فېۋرال بىلەن سۆيۈشۈش

bahwanbiz

	فېۋرال بىلەن سۆيۈشۈش ئاپئاق رەڭدە قانايدۇ فېۋرالنىڭ لەۋلىرى ، ئاسمانلارغا شىۋىرلاپ چېچەكلەيدۇ دەرەخلەر . زىناقلارغا ئالالماي يىقىنلىشىش يول خېتى ، سۈكۈتلەردىن زېرىككەن دەقىقىلەر قىممەتلەر . مۇرادىغا يەتكەن سوغ چوڭ چاغلايدۇ ئۆزىنى ، دەرىزىدە ھارارەت ئايلىنىدۇ كەسىرگە . پىرىنسىپقا بوي سۇنماس ئارزۇلارنىڭ ئارلىقى ، خۇپىيانە زەن سېلىش ئۇچۇرمايدۇ تەسىرگە . مۇزدەك چوغنى ساقلايدۇ كۆڭلى سۈزۈك فېۋرال ، ئىدىيەگە شىلدىرلاپ نىيەتلەرگە زەن سالار . يۈكسىلىشتە كېڭىيىپ ساقال قويار ساداقەت ، چالا چىشلەپ ۋاقىتنى پۇتلاشقانغا يول قويار . تۇمان باسقان ئۇپۇقتىن كۈلۈمسىرەر رىئاللىق ، قوزغىتىدۇ مۇھەببەت پەسىللەرنىڭ كارىنى . غولىمىزدا كۆكلىسۇن سۆيگۈ ناملىق يوپۇرماق ، سۆھبەتلىشىپ ئۆز – ئارا چىقىرايلى بارىنى . كۆپەيمەكتە چېكىتلەر ھالىتىنى نىشانلاپ ، سارغايماقتا سوئاللار ئاجىزلىغاچ ئېتىقاد . قاراڭغۇدا ئادىشىپ يىغلىماقتا راستچىللىق ، كېرەك بولدى ئەۋلاتقا زەئىپ ئەمەس ئۇز قانات . چىدىمايدۇ ئۇزاققا تېنى ئاۋاق ئېرادە ، مارت يىقىنلاپ كۈلكەمگە چېچىپ قويدى سوغۇق سۇ . خاتىرەمگە مەست بولۇپ خۇدۇم كەتسە بىمەھەل ، قىيان كەلگەن كۆۋرۈكتە ھالاكىتىم ئېنىققۇ ! پىلەكلىدى تۇرمۇشۇم ،ساپىقىدا تەرمىلەر ، سۆيىۋالاي فېۋرال مەڭىزىڭنى تۇتقىنە . ئوغلۇم ئۈچۈن بولسىمۇ ئۆزۈم چىغىر يول ئاچاي ، كۆيۈشمىسۇن پاچىقىم چىمدىپ قويغىن بوشقىنە . ئاپتۇرى : ئابلەت مۇھەممەت باغۋەن

yaro

	ئالامەت سۆيۈشۈشلىرىڭلار باركەنھە سىلىنىڭ

yaro

	شىىيىرىڭلار قارىماققا شىيىرغىلام ئوخشايدىكەن

yaro

	شىيىردەك يىزىلغان شىيىر

Qabiljan

	رەسىمدىكىدەك تەپەككۇر

uyol

	تەپەككۇرى چۇڭقۇر

zubayda0997

	ياخشى يېزىپسز.