ئېلىپبە دەرسى ھەققىدە

saptilak

	ئېلىپبە دەرسى ھەققىدە     ئۇيغۇر تىل-ئەدەبىيات كەسپى بويىچە سىز مەيلى قايسى ئالىي بىلىم يۇرتلىرىدا ئوقىغان بولۇڭ ۋە ياكى قانچىلىك ئۇزاق ۋاقىت مەكتەپلەردە مۇشۇ كەسىپتىن دەرس بېرىڭ ھەم بۇ جەھەتتىكى  سەۋيىرىڭىز قايسى دەرىجىدە بولۇڭ، سىزگە نىسپەتەن ئېلىپبە دەرسى ئەڭ يۇقىرى ماھارەتنى ۋە ئەڭ ئىنچىكىلىكنى، ئەڭ ئەستايىدىلىقنى تەلەپ قىلىدىغان بىر خىل ئوقۇتۇش شەكلى ئىكەن.       مەن دەل مۇشۇ كەسىپ بويىچە بەش يىل ئوقۇپ، 21 يىلدىن بىرى ئىزچىل تولۇقسىز ئوتتۇرا مەكتەپتە مۇشۇ كەسىپ بويىچە دەرس بېرىپ كېلىۋاتىمەن. بۇ يىل يۇرتىمىزدىكى بىر خۇسۇسىي مەكتەپ ماڭا دەرس ئۆتۈپ بېرىش ھەققىدە تەكلىپنامە ئەۋەتىپتۇ. مەن بىر تەتىل بىكار يۇرگەندىن كۆرە باراي دەپ ئويلاپ بۇ مەكتەپكە باردىم. مەكتەپ مەسئولى ماڭا بىر سىنىپقا ئىككى سائەت ساۋات چىقىرىش، ئىككى سائەت دەسلەپكى ساۋاتنى كۆچەيتىش بويىچە دەرس ئۆتۈپ بېرىش تەكلىپىنى ئوتۇرغا قويغان ئىدى، مەن دەرھال قوبۇل قىلالمىدىم، ئەمما مەن ئېلىپبە ئۆتۈپ باقمىغان دېيىشتىن نومۇس قىلىپ قوشۇلدۇم. ئەمما ئىككى كۈنگىچە قانداق قىلغاندا ئوقۇغۇچىلارنىڭ ساۋادىنى تېز چىقارغىلى بولىدىغانلىقى ھەققىدە كۆپ ئويلاندىم. ئۆزەم تۈزىگەن پىلان بويىچە ‹بىسمىللا› دەپ مۇنبەرگە چىقتىم. مەن پىلان بويىچە دەرسنى مۇنداق شەكىلدە ئۆتتۈم.      1. ئېلىپبە تەرتىۋىنى بۇزۇپ ئاۋال سەككىز سۇزۇق تاۋۇشنى ئۆتتۇم.      2. شەكىل جەھەتتىن ئوخشاش بولغان ھەرىپلەردىن ‹ن› بىلەن ‹ب› نى بىر قىلىپ، ‹ت› بىلەن ‹ي› نى بىر قىلىپ، ‹ر› بىلەن ‹ز› ھەم ‹د›  نى بىر قىلىپ ئۆتۈش پىلانىنى تۈزىدىم ھەم مۇشۇ بويىچە ئۆتىۋاتىمەن.      3. ئىملاسى چىرايلىق بولسۇن ئۈچۈن ئوقۇشتىن كۆرە يېزىشنى كۆپرەك تەكىتلاۋاتىمەن.       بىراق بۇنىڭدىن باشقا يەنە قانداق ياخشى ئۇسۇللار بار، مەن تازا ئويلىنىپمۇ تاپالمايۋاتىمەن. شۇڭا كەڭ مىسرانىم مۇنبىرىدىكى ئوقۇتقۇچى كەسىپداشلارنىڭ بىلگەنلىرىنى ئايىماي قانداق قىلغاندا قىسقا ۋاقىت ئىچىدە ئۈنۈملۈك ھالدا ساۋات چىقارغىلى بولىدىغانلىقى ھەققىدە ۋە  مېنىڭ يۇقىرىدا قوللانغان ئۇسۇلۇمنىڭ قايسىللىرى مۇۋاپىق، قايسىلىرى مۇۋاپىق بولمىغانلىقى ھەققىدە قىممەتلىك تەكلىپلىرىنى ۋە ئۆزلىرىنىڭ مول تەجىرىبىللىرىنى ئايىماسلىقىنى ئىلتىماس قىلىمەن. مېنىڭچە بۇ شەخسەن مەن ئۈچۈنلا ئەمەس، ساۋات چىقىرىشقا ئىزچىل كۆڭۈل بۆلۇپ كىلۋاتقان كىشىلەرگىمۇ پادىسى بولۇپ قىلىشى مۇمكىن.       قېنى دۇستلار، يازمىغا مەرھەممەت.

