بۇ سودا شاخلىتىپ سىتىشمۇ؟

yixilqay

	بۇ سودا شاخلىتىپ سىتىشمۇ؟      يېقىندا دىيارىمىز كورلىدا ۋە جەنۇبىي شىنجاڭ تەۋەسىدە خۇنەن خۇالەي چايچىلىقىغا ۋاكالەتچى بولۇش قىزغىنلىقى باش كۆتۇرۇپ نۇرغۇن كىشىلەر تۈركۈم-تۈركۈملەپ 20 مىڭ يۈئەن بىلەن بۇ ئىشقا ۋاكالەتچى بولماقتا، ئەلۋەتتە پۇلى بارلا ئۆيدىكى پۇلنى، پۇلى يوقلا باشقىلاردىن قەرىز ئىلىپ ئۈچ ئايغا قالماي قولغا كېلىدىغان 110 مىڭ يۈئەن ئۈچۈن كۆرەش قىلماقتا.    ئۇ چايچىلىقنىڭ تەرتىۋى مۇنداق ئىكەن، يەنى مەلۇم بىر ئادەم 20 مىڭ يۈئەن بىلەن ئەزا بولغاندىن كېيىن يەتتە كېلوگىراممۇ ياكى ئۇنىڭدىن جىمۇ ئىشقىلىپ قارا چاي بىرىدىكەن، بۇ چاي نۇرغۇن كېسەلگە پايدا قىلىدىكەنمىش. ئاندىن بۇ ئادەم ئاستىغا ئەزا ئىزدەيدىكەن، ھەم باشقىلارغا داستىخان سېلىپ مېھمان قىلىپ، دەرس سۆزلەيدىكەن. 20 مىڭ يۈئەن ئاز بولمىغاچقا بەزىلەرگە شۇ ۋاكالەتچى بولغان ئادەم باشقىلاردىن قەرىز ئىلىپ بىرىپ دېگىدەك ئەزا قىلىدىكەن، ئاندىن شۇ ئادەم شۇنداق تىرىشىپ يۈرۈپ ئەزاسى يەتتىگە يەتكەندە 5800 يۈئەن ئالىدىكەن، ئەزاسى 11 گە يەتسە 110 مىڭ يۈئەن ئالىدىكەن. ئەزاسى 20 نەچچىگە يەتكەندە 400 نەچچە مىڭ يۈئەن ئالىدىكەن. بۇنى دۆلەت قولايمىش، ھەتتا رەئىس شىجىنپىڭمۇ قولايمىش. چۈنكى بۇنداق قىلىش ئارقىلىق دۆلەت خۇنەن چايچىلىقىنىڭ تەرەقىياتى ئۈچۈن مەبلەغ توپلاشنى مەخسەت قىلغان ئىكەن.      خۇش، بۇ چايچىلىقنى ھۆكىمەت نېمە ئۈچۈن ھۆكىمەت مەبلىغى بىلەن ئەمەس، تۆۋەندىكى ئاددىي پۇخرانىڭ يانچۇقى ئارقىلىق قوللىماقچى بولدى؟      ئەگەر راستىنلا بۇ ئىش قانۇنلۇق بولسا، بۇنداق ياخشى ئىشنى خەنزۇچىدىن بىمالال پايدىلىنىدىغان خەنزۇ قىرىنداشلىرىمىز قىلماي بىزگە قىلىپ قالدى؟       بۇنىڭغا ئەزا بولغاندا تاپشۇرۇلغان 20 مىڭ يۈئەن ئۈچۈن نېمىشقا دۆلەت ئىتىراپ قىلىدىغان بىر تۇتاش تالۇن چىقىرىپ بىرەلمەيدۇ؟       