رازۋېدكا خاتىرىسى— بىنادىن تاشلىنىش دېلوسى(1)

xamal1124

	كۆركەم سېلىنغان  ئىمارەتلەردىكى چىراغلار خۇددى كۆكتە چاقناۋاتقان يۇلتۇزلارغا ئوخشاش جىلۋە قىلماقتا. بۇ مەنزىرە بۇ شەھەرنىڭ كېچە تۇرمۇشىنى كۆپ ئۆتكۈزگەن كىشىلەرنىڭ نەزىرىدە تولىمۇ نورمال ئەھۋال. بازار مەركىزىنىڭ تىجارەت كوچىسىدىكى سودا - سېتىق  قىلىدىغانلار، قاۋاقخانا ۋە ئۇسۇلخانا ھېلھەم قىززىماقتا. ئەگەر بۇ داڭلىق ماركىدىكى چوڭ سائەت 23 قېتىم جاراڭلىمىغان بولسا، بەزىلەر ھەتتا «قۇياش تېخى بايىلا پاتتى »دەپ ئويلاپ قېلىشىمۇ مۈمكىن ئىدى. گۈيخەي گۈللۈكى مەيدانىنىڭ قېشىدىكى بىر ئوچۇق قاۋاقخانىغا ياشلار تولۇپ كېتىشكەن بولۇپ، ھەممىسىنىڭ نەزىرىنى قاۋقخانا ئىچىدىكى چوڭ ئېكراندا قويۇلىۋاتقان پۇتبول مۇسابىقىسى ئۆزىگە تارتىۋالغان ئىدى. ئۇلار بەزىدە شىرەگە مۇشتلاپ ئاھ ئۇرۇشسا، يەنە بەزىدە خۇشلۇقتىن يۇقىرى ئاۋازدا سۈرەن - قىقاس سېلىشىپ كېتەتتى. مۇسابىقە باشلىنىپ 37  مىنۇت ئۆتكەندە، قىزىل رەڭلىك پۇتبول كىيىمى كىيگەن بالوف ۋارتاغا بىر كاللا توپ ئۇردى. توپ ۋارتانىڭ بىر تۈۋرۈكىگە تېگىپ قاڭقىپ كەتتى. بۇچاغدا قارشى تەرەپنىڭ ۋارتاسىمۇ ئۇ تەرەپكە مۇداپىئەگە ئېتىلدى. بالوف پۇرسەتتىن پايدىلىنىپ تۈۋرۈكتىن قايتقان توپنى ۋارتانىڭ يەنە بىر تەرىپىگە تەپتى. توپ كىردى! بۇنىڭدىن  پۈتۈن مەيداندىكىلەر سۈرەن - قىقاس سېلىشىپ كەتتى. بۇ توپ باياتىن بېرى داۋاملىشىۋاتقان تەڭلىكنى بۇزىۋەتكەنىدى.  شۇڭا ھوجۇم قىلغۇچى تەرەپتىكىلەر خۇشلۇقتىن تەبرىكلەشتى. مۇداپىئە قىلغۇچى تەرەپدىكىلەر بولسا پەقەتلا ھېلىقى تۈۋرۈكتىن ئاغرىناتتى.  بەلكىم بۇ تۈۋرۈك بولمىغان بولسا، توپنى ۋارتا ئاللىبۇرۇن تۇتۇۋالغان بولۇشىمۇ مۈمكىن ئىدى. ئادەمنى ھاياجانغا سالىدىغان بۇ كۆرۈنۈشلەر ئەمدى قويۇلۇپ تۇرۇشىغا، بىر ئېغىر نەرسە قاۋاقخانىنىڭ ئالدىدىكى سېمىنۇت يەرگە قاتتىق چۈشتى - دە، ئەتراپتىكى سۈرەن - قىقاسلارغا ئوخشىمايدىغان بىر ئاۋاز چىقاردى. ئەتراپدىكىلەرگە نەزىرىنى ئاۋاز چىققان تەرەپكە قاراتتى- دە،  چىراغ نۇرى ئاستىدىكى بۇ نەرسىنى كۆردى.  ئۇ بولسىمۇ—— تىتىلىپ پارە - پارە بوپ كەتكەن بىر ئايالنىڭ جەسىدى ئىدى! نەچچە سېكىنۇتتىن كېيىنلا، بايىقى سۈرەن - قىقاسلارنىڭ ئورنىنى چىرقىراش ئاۋازى، خوشاللىق، قايناقلىقنىڭ ئورنىنى ۋەھىمە ئىگەللىدى. مەيدان بىردەمدە پاتپاراق بوپ كەتتى. بىرەيلەن دەرھال ساقچىغا دېلو مەلۇم قىلدى. يەنە بىرقانچەيلەن بېشىنى كۆتۈرۈپ جەسەت قېشىدىكى بىنانىڭ ئۈستىگە قاراشتى. كۆردىكى، بۇ چوڭ بىنانىڭ 15-قەۋىتىنىڭ بىر دېرىزىسى ئوچۇق بولۇپ، دەرىزە پەردىسى تېخىچە بىنا سىرتىدا پۇلاڭلىماقتا ئىدى. دېرىزىدىن سەكرەش؟ ئۆزىنى ئۆلتۈرىۋېلىش؟ ياكى باشقىلار تەرىپىدىن تاشلىۋىتىلگەن؟ گەرچە ئەتراپدىكى ئامانلىق قوغدىغۇچى ئوتتۇرىغا چىقىپ مەيداندىكى كىشىلەرنى بېسىقتۇرماقچى بولغان بولسىمۇ، يەنىلا بەزىبىر ئويۇنقېپى كىشىلەرنىڭ جەسەتنى چۆرىدەپ كۆزىتىشىدىن توسۇپ قالالمىدى. لېكىن يەنىلا كۆپ قىسىم قاۋاقخانا خېرىدارلىرى تېخى ئىچىپ بولالمىغان ھاراقلىرىنى كۆتۈرىۋىتىشىپ، ھەتتا يەنە بەزىلىرى ھاراقنىڭ پۇلىنىمۇ تۆلىمەستىن قالايمىقانچىلىقدىن پايدىلىنىپ قېچىپ كېتىشتى. ئۇزاق ئۆتمەي،بۇ جايلار قۇرۇقدىلىپ قالدى. قېپ قالغىنى پەقەتلا ئېكران ئۈستىدە قويۇلىۋاتقان پۇتبول مۇسابىقىسى ئىدى . ——مەزكۇر ھېكايىنىڭ ۋەقەلىكى پۈتۈنلەي توقۇلما، ئوخشاش ئەھۋال كۆرۈلىشى مۈمكىن ئەمەس——                      (1) ئەگەر سىز جىنايەتچىنىڭ نەدىلىكىنى ئېنىق بىلسىڭىزمۇ، قولىڭىزدا ئۇنى تۇتقىدەك ھېچقانداق دەلىل ئىسپات بولمىغان ئەھۋال ئاستىدا قانداق قىلىسىز؟ ئەمەلىيەتتە تولىمۇ ئاددىي، شۇ جىنايەتچىنى ئۆز جىنايىتىگە ئىقرار قىلدۇرالىسىڭىزلا كۇپايە. ئەلۋەتتە، جىنايەتچىلەرمۇ ئۇنداق ئەخمەق ئەمەس. ئاسانلىقچە گەپ ئاڭلىمايدۇ. ئۇلار پەقەت يالغان سۆزلەپلا قالماستىن بەلكى يەنە يالغان گەپ بىلەن جىنايىتىنى باشقىلارنىڭ ئۈستىگە ئارتىپ قويىدۇ. بىراق بۇ ھەرگىزمۇ دېلونى يېشىشنىڭ تەسلەشكەنلىكىدىن دېرەك بەرمەيدۇ. ئەكىسچە تېخىمۇ ئوڭايلاشقانلىقىدىن دېرەك بېرىدۇ. چۈنكى بىز ئۇلارنىڭ شۇ يالغان گەپلىرى ئارىسىدىكى يوچۇقنى بايقىيالىساق، ياكى ئۇ يالغان سۆزلەردىن پايدىلىنالىساق ... «ساقچىلار گۈلى» جى لىڭ گې （纪凌歌）ساقچىلىق خىزمىتى ئۆتىگەندىن بۇيان تېخى مۇنچىلىك مۇرەككەپ دېلوغا يولۇقۇپ باقمىغان ئىدى. بۇندىن بۇرۇنقى ھەر قانچە مۇرەككەپ بولغان دېلولاردا، ئۇ ئىككى  - ئۈچ كۈن ئىچىدە خېلى كۆپ يىپ ئۇچى تېپىپ چىقالايتتى. يىپ ئۇچى تاپالمىدى دېگەن تەقدىردىمۇ دېلودا ئاز - تولا بولسىمۇ ئىلگىرلەش بولاتتى. ئەمما بۇ دېلو يۈز بەرگىلى 6 كۈن بولغان بولسىمۇ، ئۇ تېخى ھېچقانداق يىپ ئۇچى تاپالمايۋاتاتتى. «بۇ بىنادىن چۈشكۈچىنىڭ كىشىلىك ئالاقە تورى قۇپقۇرۇق ئىكەنغۇ ...» چۈشتىن بۇرۇن سائەت 11دىن ئاشتى. ئەمما جى لىڭ گې تېخىچە ئىشخانىسىدا دېلوغا ئائىت ماتىرىيال ھەمدە ئۇچۇرلارنى قايتا قايتا تەپسىلىي كۆرمەكتە. ئانالىز قىلماقتا. گەرچە ئۇ مۇنچىلىك ياش بولغىنى بىلەن، ساقچىلار ئارىسىدىكى ئىلغار بىر رازۋېدكىچى. ئۇنىڭ تولىمۇ ئالاھىدە بولغان لوگىكىلىق قىياس قىلىش ۋە توغرا بولغان پىسخىكا ئىقتىدارى بولغاچقا، ئىزچىل دېلولارنى كەسكىن بىرتەرەپ قىلاتتى. ھەرگىز ئازراق قالدۇقلىرىنىمۇ قويمايتتى. شۇ سەۋەپ ئۇ نۇرغۇن دېلولارنى يېشىپ مىڭخەي شەھەرلىك ساقچى ئىدارىسىغا ئاز تۆھپە كۆرسەتمىگەن. شۇنىڭ ئۈچۈنمۇ بۇ دېلو ۋاقتى كەينىگە شۇنچىلىك سۆرىلىپ كەتكەن بولسىمۇ، رەھبەرلەرنىڭ ئۇنى تەنقىدلەشكە رايى بارمىدى. ئۇلار پەقەتلا ئۇنى سەۋىرچانلىق بىلەن ئىش كۆرۈشكە، زادى بولمىسا ئادەم ئالماشتۇرۇشقا دەۋەت قىلدى. ئەمما ئۇ ئويلايتتى، ھازىر ئىدارىدىكى ئاساسەن ھەممە كىشى بۇنى بىر ئۆزىنى ئۆلتۈرىۋېلىش ۋەقەسى دەپ قارايدۇ ۋە شۇنداق بىرتەرەپ قىلىدۇ. شۇڭا مەيلى قانداقلا بولمىسۇن، ئادەم ئالماشتۇرۇشقا بولمايدۇ. ئۇ ئالدىدىكى ھېچقانداق ئەھمىيىتى يوق ماتېرىياللارغا قاراپ، بېشىنىڭ تېخىمۇ ئېغىرلىشىۋاتقىنىنى سەزگەن ۋاقىتتا، بىر نەپەر ساقچى خادىمى ئىشخانىنى چېكىپ كىرىپ كەلدى. «جى خانقىز، ئىككى نەپەر جىنايەت گۇماندارىنى تۇتۇپ كەلدۇق. بېرىپ سوراق قىلىشقا باشلىغان بولسىڭىز» . «ھە؟ » جى لىڭ گې بۇ گەپتىن ھەيرانلىق ھېس قىلدى. بۇ ئىككى جىنايەت گۇماندارى نەدىن پەيدا بوپ قالدى؟ قايسى دېلونىڭ؟ ئۇنىڭ بىلەن نېمە ئىشى؟ «ئەتىگەن يۈز بەرگەن Demen مەھسۇلاتلىرى ماگىزىنىدىكى قەستلەپ ئۆلتۈرۈش دېلوسىنىڭ. جەسەتنىڭ بايقالغان ۋاقتى ...» «توختا توختا! »دېدى جى لىڭ گې سەۋىرسىزلىك بىلەن. «مەن بۇ دېلونى قوبۇل قىلمىغان ئىدىمغۇ؟ مېنىڭ قولۇمدىكى نە نەرسىمۇ بېشىمنى ھازىرغىچە ئاغرىتىۋاتسا، دىققىتىمنى بۆلگىدەك ھالىم يوق» .ئۇ بىر تەرەپتىن سۆزلىگەچ يەنە بىر تەرەپتىن قولىدىكى بىنادىن تاشلىنىش دېلوسىنىڭ ماتېرىيالىنى شاپاللاپ مۇز ساقچىغا خادىمىغا كۆرسەتتى. ساقچى خادىمى دېدى: «بىراق ليۇۋ ساقچى باشلىقى سىزنى ياردەم قىلسۇن دېگەنىدى» «ئۇ قىلسۇن دېسىلا قىلامدىكەنمەن؟ » «ليۇۋ ساقچى باشلىقى ئۇ <جى خانقىز بىر مۇرەككەپ دېلو ئۈستىدە بەك ئۇزاق باش قاتۇرۇپ كەتتى، شۇڭا باشقابىر دېلو ئۈستىدە مۇلاھىزە قىلىپ تەپەككۇرىنى ئالماشتۇرۇپ قويسۇن. كىم بىلىدۇ، تەپەككۇرى بىردەمدىلا ئېچىلىپ كېتەمدۇ تېخى >دېگەنىدى» ئۇ ليۇۋ ساقچى باشلىقىنىڭ بۇ «ياخشى» گېپىنىڭ بىر باھانە ئىكەنلىكىنى ئېنىقلاش ئۈچۈن ياندۇرۇپ سورىدى «ليۇۋ ساقچى باشلىقى ئۆزىچۇ؟ » «ئۇ  ھازىر باشقا خىزمەت بىلەن ئالدىراش» دېدى ساقچى خادىمى سەل ھودۇققان ھالدا. «نېمە خىزمەت؟ » «ئىم ...شۇ ...» «يۇقىرى دەرىجىلىك مەخپىيەتلىكمۇ؟ » «ھەئە، ھەئە. ئۇ ماڭا ئۇنىڭ يۇقىرى دەرىجىلىك مەخپىي ھەرىكەت ئىكەنلىكىنى، ھېچكىمگە ئاشكارىلاپ قويماسلىقىمنى تاپىلىغانىدى. » ساقچى خادىمى جى لىڭ گې نىڭ مۇغەمبەرلەرچە  كۈلىۋاتقىنىنى كۆرۈپ، ئۆزىنىڭ چاندۇرۇپ قويغانلىقىنى بىلدى. جى لىڭ گې ئويلايتتى، لىيۇۋ ساقچى باشلىقى شۇ ناھايىتى ھورۇنلۇق قىلىپ ھاراق ئىچكىلى بارىدىغۇ شۇ  .تېخى نەدىن مۇنداق چىريلىق باھانە تېپىپ.   تەپەككۇرىنىئالماشتۇرۇش ...تەپەككۇرۇمنى ئالماشتۇرامدىم؟ ... ئۇچ بېشىنى ساڭگىلىتىپ قولىدىكى ئەھمىيەتسىز ماتېرىياللارغا قارىۋەتكەندىن كېيىن، ساقچى خادىمىغا يەنە بىرنى قارىۋەتتى. دېمىسىمۇ ھازىر تەپەككۇر ئالماشتۇرىدىغان ۋاقىت بولغانىدى. شۇنىڭ بىلەن ئۇ قولىدىكى نەرسىلەرنى تاشلاپ، ساقچى خادىمىدىن دېلو تەپسىلاتىنى سورىدى. بۈگۈن چۈشتىن بۇرۇن سائەت توققۇزدىن قىرىق تۆت مىنۇت ئۆتكەندە، ئىدارىگە بىرسى دېلو مەلۇم قىلغان. دېيىشىچە Demen ئېلىكتىر مەھسۇلاتلىرى مەخسۇس سېتىش مەركىزى يوڭخەي يولى بۆلىكى تارماق دۇكىنىنىڭ دۇكان خوجايىنىنىڭ سودا ئۈستىلى كەينىدە ئۆلتۈرۈلۈپتۇ. ساقچىلار دەرھال نەق مەيدانغا بېرىپ ئۇ جاينى پېچەتلەپ تەكشۈرگەندىن كېيىن دۇكان خوجايىنىنىڭ جەسىدىنىڭ سودا ئۈستىلى ئاستىغا يوشۇرۇپ قويۇلغانلىقىنى ھەمدە ئۇنىڭ مۇشۇ دۇكاندىكى .Demen.Xi   تىپلىق مائۇس بىلەن بوغۇپ ئۆلتۈرۈلگەنلىكىنى،ئۇ مائۇسنىڭ ھېلھەم جەسەتنىڭ بوينىدا ئىكەنلىكىنى بايقىغان ھەمدە يەنە خوجايىننىڭ ئۆلگەن ۋاقتىنى 8:10دىن8:40 ئارىلىقىدا دەپ بېكىتكەن. سودا ئۈستىلى كەينىدىكى بۇيۇملارنىڭ قويۇلغان ئورنىغا ۋە نەق مەيدان كۆرۈنىشىگە ئاساسەن، قاتىل مال سېتىۋالغاندا خوجايىن بىلەن قىززىرىشىپ قېلىپ، دەماللىققا ئۆزىنى بېسىۋالالماي خوجايىننى بوغۇپ ئۆلتۈرۈپ قويغانلىقىنى قىياس قىلغىلى بولاتتى. لېكىن،  قاتىل ئىشنى تولىمۇ ئەستايىدىللىق بىلەن قىلغان بولۇپ، نەق مەيداندا ھېچقانداق بارماق ئىزى قالدۇرمىغان. بەلكىم سۈرتۈپ ئۆچۈرىۋەتكەن بولۇشى مۈمكىن. بىراق بۇلار دېلونى تەكشۈرۈشكە ئامال يوقلىقىدىن دېرەك بەرمەيدۇ. چۈنكى بۇ دۇكانغا خوشنا دۇكاننىڭ ئىشىك ئالدىغا ئورناتقان تېلكامىراسى، بۇ دۇكانغا كىرىپ - چىققانلارنى سۈرەتكە ئېلىۋالغانىدى. «بۇ دۇكانغا پەقەت بۇ ئۇدۇل ئىشىكتىنلا كىرگىلى بولىدۇ. قالغان ئۈچ تەرىپى سېنىمۇ تام ھەمدە ئەينەك بۇيۇم ئۈستەللىرى» ساقچى خادىمى بۇلارنى دېگەچ سىن ئالغان نۇر دېسكىنى جىق لىڭ گې غا بەردى. جى لىڭ گې ئۇ سىننى قويدى. كامېرا Demenتارماق دۇكىنىنىڭ ئۇدۇل ئىشىكىنى تارتالىغان بولۇپ، سائەت 7:00باشلاپ ئىشىك ئىزچىل تاقاق ھالەتتە تۇرغان. 7:30ئۆتكەندە دۇكان خوجايىنى كېلىپ ئىشىكنى ئېچىپ دۇكانغا كىرىپ دۇكان چىرىغىنى ياندۇرغان. بەش مىنۇتتىن كېيىن مال توشۇيدىغان بىر ماشىنا كەلگەن،ۋە دۇكان خوجايىنى بىلەن شوپۇر بىرلىكتە بىرقانچە مالنى دۇكان ئىچىگە يۆتكىگەن. دۇكان خوجايىنى بىلەن شوپۇر خوشلاشقان ۋاقىتتا ۋاقىت ھېلھەم بالدۇر بولۇپ، ھېچقانداق خېرىدار كەلمىگەن. كېيىن سائەت 8:12ئۆتكەندە دۇكان ئىشىكى ئالدىدا بىر ياش پەيدا بولغان ؛ گەرچە كامىرا تارتىۋالغان سۈرەت ئانچە ئېنىق بولمىسىمۇ، بۇ ياشنىڭ سىرتقى تۇرقىدىنلا ئەخلاقىنىڭ ئىنتايىن ناچار ئىكەنلىكىنى بىلگىلى بولاتتى. ئۇ ئاغزخادا بىرتال تاماكا چىشلىگەن، چېچىنى بولسا ئالىبالتاق بويىۋالغان بولۇپ، دۇكان ئىچىگە غادايغىنىچە كىرىپ كەتكەن. 8:17ئۆتكەندە ئۇ چىققان. بۇ چاغدا ئېغىزىدىكى تاماكا يوقاپ كەتكەن، ئەكىسچە قولىغا بىر مەھسۇلاتنىڭ قېپىنى ئېلىۋالغان. تەپسىلىي قارىساق، ئۇنىڭ  قولىدىكى Demen.Xvتىپلىق مائۇسنىڭ قېپى. «دۇكاننىڭ بۈگۈنكى سودا خاتىرىسىدە، دەرۋەقە مۇشۇنداق بىر مائۇسنىڭ سېتىلغانلىقى خاتېرىلەنگەن» دېدى ساقچى خادىمى«بۇ مائۇس بۈگۈن بازارغا سېلىنغان» جى لىڭ گې دەلىللەپ باقتى. قاتىللىق قورالى بولغان Demem.Xiتىپلىق مائۇس نەچچە ئاي بۇرۇن بازارغا سېلىنغان  . بۇ ياش دۇكاندىن ئايرىلدى. ئەمما جىنايەت گۇماندارىغا ئايلىنىپ قالدى. ئاندىن كېيىن سائەت 8:23ئۆتكەندە، ئىنتايىن رەتلىك كىيىنگەن بىر ياش بۇ دۇكانغا كىرىپ، 8:31ئۆتكەندە قايتىپ چىقتى. چىققان چېغىدا بولسا ھېچقانداق نەرسە ئالمىغان. «جىنايەت گۇماندارلىرى پەقەت مۇشۇ ئىككەيلەنلا. جەسەتنى تۇنجى بايقىغۇچىمۇ 9:43ئۆتكەندە بۇ دۇكانغا كىرگەن. ئۆلگۈچىنىڭ ئۆلگەن ۋاقتى بىلەن بولغان ئارىلىقى بەك چوڭ، شۇڭا جىنايەت گۇماندارلىقىدىن چىقىرىۋېتىشكە بولىدۇ. »دېدى ساقچى خادىمى تولۇقلاپ. بۇ دېسكا ئىچىگە يەنە نەق مەيداندىن تارتىلغان سۈرەتلەر قاچىلانغان بولۇپ، جى لىڭ گې بىر پارچە بىر پارچىدىن تەپسىلىي كۆردى. ئۆلگۈچىنىڭ رەسىمى، سودا ئۈستىلى رەسىمى ۋە ئەينەك بۇيۇم ئۈستەللىرىنىڭ رەسىمى تولۇق بار بولۇپ، دۇكاننىڭ بۇلۇڭ - پۇچقاقلىرىغىچە چالا قالمىغان ئىدى. 30 نەچچە پارچە بۇيۇم ئۈستىلى رەسىمىدە ئاساسلىق تارتىلغىنى ھەرخىل شەكىلدە تىزىلغان مائۇس ۋە كونۇپكا تاختىسى ئىدى. بۇخىل كىرگۈزۈش بۇيۇملىرى Demenماركىسىنىڭ ئاساسلىق ماللىرى بولۇپ، ئاساسەن ھەربىر ئەينەك بۇيۇم ئۈستىلى ئىچىگە تۆت دانە ئوخشاش مائۇس ياكى كونۇپكا تاختىسى تىزىلغان ئىدى. ساقچى خادىمى ھېلىقى ئىككى جىنايى گۇماندارلىرىنىڭ ماتېرىيالىنى جى لىڭ گې غا سۇندى. باشتا دۇكانغا كىرىپ بەش مىنۇت تۇرۇپ Demen.xvتىپلىق مائۇس ئالغان كىشىنىڭ ئىسمى: فاسەي، 22ياش ... «فاسەي؟ ئاز سانلىق مىللەتمىكەن ياكى چەتئەللەك مىكەن؟ »دېدى جى لىڭ گې ھەيران بولۇپ. چۈنكى ئۇ تا ھازىرغىچە تېخى فەنا دەيدىغان فامىلىنىڭ بارلىقىنى بىلمەيتتى. ساقچى خادىمى ئوڭايسىزلانغان ھالدا دېدى: ئۇنىڭ دېيىشىچە شۇ ئىسمى فاسەي مىش، ئۇنىڭدىن كىملىك گۇۋاھنامىسىنى سورىساق يۈتۈپ   كەتتى دەيدۇ. ئۇنىڭدىن باشقا يەنە ھېچقانداق كىنىشكىسىمۇ يوقكەن. ئۇ يەنە مەندىن «مۇكاپات كارتىسى بولسىمۇ بولامدۇ؟ »دەپ سورىدى» «بولىدۇ» دېدى جى لىڭ گې. ساقچى خادىمى بىر مۇكاپات كارتىسىنى ئۇنىڭغا سۇندى. كارتا ئۈستىدە «مۇكاپاتقا ئېرىشكۈچى Act&Farsight» دەپ يېزىقلىق ئىدى. «بۇ نېمە نەرسە ؟» «بۇ...جىنخەي ئېلىكتىرونلۇق تالىشىش مۇسابىقىسى ＜星际争霸2＞(ئويۇن ئىسمىنى تەرجىمە قىلىشتا. ئىككىلىنىپ قالدىم) تۈرىنىڭ چېمپىيونلۇق مۇكاپات كارتىسى. بۇ فاسەي دېگىنى ھەقىچان ئۇنىڭ ئويۇن ID رى» بۇگەپتىن ئەلپازى خېلى تۇراقلىق بولغان جى لىڭ گې لا ئەمەس، باشقا بىرى ئاڭلىسىمۇ چوقۇم  ئوغىسى قاينايدۇ. ئۇنىڭدىن ئىسىم— فامىلىسىنى سورىسا، ئۇنىڭ مەلۇم قىلغىنى ئويۇن  IDرى؟ «بىراق ...بىزمۇ ئۇنىڭ ھەقىقىي ئىسمىنى بىلىشكە ئامالسىز. » جى لىڭ گې ئۆزىنى بېسىۋېلىپ بۇ فاسەي دېگەن ياشنىڭ ماتېرىيالىنى داۋاملىق كۆرۈشكە باشلىدى. خىزمىتى: ئېلىكتىرونلۇق مۇسابىقە. ئوقۇش تارىخى: يوق. «مەكتەپتە ئوقۇمىغان؟! »جى لىڭ گې يەنە بىر قېتىم ھەيران قالدى. ساقچى خادىمى چۈشەندۈرۈپ، ئۇنىڭ ئەسلى قايسىبىر مەخسۇس كۇرۇسنى پۈتتۈرگەنلىكىنى، لېكىن ئېنىق قايسى كۇرۇس ئىكەنلىكىنى ئۇنىڭ ئۆزىنىڭمۇ ئۇنتۇپ قالغانلىقىنى. ئەسلەشكە خۇشياقماي مۇشۇنداق تولدۇرغانلىقىنى ئېيتتى. جى لىڭ گې چۈشەندى، بۇ فاسەي دېگىنى تولىمۇ ئەخلاقسىز، ناچار بىر ياش. ئاندىن ئىككىنچى كىشى، دۇكانغا كىرىپ ھېچنىمە ئالماي چىقىپ كەتكەن كىشى. ئىسمى خەن فۇ، 28ياش،  xxشىركىتىنىڭ مەلۇم تارمىقىنىڭ مۇئاۋىن دېرىكتورى. ئوقۇش تارىخى: تولۇق كۇرۇس. خەن فۇ نىڭ ئاغزاكى ئىسپاتىچە، مۇز دۇكانغا كىرىپ دۇكان خوجايىننى كۆرمىگەن. ئۇ دۇكان ئىچىدە تۇرغان بۇ سەككىز مىنۇت ئىچىدە ئىزچىل ئەينەك بۇيۇم ئۈستىلىدىكى بۇيۇملارغا قاراپ تۇرغان؛دۇكان خوجايىنى خېلى ئۇزۇنغىچە كۆرۈنمىگەچكە، ئۇ چىقىپ كەتكەن. «ئىم ...دىققەت قىلدىڭمۇ؟ ئۇ ئۆزىنىڭ پەقەتلا ئەينەك بۇيۇم ئۈستىلىگىلا قارىغانلىقىنى تەكىتلەۋاتىدۇ. »دېدى جى لىڭ گې. بۇنىڭدىن بىلىشكە بولىدۇكى، خەن فۇ نىڭ دېمەكچى بولغىنى ئۇ دۇكانغا كىرگەن چاغدا خوجايىن ئاللىبۇرۇن ئۆلۈپ بولغان. ئەمما ئۇ ھېچنىمىنى سەزمىگەن ۋە ھېچنىمىنى بايقىماستىن چىقىپ كەتكەن. ۋاقىت مەسىلىسى ئۈستىدىن ئېلىپ ئېيتقاندا، فاسەينىڭ گۇمانلىنىش ئېھتىماللىقى بىر قەدەر تۆۋەن. چۈنكى دۇكانغا كىرىپ، باھا تالىشىپ، بىر مائۇس ئېلىشقا بەش مىنۇت سەرپ قىلغان. بۇ تولىمۇ نورمال ئەھۋال. لېكىن خەن فۇ دۇكاندا سەككىز مىنۇت تۇرغاندىن سىرت يەنە تېخى جەسەتنىمۇ بايقىمىغان. «بىراق خەن فۇ ئۇنداق ھاياجانلىنىپ ئادەم ئۆلتۈرىدىغانلارغا ئوخشىمايدۇ. نېمىلا دېگەن بىلەن ئۇ بىر شىركەتنىڭ مۇئاۋىن دېرىكتورى دە» دېدى ساقچى خادىمى. ئۇنىڭ قارىشىچە ئۇ ناچار ياشنىڭ ئادەم ئۆلتۈرۈش ئېھتىماللىقى بىرقەدەر يۇقىرى ئىكەن. فاسەي مائۇسنى ئېلىپ بولغاندىن كېيىن ئادەم ئۆلتۈرەلەيدۇ. ئاندىن يەنە مائۇسنى كۆتۈرۈپ يالغاندىن ئادەتتىكى بىر خېرىدار سۈپىتىدە ئايرىلىپ كېتەلەيدۇ. «شۇنداقمۇ؟ ئۇنداقتا سېنىڭچە بىر مەكتەپتە ئوقۇمىغان، ئېلىكتىرونلۇق ئويۇنچۇق ئوينايدىغان ناچار ياش بارماق ئىزىنى سۈرتىۋىتىشنى ئۇقامدۇ؟ » نېمىلا دېگەن بىلەن بۇلارنىڭ ھەممىسى قىياس. جىنايەتچىنىڭ كىملىكىگە ئاساس بولالمايدۇ. ھازىرقىدەك  ھېچقانداق يىپ ئۇچى بولمىغان ئەھۋال ئاستىدا ئۇلارنى پەقەت بىر - بىرلەپ سوراق قىلماقتا ئۆزگە چارە يوق   بۇ ئىككى جىنايەت گۇماندارى ساقچىلار تەرىپىدىن ئىشخانا ئالدىغا ئېلىپ كېلىندى. جى لىڭ گې بىر قاراپلا كىمنىڭ كىم ئىكەنلىكنى پەرق ئەتتى——— ئىختىيارى، قالايمىقان كىيىنگەن، چېچىنى رەڭگارەڭ ئالىبالتاق بويىۋالغان، پۈتۈنلەي بىپەرۋا ھالدا ئىشىككە يۆلىنىپ تۇرغىنى، ئېنىقلا فاسەي. يەنە بىر كىيىنىشى رەتلىك، چاچلىرىنى چىرايلىق تارىغان، ھەرىكەتلىرى سىپايە، يېقىشلىق، يېشى قارىماققا فاسەيدىن فاسەيدىن چوڭ، ئەمما بويى پاكارراق ئادەم بولسا خەن فۇ  . جى لىڭ گې ئۇلارغا قاراپ سەل سەۋىرسىزلىك بىلەن دېدى: «ھەي، سېنىڭ ئىسمىڭ راستلا فاسەيما؟ » كۆردىكى، فاسەي تولىمۇ بىپەرۋا ھالدا ئۇنىڭغا «ھە.  نېمىنى <ياسايتتىڭلار؟ >تېز <ياساڭلار >»دېدى. جى لىڭ گې ئۈندىمىدى. نېمىلا دېگەن بىلەن مۇنداق ئۈچتە ناچار ئەخلاقسىز ياشقا ساقچىلارنىڭمۇ مۇۋاپىق ئامالى يوق. ھېلىمۇ ياخشى خەن فۇ قالايمىقانچىلىق تېرىمايۋاتىدۇ. «بولدىلا، نېمىلا دېگەن بىلەن جىنايەتچى ئىككىڭلارنىڭ ئارىسىدا بولغاچقا سوراق قىلىش ئىنتايىن ئاسان. سوراق ئۆيىگە ئاپىرىڭلار !»دېدى جى لىڭ گې ۋە ئورنىدىن تۇرغاچ ئۇلارغا قاراپ تۆت بارمىقىنى چىقىرىپ «تۆت سائەت» دېدى. بۇ گەپ ساقچىلارغا تولىمۇ تونۇش. يەنى ساقچىلار گۈلى جى لىڭ گې نىڭ تەشۋىق سۆزى. مەنىسى بولسا تۆت سائەت ئىچىدە جىنايەتچىنى ئىقرار قىلدۇرۇش! ئادەتتە ھېچقانداق يىپ ئۇچى ۋە دەلىل ئىسپات بولمىغان ئەھۋال ئاستىدا، سوراق قىلىنغان جىنايەت گۇماندارلىرى ئىزچىل جىنايىتىنى ئىقرار قىلمايدۇ، بەزىلىرى ھەتتا بىر ئېغىز گەپ قىلغىلىمۇ ئۇنىمايدۇ. بۇخىل سوراق ئاز دېگەندە ئىككى - ئۈچ سائەتتە. كۆپ بولغاندا نەچچە كۈندىمۇ ئايىغى چىقمايدۇ .