NASA: مارستىكى قەدىمقى ئىچكىلى بولىدىغان سۇنىڭ يېڭى ئىزى

bilimxumar

	مارستىكى قەدىمقى ئىچكىلى بولىدىغان سۇنىڭ يېڭى ئىزى بىلىمخۇمار 2014-يىلى 29-يانۋار ئامېرىكىنىڭ كورنېل ئۇنىۋېرسىتىتېتى (Cornell University) دىكى Steve Squyres، ۋە كالىفورنىيە تېخنولوگىيە ئىنستىتۇتى (California Institute of Technology) دىكى John Grotzinger قاتارلىق بىر گۇرۇپپا ئالىملار 2014-يىلى 24-يانۋار كۈنى «ئىلىم-پەن» (Science) ژورنىلىدا بىر پارچە ئىلمىي ماقالە ئېلان قىلدى.  بۇ ماقالىدە دېيىلىشىچە، مارسنى تەكشۈرىۋاتقان «پۇرسەت» (Opportunity) ناملىق ماشىنا يېقىندا سېغىز توپىدىن تەشكىل تاپقان مىنېرال ماددىلارنى تاپقان بولۇپ، بۇ ماددىلار قەدىمقى بىر ۋاقىتلاردا مارسنىڭ يۈزىدە جانلىقلار ئىستىمال قىلسا بولىدىغان سۇنىڭ مەۋجۇت بولۇپ تۇرغانلىقىنى كۆرسىتىپ بېرىدىكەن.  ھازىرقى تەكشۈرۈشنى ئالىملار يەر يۈزىدە تۇرۇپ، «پۇرسەت» ئارقىلىق مارسنىڭ ئۈستىدە ئېلىپ بېرىۋاتقاچقا، مەزكۇر ماقالىدە ئۇنداق ئىچىملىك سۈيىنىڭ قايسى دەۋردە مەۋجۇت بولۇپ تۇرغانلىقى ھەققىدە ھېچ قانداق ئۇچۇر بېرىلمەپتۇ.    «پۇرسەت» ئۆتكەن يىل مارسنىڭ ئۈستىدە مىكروپلار ياشىيالايدىغان سېغىز توپا ماددىلىرىنى بايقىغان بولۇپ، ئۇ ئىلىم-پەن ساھەسىدە بىر چوڭ خەۋەر بولۇپ كەتكەن ئىدى.  بۇ قېتىمقى بايقاش ئۆتكەن يىلقى بايقاشنىڭ بىر تەسادىپىي يۈز بەرگەن ئىش ئەمەسلىكىنى كۆرسىتىپ بېرىدىكەن. تۆۋەندىكى رەسىملەر «پۇرسەت» بۇ قېتىم تارتقان مارسنىڭ ئۈستىدىكى سېغىز توپىنىڭ كۆرۈنىشلىرى.   1 2 3 پايدىلىنىش ماتېرىيالى ۋە رەسىملەر: Ten-year-old Opportunity rover finds old 'drinkingwater' on Mars http://www.latimes.com/science/sciencenow/la-sci-sn-mars-water-life-opportunity-20140123,0,3420510.story#ixzz2rqYjPR9y <http://www.latimes.com/science/s ... pportunity-20140123,0,3420510.story>

arkzada

	بۇ خەۋەر، ئىلگىرى مارىستا تاتلىق سۇ ئىستىمال قىلىدىغان جانلىقلار مەۋجۇت بولۇپ تۇرغان دېگەننى چۈشەندۈرەمدۇ؟

bazarbay

	قالتىس تىلسىم ئىشلاردە بۇ

گۆزەل

	ئەگەر تاتلىق سۇ مەنبەسى بۇلغان بۇلسا، ئىلگىرى مارستا ھاياتلىق بۇلغانلىقىنى چۆشەندۈرەمدۇ؟

nazigul8

	مارس توغرۇلۇق جىق خەۋەرلەرنى كۆرۈپ تۇرۋاتمىز، ھەممە خەۋەردە بىر-بىرلەپ، مارستا بۇرۇن ھاياتلىق بولغانلىقىنى ئىسپاتلاپ مېڭىۋاتقاندەكقۇ...

hap.爱情

	بۇرۇن تاتلىق سۇ بولغانلىقى بايقالغان بولسا بۇرۇن چۇقۇم ھاياتلىق مەۋجۇت بولغان بۇلىشى مۇمكىن

abdul915

	مۇئەللىم،  نۇرغۇن ماتېرىياللاردا مارستا سۇ بولغان دېيىلىدۇ،  ئۇنداقتا شۇ سۇلار ھازىر قەيەرگە كەتكەن بولىشىڭىزغا مۇمكىن؟  مارس ئاتموسفېراسىدا سۇ ھورىدىن تەركىپ تاپقان بۇلۇت بارمۇ؟

izqel

	تاتلىق سۇ بولغانلىقى بايقالسا ھاياتلىق ئىلگىرى بولغانلىقىدىن دىرەك بەرمەس.بىراق بۇ بايقىلىش مارىس بەش يۈز پىلانىغا قاتناشقۇچىلارغا زۇر ئىلھام بۇلىدۇ دەپ قارايمەن.

izqel

	مۇنداقمۇ بىر قارىشىم بار.يەنى،ئىلگىركى توپان بالاسى بۇلۇشتىن ئازراق ئىلگىرى يەر شارىدا تەرەققىيات ھازىرقىدىنمۇ بەك تىز بولغان.كىيىن دۇنياۋى تەسىرگە ئىگە چوڭ ئۇرۇش بولغان.تەرەققىياتى تىز ئەللەر ئۇچقۇ بىلەن باشقا پىلانىتلارغا چىقىپ كەتكەن.چىقىپ كەتكەن ئۇ كىشىلەر يۈكسەك ئەقىل ۋە كۈچكە ئىگە.مارىس ۋە باشقا پىلانىتلاردا ئەقىلگە تايىنىپ ھاياتلىقنى داۋام قىلغان.ھازىرقى يەرشارىدا بۇلىۋاتقان تاشقى جىسىم ھادىسلىرىنى ئۇلار كەلتۈرۈپ چىقارغان دىگەندەك.بۇ بىر خىيالىم.

yusup0998

	چىقىپ كۆرەپ كىردىغان ئىشمىكى     بىكار يۈرسەممۇ يۈرىدىكەنمەن           بىللە چىقىدىغانلار بولسا ئالغاچ كېتەي