نېمە ئۈچۈن بۇ ھەقتىكى يازما تۇختامنى قانۇنىي گۇۋالىقتىن ئۆتكۇزۇشكە يول قويۇلمايدۇ؟      نېمە ئۈچۈن سىتىش ئۈچۈن داۋاملىق چاي بىلەن تەمىنلىمەيدۇ؟ (دەسلەپتە ئەزا بولغاندا بىرلا قىتىم مانچە كېلۇ چاينى بىرىدىكەن، كېيىن بەرمەيدىكەن)      نېمە ئۈچۈن پۇلنى مەلۇم مەسئول ئادەمنىڭ قولىغا بەرمەي كارتىغا ئۇرۇلىدۇ؟      بۇ ئورۇننىڭ دۆلەتلىك باش مەسئولى كىم؟ شىنجاڭدىكى مەسئولىچۇ؟ ھە دەپ ۋاكالەتچىلىككە 20 مىڭ يۈئەن تۆلەپ كىرۋاتقانلار سىلەر رەھپىرىڭلارنى يەنى بىرىنجى قول مەسئولىڭلارنىڭ كىم ئىكەنلىكىنى، سالاھىيىتىنى بىلەمسىلەر؟          دېمەك، بۇ چايچىلىقتا مانا مۇشۇنداق بىر قاتار گۇمانلىق مەسىلە مەۋجۇت بولۇپلا قالماي بۇنىڭ ئۇچۇق ئاشكارە شاخلىتىپ سېتىش ئىكەنلىكى ھەققىدە بەيدۇدا ماتىرياللار تولۇپ يېتىپتۇ. http://www.puercn.com/chayenews/cybg/32662.html     ئۇنداقتا شاخلىتىپ سېتىش دېگەن نېمە؟ بۇ ھەقتە تۆۋەندىكى ماتىريالنى كۆرۈشكە بولىدۇ. http://www.muzat.cn/forum.php?mod=viewthread&tid=371     بىراق شۇنداق ئەھۋال ئاستىدىمۇ نۇرغۇن كىشىلەر بۇنى ئىتراپ قىلغىسى كەلمەي جان جەھلى بىلەن بۇ ئىشقا بېشىچىلاپ كىرىپ كىتۋاتماقتا.     شۇڭا شۇ قىرىنداشلىرىمىزنىڭ تېخىمۇ چوڭ زىيانغا ئۇچۇراپ كەتمەسلىكى ئۈچۈن قانۇن ئىجراچىلىرى، سۇدا-سانائەت مەمۇرى باشقۇرۇش ئۇرۇنلىرىدىكى خىزمەتچىلەر ۋە بۇ ئىشتىن خەۋىرى بولغان كىشىلەرنىڭ بۇنىڭ زادى شاخلىتىپ سېتىشقا تەۋەمۇ ياكى تەۋە ئەمەسمۇ مۇشۇ ھەقتە ئۆزلىرىنىڭ بىلىدىغانلىرىنى ئايىماسلىقىنى سەمىمىي ئۈمىد قىلىمەن.      ئەگەر ھەقىقەتەن شاخلىتىپ سېتىش بولسا قىرىنداشلىرىمىز ئۆزىنى ھازىر تارتسىمۇ كىچىكمەيدۇ، ئەگەر شاخلىتىپ سېتىش بولمىسا بۇ ئىشنى قىلۋاتقانلار خاتىرجەم ھالدا ئۆز ئىشلىرىنى داۋاملاشتۇرۇش بىلەن بىرگە باشقىلارغىمۇ مەنپەت يەتكۇزەلەيدۇ دەپ ئويلايمەن.

