مىكروسوفىتقا يېڭى CEO تەيىنلەندى !

Zulpikar

	6-چىسىلا ھىندىستانلىق ساتىيا نادېللا 100 دىن ئارتۇق نامزات ئارسىدىن تاللىنىپ مىكروسوفىت ئۈچىنجى قېتىملىق باش ئىجىرائىيە ئەمەلدارى بولدى. تاكى ئالدىنقى قېتىملىق CEO سىتېۋ بېلمېر ئۆزىنىڭ ئىستىپا بېرىدىغانلىقىنى ئېلان قىلغان 5 ئايدىن بېرى مىكروسوفىت 100دىن ئارتۇق نامزاتنى ئويلاشقان بولۇپ بۇلار ئاساسەن دۇنياغا تونۇشلۇق داڭلىق ئىگىلىك تىكلىگۈچىلەر، مەسىلەن فورد شىركىتىنىڭ باش ئىجىرائىيە ئەمەلدارى قاتارلىقلار.                            ئىچكى خەۋەر بىلەن تەمىنلىگۈچىنىڭ ئېيتىشىچە : پايچىكلار يېڭى CEO تاللاش جەريانىدىكى بۇ ئارلىقتا 30 يىللىق ياخشى دوستلاردىن بولغان مىكروسوفىتنىڭ قۇرغۇچىسى بىل گېيتىس بىلەن سىتېۋ بېلمىرنىڭ مۇناسىۋېتى گاھ ياخشى،گاھ ناچار بولغان بولۇپ جىددى ئەھۋاللار كۆپ قېتىم يۈزبەرگەن. يەنە كېلىپ پايچىكلارنىڭ يېڭى CEO تاللاش ئۇسۇلىنىڭ باشقىلارغائوخشىمايدىغان بولشى ۋە مېدىيالارنىڭ بۇ ئىشقا ھەدىدىن زىيادە دىققەت قىلىشى بۇلارنى غەزەپلەندۈرۈپ قويغان. خەۋەرلەرگە ئاساسلانغاندا، پايچىكلار يېڭى نامزاتى ئاۋال 100 كىشىدىن تەركىپ تاپقان ، كېيىن ئىنچىكىلىك بىلەن كۈزۈتۈلۈپ كىچىك دائېردىن بىرنى ھاسىل قىلغان ھالەتتە 30 كىشىلىك تىزىملىكتىن بىرنى رەتلەپ چىققان، تىزىملىكتە شىركەت ئىچكى خادىملىرى ۋە سىرتقى شىركەت بىلەن مۇناسىۋەتسىز كىشىلەر بار بولۇپ مەقسەت بولسا شىركەت ئىچكى خادىمىدىن بىرنى تاللاپ دەرىجىسىنى بىۋاستە ئۆستۈرۈشنى ،ياكى بولمىسا سىرتتىن ئىلغار كىشىدىن بىرنى ۋەزىپىگە قويۇپ شىركەتنى باشقىدىن تەڭشەشنى ئويلاشقان. تىزىملىككە كىرگۈزۈلگەن بەزى نامزاتلار مىكروسوفىتنىڭ تەكلىپنامىسىنى بىۋاستە رەت قىلىۋەتكەن، يەنە بىر قىسىملىرى بولسا، مەسىلەن فورد شىركىتىنىڭ باش لىدىرى ئەيلىن.