ۋاقىت ۋە بايلىق

eparhan413

	ۋاقىت ۋە بايلىق Eparhan413 قولىدا ھېچبىر بىساتى يوق بىر ياش تۇرمۇشتىن دائىم ۋايسايدىكەن .شۇڭا ئۇ پەيلاسوپنى ئىزدەپ پەيلاسوپنىڭ  كېيىنكى ھاياتىغا يول كۆرسىتىپ بېرىشنى ئۈمىد قىلىپتۇ.پەيلاسوپ ئۇنىڭدىن :"سەن نېمە ئۈچۈن مېنى ئىزدەيسەن؟"دەپ سوراپتىكەن . ياش " مېنىڭ مۇشۇ كەمگۈچە ھېچنەرسەم  يوق ،سىزنىڭ ماڭا يول كۆرسىتىپ ھاياتلىق قىممىتىمنى تېپىۋىلىشىمغا ياردەم قىلىشىڭىزنى سەمىمىي ئۈمىد قىلىمەن."دەپ جاۋاب بىرىپتۇ.پەيلاسوپ بېشىنى چايقاپ "مېنىڭچە سەن باشقىلارغا ئوخشاشلا باي ،چۈنكى ھەر كۈنى ياشانغانلار سېنىڭ ۋاقىت بانكاڭغا 86400 سېكونت ۋاقىتنى ئامانەت قويىدۇ."دەپتۇ.ئۇ ياش ئاچچىق بىر كۈلۈپ "ئۇنىڭ نېمە پايدىسى بولسۇن ؟ئۇلارنى شان –شەرەپ ئورنىدا قويغىلى ياكى بىر ۋاق مەزىللىك تائام قىلىپ يېگىلى بولمىسا دەپتۇ.پەيلاسوپ ئۇنىڭ گېپىنى بۆلۈپ ،"ئەجىبا سەن ئۇلارنى قىممەتلىك دەپ ئويلىمامسەن؟ئۇنداقتا سەن ئايرۇپىلانغا ھېلىلا كېچىكىپ قالغان يولچىدىن سوراپ باققىن .بىر مىنوت قانچىلىك پۇلغا يارايدىكەن ؟سەن يەنە بايالا گۆر ئاغزىدىن قۇتۇلغان تەلەيلىك كىشىدىن سوراپ باققىن بىر سېكونت قانچىلىك قىممەتكەن .سەن يەنە بىر دەقىقە ئارقىدا قېلىپ ئالتۇن مېدالغا ئېرىشەلمىگەن تەنھەركەتچىدىن سوراپ باققىن ،بىر دەقىقە قانچىلىك پۇلغا يارايدىكەن ؟پەيلاسوپنىڭ گېپىنى ئاڭلىغان ياش خىچىللىقىدىن بېشىنى تۆۋەن ساپتۇ.پەيلاسوپ يەنە "سەن پەقەت ۋاقىتنى قەدىرلەشنى بىلسەڭلا ھايات يولۇڭ تېخىمۇ داغدام بولىدۇ."دەپتۇ. بۇ ھېكايدىكى ياشقا ئوخشاش ئۆز كۈنىدىن قاقشاپ يۈرىۋاتقانلار  دىيارىمىزدا ئاز ئەمەس .يېڭى ئوقۇش پۈتتۈرگەن ياشلارنىڭ  خىزمەت تېپىشى قىيىن بولغاچقا  ،قارىماققا ھەميىنى قورۇق ،ھېبىر مال –مۈلكى يوقتەك بېلىندۇ .ئەمىلىيەتتە ئۇلار ئەڭ باي كىشلەر ، مېلىيونىرلار ياشلىق ۋە ۋاقىتنى نەچچە مېلىيون خەجلەپمۇسېتىۋالالمايدۇ.ياشلارنىڭ ۋاقىت بايلىقى مېلىيونىرنىڭ پۇلىدىن كۆپ بولسىكى بولىدىكى ئاز بولمايدۇ.