خىيال

hijirany

	خىيال خام خىيالنىڭ ئىچىدە بېھۇش، كۈنۈم ئۆتتى بىكار ،غەپلەتتە . قانات قىلىپ يوتقاننى ئۇچتۇم، ئويغۇنۇپلا قالدىم نەپرەتتە. پېلان سوقدۇم تېنىمسىز ھارماي، يۈرەك بولدى يوغان بىر سەندەل. روھىم چىقىپ قاغجىراپ كەتتىم، ئەسلى ئىدىم بېجىرىم - تەمبەل . بۇ ياشلىقىم پاناھسىز قالدى، زار يىغلىدى ،بولدى قەدىرسىز. مەۋھۇم دۇنيا ئىچىدە ياشاپ، ئەركەكلىكىم بولدى زەردىسىز. بىر پۇشايمان قىسقا يۆتۈلۈپ، چالا ھىجىيىپ كەلدى يېنىمغا. كۆرۈپ مېنىڭ زەبۇن ھالىمنى، كىرىپ كەتتى روھى تېنىمغا . تۈن كىچىدە دۇنيا قاپقارا، كۆرۈنمەيدۇ قىلچىلىك ئالا. خىيال بىلەن داۋا تاپارمۇ، قەلبىمدىكى بۇ ئېغىر يارا؟

zulayha

	ئۆزىنى بۇنچىلىك ئىزدەپ قېزىش، ئەقلنىڭ ئويغاقلىقىدىن دېرەك بېرىدۇ.

zulayha

	https://uyghur-archive.com/misranim/thread-97487-1-1.html مەن بولدۇم  قاتىل مىھرىگۈل ئابلىمىت ~ ۋاقتىم بەك تېز ئۆتتى شامال بىلەن تەڭ، يېشىممۇ تەڭ ماڭدى تۈرۈپ تېزدىن يەڭ. دىمىدى ھاياتىم< زەپەر قۇچتۇم > كەڭ، ۋاقىتنى بوغۇزلاپ قاتىل بولدۇم دەڭ. ~ ئۈمۈدنى نىشانغا باغلاپ ماڭدىم مەن، ۋە لېكىن كۈننى كۈن قوغلاپ ئۆتتى دەڭ. ھەپتىلەر قوغلىسا ئاينى بەيگىدە، مەن ۋاقىت بوغۇزلاپ قاتىل بولدۇم تەڭ . ~ ھاياتتىن بۇرۇلۇش نۇقتامنى ئىزلەپ، چارىسىز قالغاندا يېشىمنى بەزلەپ. قايىللىق كۈچۈمنى چۆرۈپ ۋە تاشلاپ، ۋاقىتنى بوغۇزلاپ ئۆلتۈردۈم قەسلەپ. ~ تەۋەككۈل روھىمنى ئويغاتسام بۈگۈن، < دادىللىق > بەك خىجىل بولدى تەمتىرەپ. ھەركەتكە ئۆتەلمەي غەلبىلەر ئۈچۈن، ۋاقىتتىن ئاقتى قان ئەپسۇس تەپچىرەپ. ~ ۋاقىتنى بوغۇزلاپ مەن بولدۇم قاتىل، ئۆتكۈزۈپ كۈنلەرنى پاتقاقتەك غاپىل. پېتىقلاپ ھاياتنىڭ گۈلدەك دەۋرىنى، بولمۇدۇم ھەجەپمۇ ھاياتتا قابىل. ~ ھاياتنى ئۆزگەرتىش ئىشەنچىم قولدا، ماڭىمەن بۇ كەچنىڭ ئىلھامى بىلەن. ئۆلتۈردۈم قولۇمدا نۇرغۇن ۋاقىتنى، كېيىنكى ۋاقىتنى قەدىرلەي تىمەن.