مۇلالى پايچىكلاربىلەن بولغان سۆھبەتتە ئۆزىنىڭ ئەگەر بۇ ۋەزىپىگە ئولتۇرغاندىن كىيىن ئىچكى قىسىمدا بىلگېيتىس ياكى بېلمىرنىڭ تەنقىد قىلىشىنى خالىمايدىغانلىقىنى ئېيتىپ ۋاز كەچكەن. خەۋەر بىلەن تەمىنلىگۈچىنىڭ ئېيتىشىچە مىكروسوفىت ھەر بىر نامزات بىلەن سۆھبەتلىشىپ باققان. ئاخىرى، 1-ئاينىڭ قەھىرتان سوغۇق بىر كۈنى كەچتە، مىكروسوفىت پايچىكلىرى نىيۇيۇرۇكتىكى بىر ئادۇۋكاتلىق مەركىزىنىڭ يىغىن زالىدا مىكروسوفىتتا ئىشلىگىنىگە 22 يىلدىن ئاشقان ھىندىستانلىق ساتىيا نادېللانى ئۈچىنجى قېتىملىق شىركەت باش ئىجىرائىيە ئەمەلدارى قىلىپ بىكىتىلگەن. ئۇ كۈنى بىكىتىلگەن پەقەت  نادىللانىڭ مەسىلىسىلا ئەمەس... پايچىكلەر يەنە، بىل گېيتىسنىڭ شىركەت مۇدىرىيەت رەئىسلىك ۋەزىپىسىدىن رەسمى تۈردە ئايرىلغانلىقىنى، ۋاقتىنىڭ 1\3 نى نادىللانىڭ خىزمىتىگە يىتەكچىلىك قىلىش، مەسلەھەت بېرىش ، شىركەت خادىملىرىنىڭ مەھسۇلات ھەققىدىكى پىكىرلىرىنى ئاڭلاپ بىكىتىش قاتارلىق ئىشلار بىلەن ئۆتىدىغانلىقىنى ئېلان قىلغان ! شىركەت مۇدىرىيەت رەئسىنىڭ باش ياردەمچىسى جون.زومپىسىن مۇدىرىيەت رەئىسلىكىگە تەينلەنگەن.14 يىللىق شىركەت باش ئىجىرائىيە ئەمەلدارى بېلمېر شىركەتتىن ئايرىلغان،بىراق يەنىلا مۇدىرىيەت ئەزالىق سالاھىتىدە. مىكروسوفىت خىزمەتچىللىرى ۋە يۇقىرى دەرىجىلىك ئەمەلدارلىرى ئىنتايىن تەقەززالىق ئىچىدە گېيتىس بىلەن   نادىللانىڭ ھەمكارلىقى شىركەت كەلگۈسىگە قانداق يېڭىلىقلارنى ئېلىپ كېلىدىغانلىقىنى سورىغىنىدا مۇدىرىيەت ئەزاسىدىن بىرى: نادىللاغا گېيتىسنىڭ تالانتى ئىنتايىن ئايان،ئۇ گېيتىسنىڭ قارا سايىسىغا ئايلىنىپ قېلىشدىن ئەنسىرمەيدۇ ! دەپ جاۋاپ بەرگەن. مۇدىرىيەت 2013 -يىلى 1-ئايدىن تارتىپ ئالدىنقى قېتىملىق ئىجىرائىيە ئەمەلدارى سىتىۋ،بېلمىرنى ۋەزىپىسىدىن تېزىراق ئىستىپا بېرىشكە ،شىركەتنى قايتىدىن رەتكە سېلىشقا قىستىغان.چۈنكى ئۇ ۋەزىپە ئۆتىگەن ئۇزاق يىللار مابەينى، يېڭى تېخنىكىلىق بازار ئەھۋالىغا دىققەت قىلماسلىق ۋە بازارنى كەتكۈزۈپ قويغانلىق سەۋەبى،مىكروسوفىتنىڭ پايچېكدە ئۇزاق ۋاقىت چۈشۈش كۆرۈلۈپ خەتەرلىك ئەھۋاللار شەكىللىنىشكە باشلىغان.بېلمېر ئۆتكەن يىلى 8-ئايدا بىر يىل ئىچىدە ئىستىپا بېرىدىغانلىقىنى ئېلان قىلغان ئىدى..(تۈگىدى) تېڭشۈن تېخنىكا سەھىپىسىدىن تەرجىمە قىلىندى. 2014-يىلى 2-ئاينىڭ 10-كۈنى سەھەر ( 4:34 )