بىزنىڭ ياشلىرىمىزدا كۆرۈلۈۋاتقان مەسىلە دەل شۇ ۋاقتتىن ئۈنۈملۈك پايدىنالماسلىقتا. ئامېرىكىلىق داڭلىق باشقۇرۇش ئىلمى پېشىۋاسى  دۇراك مۇنداق دەيدۇ:》 ۋاقىت دۇنيادىكى ئەڭ كەم ئۇچرايدىغان بايلىق . ۋاقىتنى باشقۇرالمىغان ئادەم باشقا ھېچنىمىنى باشقۇرالمايدۇ.تىزگىنلىشنى كۈچەيتىڭ،بولمىسا ،ھېچ ئىشنى باشقا ئېلىپ چىقالمايسىز. 《ئالىي مەكتەپتە ئوقۇۋاتقان ۋاقتىمدا ،ۋاقىتنى پىلانلاش ،ئورۇنلاشتۇرۇش دىگەن ئىشلارغا ئانچە ئىرەن قىلىپ كەتمەيتىم ،مۇنداق بىر ئىش ھېلىمۇ ئىسمدە. مېنىڭ ئالىي مەكتەپتە تونۇشقان بىر چەتئەللىك دوستۇم بولىدىغان .ئۇ ھەربىر كۈنلىك ۋاقتىنى بايلىق ئورنىدا ئەزىزلەيدىغان ،مېنوت –سېكونتنى ئەھمىيەتسىز ئىشلارغا سەرپ قىلمايدىغان ،ۋاقىت جەدىۋىلى تۈزۈپ شۇ  بويىچە ئىش قىلىدىغان ئوقۇغۇچى ئىدى.ئۇ ئۇيغۇرلارغا ئوخشاش ئۇچۇق –يورۇق ،يۇمۇرىستىك بولغاچقا بىز ناھايتتى تېزلا چىقىشىپ كەتتۇق.بىر قېتىملىق ئىنگىلىز كونىردا english corner  ئۇ مېنى تاماققا تەكلىپ قىلىدىغانلىقىنى ئېيتتى . دېيىشكەن كۈنى مەن  ئۇ گېپىدە تۇرارمۇ دەپ سەل ئىككىلىنىپ ،يېرىم سائەتتەك كېچىكىپ بېرىپتىمەن .بۇ چەتئەللىك دوستىمىز رەتلىك كىيىنگەن ھالدا ،مەكتەپ دەرۋازىسىنىڭ ئالدىدا تەققازالىق بىلەن مېنى كۈتكىلى تۇرۇپتۇ.مەن ئۇنى كۆرگەن ھامان دەرھاللا كەچۈرۈم سورىدىم .ئۇنىڭ خۇشخۇي چىرايدىن ئەسەرمۇ قالمىغان ئىدى .كۆك كۆزلىرىدىن جىددىچىلىك ،ئاچچىقلىنىش چىقىپ تۇراتتى .ئۇ  ماڭا كۆزلىرىنى مىختەك قارىغىچە بىر ھازارغىچە گەپ قىلمىدى. مەن نېمە قىلىشىمنى بىلەلمەي ،ئىچىمدە:" كىچىكىپ قالغانغا ئاچچىقلانغان بارمۇ ،يولدا ماشىنىلار جىققكەن دەپ ئويلىدىم.ئۇ ماڭا:"مەن سىزنى ساقلاۋاتقىلى  دەل ئوتتۇز ئىككى مېنۇت بەش سېكونت بولدى .ئىككەيلەينىڭ بىر سائەت ۋاقتى ئىسراپ بولدى.سىزنىڭ ۋاقىتقا بولغان پوزىتسىيىڭىزدىن تەقدىرىڭىزدىن ئەندىشە قىلىپ قالدىم ."دېدى.نەچچە يىلدىن كېيىن ،ئۇنىڭ سۆزنىڭ خاتا ئەمەسلىكىنى رىياللىق ماڭا ئەسكەرتتى.