قارا ئۆڭكۈر مەۋجۇت ئەمەس
تاشپولات روزى
سالام قېرىنداشلار ياخشى تۇرغانسىلەر
قۇرئان-كەرىم ۋە قارا ئۆڭكۈر
بۇنىڭدىن 1400يىل ئىلگىرى ئىنسانلار يۇلتۇزدىن پەقەتلا پال بېقىش ۋە سەپەردە نىشاندىن ئېزىقماسلىق ئۈچۈن پايىدىلىناتتى.لىكىن ئاللاھ ۋاقىئە سۈرىسىنىڭ 75-76ئايەتلىرىدە ئىلاھىي قۇدرەتنى بىلدۈرۈپ:
«يۇلتۇزلارنىڭ جايلىرى بىلەن قەسەم قىلىمەن،شۈبھسىزكى ئەگەر بىلسەڭلار، ئۇ (يۇلتۇزلار ئاللاھنىڭ ئۇلۇغ قۇدرىتىنى كۆرسىتىدىغانلىقى ئۈچۈن) ئەلۋەتتە كاتتا قەسەمدۇر.»دېگەن.
ئايەتتە بۈيۈك بىر قەسەم بىلەن يۇلتۇزلارنىڭ ئورنىغا دېققەت قارىتىلغان.كۈنىمىزدىكى فىزىكا ۋە ئالەم فىزىكا مۇتەخەسىسلىرى يۇلتۇزلارنىڭ ئورۇنلىرى دېگەن سۆزنىڭ ئەسلدە يۇلتۇزلارنىڭ تۇغۇلغان ئاق ئۆڭكۈر ۋە ئۇلار يوقالغان قارا ئۆڭكۈرنى كۆرسىتىۋاتقانىلىقىنى ئېيتىۋاتىدۇ.
ئاق ئۆڭكۈرلەر بولسا تەسەۋۇر قىلغىلى بولمايدىغان بىر ئېنىرگىيە ئامبېرىدۇر.ئۇنىڭدا مىلىيارتلارچە يۇلتۇزلار تۇغالايىدىغان ئېنىرگىيە مەۋجۇتتۇر. بۇلار ئادەتتە تۇرغۇن يۇلتۇزلار سېستېمىسنىڭ ئۇرىقىدۇر. قارا ئۆڭكۈرلەر بولسا يۇلتۇزلارنىڭ سىرلىق مازىرىدۇر.بۇ ئەتراپتىكى جىسىملارنىڭ ھەممسىنى ۋە ۋاقتىنى سىرلىق ھالەتتە يوقىتىدۇ.
1950-يىلدىن كىيىن بايقالغان قارا ئۆڭكۈرلەر:ئېنىرگىيەسى تۈگىگەن بىر يۇلتۇزنىڭ ئۆز ئىچىگە قاراپ يىغىلىش نەتىجىسىدە«0»ھەجىم ۋە چەكسىز زىچلىققا،غايەت زور بىر تارتىش كۈچى دائىرىسى شەكىلەندۈرىشى دېگەنلىكتۇر.بۇ سىرلىق قارا ئۆڭكۈرنىڭ تارتىش كۈچى بەك كۈچلۈك ئىكەنلىكى، مەيلى نۇر،مەيلى جىسىم ياكى ھەرقانداق بىر ماددا ئۇنىڭدىن قۇتۇلۇپ قالالمايدۇ.شۇڭا تېلىسكوپتا كۆرگىلى بولمايدۇ ياكى بىر قارا تۆشۈك شەكلىدە كۆرۈنىدۇ.لىكىن ئەتراپىدا مەيدانغا كەلگەن تەسىرگە قاراپ ئۇنىڭ بارلىقىنى بىلگىلى بولىدۇ.
«يۇلتۇزلار (نۇرى) ئۆچۈرۈلگەن چاغدا»[[79] مۇرسەلات سۈرسى 8-ئايەت
] ئايەتتە بىشارەت قىلغاندەك،قاراڭغۇ ئۆڭكۈرلەر يۇلتۇز ئەمەس، بەلكى ئۆچكەن بىر يۇلتۇزنىڭ يېرى ۋە ئورنىدۇر.بۇ ھەقىقەت قۇرئان-كەرىمدىكى كەلىمىلەرنىڭ قانچىلىك دەرىجىدە
دەل ۋە توغرا تاللانغانلىقىنى كۆرسىتىپ بېرىدۇ.قارا ئۆڭكۈرلەرنىڭ دېققەتنى تارتىدىغان يەنە بىر خۇسۇسىيتى شۇكى،ئۇلار باشقا توپ-توپ چوڭ يۇلتۇزلارغا ئوخشاش ئالەم بوشلۇقىدا بىرلەشمەستىن،ئالەمنى تېشىپ ئۆتۈپ كېتىدۇ. بۇنىڭغا تۆۋەندىكى ئايەت بىشارەت قىلىنغان:
«ئاسىمان بىلەن،تارىق (يەنى كېچىدە ئاشىكارا بولغۇچى يۇلتۇزلار) بىلەن قەسەم قىلىمەن.تارىقىنىڭ نېمىلىكىنى بىلەمسەن؟ (ئۇ) تېشىپ ئۆتىدىغان بىر يۇلتۇزىدۇر.»[[80]تارىق سۈرىسى 1-3ئايەتلەر
بۇ خىل ئايەتلەردە ئاللاھنىڭ قۇدرىتىنىڭ چەكسىزىلىكىنى چۈشىنىۋالغىلى بولىدۇ.كۈنىمىزدىكى پەن-تېخنىكا ئاسماندىكى مۇساپىلەرنى پەقەتلا نۇر يىلى بىلەن ئۆلچىيەلەيدۇ،بۇمۇ ئىنسان ئىدىراكىنىڭ سىرتىدىكى بىر مەسىلىدۇر.1 رەقىمىنىڭ يېنىغا پۈتۈن دۇنيانى قاپلىغۇدەك نۆل قويساقمۇ يەنىلا ئۇ يۇلتۇزلار ئارىسىدىكى مۇساپىنى ئىپادىلىيەلىشىمىز مۇمكىن ئەمەس.بۇلار قۇرئان- كەرىمنىڭ ئالەمدىكى بۈيۈكلۈك قۇدرىتى ۋەھېكمەت تەجەللىلىرىنى كۆرسىتىدىغان مۆجىزىۋى تەرىپىدۇر.
يوللىغان ۋاقتى 2014-1-28 02:20:14 PM
