مۇستافا ساندال ناخشا كېچىلىكى ئۆتكۈزىلىدۇ

Misranim2

	تۈركىيەلىك ئاتاقلىق سەنئەتكار "مۇستافا ساندال 2014- يىللىق چوڭ تىپتىكى ناخشا كېچىلىكى "  ئۈرۈمچىدە ئۆتكۈزۈلىدۇ مۇستافا ساندال تۈركىيەنىڭ ئاتاقلىق ناخشا چولپىنى. ئۇ 2004- يىلى تۈركىيە، ياۋرۇپا، ئامېرىكا مودا ئېقىم ناخشا چولپىنى دەپ نام ئالغان. 2013-يىلى «تۈركىيە ناخشا ئاتىسى » دەپ نام ئالغان. 2006- يىلى ئۇنىڭ ھەرقايسى دۆلەت تىللىرىدا چىقارغان پىلاستىنكىلىرى ياۋرو- ئامېرىكىدىكى سېتىلىش مىقدارى ئەڭ يۇقىرى رېكورت يارىتىپ ياۋروپادىكى ئون چوڭ ناخشىچى قاتارىغا كىرگەن. ۋوللىۋود ئارتىسلىرى بىلەن بىرلىشىپ كۆپلىگەن كىنولارنى ئىشلىگەن بولۇپ، دۇنيادىكى ئاساسلىق نۇقتا بولغان تېلىۋىزور، گېزىت- ژورناللارغا ئالاھىدە تەكلىپ قىلىنغان. ئۇ تۈركىيە دۆلەت پىروگگىراممىسى «تالانتلىقلار سەھنىسى » (o ses Turkiye ) نىڭ ئەڭ ئاساسلىق باھالىغۇچى ئوقۇتقۇچىسى بولۇپ، تۈركىيەدىكى مۇھىم، تەسىر كۈچى كۈچلۈك بولغان سەنئەتكارنىڭ بىرى.ئۇنىڭ ئۆزگىچە نادىر ناخشىلىرى ۋە ئېرىشكەن نۇرغۇن مۇكاپاتلىرى ياۋرو ئامېرىكىدىكى ئالاقە قاناللىرىدا ۋە مىدىيا ۋاستىلىرىدا كەڭ تەسىر كۈچكە ئىگە.     بۇ داڭلىق سەنئەتكار 2014-يىلى 2-ئاينىڭ 14-كۈنى ئۈرۈمچى ئەرگۇڭ تەنتەربىيە سارىيىدا 9000 كىشىلىك بىر مەيدان چوڭ تىپتىكى كېچىلىك بەرمەكچى بولۇپ، كېچىلىكتە ئۇنىڭ ئەڭ نادىر ناخشىلىرى تاماششىبىنلارغا سوۋغا قىلىنىدۇ.     كېچىلىكتە مۇستافا ساندالدىن باشقا يەنە ئاتاقلىق سەنئەتكارلىرىمىزدىن ئىززەت ئىلياس، ئادىلە سىدىقمۇ ئالاھىدە تەكلىپ بىلەن قاتنىشىدىغان بولۇپ مۇستافا ساندالنىڭ ئۆزگىچە كۈيلىرىدىن ھوزۇر ئېلىش بىلەن بىرگە بۇ ئىككى سەنئەتكارىمىزنىڭ كۈيلىرىگىمۇ جۆر بولالايسىز. كېچىلىكنىڭ ئاساسىي مەقسىتى: خەلقئارا ئەڭ يۇقىرى سەۋىيەدىكى مودا ئېقىم ناخشا كېچىلىكى. نىشان: سىزنىڭ چۈشىڭىزدىكى سەھنىڭىز، رىئاللىقتا ئۇنتۇلغۇسىز تەسەۋۋۇر، مول ھېسسىيات بىلەن ئىپادىلەنگۈسى. كېچىلىكنىڭ ئومۇمىي ئەھۋالى،ئالدىن تەييارلىقى شۇنداقلا ئارتىسلار ھەققىدە كارۋان تورى ۋە مىسرانىم تورى بىرلىشىپ  ئىشلىگەن زىيارەت فىلىمىنى تورداشلار ھوزۇرىغا سۇندۇق. ئۇنداقتا دىققىتىڭلار «مۇستافا ساندال 2014- يىللىق چوڭ تىپتىكى ناخشا كېچىلىكى » ھەققىدە ئېلىپ بېرىلغان زىيارىتىمىزدە بولسۇن: بۇ يەرنى بىسىپ تېلېفۇنىڭىزدا كۆرۈڭ : http://v.youku.com/v_show/id_XNjY2MDI5OTI0.html شىركەت كارخانىلار ھەمكارلىق ئالاقە تېلېفونى: 18999997183 بىر قىسىم سۈرەتلەر      .