بىرشىركەتكە خىزمەتكە چۈشۇپ ،كېچىكىپ بارغانلىقىم ئۈچۈن ،ۋاقىت كۆز قارىشىڭ يوق ئىكەن دەپ قايتۇرۇلدۇم. ئايلار ئۆتۈپ ،يىللار ئۆتۈپ ،نەچچە قېتىم بۇرنۇمغا يەپ ،ۋاقىتقا بولغان پوزىتسىيىمنى ئۆزگەرتىم.مانا ھازىر ئۆز ئالدىمغا ئىگىلىك تىكلەپ ،ئەينى ۋاقتتىكى ماڭا ئوخشاش ۋاقىت كۆزقارىشى سۇس بالىلارنى كۆرىۋاتىمەن .نېمە ئىش قىلسىلا ۋاقىت ئۆتسىلا بولىدىغاندەك ھېس قىلىدىغانلارنى كۆرىۋاتىمەن .ئىشلارنى ۋەزىپە ،مەسئۇلىيەت تەرتىپى بويىچە تىزىپ قويۇپ بېجىرىدىغانلىرى ناھايتتى ئاز.كونىلار 》ۋاقىت ئاتقان ئوق《 ،》ۋاقتىڭ كەتتى بەختىڭ كەتتى《دەپ توغرا ئېيتقان .پىلانى يوق ،نىشانى يوق ئادەم ئۈچۈن ۋاقىت چەكسىز كەتكەن دېڭىزنىڭ سۈيىدەك بېلىنىپ ،ۋاقىتنىڭ ھېچ بېر قەدىر-قىممتى بولمايدىكەن.غايىلىك ،پىلانلىق ،نىشانلىق كىشلەر ئۈچۈن ۋاقىت شۇنچىلىك قىممەتلىك ،شۇنچىلىك بىباھا بولۇپ ۋاقتنىڭ قانداق ئۆتكەنلىكىنى بىلمەيلا قالىدىكەن  . مۇۋەپپەقىيەتشۇناس ناپالىئون خىل :< ۋاقىتتىن پايدىلىنىش ئىنتايىن مۇھىم .بىر كۈنلۈك ۋاقىت ياخشى ئورۇنلاشتۇرۇلمىسا ،ھەممە قۇپقۇرۇق كۆپۈككە ئايلىنىپ نەتىجىسىز ئاخىرلىشىدۇ>دەپ كۆرسىتىدۇ. ۋاقىتنى ئەقىل-زېھنىنى خورىتىدىغان ئىشلارغا ئىشلىتىش، بىر كۈنلۈك ۋاقىتنى ئىلمىي ،توغرا ئورۇنلاشتۇرماسلىقنىڭ ھەممىسى ۋاقىتتىن ئىبارەت بۇ بايلىقتىن پايدىلانماسلىقنىڭ ئىپادىسى . ھەقىقەتەنمۇ ،مۇۋەپپەقىيەت بىلەن مەغلۇبىيەتنىڭ چىگرىسى ۋاقىتنى قانداق تەقسىملەش ۋە ئورۇنلاشتۇرۇشتا. ئالي مەكتەپتە ئوقۇۋاتقان ئوقۇغۇچىلارغا قارىسىڭىز ۋاقىتنى ئۇرۇنلاشتۇرۇشقا ماھىر بولمىغان بالىلارنىڭ ئۆگىنىش ئۈنۈمى ئانچە يۇقىرى ئەمەس  ، بۇ ھەقتە مېنىڭ ئەتراپىمدىكى مىساللارمۇ ئاز ئەمەس .ئالىي مەكتەپكە ئۆتكەن بىر ياش بولۇپ ئۇنىڭ ئۆگىنىش قىزغىلىقى ناھايتتى يۇقىرى ئىكەن .ئۇ ھەتتا بىر مېنۇت بىر سېكونتنىمۇ ئاياپ ئۆگىنىدىكەن . ئەڭ سەھەر قوپۇپ مۇزاكىرە قىلىدىكەن ،چۈشتە تاماقنى يەپ بولۇپلا  سومكىسىنى ئېلىپ دەرسخانىغا يۈگىرەيدىكەن ،كەچتە ياتاققا ئاخىردا كىرىدىكەن .سىنىپىدىكى ساۋاقداشلىرى ئۇنىڭ نەتىجىسىنىڭ بىرىنچى چىقىپ كېتىشىدىن ئەندىشە قىلىپ يۈرگەندە،ئىشلار كۈتۈلمىگەندەك بولۇپ چىقىپتۇ.