ئەجەل

	سۇئاللىرىڭىزغا مەن چامامنىڭ يېتىشىچە جاۋاب بېرىپ باقاي... 1.ھۆكۈمەت مەبلىغى بىلەن قوللىسا تامامەن بولىدۇ،لېكىن ھۆكۈمىتىمىز غەربىي رايونلارنىڭ ئامانلىقىنى قوغداش ۋە دۆلەت مۇداپىئەسى ئۈچۈن نۇرغۇن ئەسكەرلەرنى باقىدۇ،يەنە چەتئەلگە قەرىز بېرىشى كېرەك يەنە بىرسى بۇ ئىشتىن دۆلەتنىڭ قىلچىلىك خەۋىرى يوق،شۇنىڭ ئۈچۈن ھۆكۈمەت مەبلىغى بىلەن قىلىنمايدۇ! 2.دۆلىتىمىزدە يىغىلىدىغان ھەقلەر ناھايىتى نۇرغۇن،ئىجرا قىلىنىدىغان نۇرغۇن قاتتىق يۇمشاق ۋاستىلەر بار،مانا شۇ ئورۇنلارغا بىر ئورگان بار.بەلكىم ئاڭلىغان بولۇشىڭىز مۇمكىن‹ئالاقىدار زاتلار،مەلۇم ئورگاننىڭ،مەلۇم رەھبەر،مەلۇم .....›قاتارلىق مەلۇم لېكىن ئۆزى نامەلۇم ئورگانلار بار شۇڭا تالون يوق! قالغىنىنى يېزىش خوشياقمىدى!

KURAX.JAN

	ئالدىنقى يىللىرى گۈل چاي تېرىپ زىيان تارتقانلار ئاز ئەمەس ! بۇ ئىشمۇ شۇنىڭغا ئوخشاش ئالدامچىلىق بوپ قالمىسۇن يانا ؟

halis123

	شاخلىتىپ سېتىش  ! مەيلى قانداق ئۇسۇل بىلەن نېمە ئىش قىلسۇن  ، ئاز مەبلەغ بىلەن كۆپ پايدىغا، ئاز ئەجىر قىلىپ كۆپ پايدىغا ئېرىشىدىغان ئىشلار بىر بولسا ساختا ، بىر بولسا خاتا .  بۇنداق كىشىلەر يا ئالدىنىپ  زىيان تارتىدۇ ،ياكى پايدا ئېلىپ گۇناھكار بولىدۇ .. ھەر قانداق نەرسىنىڭ بەدەل تۆلەش ئارقىلىق كېلىدىغانلىقىدەك ھەقىقەتنى ئىنكار قىلماقچى بولغانلار ھەر ۋاقىت زىيان ئىچىدە !

ياۋۇز

	.........

ياۋۇز

	ياۋۇز يوللىغان ۋاقتى  2014-2-10 01:12 AM ......... ئالدامچىلىق ئىكەنلىكى چىقىپلا تۇرمامدۇ. بۇ بىر سودا ياكى مەبلەخ سىلىشمۇ ئەمەسكەن، ۋاكالەتچى بولغان ئادەم ئۆزىگە ئەزا توپلاش ئۈچۈن، ئۇرۇق-تۇققان، دوس-بۇرادەر، تونۇش بىلىشلەرنى قىزىقتۇرۇپ، ئۆز نەپسى ئۈچۈن يىقىنلىرىنى ئالداپ زىيانغا ئۇچرىتىدىغان ئىشكەن. سودا-سانائەتنى مەمۇرىي باشقۇرۇش ئورگانلىرىغا مەلۇم قىلىش كىرەك!

