بەكىلەپ ھەم كەكىلەپ

ihbal99

	ئۆيدىن چىقتى ئەپەندىم بالىسىنى يىتىلەپ ، خوتۇنىغا ئىشىكنى<مەھكەم ئەت>دەپ جىكىلەپ، بالىسىنى ئېشەككە مىندۇرۋالدى پەپىلەپ ، خوشاللىقتا بۇ بالا <چۇ چۇ ...>دەيتى ئەركىلەپ، كەلمەك بولدى ئىككىيلەن يىراقلارنى پەتىلەپ . ئۇچراتتى ئاتا-بالا يولدا بىر توپ كىشىنى ، ئەيىپلىدى ئۇلار تەڭ ئۇ ئاتىنىڭ ئىشىنى ، ناقىس ھەم كەمتۈك دېدى ئەپەندىمنىڭ دىتىنى، قانداقمۇ كۆتۈرگەندۇ بۇ ھايۋانچاق ئىككىنى ؟ ھاقارەت قىپ ئۈلگۈردى سەنلەپ، سەتلەپ، تەنىلەپ. ئارقىدىنلا ئەپەندىم چۈشۈۋالدى ئېشەكتىن ، چىقارمىسۇن بىزلەرنى كىشلەر تىللاپ كېرەكتىن ، دەپ ئويلىدى ئەپەندىم يىرگەنگەندەك تېزەكتىن، لېكىن كىشلەر<ئەخلاق>قا پەردازلانغاچ <بېزەك >تىن، كۆتۈرۈلدى ئۇلاردىن تېزلىك بىلەن پەدىشەپ . يەنە بىر توپ جامائەت ئۇچراپ قالدى ئۇلارغا ، سەت قاراشتى شۇ ھامان ئېشەكتىكى بالىغا ، رەھىمسىزكەن بۇ شۇمتەك ئىچ ئاغرىتماس دادىغا، بۇ سۆزلەردىن ئاتىنىڭ غەزەپ تولدى قارنىغا ، تۈزمەك بولدى تىللارنى ئېكەك سېلىپ رەندىلەپ. ئۆزى مىندى ئېشەككە بالا ماڭدى پىيادە ، يولۇققانلار غودۇڭشۇپ بىلدۇرەتتى ئىپادە، ئەپەندىمنىڭ سېزىمى ئېشىپ كەتتى زىيادە، ئاغرىناتتى كىشلەردىن بولالماستىن ئازادە، ساۋىماقچى تىللارنى ئەپلەپ-سەپلەپ بەكىلەپ. ئاتا-بالا ئىككىيلەن يول يۈرۈشكە يايىدا ، مەجبۇرلاندى ئېشەكنى قويۇۋىتىپ ئالدىدا ، <ئاخماق>دەيتى بەزىلەر كۆزى يورۇپ پاللىدا ، ئۇھسىناتتى ئەپەندىم ئاچچىق يۇتۇپ گاھىدا، ساۋىماقچى تىللارنى سەل قوپالراق كەكىلەپ. ئاخىر دېدى ئەپەندىم ھەسرەت چېكىپ ئۆرتىنىپ، چىرايلىرى قارىداپ كالپۇكلىرى كۆكىرىپ ، توۋلاپ تۇرۇپ سۆزلىدى كاناي قىرىپ يۆتىلىپ ، <مېڭىشىمىزلا قالدى ئېشەك بەگنى كۆتۈرۈپ >، لەنەت ئېيتتى تىللارغا بەكىلەپ ھەم كەكىلەپ . مەنبە :قەلىمىم

قورغان

	ئادەملەدە   مۇستەقىل  قاراش   بولىشى  كىرەك.   بولمىغاندا  گاڭگىراپ  ، نىمە  قىلىشىنى    بىلەلمەي   ئەخمەق   بولىدۇ .

Qabiljan

	ئەپەندىمنىڭ بۇ لەتىپىسىنى ماھىرلىق بىلەن قەلەمگە ئېلىپ گۈزەل شىرى تىل بىلەن ئىپادە قىلىپ بېرىپسىز.شىر يول بىلەن ئىپادىلەشكە،سۆز ئىشلىتىشكە،قاپىيە كەلتۈرۈشكە   باي ئىكەنسىز.بىر  ياخشى ئەسەرنى ۋۇجۇدقا كەلتۈرۈپسىز.ئاخىرىدا ئىشەكنىڭ تۆت پۇتىنى باغلاپ بادرىغا ئۆتكۈزۈپ كۆتۈرۈپ ماڭغان يېرىنىمۇ قېتىۋەتكەن بولسىڭىز ۋايىغا يەتكەن بولاتتى.خەيرىيەت ھېلىھەم ئۆزگىچە چىقىپتۇ.

uyol

	قەلىمىڭىز ئۆتكۈركەن. قاپىيىسى شۇنداق قاملىشىپتۇ. ئۆزگىچە چىقىپتۇ

1263318936

	ياخشى يىزىپسىز رەھمەت سىزگە!

zubayda0997

	ياخشى يىزىپسىز رەھمەت سىزگە!