ئۆلۈم كۈتۈش نەقەدەر گۈزەل(قاراخان)

qaraxani

	ئۆلۈم كۈتۈش نەقەدەر گۈزەل قاراخان ئەجەل كەلسە ئەقىل ئادىشار، بىئەقىلگە ئۆلۈم يارىشار. بايلىق بولماس ئەجەلگە داۋا، نادان ئەلگە بالا يامىشار. ئادەم ئۆلمەس چاشقان پوقىغا، چىۋىن قونار بارى يوقىغا. تەن ساقلىققا دەرتمۇ كۈشەندە، ئامال بارمۇ  ئەجەل ئوقىغا. سامساق يەپمۇ ساق بولماق قىيىن، مەگەر ساقمىز قەدرى بىر تىيىن. تىرىكىدە ئاسرىماي جاننى، يىغلايمىزمۇ ئۆلگەندىن كېيىن. شۇڭا ئۆلۈم نەقەدەر گۈزەل، ئۆلسە كۈيلەپ ئېيتىدۇ غەزەل. بەش ئەزانىڭ ئاغرىقى يوق گەپ، دىل ئاغرىسا قوزغايمىز جىدەل. ئاغزىمىزدا شەھەر ئالىمىز، يامانلىققا نەزەر سالىمىز. گۈناھسىز دەپ قۇلاقنى ھەتتا، پىچىرلىشىپ قالماس ھالىمىز. ئۆلۈم كۈتۈش گۈزەل نەقەدەر ، چوڭ كىچىك دەپ ئايرىماس سەپەر. پىتنە تېرىپ ،جەددال بولغۇچە، ئوچۇق گۆردە ياتقان چوڭ ھۈنەر! 2014-يىلى 23-قەھرىتان

asenat

	ئۆلۈمگە ھەرۋاقىت تەييارلىق قىلىپ يۇرغان ئادەمگە نىسبەتەن راستلا گۈزەلدۇر،لىكىن گۇناھ مەئسىيەتكە تولغان،مال-دۇنياغابىرىلگەن  كىشىلەر مەڭگۈ ئۆلمىسەم دەيدۇ~

kakkuk11

	يەنە بىر ئېسىل تېمىڭىز بىلەن ئۇچراشقىنىمدىن خۇرسەنمەن.. تىلى تولىمۇ يىنىك چىقىپتۇ  رەھمەت ئاكا... قەلەملىرىڭىز  ھارمىسۇن !

rustorahbar

	شېئرلىرڭىزنى ئۆزۈمگە ئۆگۈنۈش ئۈلگىسى قىلۋالسام بولغىدەك رەھمەت

uyol

	يەنە بىر ئېسىل تېمىڭىز بىلەن ئۇچراشقىنىمدىن  خۇشالمەن. شىئىرى تىل ياكى مەزمۇن جەھەتتىن شۇنداق ئۆلچەملىك، مەزمۇنلۇق چىقىپتۇ..ھارمىغايسىز

QALIB

	ھەركىمنىڭ چاچلىرىغا ئاق چۈشسۇن، ئەجەل توشۇپ يۈزلىرىگە داغ چۈشسۇن . ھەركىمنىڭ بېلىدىن قۇۋۋەتلەر كىتىپ، قولىغا ھاسا ۋە بىر تاياق چۈشسۇن . ئىمانى ساپ،يۈزگە كىرىپ يورۇق يۈز، تويلار كۆرۈپ يەلكىسدىن تاغ چۈشسۇن . كېتىپ قالسا ئەگەر دۇنيادىن، ئۆز بالىسى قولىدىن تۇپراق چۈشسۇن ! Har kimning ham sochlariga oq tushsin, Ajin tushsin yuzlariga, dog` tushsin. Har kimning ham quvvat ketib belidan, Qo`llariga aso — bir tayoq tushsin. Imoni sof, yuzga kirib yorug` yuz, To`ylar ko`rib yelkasidan tog` tushsin. Jismiga so`nggi safar oldidan O`z bolasin qo`lidan tuproq tushsin... ئەسسالامۇ ئەلەيكۇم! شېئىرىڭىز بەك ياخشى چېقىپتۇ، قارىسام بۇ شېئىرمۇ بەك ياخشىكەن ،تېما قىلىپ يوللاي دىسەم،  ئىككى كۇبلىتلا ئېكەن .شۇڭا شېئىرىڭىزنىڭ ئاستىغا يوللىۋەتتىم، داۋاملىق ياخشى شېئىرلارنى يوللاپ تۇرۇڭ.