hiyal786

	ئەتراپىڭىزدىكىلەرگە جىددى ئاگاھلاندۇرۇش بىرىڭ، بۇ ئىشنى ھەرگىز قىلمىسۇن، بۇنداق تۇرىدىغان مۇقىم ئورنى يوق، شىركەتنىڭ قانۇنى ئىگىلىك گۇۋاھنامىسىمۇ يوق كىشىلەرگە مەبلەغ سالسا، كىيىنكى ئاقىۋىتىنى مۆلچەرلىمەك تەس، ئالدامچى ئىكەنلىكى مانا مەن دەپ چىقىپ تۇرمامدۇ؟ پۇلى يوقلارغا ئۆزى باشقىلاردىن قەرز ئىلىپ بەرگۈچە ئۆزلا قەرزى بىرىپ، كىيىن مائاشىدىن تۇتۇۋالسا بولمامدۇ؟ نەدە شۇنداق كۆپ مائاش، بىكارلىق پۇل بارئىكەن، ئەتراپىمىزدىمۇ نۇرغۇن دۇكانلار بار، خەنلەر ئاچقان، مەسىلەن گولۇ، گاز ئوچاق، بۇس تارتقۇ...... دىگەندەك نەرسىلەرنى ساتىدىغان، ۋاي مانچە يىللىق ئالماشتۇرۇپ بىرىمىز، مانچە يىل رىمونت قىلىمىز دەپ، مۇقىم ئورۇنغا دۇكان ئاچقان، تىجارەت گۇۋاھنامىسى بار شۇ كىشىلەر 1-2 يىلغا قالماي دۇكىنىنى باشقىلارغا ئۆتۈنۈپ بىرىپ، ئۆز يۇرتىغا قايتىپ كەتكەن، ئۇلاردىن سىتىۋالغان نەرسىلەر بۇزۇلۇپ قالغاندا ئىزلىسەك ئاللىقاچان كىتىپ بولغان تاپالمايمىز، زىيان ئۆزىمىزگە دىگەن گەپ، شۇڭا تىما ئىگىسى سىز يوللىغان تىمىدىكى ئىشقا مەبلەغ سالمىغان ھەممىدىن ياخشى، چۈنكى رېسىق نىسىۋە ئاللىقاچان تەقسىملەنگەن بولىدۇ.

ياۋۇز

	بۇرۇن 天狮 دەپ بىر شاخلىتىپ سېتىش شىركىتى شىنجاڭدا خىلى ئۇزۇن ھۆكۈم سۈرگەن، ئاساسلىق ساغلاملىق، تۇرمۇش، تازىلىق مەھسۇلاتلىرىنى ساتاتتى، بۇ شىركەتكە ئەزا بولغانلار ئۆزىگە ئەزا توپلاشتى باشقا مال سىتىش ۋەزىپىسىنى ئورۇندايىتتى، مىنىڭ بىر ئاغىنەممۇ مۇشۇ شىركەتكە ئەزا بولۇپ 7-8 دوستلىرىنى سۆرەپ كىردى، ئاندىن ئۆزىنىڭ كەسپىنى تاشلىۋىتىپ پۈتۈنلەي مۇشۇ ئىشقا ئاتلىنىپ كەتتى، بىر يىل ئىچىدىلا مىليونىر بولىمەن دەپچۇدەسلەپكى ئايدا 300نەچچە يۈئەن مۇئاش چىقىپتىكەن. بىرەر يىلدەك پالاقشىپ يۈرۈپ ئۆزى تۇرۇۋاتقان رايۇننىڭ ئەزا قوبۇل قىلىش مەسئۇلىمۇ بولغان بولدى، كىيىن ئۇقسام ئۇنىڭ ئۈستىدىكى باشلىق ئۇنى قويۇپ كىتىپتىمىش، ئۇ دوستۇم توپلىغان بارلىق ئەزالارنى ئۆزىنىڭ نامىدا باش شىركەتكە يوللاپ ئۆزى مىليونىر بولۇۋاپتىمىش، دوستۇمنىڭ ئىسمى باش شىركەتنىڭ ئارخىپىدىنمۇ چىقماپتۇ.

uzdil.com

	سىز تەمىنلىگەن ئۇچۇرغا ئاساسلانغاندا بۇنىڭ ئەمۋاي مەھسۇلاتلىرىنى سېتىش بىلەن ھېچ پەرقى يوق، قايسى بىر ئىسلام ئۆلىماسى پەتىۋا بېرىپ ئەمۋاي مەھسۇلاتلىرىنىڭ تەركىبىنىڭ قانداق بولۇشىدىن قەتئىينەزەر(يەنى بىز ئۇ مەسلىنى ئالدىن ئويلاشماي تۇرساقمۇ دېمەكچى) ئۇنىڭ قوللانغان شاخلىتىش ئۇسۇلى سېپى ئۆزىدىن ھارام دېگەن. چۈنكى ئاقىۋەتتە نۇرغۇن كىشىلەرنى ئورۇنسىز زىيانغا سۆرەپ كىرىشى مۇمكىن.

بىزە

	بۇ ئېپ-ئېنىق قانونسىز مەبلەق توپلاش