دىيارىمىز مۇسۇلمانلىرى ئىستىمالىدىكى خەۋىپلىك تىڭىرقاش

پەرۋەر

	دىيارىمىز مۇسۇلمانلىرى ئىستىمالىدىكى خەۋىپلىك تىڭىرقاش زادى خاتىرجەم نىمە يەي؟ نىمە ئىچەي؟ نىمە كىيەي؟ ئەسسالامۇئەلەيكۇم پۈتكۈل ئۇيغۇر دىيارىدا، قەيسەرلىك بىلەن ئۈمىد ئىچىدە ياشاپ كىلىۋاتقان قان-قىرىنداشلىرىم. ئۈشبۇ يازمامدىكى ھەممىزگە ئورتاق دەردىمنى سىلەرگە تۆكمەكچى بولۇپ تۇرۇپتىمەن، چۈنكى ئۇلۇغ خۇداھ دىن قالسا، سىلەردىن بۆلەك نىمەم بار؟ دەيمەنكى، ئۇزۇن بولدى قورسۇغۇم ئاچ، ئۇسساپ لەۋلىرىم يىرىلىپ كىتەيلا دىدى. ئۇنىڭ ئۈستىگە ئۇچامغا كەيگۈدەك كىيىملىرىمنڭمۇ تايىنى يوق، ئەپتىمگە ئەبگاھلىق تىنىپلا كەتتى. ئاچ قالماقتىمەن- ئىشەنچىلىك-ئىشەنچىسىز تاراتقۇلاردىن خەۋەر تىپىشىمىزچە، ئىچكىرى ئۆلكىلەردىن چوشقا نەسىللىك قوي گۆشى، دورا بىلەن ئۆزگەرتىلگەن كالا گۆشى تەمىدىكى ئىت گۆشىلىرى ۋە ئۇنڭدىن باشقا،ئۆلۈك تاپلارنىڭ ئەزالىرىنى چاشقان گۆشىگە ئارلاشتۇرۇپ ياسالغان يۈرۈشلۈك تەييار يىمەكلىكلەر، ھورمۇن ئوكۇلى ئۇرۇلغان توخۇ، ئۆردەك، غاز……گۆشلىرى تۈركۈم-تۈركۈملەپ، كۆمۈر توشۇيدىغان ماشىنىلاردا توننا-توننىلاپ دىيارىمىزغا سۇدەك ئىقىپ كىرۋىتىپتىمىش. ئۇسساپ كەتتىم- دۆلەت زىمىنىدىكى كارخانىلاردىن （ۋاخاخا）،（توڭيى）قاتارلىق باشلامچى شىركەتلەر تەرىپىدىن ئىشلەپ چىقىرىلىپ، تىنىمىزگە ئاسما ئوكۇلدەك غۇرتۇلدۇتۇپ كىرىپ كەتكەن سوغۇق ئىچىملىكلەرنىڭ شۈبىھىدىن خالى ئەمەسلىكىنى بىلگىنىمىزگە ئانچە ئۇزۇن بولمىدى. مەسىلەن مانا مەن ئۆزۈم （خۇڭچا، لۈچا، بەيشى كىلى）قاتارلىق شۈبھىلىك ئىچىملىكلەرنىڭ كەم دىگەندىمۇ 15يىللىق ئىچەرمەنى. ئارىدىن ئۇزۇن ئۆتمەيلا چەتئەل مۇسۇلمان دۆلەتلىرى تەرىپىدىن رايۇنىمىزغا ئىمپورت نامى بىلەن نۇرغۇنلىغان 〈ھالال〉تەستىقىنى ئالغان، ھەرخىل ماركا، ھەرخىل ئورالمىلاردىكى （قۇۋۋەت）ئىچىملىكلىرى پەيدا