ھەققانىي: تۇتە-تۇت

akkani

	تۇتە-تۇت ئاپتۇرى: ئابدۇۋەلى راخمان ھەققانىي ( « مەمىلىكىتىمىزدىكى ئىنتىزام تەكشۈرۈش، مەمۇرى تەپتىش ئورگانلىرى 2013-يىلى 182 مىڭ كىشىگە پارتىيە ئىنتىزامى، مەمۇرى ئىنتىزام جازاسى بەردى» سەرلەۋھىلىك گېزىت خەۋىرىنى كۆرۈپ) ئۆزۈڭ ئادىل ئەي قانۇن مەككارلارنى تۇتە-تۇت، چىرىكلىشىپ پاتقاققا پاتقانلارنى تۇتە-تۇت، ئۆز نەپسىگە چوغ كۆزلەپ تارتقانلارنى تۇتە-تۇت، ۋىژدانىنى نەپ ئۈچۈن ساتقانلارنى تۇتە-تۇت، يولۋاس، چىۋىن، سۇۋەرەك، چاشقانلارنى تۇتە-تۇت. ** قۇرۇق كىرسەك يېنىغا مۇز ياغاتتى ئەپتىدىن، بىزار بولدى ھاجەتمەن مۇنداق ئاچكۆز-ئەسكىدىن، چىرىكلەشتى دەرۋەقە يىراقلاشتى خەلقىدىن، غەزەپ تاشتى ئاۋامدا نەپسىخورلار دەستىدىن، ئىمتىيازدا ھەددىدىن ئاشقانلارنى تۇتە-تۇت. ** « مەن چاكار» دەپ ئەمەلدە بولىۋالدى خوجايىن، ھارامنى يەپ تەپ تارتماي بېيىپ كەتتى كۈنسايىن، ئۆزى تويماس، كۈزى ئاچ بولۇپ كەتتى ئىنتايىن، نەپسى ئۈچۈن بولدى قۇل،ئەل ئالدىدا پەس خائىن، لەۋزى يالغان ئۈزى قۇۋ «چاكار»لارنى تۇتە-تۇت. ** پەرمان كەلدى مەركەزدىن: «ھىساپ ئال!»دەپ ئاچكۆزدىن، سەسكەنگەنتى ئاۋاممۇ قارنى تويماس داپ يۈزدىن، تۈگۈتەيلى بۇ قېتىم چىرىكلىكنى يىلتىزدىن، ئەگىپ ئۆتۈپ كەتمەيلى پىت-بۈرگە ھەم يىلپىزدىن، ئېغىزىنى تىمساقتەك ئاچقانلارنى تۇتە-تۇت. ** كىرىۋاپتۇ ئوغرىلار ئورگانلارغا سۇقۇنۇپ، ئەل ھەققىنى يىمىسە ياتالمىدى تولغۇنۇپ، يۈرۈش قىلدى ئىنتىزام تەكشۈرمەككە قوزغۇلۇپ، پاچاقلىرى دىرىلداپ كەتتى غەمدە ئولتۇرۇپ، قازنىقىغا پاتمانلاپ باسقانلارنى تۇتە-تۇت. ** چىرىكلەر بۇ دەۋرىگە چىققان ئۆسمە-جاراھەت، ئىش بېشىغا ھەيران بىز نەدىن كەلدى تاپاۋەت، يالغانچىلىق گۇم بولسۇن ياشناپ كەتسۇن ئادالەت، قانۇن بىزگە يار يۆلەك بولسۇن بىزگە كاپالەت، مىليون پۇلنى ئوغۇرلاپ ياتقانلارنى تۇتە-تۇت! ******

tokqi123

	ئۆزى يىسە مىڭ كوينى يرىمىنى سۇڭغىتار يۇقۇرى تۆۋەن بىرلەشكەن بۇنداقلارنى كىم تۇتار؟

بەڭۋاش

	بارىكاللا قېرىن  دىشىم ، قەلمىڭىزگە  دەرت  كەلمىسۇن. بەك ياخشى  يېزىپسىز ئىجادىيەت لىرىڭىزگە ئۇتۇق تىلەيمەن.

nurjahan0997

	تولىمۇ جايىدا يېزىلىپتۇ ماۋۇ شېئىر مۈشۈكتىن قېچىۋاتقان چاچقانلار كۆز ئالدىمغا كېلىۋاتىدۇ ھازىر

0996800410

	قانۇنچىلىق گېزىتىدە ئېلان قىلىدىغان شىئېر ئىكەنتۇق  .............

Gvlbargi0999

	بارىكاللا! بەك ياخشى چىقىپتۇ.

akkani

	تىزملىتىش گىراپپىسىغا ھازىر تىزملاتسام يېرىم سائەتكە بارماي يەنە ئۆچۈپ ئەزا بولماي قالىمەن. « ساقلاش» كونوپكىسىنى چەكسەممۇ يەنە شۇنداق.بۇ نىمە ئىشتۇ بىلىدىغانلار ياردەم قىلساڭلا.

mahatjan

	بىرى ئەلگە بىرىپ ۋەدە ئۆزەم ئادىل دىدى دەسلەپ، ئىشەنگەچ ئەق-خالايىقلار ئاڭا بەردى يوغان مەنسەپ. مىنىپ ئەمدى‹يوغان ئات›نى ئۆتەر بولدى تىپىپ دەسسەپ. سەمىمى ئاقكۆڭۈل پۇقرا ئىچىدە ‹ئاھ›ئۇرار ئەسنەپ، خەلق بەختىگە باقماسنى قوغلاپ يۈرۈپ تۇتە-تۇت.

mahatjan

	بىرى ئەلگە بىرىپ ۋەدە ئۆزەم ئادىل دىدى دەسلەپ، ئىشەنگەچ ئەق-خالايىقلار ئاڭا بەردى يوغان مەنسەپ. مىنىپ ئەمدى‹يوغان ئات›نى ئۆتەر بولدى تىپىپ دەسسەپ. سەمىمى ئاقكۆڭۈل پۇقرا ئىچىدە ‹ئاھ›ئۇرار ئەسنەپ، خەلق بەختىگە باقماسنى قوغلاپ يۈرۈپ تۇتە-تۇت.