yultuzay0997

	مەن بۇ ئىسىمنى ئاڭلاپ باقماپتىكەنمەن ، ئۇتۇقلۇق بولغاي ،

kakkuk11

	مۇبارەك بولسۇن !

sirdax998

	كېلىڭلار بۇرادەرلەر كېلىڭلار.بۇ تىمىنىڭ ئاستىدىمۇ يەنە بىرسىنىڭ كېلدىغان خەۋرى باركەن.ئىسمايىل بېرىپلا ئەخمەقلا جىقكەن،تىز بېرىڭلار دىگەن ئوخشايدۇ.

hap.爱情

	sirdax998 يوللىغان ۋاقتى  2014-1-31 11:35 AM كېلىڭلار بۇرادەرلەر كېلىڭلار.بۇ تىمىنىڭ ئاستىدىمۇ يەن ... شۇنى دەڭلا ................

lawa0998

	قىزىق يېرى شۇكى مىسرانىمدا ئاممىۋى تاراتقۇلاردا ئېلان قىلىنىۋاتقان خەۋەرلەرنىڭ 0.001%مۇ يوق، ئەمما ‹‹ئۇخلا-ئۇخلا سەھەردە راسا...›› دەپ توۋلايدىغان بىر كىشى غىڭشىپ قويدىمۇ بولدى ئەڭ تىز ئېلان قىلىدۇ. مىسرانىمدا ئەزا كۆپ بولۇپمۇ كۆپونچىسى ياشلار، ئونۋېرسال مۇنبەر ئونۋېرسال بىلىم قۇرۇلمىلىرىغا ئىگە ئەزالار بىلەن مۇقۇملۇق تەرەققىياتتا مىسرانىم بىلەن ئۇزۇن مۇددەت پۇت تىرەپ تۇرالىشى ئۈچۈن ئاممىۋى پىكىر ئېقىمىغا خاس قانۇن-ئىنتىزاملىق مەنبەسى ئېنىق خەۋەرلەرنىمۇ ئېلان قىلىپ قويۇڭلار، بولمىسا <<كۆزىمىز ئوچۇق كۆرمەس ، ئېغىزىمىز بار مۆرىمەس>>كە ئايلىنىپ قالمايلى!!

kirani

	بوپتۇ،كەلسۇن،بۇ ئىشلارنىڭ كەينىدە چوقۇم چوڭ بىر پىلان بار.

tawgaq

	يوقىرىدىكى ئىنكاسلارنى كۆرۈپ،ئىنكاس يېزىشتا ئەجەپ ئىككىلىنىپ قالدىم

tawgaq

	kirani يوللىغان ۋاقتى  2014-1-31 12:01 PM بوپتۇ،كەلسۇن،بۇ ئىشلارنىڭ كەينىدە چوقۇم چوڭ بىر پىلان ... قانداق چوڭ پىلان باردۇ؟

Qabiljan

	ئۈرۈمچىلىكلەر نىمىدىگەن تەلەيلىك، 2-ئاي ئىچىدە ئارقىمۇ ئارقا ئۇلىشىپ كېلىدىغان ئىككى ھەپتە ئىچىدە تۈركىيەنىڭ دۇنياۋى تەسىرگە ئىگە ‹‹مۇھەببەت ناخشا شاھى›› ۋە ‹‹ناخشا ئاتىسى›› نامىدىكى مەشھۇرلىرىنىڭ ناخشا كېچىلىكىدىن نەق مەيداندا ھوزۇرلىنالايدىكەن.ئۇتۇقلۇق بولسۇن.