ماشىنا،يۇقىرى سۈرئەتلىك تاشيولى ۋە مەن

jeSat

	ماشىنا،يۇقىرى سۈرئەتلىك تاشيولى ۋە مەن ماي تەپكىسىنى كۈچەپ باسىمەن. يۇقىرى سۈرئەتلىك تاشيولدا ئەڭ يۇقىرى سۈرئەت بىلەن كېتىۋاتقان ماشىنىنىڭ شىددەتلىك ھاياجانلىرى- مېنىڭ ھاياجىنىم! ماي تەپكىسىنى كۈچەپ باسىمەن. كۆز جىيەكلىرىم كېڭىيىپ، ۋۇجۇدۇمنى قۇرقۇنچ ۋە تەشۋىش ئىگىلەپ يۈرىكىمنىڭ دەھشەتلىك دۈپۈلدەشلىرىگە ئەگىشىپ سېنى بۇرۇنمۇ، ھازىرمۇ، كېيىنمۇ شۇنداق چوڭقۇر مۇھەببەت بىلەن مەڭگۈ ياخشى كۆرىدىغانلىقىمنى ھېس قىلىمەن. ماي تەپكىسىنى كۈچەپ باسىمەن. نۇر ۋە زۇلمەتكە تولغان بۇ رەھىمسىز دۇنيادا سانسىزلىغان ئادەملەرنى ئويلايمەن. ئۆزۈمنىڭ كىملەرنى ياخشى كۆرۈپ، يەنە كىملەردىن قانچىلىك نەپرەتلىنىۋاتقانلىقىنى ھېس قىلىمەن. ماي تەپكىسىنى كۈچەپ باسىمەن. بىردىنلا قەلبىمنى ئاخىرلىشىش تۇيغۇسى چىرمىۋالدى. بارلىق تىرىشچانلىقلىرىم بارلىق ئۇرۇنۇشلىرىمنىڭ ھەممىسى بىكاردەك، زېرىكىش، بۇرۇقتۇملۇققا تولغان بۇ تۇرمۇشىمنىڭ ھېچقانداق مەززىسى يوقتەك، ‹ئۆلۈم› دىن ئىبارەك بۇ قۇرقۇنچلۇق ھەم دەھشەتلىك تاللاشنىڭ دۇنيادىكى ئەڭ توغرا بىردىنبىر تاللاش ئىكەنلىكىنى ھېس قىلىمەن. ماي تەپكىسىنى كۈچەپ باسىمەن. ماشىنىنىڭ يۇقىرى سۈرئەتلىك تاشيولدا ماڭا ئاتا قىلغان شىددەتلىك ھاياجانلىرى شېئىر يازغاندىكى ھاياجان بىلەن نەقەدەر ئوخشاش! ئەي، خەلق! ئەي،قولىغا قەلەم ئالغۇچى! شېئىر يازساڭ شۇنداق ياز! ماي تەپكىسىنى كۈچەپ باسىمەن. ئېچىنىشلىق بىر قېتىملىق قاتتىق سوقۇلۇش يۈز بەرسە-ھە! ئۇ چاغدا... سېنى توختىماستىن ئويلايدىغان، سەن ۋە ساڭا مۇناسىۋەتلىك سانسىزلىغان ئازاپلىق  ئەسلىمىلەرگە لىق تولغان بۇ سېسىق كاللام كۇكۇم تالقان بۇلۇپ كەتسە... سېنى كۆرۈش ئۈچۈنلا يارىتىلغان، بىراق بىر قېتىممۇ سېنى قانغۇدەك كۆرۈۋېلىش شەرىپىگە مۇيەسسەر بولالمىغان بۇ بىچارە لەنىتى كۆزلىرىم قۇيۇلۇپ كەتسە... ساڭا ئاتاپ توختىماستىن خەت يازىدىغان، ساڭا ئاتاپلا شېئىر يازىدىغان بۇ گۇناھكار قوللىرىم سۇنۇپ پارە-پارە بۇلۇپ كەتسە... يەنە .. يەنە ساڭا قاراپ ماڭىدىغان ئاسىي پۇتۇم، سېنى سۆزلەۋاتقان شەرمەندە ئېغىزىم... ماي تەپكىسىنى كۈچەپ باسىمەن. ئەگەر مەن راسىتنلا ئۆلۈپ كەتسەم، قايسىدۇر بىر ئاقكۆڭۈل ساخاۋەتچى قەلەمدار مېنىڭ بۇ ۋاقىتسىز ئۆلۈمىمدىن قاتتىق ئازاپ ۋە ئېچىنىش ھېس قىلىپ مەن تور دۇنياسىدا ئەڭ ياخشى كۆرىدىغان مىسرانىم تورىدا  مېنىڭ ئۆلۈمۈم ھەققىدە خەۋەر بىرەر.   بەلكىم بۇ خەۋەرنى ئۇققان نۇرغۇنلىغان ئادەملەر چەكسىز ئېچىنىش ئىلكىدە مەن ئۈچۈن ئۇلۇغ ۋە مۇقەددەس قەسىدە، مەرسىيلەرنى پۈتۈپ مېنىڭ باقىي دۇنيادا تىنىچ، خاتىرجەم يېتىشىم ئۈچۈن دۇئاغا قول كۆتۈرىشەر. بۇ خوش-خەۋەردىن ئالەمچە شادلىققا چۆمۈپ، قېنقىنىغا پاتماي قالغان يەنە بىر قىسىم ئادەملەر بولسا نىتزى ‹ ئۆلىدىغانلار ۋاقتىدا ئۆلۈشى كېرەك› دېگەنىدى دەپ قاتتىق ۋاقىرار! ماي تەپكىسىنى كۈچەپ باسىمەن. بىر قېتىملىق دەھشەتلىك سوقۇلۇشنى خىيال قىلىۋاتىمەن.... مەنبە: ئۆزۈم

