كېچىلەرنىڭ ئۇيقىسىغا كىرەيلى

bahwanbiz

	كېچىلەرنىڭ ئۇيقىسىغا كىرەيلى كېچە كۆزى نىمانچىلا قاپقارا ؟ تىكىلمەكتە دەرىزەمگە سىنچىلاپ . خالاس خوتتا قىززىماقتا دەقىقە ، لاي بەدىنىم سوزۇلماقتا غەم چاناپ . قاراڭغۇلۇق كالپۇگىنى يايدى كەڭ ، يىيىلمەكتە ئىسراپ بولغان بوشلۇقۇم . چېچىلمىغان چېچەكلىرىم نەم تارتقاچ، ئاۋاق ئىكەن زادى كۆڭۈل قوشۇقۇم . تامچىلايدۇ تىپىرلىغان قانلىرىم ، ھال كېسىلى چۈشتى ئاجىز تومورغا . چىقىۋىرىپ خاتالىقنىڭ سۈت چىشى ، موھتاج بولدۇم ۋىجدان پىشقان تونۇرغا . قارا كېچە قىزىقمىدى كۈلكەمگە ، ئىپادەمنىڭ سايىسىدا مۈگدىدىم . مېغىزلىرىم قوش ئامبۇردا قىسىلغاچ، دىئالوگدا بىر بوغۇمدا ئۈنلىدىم . سەبرە سەتتەك بىلىنىدۇ بەزىدە ، تاقەت سۈيى كۆيدۈرگەندە يۈرەكنى . قارانچۇققا تەۋە قىلىش جايىزدۇر ، يىلىكىدە قوۋۋىتى يوق بىلەكنى . مۇزەك ھاۋا زىناقلىرى ئېچىلسۇن ، قاناتلارغا سەلكىن شامال تىلەيلى . ئەتە يەنە سوغۇققىنە كۈلمىسۇن ، كېچىلەرنىڭ ئۇيقۇسىغا كىرەيلى . ئېھتىياتسىز نىپىز - نىپىز سۈركىلىش ، پەيدا قىلار قېلىن –قېلىن زىدىيەت . قويرۇق بولسا ھەرىكەتكە ئەندىكىش ، ئامەتلەرگە قامچا سالار شور نىيەت . ئادىمىيلىك خىسلەتلەرگە مىلىنىپ ، سۆيگۈ ئۈچۈن خەيرىلىك كۈن چىللىدىم . ئەجداتلارنىڭ ھۆسنى ئۈچۈن خەيرىلىك ، چۈشلىرىمنى شەيتانلاردىن كۈنلىدىم . سىرغىماقتا نۇرلىرىمغا كېچىلەر ، ئاق –قارىغا ئارلىشىدۇ قىسمىتىم ، قەلب شېشەم ئۈچۈن چوقوم كۆكلىنەر، ئېھتىماللىق قىرغىقىدا قىممىتىم . ئاپتۇرى : ئابلەت مۇھەممەت باغۋەن

uzdil.com

	ئىلھامىڭىزغا دەرت بەرمىسۇن.

nurjahan0997

	تىلى ئۆزگىچىمۇ نېمە،قالتىس يېزىپ قويۇپسىز جۇمۇ سۆز-جۈملىلىرى پاساھەتلىك،دەرت بەرمىسۇن قېرىندىشىم.....

qaraxani

	دىئالوگدا بىر بوغۇمدا ئۈنلىدىم . .................................................سىزگە تەپەككۈر رىزىق قىلىپ بېرىلگەن ئىكەن.ئاپىرىن باغۋەن،ھېسلىرىڭغا بولدۇم ھېرىسمەن...

kakkuk11

	كۆك ئاسماندا قاقىمەن قانات ، بۇ شېئىرنىڭ باغرىدا يېتىپ . مۇڭلانسامكەن دەيمەن كېچىدە ، يۇلتۇز بولۇپ يۈرەككە ئېقىپ .

munglukkadam

	كۆڭۈللەرنى  غەش قىلغان شۇ مۇڭلۇق كىچە ئورۋالدى  مۇز يۈرەكۈمنى  تىمتاس  قوينىغا كىچە خىياللىرى  مەن ئۈچۈن بىر ئۆزگەرمەس ھەم ئايرىلماس بىر ھەمرا ئىلھامىڭىزغا  كۆز تەگمىسۇن  دوستۇم  ئەجىرىڭىزگە  رەھمەت