بولۇشۇپ، ئىمانى ھالال قىرىنداشلىرىمىزنىڭ ئەندىشىسىنى پەسكويغا چۈشۈردى. لىكىن يانا ھىلىقى تاراتقۇلاردىن ئۇقىشىمىزچە، چوشقا نەسىللىك، قارا كۆڭۈللەر، ئۆز مەھسۇلاتلىرىنىڭ بازار ئەھۋالىنىڭ ناچار بولىشىنى （ھالال）مەھسۇلاتلاردىن كۆرۈپ، ئورالما،ماركىسىدىن تارتىپ مەھسۇلاتنىڭ تەمىگىچە 1:1نىسبەتدە ساختىسىنى ئىشلەپ، سىتىلىش باھاسىنى زور دەرىجىدە تۆۋەن قىلىپ، دىيارىمىزدكى كەڭ مۇسۇلمان خەلىقىنىڭ، ھالال بولغان يىمەك-ئىچمەك ئادىتىگە كۈچلۈك خەۋەپ ئىلىپ كىلىۋاتىدۇ. يالىڭاچلا قالايمۇ؟- يىمەك-ئىچمەك مەسلىمىزدكى خىرسلار ئادەمنى چۇڭقۇر ئويغا سىلىۋاتقىنىدا، ھىلىقى ئۇچۇر مەنبەلىرىدىن يانا شۇنداق خەۋەرلەرنى كۆرۈپ ئۈلگۈردۇق. ئۇچىمىزغا كىيىۋاتقان كىيىم-كىچەكلىرىمىزنىڭ سۈپەت مەسىلىسىدە ناھايتى ئىغىر مەسىلە بارمىش. بىز ئىلىپ كىيىۋاتقان ئوتتۇرا-تۆۋەن باھالىق باش كىيىم، ئاياغ كىيىم، تاش كىيىم، ئىچ كىيىم دىگەنلەرنىڭ ماتىرىيال ئۆلچىمىدىن تارتىپ، ياسىلىپ بازارغا چىقىش جەريانىدىكى باسقۇچلاردا ناھايتى ئىغىر مەسىلىلەر مەۋجۇدمىش. بولۇپمۇ بۇنداق كىيم-كىچەكلەرنى كەيگىنىمىزدە ھەرخىل يۇقۇملۇق ئاغرىق-سىلاقلاردىن نىرى بولالمايدىكەنمىز. ھەتتا بۇنڭدەك تۈردىكى ئىچ كىيىملەرنى ئۇزاق مۇددەت كىيىش، ئەر-ئاياللارنى ئاجايىپ ساقايماس، نىجىس كىسەللەرگە مۇپتىلا قىلامىش. بۇنداق زاۋۇتلارنىڭ، داڭلىق شەخسى دوختۇرخانىلار بىلەن باردى-كەلدىسى يىقىنمىش. -بىر ئايلىق چىقىملىرىمغا ئاراندىن-ئاران يىتىشىدىغان، ھالاللاپ تاپقان كىرىمىمگە چەتئەلنىڭ، قايسى داڭلىق، سۈپىتى ئىشەنچىلىك كىيىملىرىنى كەيسەم بولىدىكىن؟ ئاھ خۇدا،،، زادى نىمە يەي؟ نىمە ئىچەي؟ نىمە كىيەي؟ ئۆزلىرىگە بولغان ئىبادەتلىرىمنىڭ ئاۋالقى پەرىزلىرى شۇ ئەمەسمىدى، يىمەك-ئىچمەكلىرىم ھالال بولسا، روھىم پاك بولىدۇ. كىيىم-كىچەكلىرىم پاكىز بولسا ئىمانىمنىڭ ئاساسىدۇر. بۇ شەرتلەر مەندە بولماي، ئىبادەتلىرىم قانداق ئىجابەت بولۇر؟!!! ھاجەتخانىدىن بۆلەك ھەرقانداق ئورۇنلىرىغا ھىيقماستىن چاپلىۋالىدىغان （مۇسۇلمانچە）دىگەن كاپالەتنامىسىنىڭ ۋاقتى ئۆتۈپ، ئۇنىمۇ چاپلىمايدىغان بولۇشتى. ھاراملىقىدا شەك يوق، يۇقىرى ئىستىمال سەۋىيەسىدىكى تاماقخانىلاردا بەھوزۇر ئولتۇرشۇپ كەتكەن ھەر بۇرۇتلۇق، ھەر روپاچ-ياغلىقلار ماڭدامدا بىر. كۆڭلۈم ئىلىشىپ، ياندۇرغۇملا كىلىپ تۇرىدۇ. مىسقاللاپ سىتىۋاتقان گۆشۈڭنىڭ（بىسمىللاھ）دەپ سويۇلغىنىنى بىلىپ كەتمەيدىغان مۇغەمبەر قاسساپ، سىنىڭ ئەقىل-روھڭغا رەببىمدىن مەدەت تىلەيمەن.  ئۇن، زاۋۇتدىن چىقىدۇ. زاۋۇت ئامبىرىغا كىرىپ دۇئاغا قول كۆتۈرگىلى بولمىدى، شۇندىمۇ تىلاۋەتلىرىمدە ئۇنتۇلۇپ قالغىنىم يوق. قارا قىشتا ياز پەسلىنىڭ كۆكتاتلىرىنى يەپ، ئۇلۇغ ئاللاھ ئۆز پەزلى-كارامىتى بىلەن بۆلگەن 4پەسىلنىڭ ھەققى-ھۆرمىتىگە ئوچۇقدىن ئوچۇق قارشلىق قىلىمىز. ئىشقىلىپ كۆكتاتچىلاردا قىممەت بولسىمۇ كۆكتاتلارنىڭ تۈرى تولۇق، پۇلىڭىز بولسا ئىلىپ يىسىڭىز بولىۋىردۇ، زىمىندىن ئۈنۈپ چىققان نەرسىنى （ھارام）قىلىشقا ھىچقانداق باھانىمىز يوق. ئۈچ ۋاخلىقىمغا ناندىن، بەدىنىمگە قۇۋۋەت، تىڭىرقاشلارغا تەسەللى تىپىپ يۈرمەكچى بولىۋىدىم، ئاران ئىككى كۈنگە پايلىدىم. ناۋاي قاسماقنىڭ دىشىچە، خىمىرنىڭ ئىچىگە ئىچىتقۇنى بولىشىغا سىلىپ، خىمىرىنى ماشىنىدا يۇغۇرۇپ، تۇزىغا كاكۇل ئارلاشتۇرۇپ قوپۇرغان تونۇرىنىڭ ئىچگە كۆمۈر قالاپ ياپقان ناننىڭ قولىدىن مەن ئويلىغان ئىش كەلمەيدىكەن. شۇنىڭ نەپسىم بىلەن كۈچ ئىلىشالماي، چارىسىزلىك بىلەن يۇمىلاق شەھەرنىڭ پاختىدىن يۇمشاق، زەھەردىن ئاچچىق قىلىپ ئىتىدىغان （چوڭ تەخسىلىك توخۇ قوردىقى）نى （بىسمىللاھ）دىيىشكە ئۈلگۈرمەي شالاپشىتىپ يەپ بولۇپ، بۇ تاققا-تۇققىنى يىزىپ ئولتۇرۇپتىمەن. پەرۋەر 2014-يىل1-ھود