بۇ ياشنىڭ ئۆگىنىشكە سەرپ قلغان ۋاقتى بىلەن نەتىجە ئوڭ تاناسىپ چىقماي نەتىجىسى ئويلىمىغان يەردىن ئوتتۇراھال بولۇپ چىقىپتۇ.مەسىلە دەل ۋاقىتنى توغرا ئورۇنلاشتۇرالمىغانلقتىن بولغان ئىكەن.ئۇ تاڭ سەھەردە قوپقان بىلەن ئۇيقىغا قانمىغانلىقى ئۈچۈن ،چۈشتىن بۇرۇنقى دەرس كاللىغا چۈشمەيدىكەن ،دەرس ۋاقتىدا ئۈگدەپمۇ قالىدىكەن ،چۈش ۋاقىتتا ئۆگىنىش قىلغاندەك كۆرۈنسىمۇ ،چارچىغان مېڭە دەرسىنى ھەزىم قىلالمايدىكەن ،چۈشتە ئارام ئالمىغانلقى سەۋەبى چۈشتىن كېيىنكى دەرستە ھارغىنلىق بىلەن دەرس ئاڭلايدىكەن ،كەچتە ۋاقتىدا مۇزاكىرىگە چىقىپ تەلەپنى ئۆزىگە قاتتىق قويۇپ ،مۇزاكىرە قىلىدىكەن-يۇ ،ئۆگىنىش ئۈنۈمى ياخشى بولمايدىكەن  .بىرەر كېشى مەلۇم ئىشتا غەلبە قازىنىمەن دەيدىكەن بىر كۈنلۈك ئىش ئورۇنلاشتۇرۇشقا ماھىر بولۇشى كېرەك.بىر ئوقۇغۇچىغا نىسبەتەن ئۇخلاش ۋاقتى يېتەرلىك بولۇش بىر كۈنلۈك ئۆگىنىشكە بىۋاستە تەسىر كۆرسىتىدۇ.ئوقۇغۇچىلار تاڭ سەھەردە زېھنى ئوچۇق ۋاقىتتا ،ئۆزى ئاجىز دەپ قارىغان پەنلەرنى نوقتىلىق مۇزاكىرە قىلىشى ،مەسلەن :تەلەپپۇز توغرىلاش مەشىقى ،ئاڭلاپ چۈشىنىش مەشىقى ياكى يېزىپ ئۆگىنىش مەشىقى قىلىشى كېرەك.تۆت سائەت دەرسىنى ئەستايىلدىللىق بىلەن ئاڭلاش بىلەن خاتىرە يېزىپ مېڭىشى ھەم تەنەپپۇس ۋاقتىدا چوقۇم دەرسخانىدىن چىقىپ مۇھىت ئالماشتۇرۇشى ،مېڭىگە كېرەكلىك بولغان ئوكسىگىننى تەمىنلەشكە كاپالەتلىك قىلىشى كېرەك .دەرس ئارىلىقىدىكى گىمناستىكىنى ياخشى ئوينىغاندا ،بەدەندىكى قانلارنىڭ قايتىدىن تەقسىملىنىپ ،تەڭپۇڭ ھالەتكە كېلىشكە تۈرتكە بولغىلى ،بەدەن شەكلىنىڭ ساغلام ئۈسۈپ يېتىلىشىكە كاپالەتلىك قىلغىلى بولىدۇ،تاماق يەپ بولۇپ يېرىم سائەتكىچە ھەرىكەت بىلەن شۇغىللىنىپ ئاندىن كۆزنى يومۇپ مېڭىنى ئارام ئالدۇرۇپ ،ئېنىرگىيە تولۇقلىشى كېرەك.بۇنداق قىلغاندا چۈشتىن كېيىنلىك ئۆگىنىش ئۆنۈمىنى ئىلگىرى سۈرگىلى بولىدۇ.ئادەتتە بىر ئوقۇغۇچىنىڭ ئۆگىنىشنىڭ ياخشى يامانلىقىغا باھا بىرىشتە ،بىر كۈنلۈك ۋاقىت ئورۇنلاشتۇرۇشىغا قارىساقلا كۇپايە.