپ قالدى. ئەجىبا ...قارا گورۇھنىڭ ئادەملىرىگە يولۇققان ئوخشىمامدىم؟ بىزنىڭ كاتىپلار ئىشخانىسىدىكىلەر بىرەر نەرسىنى خاتا بېجىرىپ قويۇپ، ئۇلارنىڭ چىشىغا تېگىپ قويغان ئوخشىمامدۇق؟ ئۇ كىشى بوغۇق ئاۋازدا ئېيتتى: «زا ... زادى ...نىمىش ...نىمىش بولدى؟ » «ئۇلار خاتالىق ئۆتكۈزدى.»دېدى فاسەي زېرىككەن تەلەپپۇزدا. ئۇ  ئۇ كىشىنىڭ بىرھازاغىچە گەپ قىلىشقا پېتىنالمىغانلىقىنى كۆرۈپ، يەنە دېدى: «سەن نېمىش قىلىسەن؟! بۇياققا كېلە! » ئۇ كىشى پۇتلىرىنى يۆتكەشكە جۈرئەت قىلالماي، دېدى: «مەن ...مەن يەنە...خىزمەت قىلمىسام...» «نېمە خىزمەت؟! ھەقاسىنىڭ يەنە خىزمەت قىلالىشىڭ -قىلالماسلىقىڭغا ھازىر بىر نېمە دېمەك تەس! » بۇ گەپتىن ئۇ كىشى تېخىمۇ قورقتى. «بۇ يەرگە ئېلىپ مەن بىلەن بىردەم پاراڭلىشە! بۇ يەردە ئىشىك بېقىش بەك زېرىكىشلىككەن» ئۇ بىرنى ئەسنەپ زېرىككەن قىياپەتتە قولىدىكى ماتېرىياللارنى يۈزىگە قويۇپ قويۇپ دېدى «مەن يا سېنى ياسىمايمەن.بىز ئىككىلىمىز بىچارە تۆۋەن قاتلامدىكىلەر تۇرساق» . فاسەينىڭ بۇ زېرىكىش چىقىپ تۇرغان ئىپادىسىگە قاراپ، ئۇ كىشى بۇنىڭ ھەممىسىنى راست دەپ ئويلاپ قالدى ۋە ئۇنىڭ چىشىغا تەگمەسلىك ئۈچۈن  ئامالسىز فاسەينىڭ ئالدىدىكى سافاغا بېرىپ ئولتۇردى. كۆڭلىدە بولسا ئويلايتتى: بىز سىلەرنى زادى قانداق رەنجىتىپ قالدۇق ... «ئىسمىڭ نېمە؟ نېمىش قىلىسەن؟ »دېدى فاسەي. «جا ...جاۋ فېي ..كاتىپلار ئىشخانىسىنىڭ ...مۇئاۋىن مۇدىرى» «نېمە گەپ بۇ؟! مۇدىرنىڭمۇ مۇئاۋىنىمۇ تېخى— دېدى فاسەي مەنسىتمىگەن ھالدا— ھەقىقەتەن تۆۋەن دەرىجىلىككەنسەن» «ھە ...ھەئە...ماخ .. ماختىۋەتتىڭىز ..» «سەن جىندىن قورقاۋاتامسەن؟!— دېدى فاسەي— مەن ساڭا ئۆزۈمنىڭ تۆۋەن قاتلامدىن ئىكەنلىكىمنى دېدىمغۇ؟! ئۆزۈڭنى قويۇۋېتە! » قارىماققا فاسەي چوتنى خاتا سوققاندەك قىلاتتى. چۈنكى ئۇنىڭدەك قورقۇنچلۇق ئادەم شۇ تاپتا گەپ قىلىشقىمۇ پېتىنالمىغاندىكىن، گەپ كولىماقمۇ بىر مەسىلە ئەمەسمۇ. بىراق، فاسەينىڭ ئۆزىگە ئىشەنچىسى بار. ئۇ ئاۋۋال قولىدىن ماتېرىياللارنى ئەسلى ئورنىغا قويۇپ قويۇپ، ئورنىدىن تۇرۇپ ئۇنىڭغا بىر ئىستاكان قۇيۇپ بېرىپ ،يەنە تېخى ئۆزى ئالدىغا ئاپىرىپ بەرگەندىن كېيىن، ئۇنىڭ يېنىدا ئولتۇرۇپ كۆيۈنگەن قىياپەتتە دېدى: «كىرىمىڭ قانچە؟ » «تۆت...تۆتمىڭ ..ئۈچ يۈز..» «نېمە قىلىسەن سەن؟! مېنىڭكىدىنمۇ كۆپكەنا؟ » «ھە..ھە...شۇنداقمۇ؟ » «مەن بىر كۈندە ئېشىپ كەتسە 500 تاپىمەن. سېنىڭكى تېخى 4300 كەن! » كېيىن فاسەي ئۇنىڭغا بىرمۇنچە گەپلەرنى قىلىپ، خۇددى ئادەتتىكىدەك، مېھمان كۈتكەن قىياپەتتە ئۇنىڭ دىققىتىنى خىزمەتتىن بۇرىدى. بۇ چاغدا ئۇنىڭمۇ كۆڭلى خېلى جايىغا چۈشتى - دە، فاسەيدىن سورىدى: «چىيەن خانقىز ئۇلار.  نېمە خاتالىق ئۆتكۈزدى؟ » فاسەي ئۇنىڭغا جاۋاپ بەرمىدى. ئۇ قولىدىكى ئىستاكاندىكى سۇنى ئىچىۋەتكەندىن  كېيىن بىرنى ئۇھسىندى: «ھەي ...» نەتىجىدە جاۋ فېي تېخىمۇ جىددىيلەشتى. ئۇنىڭ نەزىرىدە، پۈتۈپ كاتىپلار  ئىشخانىسىدىكىلەر بالا تېرىغان ئىدى. شۇڭا ئۇ شۇتاپتا ئۆتۈنۈش نەزىرىدە فاسەيگە قارىماقتا ئىدى. فاسەي ئالدىرىماي دېدى: «بىلگۈڭ بارمۇ؟ » ئۇ بېشىنى كۈچەپ لىڭشىتتى. «ساڭا دەپ بەرسەم بولىدۇ. لېكىن ماڭا بىر ئىش قىلىپ بېرىشىڭ كېرەك» «نې...نېمىش؟ » «بىر ئىستاكان سۇ قۇيۇپ بەر» (ئەسلى مەنبە: 双子罗星نىڭ شۇ ناملىق ئەسىرى.           ئۆز تەرجىمەم )