turklan

	پۇل دىسە ئانىسىنىمۇ  سېتىشتىن يانمايدىغان ما خەقلەر بىز ئۈچۈن ھەممىنى بەلگىلەپ  بېرىۋاتقان   بۇ كۈنلەردە ھالال ھارامنى ئايرىش تەس  بۇلۇپ  كەتتى

orkixi

	نائىلاج  سۈكۈت ..................

ئالمىچى

	خەنلەر ئەينى يىللىرى ياپوننىڭ ماللىرىنى بايقۇت قىلغاندەك بىزمۇ قايسى شىركەتنىڭ بولسۇن ماللىرى ھاراملا بولسا بايقۇت قىلايلى

گۆزەل

	ئالمىساق ، كەيمىسەك ، يىمىسەك بىزنىڭ ئايرىم زاۋۇتىمىز يۇقتە ، بەزىدە ئالمايلى دەپمۇ  ئالماقتىن باشقا ئىلاج يۇق، ئىشقىلىپ ھالال دەپ قارىغاننى ئالىمىزكەن .

ئالمىچى

	خەنلەر ئەينى يىللىرى ياپوننىڭ ماللىرىنى بايقۇت قىلغاندەك بىزمۇ قايسى شىركەتنىڭ بولسۇن ماللىرى ھاراملا بولسا بايقۇت قىلايلى

ئەرتۇرا

	ھالاك نەرسىلەر يەنىلام بار! گەپ ئۇنى پەرق ئىتىشتە! لىكىن ھازىر بۇمۇ تەسلىشىپ كەتتى!  ئىھتىيات بىلەن ياشىغۇلۇق، ..........

babur99

	تەرەققىي قىلىپ دۇنيادا ئامرىكىدىن كېيىنلا تۇرىدىغان 2-خوجاكاڭ بولۇپ قالدۇق ،نەزىريە جەھەتتىن 10-15يىلغا قالماي سام تاغىدىنمۇ ئۆتۈپ كەتمەكچى بولۇۋاتىمىز. بىراق خويۈەنجىيادەك ئەزىمەتمۇ بۇلغانغان ھاۋادا نەپەسلىنىپ ، رەڭلىك موما، زەھەرلىك تەم ئۆزگەتكۈچلەردە ياسالغان گۆشنى  يەپ ، ئەڭ ساپ بولغاندىمۇ تەركىبىدىكى ساپ پاختا يىپ 20%تىن ئاشمايدىغان سۇلياۋ ئالىي رەختلەردىن كىيم كىيىپ 15يىل ياشىسا ئامرىكىنىڭ رامبۇ پالۋىنىنى يېڭەلەرمۇ ؟

KURAX.JAN

	ئىچىملىكنىغۇ ئىچمىسەك بولىدۇ . ھەممىدىن يامىنى گۆش تۈرىدىكى تاماقلار ، كىلىش مەنبەسىنى بىلمەي يەيمىز ! قايسى كۈنى ناھىمىزدىكى بىر ھاۋالىلىك يۈك تۇشۇش ئورنىغا ، بۇيرۇتقان نەرسەمنى ئالغىلى بارغان ، قارىسام نۇرغۇن يىشىكتە توڭلىتىلغان قوي پاچىقى تۇرۇپتۇ . خوجايىن ( خەنزۇ ) بىلەن تونۇشاتتىم . بۇ پاچاق نەدىن كىلىدۇ دەپ سورىسام ئۈرۈمچىدىن كىلىدۇ . ئۈرۈمچىگە ئىچكىردىن كىلىدۇ دېمەسمۇ ھەيران قالدىم ، ماشىنىغا چىقىپ بولۇپ ، يېنىپ كىرىپ بۇ ئۇيغۇرنىڭمۇ خەنزۇنىڭمۇ ؟ دەپ سورىسام ئۇيغۇرنىڭ دەيدۇ ئىچكىردە بۇنداق قوي پاچىغىنى بەك يىمەسمىش شۇڭا شىنجاڭغا ئەپكىلىدىكەن . ئەپسۇس ئىشىم بەك جىددى بولغاچقا ئالدىراپ كىتىپ قالدىم . بولمىسا ئاشۇ پاچاقنىڭ ئىگىسى بولغان نائەھلىنى بىركۆرۈپ باققۇم ، تۆت ئېغىز  سۆزۈم بار ئىدى .