خىزمەتتىمۇ ھەم شۇنداق .نېمە ئۈچۈن بەزىلەر ھاردىم –تالدىم دېمەي ئۆگىنىدۇ.خىزمەت قىلىدۇ.لېكىن نەتىجىسىنى باشقىلار كۆرەلمەيدۇ.بۇ دەل بىر ئادەمنىڭ بىر كۈندىلىك ۋاقىتى ياخشى ئورۇنلاشتۇرالماسلىقىتن كېلىپ چىققان مەسىلىدۇر.ھايات دەل ۋاقىت بىلەن ئۆلچىنىدۇ.ھايات ئىنسان ھاياتىدا ناھايتتى قىممەتلىك.ۋاقىتتىن پايدىلنىشقا،ۋاقىتتنى ئورۇنلاشتۇرۇشقا ماھىر بولۇش دەل ھاياتنى قەدىرلەشنىڭ كونكرېت ئىپادىسىدۇر،جەمىئىتىمىزدە نىشانى بار ،ئىرادىسى بار ،لېكىن ۋاقىت كۆز –قارىشى توغرا ئەمەس ياشلىرىمىزمۇ ئاز ئەمەس .شۇڭا ،كەلگۈسىدىن ئەندىشە قىلىپ بۈگۈنكى ۋاقىتنى چىڭ تۇتالماسلىق، ئۆتۈپ كەتكەن ئىشقا باش قاتۇرۇپ ۋاقتىمىزنى خورىتىش ،ئىش  ئۈنۈمى تۆۋەن بولۇش قاتارلىقلارغا سەل قارىماسلىق كېرەك. دېمەك ،ۋاقت ئۇ كۆزبىلەن كۆرگىلى  بولمايدىغان ،قول بىلەن تۇتقىلى بولمايدىغان ،لېكىن ھېس قىلغىلى بولىدىغان بايلىق ،ئەگەر سىز ئۇنىڭدىن ماھىرلىق بىلەن پايدىلنىشنى بىلسىڭىز ،ئۇ سىزگە قەدىر –قىممەت ،ساغلاملىق ،مال-دۇنيا ،بەخت –ئامەت ،خوشاللىق ئەكېلىدۇ.ۋاقىتنىڭ مەۋجۇتلىقىنى بىلىپ تۇرۇپمۇ ،ئۇنىڭدىن پايدىلنىشقا ماھىر بولمىغانلارغا ۋاقىت پەقەت ئۆكىنىش،پۇشايمان ،ئازاب-ئوقۇبەت ،روھى بېسىم ئېلىپ كېلىدۇ _خالاس،شۇڭا سىز مەيلى ئۆسمۈر بولۇڭ ،ۋاقتنى قەدىرلەپ بوشاشماي تىرىشىپ ئۆگىنىڭ ،كەلگۈسىدىكى مۇۋاپپىقىيەت يولىغا يول ھازىرلاڭ ،ياش بولسىڭىز چوقۇم قىلىۋاتقان ئىشىڭىزدا نەتىجە قازىنىشنى ئەمەلگە ئاشۇرۇڭ .غايىڭىزدىن تىز پۈكمەڭ .ياشانغان بولسىڭىز ئىشلىرىڭىزدىن ھەرگىز ۋاز كەچمەڭ ،غايىڭىزدىن تەۋرەنمەڭ.ھەممىمىزگە تونۇشلۇق بولغان <كېنتاكى يەرلىك توخۇ كاۋاپچىلىقى>نىڭ بەرپاچىسى خوللەند .سەندىسى 88يېشىدا بارلىق مەغلۇبىيىتنىنى بۆسۈپ تاشلاپ ، مۇۋەپپەقىيەت قازانغان .سىز تېخى 88 ياشقا كىرمىگەنسىز .ۋاقىتنى قەدىرلەپ ،ئوبدان ئورۇنلاشتۇرسىڭىزلا ،مەيل ئۆسمۈر بولۇڭ ،مەيلى ياش بولۇڭ ،مەيلى قېرى بولۇڭ ،ئۇ سىزگە بايلىق ۋە خوشاللىق ئېلىپ كېلىدۇ. 2014-يىلى 1-ئاينىڭ 15-كۈنى