uzdil.com

	بېلگەيتىس ئىستىپا بېرىپ چېكىنگەندىن كېيىن، يېڭى CEO تەيىنلەش ئاسانغا توختىماپتۇ ھە؟

Zulpikar

	uzdil.com يوللىغان ۋاقتى  2014-2-10 04:55 AM بېلگەيتىس ئىستىپا بېرىپ چېكىنگەندىن كېيىن، يېڭى CEO تەي ... گېيتىس ئورنىنى بېلمېرغا بىۋاستە ئۆتۈنۈپ بەرگەن، ھىچقانداق مەسىلە يوق ئىدى ئۇ چاغدا. گەپ بېلمېردىن باشلانغان مىكروسوفىتنىڭ ھاياتى ..

ئالمىچى

	ھىندىستاننىڭ ئۇچۇرتىخنىكا يۇمشاق دىتال ساھەسى خىلىلا تەرەقى قىلغان. ئەمدىلىكتە ھىندىستانلىقلارمۇ داڭلىق كىرىمىنى جىلغىسىنى ئىگىلەشكە باشلاپتۇدە

azrat705

	بولمىرنىڭ ئىستىپا بېرىشىدىكى سەۋەپ مىكروسوفتنىڭ پايچىكلىرى بولمىرنىڭ ئىسلاھات سۈرئېتى ، ئىسلاھات ئۈنۈمى ۋە كۆچمە ئۈسكۈنىلەر ساھەسىگە قاراتقان ئىستىراتېگىيەسىدىن نارازى بولغان ، ئەقلىيفون ۋە تاختا كومپيۇتېر بازىرىدا مىكروسوفت كونا رەقىبى گۇگىل ۋە ئالما شىركىتىنىڭ خېلىلا ئارقىسىدا قالدى ، بۇ ئىككى بازارنىڭ %90 تىن يۇقىرى قىسىمىنى گۇگىل Android ۋە ئالما ios سىستېمىسى ئېگەللىدى ، مىكروسوفت ئىككى ئەۋلات surfacr proۋە surfacr RT تاختا كومپيۇتېرىنى بازارغا سالغان بولسىمۇ لېكىن ئانچە ئۈنۈمى بولمىدى ، بولمىر مىكروسوفتنىڭ كۆچمە ئۈسكۈنە جەھەتتىكى ئاجىزلىقىنى تولدۇرۇش ئۈچۈن نوكىيانىڭ يانفون كەسىپىنى سېتىۋالدى ، لېكىن پايچىكلەر يەنىلا رازى بولماي بولمىرنى ئىستىپا بېرىشكە قىستىدى. ئەينى يىلى بىل گايتىس ئىنتېرنىت دەۋىرىگە قەدەم قۇيۇشنىڭ ئەڭ ياخشى پەيىتىنى قولدىن بېرىپ قۇيۇپ ئىنتېرنىت ساھەسىگە گۇگىلدىن بىر قەدەم كىيىن كىرگەن ، بولمىر بولسا ئەقلىيفون ۋە تاختا كومپيۇتېر بازىرىغا كىرىشنىڭ ئەڭ ياخشى پەيىتىنى قولدىن كەتكۈزۈپ قويۇپ بۇ بازارنىڭ مۇتلەق كۆپ قىسىمىنى گۇگىل ۋە ئالما شىركىتىگە تارىتقۇزۇپ قويدى . لېكىن مىكروسوفتقا يەنىلا پۇرسەت بار ، پەن تېخنىكا ساھەسىدە كۆزنى يۇمۇپ ئاچقىچە نۇرغۇن ئۆزگىرىشلەر يۈز بېرىدۇ

