تــالاشــتــۇق --ئالىمجان تۇرغۇن (سەرسانى)

maripatogli

	تــالاشــتــۇق ئالىمجان تۇرغۇن (سەرسانى) كۇنۇپكا تاختىسىدا :مەرىپەت ئوغلى شۇنچە كەڭ يول پىتىشماي،خان يولىنى تالاشتۇق، پاك ھالاللار قەدىرسىز،‹‹مەينەتلەر››نى تالاشتۇق. ئېسىل خىسلەت ئۇنتۇلدى،روھىمىزنى قۇم بىسىپ، ئېرىشمەككە شان-شەرەپ ئىتلار كەبى تالاشتۇق. بىر تۆشەكتە تەڭ يىتىپ ئۇخلىشاتتۇق بىر ۋاقىت، نۆۋەتلىشىپ كىيەتتۇق بىر چاپاننى بىر ۋاقىت. ئاكا-ئىنى،قېرىنداش سۆيۈنەتتۇق بىر ۋاقىت، بۈگۈن ئاتام كۆز يۇمدى، ئەتە مىراس تالاشتۇق. كۆزىمىزگە مىخ بولدى،ئىگىز ئۇچسا بەزىلەر، سانسىز ئوراكولىدۇق،‹‹ھەق››تىن بۆلەك كىم بىلەر. يەتتە نەزىر ئۆتكۈچە قىلالمىدۇق سەبىرلەر، قەبرىدىمۇ ياتقۇزماي، غەيۋەت قىلىپ تالاشتۇق. شان قازاندى بىرىمىز،بۈگۈن تالماي ماختىدۇق، قوش قول بىلەن قوللىدۇق ‹‹زادى ئەركەك››كەن دىدۇق. ئېزىپ كەتسە بىر سۆزدىن ھەممە بىر بوپ تىللىدۇق، خالىي ئەمەس ھىچ بىر جاي ،تورلاردىمۇ تالاشتۇق. ئىدارىگە يۇقىردىن خىزمەت گۇرپا كەلدىلەر، ‹‹تەقدىرلەشكە لايىق››كەن،ماختاپ شۇنداق دىدىلەر، لىكىن يامان بولغىنى پەقەت بىر سان بەردىلەر، دادام بىلەن تۆھپىنى دۈشمەن كەبى تالاشتۇق. ئاتا-ئانا قېرىدى ، ‹‹ۋاقتىمىز يوق››بارمىدۇق، بۆشۈك تويمۇ،قاتار چاي،ھىچ بىر يەردىن قالمىدۇق، بىسىلمىدى نەپسىمىز،ھەر نەرسىدىن يانمىدۇق، ھارام ئىدى ھاراقمۇ،زەمزەم كەبى تالاشتۇق. ساقالغا ئاق ئارلاشتى،قېرىغاننى بىلمىدۇق ، گۈلدەك قىزنى ئالغان ياش، قەدرىگە ھىچ يەتمىدۇق، مۇھەببەتلىك خاتىرجەم بىر ئائىلە قۇرمىدۇق، ئاتا-بالا بىر قىزنى ئاشنىلىققا تالاشتۇق. ماختاندۇق بىز‹‹قايسى قىز قول ئاستىمدا گۈزەل›› دەپ، ‹‹ئىشتىن بوشا››دىسەملا ،ھەر دەم ئۈنەر باشقا دەپ. پۇلنى باغلام تاشلىسام ، ھەر نەرسىگە كۆنەر دەپ، ماختىنىشقا سورۇندا سۆز نۆۋىتى تالاشتۇق. نەسىھەتلەر ياغدىلەر ،ئاڭلىمىدۇق،ئالمىدۇق، بارچە گۇناھ،ھارامدىن بىزلەر مەھرۇم قالمىدۇق، كۈندە ئىشرەت يولىدا ماڭدۇق پەقەت ھارمىدۇق، ئويلان!شۇنداق قىلىپ بىز دوزاقنىمۇ تالاشتۇق. 2013-يىلى.نويابېر    ئەنخۈي

1263318936

	مەزمۇنلۇق ياخشى تىما  يېزىپسىز، قولىڭىزغا دەرت تەگمىسۇن!

yaro

	intikam2 يوللىغان ۋاقتى  2014-2-2 12:21 PM ئەسسالامۇ ئەلەيكۇم قېرىندىشىم، ياخشى يېزىپسىز، مۇشۇن ... سىلىگە نەدە مۇشۇندا شىكايەت شىيىرلىرى بەك تىتىپ كىتىدۇ ھە قارى ھاجىم

yaro

	بولاپ قويىدىكەن

boran0998

	پاھ! ئوبدان يېزىپسىز قېرىندىشىم. رىئاللىق كۈچلۈك ئەكىس ئەتتۈرۈلۈپتۇ.

yfkopjfn

	بۇشىئېرلا ئەمەس يۇقۇردىكى بەزى ئىنكاسلارمۇ روھىيىتىمىزدىكى زەئىپلىك ۋە قاششاقلىقنى ئىپادىلەپ بېرىپتۇ...

TAXNAI2

	راسلا ياخشى يېزىپ قويۇپسىز ......قولىڭىزغا دەرىت تەگمىسۇن.....

yultuzay0997

	بەك ياخشى يېزىپسىز ، مەزمۇنى بەك ياخشىكەن  ،نادىر تېمىلىرىڭىزنى  ئايىمىغايسىز .

an9385

	شېئىرنىڭ ئاپتۇرى بۇلۇش سۈپىتىم بىلەن شەخسى قارىشىم : بۇ ھەرگىزمۇ قاششاقلىق ئەمەس ، بەلكى بىز چوقۇم ئۆزىمىزدىكى ناچار ئىللەت ، كەمچىلىكلەرنى تونۇپ يىتىپ تۈزىتىشىمىز ، ئۆزگەرتىشىمىز كېرەك .

patih

	بەك ياخشى يېزىلىپتۇ ئاللاھ رەھمەت قىلسۇن . بۇ قاشاقلىق ئەمەس بۇ بىزدىكى ئىللەتلەر بىز مۇشۇ ئىللەتلەرنى تۇزۈتۈپ ئوزگەرتمىسەك ئاللاھ بىزنىڭ بۇ ھالىمىزنى ئوزگەرتمەيدۇ .