tokqi123

	توغرا،ۋاقىت-بايلىق دىمەكتۇر،ۋاقىت-غەلبە دىمەكتۇر.

uyol

	ئىشقىلىپ ھازىر ۋاقىت بەك تېز ئۈتۈپ كېتبارىدۇ جۇمۇ

kakkuk11

	ئويلاپ باقسام 2 يىلنىڭ قانداق ئۆتۈپ كەتكىننى بىلمەيمەن... بەك تېز... ئەمما مونۇ بىر ئاي  ناھايىتى تەستە ئۆتمەكتە

nurjahan0997

	uyol يوللىغان ۋاقتى  2014-1-16 12:44 PM ئىشقىلىپ ھازىر ۋاقىت بەك تېز ئۈتۈپ كېتبارىدۇ جۇمۇ بۇمۇ قىيامەتنىڭ بىر ئالامەتلىرى قېرىندىشىم

uyol

	nurjahan0997 يوللىغان ۋاقتى  2014-1-16 01:12 PM بۇمۇ قىيامەتنىڭ بىر ئالامەتلىرى قېرىندىشىم راس دەيسىز قېرىندىشىم. قىيامەت  ئۈچۈن ھەرۋاقىت تەييار تۇرمىساق بولمايدىغان بۇلۇپ قالدى ھازىر

iptihar2014

	ۋاقىت ئالدىراڭغۇ ساقلاپ تۇرمايدۇ ، يىللار ئەڭ چوڭ يامان ئورغىسى

uyol

	ئەسسالامۇ ئەلەيكۇم تورداشلار باغراش تور بېكتىمىز تەۋەرۈك كىتاب ئىزدىگۈچىلەرگە قۇلايلىق يارىتىش مەخسىتىدە باغراش تورىدا تەۋپىق تەۋەرۈك كىتاب بازىرى قۇردۇق. قېنى مەرھەممەت قىلغايسىلەر http://www.baghrax.com/kitab.php

mahatjan

	ئاللاھ ياراتقان ۋاقىت بەك كۆپ ۋە كەڭ،ئەمما؛-شۇ ئىشقا ۋە شۇ ئىشنى قىلىدىغان ئادەمگە نىسبىتەن ئۇ ۋاقىت تولىمۇ قىممەت.تولىمۇ قەدىرلىك.شۇڭا؛ۋاقىت دىمەك-----

mahatjan

	ئاللاھ ياراتقان ۋاقىت بەك كۆپ ۋە كەڭ،ئەمما؛-شۇ ئىشقا ۋە شۇ ئىشنى قىلىدىغان ئادەمگە نىسبىتەن ئۇ ۋاقىت تولىمۇ قىممەت.تولىمۇ قەدىرلىك.شۇڭا؛ۋاقىت دىمەك-----