ئوغۇز116

	بۇ خەۋەرنىڭ ماۋزۇسىنى نېمانداق ئوقۇغىلى بولمايدۇ. «مىكروسوفىت يېڭى CEO تەيىنلەندى !» دېگەن جۈملىنىڭ خەۋرى قايسى.، ئىگىسى قايسى؟ تەۋسىيە (ئەڭ توغرىسى دېگىنىم يوق)1: مىكروسوفىت يېڭى CEO تەيىنلىدى تەۋسىيە (ئەڭ توغرىسى دېگىنىم يوق)2: مىكروسوفىتقا يېڭى CEO تەيىنلەندى ماۋزۇنىڭ ئاخىرىغا نېمىشقا ئۈندەش بەلگىسى قويىلىدۇ؟ (ئالاھىدە ئەھۋال بولمىسا، ماۋۇزلارغا تىنىش بەلگىسى قويۇلمايدۇ. ) يا بۇ بەك مىكروسوفت ئۈچۈن بەك ئالاھىدە خەۋەر بولغاچقا شۇنداق قويۇلدىمۇ؟ ئاندىن خەۋەرنىڭ ئالدىدا ياكى ئاخىرىدا تەرجىمە قىلغۇچى (ياكى مۇھەررىر) CEO ھەققىدە ئازراق چۈشەنچە بەرسە ياخشى بولاتتى. ئىنگلىزچە ئۆگەنگەنلەر CEO نىڭ قانداق ۋەزىپە ئىكەنلىكىنى قىسمەن بىلگەن بىلەن، بىزنىڭ ئۇيغۇلار ئارىسىدا بۇنداق ۋەزىپە ئۆتەش ئۇسۇلى تېخى بەك ئومۇملاشمىغاچقا ئومۇمىي تور خەلقىنىڭ بۇنى تولۇق چۈشىنىشنى سەل تەس.

nurjahan0997

	ئوغۇز116 يوللىغان ۋاقتى  2014-2-10 11:24 AM بۇ خەۋەرنىڭ ماۋزۇسىنى نېمانداق ئوقۇغىلى بولمايدۇ. «مى ... قوللايمەن

nazigul8

	CEO دىگەن سۆز  Chief Executive Officer دىگەن سۆزنىڭ قىسقارتىلمىسى. يەنى بىر كارخانىنىڭ ھوقۇقى ئەڭ چوڭ 1-جى قول باشلىقى دىگىنى. يەنى شۇ كارخانىنىڭ قانۇنلۇق ۋەكىلى دىگەنلىك. توغرا تەرجىمىسى( 行政总裁). 行政总裁 نىڭ يەنى  CEO نىڭ ھوقۇقى  总裁  دىنمۇ چوڭ بولدۇ. ھەم يەنە شۇ كارخانىنىڭ پاي چېكى باياناتچىسى. ھەم يەنە ئىشلەپچىقىرىشتىن تارتىپ كارخانا باشقۇرغۇچىلىرى بەنزىسىدىكى بارلىق باشقۇرغۇچىلارنىمۇ باشقۇردۇ. مەنمۇ بىلگىنىمنى دەپ باقتىم، كەم قالغان يەرلىرىنى باشقىلار قوشۇپ قوياسىلەر

Zulpikar

	ئوغۇز116 يوللىغان ۋاقتى  2014-2-10 11:24 AM بۇ خەۋەرنىڭ ماۋزۇسىنى نېمانداق ئوقۇغىلى بولمايدۇ. «مى ... مەن سەل كىچىپىكپ كۆرۈپتىمەن ئىنكاسىڭىزنى،مىنىڭ ئورنۇمدا نازىگۈل CEO غا چۈشەنچە بېرىپ بوپتۇ.ئەمدى سىزگە تېما ماۋۇزۇسى ھەققىدە چۈشەنچەمنى بېرەي. ئەسلى مەنمۇ ماۋزۇسىنى مىكروسوفىتقا يېڭى CEO تەيىنلەندى دەپ يازغىنىم ئىسىمدە ،قانداق بولۇپ ئۇنداق بولۇپ قالدى مەنمۇ بىلمىدىم .... ئۈندەش بەلگىسىنىڭ نىمىشقا قويىلىدىغانلىقىنى دىمىسەممۇ سىز بىلىدىكەنسىز

ئوغۇز116

	Zulpikar يوللىغان ۋاقتى  2014-2-11 11:21 PM مەن سەل كىچىپىكپ كۆرۈپتىمەن ئىنكاسىڭىزنى،مىنىڭ ئورن ... شۇڭا دەيمەن. ئوقىسام ھېچ قاملاشمايدۇ. مەن تېخى نېمە ئىشكىن دەپتىمەن.