xamal1124

	داۋامىنى ئەگەر باشقا بىرەر ئەھۋال كۆرۈلمىسە، ئەتە كەچتە مۇشۇنداق ۋاقىتتا يوللايمەن.

xamal1124

	api يوللىغان ۋاقتى  2014-2-11 11:45 PM بۇ ھىكايىمۇ ياكى راس بولغان ئىشمۇ بۇلارنىڭ ھەممىسى توقۇلما. راست ۋەقە ئەمەس

sirdax998

	داۋامىغا تەشنامەن.ئىز قوغلاپ ئوقۇۋاتمەن.

manarsa

	دەرسىڭىزگە تەسىر يىتىپ قالمىسۇن ، لىكىن بۇ ھىكايىنى راستلا ياخشى كۈردۈم ...رەھمەت

xamal1124

	sirdax998 يوللىغان ۋاقتى  2014-2-12 12:32 AM داۋامىغا تەشنامەن.ئىز قوغلاپ ئوقۇۋاتمەن. قوللىغىنىڭىزدىن تولىمۇ خۇرسەنمەن.

xamal1124

	manarsa يوللىغان ۋاقتى  2014-2-12 12:36 AM دەرسىڭىزگە تەسىر يىتىپ قالمىسۇن ، لىكىن بۇ ھىكايىنى را ... ئەتە چۈشتىن كېيىندىن تارتىپ ئىككى - ئۈچ كۈن قويۇۋەتكىدەك،  شۇڭا مەنمۇ ئاساسەن ئارام ئېلىش ۋاقتىمنى سەرپ قىلىپ تەرجىمە قىلىپ يوللاۋاتىمەن. كۆڭۈل بۆلگىنىڭىزدىن تولىمۇ خۇشال بولدۇم. سىزگىمۇ كۆپ رەھمەت

joda☠

	بۇ گۇي زادى نېمە ئادەم ؟  رەسمى ساقچىنىڭ بوۋىسى بولدىغان گۇيكەن ..ئېلىكتىرونلۇق ئويۇن ئويناپ زېھنى شۇنداق ئېچىلىپ كەتتىمۇ بۇنىڭ ...قىزىقىپ قالدىم ..ھارماڭ قىرىندىشىم ...ئەمما بەك ياخشى يەرگە كەلگەندە توختاپ قېلۋاتىدۇ ..تەرجىمە قابىليىتىڭىزگە قايىل بولدۇم ...  يەنە قانچە قېتىمدە تۈگەر ھەمىسى ؟؟

xamal1124

	joda☠ يوللىغان ۋاقتى  2014-2-12 12:49 AM بۇ گۇي زادى نېمە ئادەم ؟  رەسمى ساقچىنىڭ بوۋىسى بولدى ... ھازىرچە ئەسلى يازغۇچى بىر باب قىلىپ يازغىنىنى مەن ئىككىگە بۆلۈپ ئەۋاتىۋاتىمەن (قىسقىغىنىسى، يۇقارقىسى ئەسلى 2 بابنىڭ ئاخىرى) ئەگەر يەنە مۇشۇنداق ئىككىگە بۆلۈپ يوللىغىنىمدا، بىنادىن تاشلىنىش دېلوسى يەنە مۇشۇنداق 8 تېمىدىن كېيىن تولۇق ئاخىرلىشىدىكەن. ئەگەر بۇ ئارام ئېلىشتا ۋاقىتتىن ياخشىراق پايدىلانسام . بەلكىم ئۇزاققا قالماسلىقى مۈمكىن