kakkuk11

	مېنىڭ ئىچكى دۇنيارىمنى سەيلە قىلىپ چىققاندەكلا يېزىپسىز... رەھمەت سىزگە........ بەك يېقىشلىق چىقىپتۇ ...

wisalay

	ئۆلۈمنى ئويلىساڭ قەۋرىستانلىققا بار دەپتىكەن.بۇنداق خەتەرگە تەۋەككۈل قىلماڭ.

uyol

	ئىچكى دۇنيارىڭىزنى چۈشەنگەندەك بولدۇم

ئەجەل

	ماي تەپكىسىنى كۈچەپ باسىمەن، ئۆلۈپ كەتسەم گۆردە ياتىمەن... ئۆلمەي قالسام ئالە شەرىڭنى... ماشىنىنى يەنە ياسىتىمەن...

Qabiljan

	ئادەم پەقەت ۋە پەقەت مۇھەببەت ئۈچۈنلا ياشىشى،سۆيگەن كىشىسى بىلەن ئۇچرىشىش پۇرسىتىگە ئېرىشەلمىسە ئۆلۈم يولىنى تاللىشى كېرەكمىكەن؟! تولىمۇ ئەقىلسىزلىك. ئادەم ھىسسىياتنىڭ قۇلى بولماسلىقى، شۇنداقلا ئۈمىدسىز بولۇپمۇ كەتمەسلىكى كېرەك.مەشۇقىمنىڭ ۋەسلىگە يېتەلمىدىم دەپ ماشىنىنى ئەشۇنداق تېز ھەيدىگەن،ماي تەپكىسىگە كۈچەپ دەسسەۋەرگەن ھاماقەتنىڭ تەقدىرى سىزنىڭ قويۇۋالغان ئىسمىڭىزدەك بولىدۇ.

okyan2014

	سىزنى تونۇمايمىز، يازغۇچى مەرسىيە ئوقۇپ مىسرانىمدا تەزىيە بىلدۈرسىمۇ كىم بولغىيىدى دەپ قالىمىز،.... شۇڭا، ئۇنداق قىلماڭ

baharim1

	kaltis خىياللىرىڭىز بار ئىكەن،مەنمۇ سىناپ باقايمىكى

1263318936

ئەجەل

	Qabiljan يوللىغان ۋاقتى  2014-2-8 10:29 AM ئادەم پەقەت ۋە پەقەت مۇھەببەت ئۈچۈنلا ياشىشى،سۆيگەن ك ... باشقۇرغۇچىلار سەرخىل.... تېما ئىگىسى پەخىرلىنىڭ بىرلا ۋاقىتتا ئىككى باشقۇرغۇچى ئەل ئىچىنى خۇپىيانە زىيارەت قىلىش داۋامىدا تېمىڭىزغا كىرىپ قاپتىكەن،بىرى ئىسمىڭىزنى ئوقۇيمەن دەپ جەستىڭىزگە پۇتلىشىپ دۈم چۈشۈپ بۇيەردە ئالىتاغىل سۆزلەپ قاپتۇ!چابىلجان چاپىلجان .....