ئاخىرى ھەتتا جىنايەتچى ئىقرار قىلمىغانلىقى ئۈچۈن «گۇناھسىز» دەپ قويۇپمۇ بېرىلىدۇ. شۇڭا ئۇنىڭ تەشۋىق سۆزىدىكى تۆت سائەت ھېلىمۇ ئىنتايىن قىسقا ۋاقىت ھېسابلىنىدۇ. ئەمما ھېچكىم ئويلىمىغان بۇ پەيتتە بىرىنىڭ «مەن قارشى! »دېگەن ئاۋازى ئاڭلاندى. قىززىقارلىقى شۇكى، بۇ قارشىلاشقۇچى باشقا بىرى بولماستىن، دەل فاسەي ئىدى. كۆپچىلىكنىڭ نەزىرى ئۇنىڭغا تاشلانغان بۇ پەيتتە، ئۇ «چۈشتىن كېيىن سائەت 1دە مېنىڭ مۇسابىقەم بار، ھازىر سائەت 12 گە ئاز قالدى. سىلەر ھېلىمۇ مېنىڭ بەك كۆپ ۋاقتىمنى سەرپ قىلىۋەتتىڭلار. مەن بۇنىڭغا قارشى. »دېدى ۋە ئىككى بارمىقىنى چىقىرىپ دېدى «20مىنۇت! » كۆپچىلىك ھاڭ تاڭ بولۇپ تۇرغاندا ئۇ يەنە چۈشەندۈرگەن ئاساستا دېدى «20 مىنۇت ئىچىدە سوراقنى ئاخىرلاشتۇرىمىز. نېمە؟ پېتىنالمامسىلەر؟ » ساقچىلارنىڭ بۇ ئەخلاقسىز ياشنىڭ پوزىتسىيەسىگە قارىتا ئوغىسى قايناشتى. ھەتتا بەزىلىرىنىڭ بېرىپ ئۇنى ئۇرغۇسىمۇ كەلدى. ئەمما جى لىڭ گې ئۇنى بىر ئېغىز تىللىماستىن، ئەكىسچە كۈلۈپ قويدى. چۈنكى ئۇ ساقچىلارنىڭ جىنايەت گۇماندارلىرىنى قورقۇتىشىغا قارشى. چۈنكى ئۇ مۇنداق قىلغاندا جىنايەتچىنىڭ تېخىمۇ ماسلاشمايدىغانلىقىنى ئېنىق بىلىدۇ. «20مىنۇتمۇ؟ مېنىڭ تازا ئىشەنچىنى يوق.—دېدى جى لىڭ گې— ئەلۋەتتە ئەمدى جىنايەتچى ئۆزىنى ئىقرار قىلمىغان ئەھۋال ئاستىدا.  مېنىڭ ھازىرقى ئەڭ يۇقىرى رېكورتۇممۇ 49مىنۇت! 20مىنۇت ئەمەس. » 49مىنۇت، ھېلىمۇ بۇنى ئەلا نەتىجە دېيىشكە بولىدۇ .بۇ تېخى سوراق قىلىنغان بىرىنجى جىنايەت گۇماندارىنىڭ دەل جىنايەتچى بولغان ئەھۋال ئاستىدىكى ئىش ئەمما ھازىر گۇماندار ئىككى. ھەر بىرىنى ئوتتۇرا ھېساب بىلەن ئىككى سائەتتىن سوراق قىلدى دېگەن تەقدىردىمۇ بۇنىڭغا 4سائەت كېتىدۇ. جى لىڭ گى كۆڭلىدە قايسىبىر جىنايەتچى شۇتاپتا ئۆزىنىڭ سوراق قىلىنىدىغىنىنى ئويلاپ  قورقۇۋاتقاندۇ دەپ ئويلاۋاتقان چېغىدا ئويلىمىغان يەردىن فاسەينىڭ مۇنۇ گەپلىرى ئۇنىڭ خىيالىنى بۆلۈۋەتتى «قاپاق، ئككەيلەننى بىللە سوراق قىلساڭلا بولمىدىمۇ؟ شۇنىمۇ قىلالمامسەن؟ » «ئى ...»جىق لىڭ گې دۇدۇقلاپ تۇرۇپ قالدى . شۇتاپتا ساقچى خادىمىنىڭ فاسەينى تېزراق سوراق ئۆيىگە ھەيدەپ سولىۋەتكۈسى كەلدى .ئەمما بۇچاغدا ئويلىمىغان يەردىن جى لىڭ گې بىر ئاز ئويلانغاندىن كېيىن فاسەيگە مۇنداق دېدى: «بىللە سوراق قىلساق ئەلۋەتتە بولمايدۇ  .مەن ئىككىڭلارنىڭ ئېغىز ئسپاتىڭلارغا ئاساسەن دەلىللەپ يەكۈن چىقىرىمەن .بولمىسا سىلەر قارشى تەرەپنىڭ ئىسپاتىدىن گەپ توقۇيسىلەر» . «توغرا ئەمەستۇ ساقچى خانقىز— دېدى فاسەي —مېنىڭ ئاڭلىشىمچە بۇ بىر تۇيۇقسىز ئۆلتۈرۈش ئىشىمىش. ئەمدى ئۇنداق تۇيۇقسىز ئۆلتۈرگەن بولسا مەن بىلەن ما دېرىكتور قانداقسىگە شېرىكلىشىپ قاتىللىق  قىلغان بولىمىز؟ » جى لىڭ گې ھەيران قالدى. كۆڭلىدە بۇ  فاسەي دېگەن ئۆزى ناچار بولغان بىلەن كاللىسى خېلى ئىشلەيدىكەن. ئۇنىڭدىن سىرت دېگەنلىرىمۇ ئورۇنلۇق ...دەپ ئويلاپ قالدى .ئۇ خەن فۇ غا قارىدى. خەن فۇ مۇ ئۇنىڭ مۇنداق ئەخلاقسىز ياشنى تونۇشىنىڭ مۈمكىن ئەمەسلىكىنى ئېيتتى. «قىززىق بولغىدەك—  دېدى جى لىڭ گې— بولىدۇ» بولىدۇ ؟ئۇ ئىككىسىنى بىللە سوراق قىلىشقا قوشۇلدى ؟ «مېنىڭ قىلالمايدىغىنىم يوق» دەپ ئويلىدى جى لىڭ گې ۋە ساقچى خادىمىغا دېدى «سوراق ئۆيىگە ئاپىرىڭلار» ساقچى خادىمى ئۇلارنى ئېلىپ مېڭىشقا تەمشەلگەندە جى لىڭ گې ئۇنىڭغا قېتىپ قويدى «قارىماققا تېزلا ئۆسىدىغان بولدىڭىز، يۇقىرى دەرىجىلىك مەخپىيەتلىكنىمۇ بىلىدىغان ئالاھىدە خادىم. »