iltebir

	كەسىپداشكەنمىز.قارىسام خېلى مەسئۇلىيەتچان ئوقۇتقۇچى ئىكەنسىز.ھازىر باشلانغۇچ مەكتەپتە ھەقىقىي تىل ئەدەبىيات پېنىنى كەسىپ قىلىپ ئوقۇغانلار بەكلا ئاز،يوق دىيەرلىك . خەنزۇچە ياخشى بولسا يا خەنزۇچە يا ماتېماتىكا دەرسى بېرىدىغان گەپ. مېنىڭچە سىز ئىلىكىترون ئۈسكۈنىلىرىنىڭ رولىغا سەل قارىماڭ. كىچىك بالىلارغا تەبىئىتى ئويۇنغا ئامراق كېلىدۇ. مۇمكىن بولسا دەرسلىك دىتالى تۈزۈڭ . دەرسلىك دىتالى تۈزۈشتە قېينالسىڭىز توردىن ئىزدىسڭىزمۇ تاپقىلى بۇلىدۇ.

kaqvr

	مۇشۇ كەسىپتىكى ئۇستازلارنىڭ قىممەتلىك كۆرسەتمىلىرىنى ئايىماي ئوتتۇرغا قويۇشىنى ئۈمۈت قىلىمەن . باللىرى ساۋات چىقىرىش يېشىدىكى ئاتا ئانىلار ئۈچۈن بىر ياخشى پايدىلىنىش ماتىريالى بۇلۇپ قالسۇن بۇ تېما .

saptilak

	iltebir يوللىغان ۋاقتى  2014-1-21 10:47 PM كەسىپداشكەنمىز.قارىسام خېلى مەسئۇلىيەتچان ئوقۇتقۇچى  ... كومپىيوتېردا دەرسلىك دىتالى تۈزۈش ۋە باشقا جەھەتلەردىن ئازراقمۇ قىينالمايمەن، بىراق مېنى تەكلىپ قىلغان خۇسۇسىي مەكتەپ تېخى يېڭىدىن قۇرۇلغان بولغاچقا ئوقۇتۇش ئەستەھەلىرى مۇكەممەل ئەمەس. ئۇستەل، ئورۇندۇق، دوسكىدىن باشقا نەرسىلەر يوق، ئەپسۇس.

SaBa_002

ramu

	قېرىندىشىم!ياخشى ئىشنى باشلاپسىز!ئەجرىڭىزگە ئاللا رەھمەت قىلسۇن! مەزكۇر يۇرتتىكى باشلانغۇچ مەكتەپلەر ئىچىدىكى ساۋات چىقىرىش ماھىرىلىرىدىن مەسلىھەت سۇراڭ.ئىلىببەنىڭ ئاستىدىكى سۆز-ماقال قاتارلىقلارنىڭ ئۇتۇش تەرتىۋىنى ئالماشتۇرىۋىتىپ مەغلۇپ بولماسلىقىڭىز ئۇچۇن،ساۋات چىقىرىش دەرسىنى نەچچە قېتىم ئۇتۇپ باققان ئوقۇتقۇچىلاردىن مەسلىھەت سۇراڭ.

saptilak

	ramu يوللىغان ۋاقتى  2014-1-22 01:41 AM قېرىندىشىم!ياخشى ئىشنى باشلاپسىز!ئەجرىڭىزگە ئاللا رەھ ... بولىدۇ، سەمىمىي مەسلىھەتىڭىزگە رەھمەت.

sadakat7224

	سىلىمۇ ساۋات چىقىرىپ باقسىلا قېنى ئاسانمىكەن.سىنىپتىكى بىر ئۇقۇغۇچىنىڭ ساۋادىنى چىقارغاندا ئاندىن ساۋات چىقارماقنىڭ نەقەدەر تەسلىكىنى بىلىپ يېتىدىلا. شۇندىلا بىز باشلانغۇچ مەكتەپ ئۇقۇتقۇچىلىرىنىڭ جاپاسىنى چۈشىنىپ قالالا

دۈشمەن

	ramu يوللىغان ۋاقتى  2014-1-22 01:41 AM قېرىندىشىم!ياخشى ئىشنى باشلاپسىز!ئەجرىڭىزگە ئاللا رەھ ... توغرىسى مۇشۇ

mahatjan

	saptilak يوللىغان ۋاقتى  2014-1-22 09:45 AM بولىدۇ، سەمىمىي مەسلىھەتىڭىزگە رەھمەت. تىل؛-ئىنسانلارنىڭ ئالاقىلىشىش،تەپەككۇرقىلىش،پىكىر قىلىش ۋە تەققى قىلىش قۇرالىدۇر.