xamal1124

	بۇلارنىڭ ھەممىنى تېلفوندا بېسىپ يوللىغاچقا، ئۇنىڭدىن سىرت ئۆزۈم تولۇق ئۈچىنچى يىللىق ئوقۇغۇچىسى بولغاچقا بۇلارنى تەرجىمە قىلىپ، بېسىپ، مۇنبەرگە

xamal1124

	يوللىغاچقا سەل كۆپرەك ۋاقىت كېتىدىكەن. مۇنبەرداشلارنىڭ توغرا چۈشىنىشىنى ئۈمۈد قىلىمەن.

guljetin

	xamal1124 يوللىغان ۋاقتى  2014-2-6 11:35 PM بۇلارنىڭ ھەممىنى تېلفوندا بېسىپ يوللىغاچقا، ئۇنىڭدىن  ... مەن بۇنداق رازۋتكا ھېكايىلىرىگە بەك قىزىقىمەن ، ئاخىرىنى تېزراق يوللاڭ  ماقۇلمۇ ، كېيىنىكى قىتىم تورغا چىقىپ ئاخىرىنى كۆرگىچە ماڭا يەنە تۆت-بەش كۈن كېتىدۇ تەققاززا بوپ كېتىمەن ، رەھمەت  ئىنىم !

guljetin

	ھە  راس ، بىر تەرەپتىن تەرجىمە قىلىپ بىر تەرەپتىن تېلغوندا يوللاپ ۋەقەلىكىگە مىنى راسلا قىزىىققتۇرۇپ قۇيالدىڭىز ، دىمەك تەرجىمە سەۋىيىڭىز ۋە ئەدەبىي سۆز ئۇقۇمڭىز  بەك ياخشىكەن ، ئەگەر تىخىمۇ تىرىشىشڭىز ئىشىنىمەن ئاللاھ بۇيرۇسا سىز چۇقۇم ياخشى تەرجىمە ئەسەرلەرنى يازالايسىز،

xamal1124

	guljetin يوللىغان ۋاقتى  2014-2-7 12:37 PM مەن بۇنداق رازۋتكا ھېكايىلىرىگە بەك قىزىقىمەن ، ئاخى ... بولىدۇ ھەدە.داۋامىنى يوللىغاندىن كېيىن سىزگە ئۆزۈم ئۇقتۇرۇپ قوياي ئەمىسە.

xamal1124

	guljetin يوللىغان ۋاقتى  2014-2-7 12:41 PM ھە  راس ، بىر تەرەپتىن تەرجىمە قىلىپ بىر تەرەپتىن تېلغو ... قوللىغىنىڭىزغا كۆپتىن كۆپ رەھمەت ھەدە. سىزدىن يوشۇرمايمەن ھەدە، تەرجىمە ئەسەر يېزىشقا قارىغاندا ئىجادى ئەسەر يېزىشقا بەكرەك قىزىقىمەن. ئاللاھ خالىسا تەتىلدە يۇرتقا قايتقاندىن كېيىن يازغان ھېكايە رومانلىرىمنى نەشىرگە ئەۋەتىمەن.

guljetin

	xamal1124 يوللىغان ۋاقتى  2014-2-7 12:46 PM قوللىغىنىڭىزغا كۆپتىن كۆپ رەھمەت ھەدە. سىزدىن يوشۇرم ... راس  يوللىغان ئەسىرىڭىزدىن سىزنىڭ ئىجادىي ئەسەرلەرنىمۇ يازالايدىغانلىقىڭىزنى بىلىۋىلىش تەس ئەمەس، بىر تۇلۇق 3-يىللىق ئۇقۇغۇچىسىغا نىسبەتەن بۇ  ئارتۇقچىلىقىڭىزنى قوللاشقا ھەم ماختاشقا ئەرزىيدۇ، سىزنىڭ ئىجادىي ئەسەرلىرىڭىزنىڭمۇ ئۇتۇقلۇق بولۇشىنى ئاللاھدىن تىلەيمەن ھەم كەلگۈسىدە سىزنىڭ  سادىق ئۇقۇرمىنىڭىز بولۇشنى ئۈمىد قىلمەن ، سىزگە ئاپىرىن ، گۈلدەك ياشلىقىڭىزنى  بىر ياخشى قەدەملەر بىلەن باشلىغىنىڭىزغا ھەۋەس قىلىۋاتىمەن ،

xamal1124

	nurjahan1 يوللىغان ۋاقتى  2014-2-7 01:09 PM ساراڭ شامال دېگەن رومانىڭىز قاچان نەشىردىن چىقىدۇ قېر ... ئىم ...«ساراڭ شامال» دېگىنى ساۋاقداشلىرىمنىڭ ماڭا قويغان لەقىمى ...لېكىن يازغان بىر رومانىمنىڭ ئىسمى «ساراڭ تارىخى»... قوللىغىنىڭىزغا تەشەككۈر ئېيتىمەن قېرىندىشىم.