ئۈمىد غەنى ئاكامغا ئۇچۇق خەت

ababakriimir

	ئۈمىد غەنى ئەپەندىنىڭ تىزناپ مەكتىپىدە سۆزلىگەن‹‹رىياسەتچىلىك ھۈنەر ئەمەس››ناملىق لېكسىيىسىگە بولغان كۆزقاراشلىرىم ئابابەكرى ئىمىر نەچچە كۈن ئالدىدا ئۈمىد غەنى ئاكىمىزنىڭ شىنلاڭ مىكروبلوگىدا ھەمبەھرلەنگەن،كېيىن مىسرانىم تورى تەرىپىدىن تولۇق سۈرەتكە ئېلىنغان بۇپروگراممىنى باشتىن ئاخىرى تولۇق كۆرۈپ چىقتىم،پروگرامما قۇرۇلما جەھەتتىن بۇرۇنقى ‹‹كۆڭۈلدىكى سۆز››گە ئوخشاش ئىشخانا ئىچىدە ئالدىن تەييارلىنىپ كېيىن ئوپېراتورلار قايتا-قايتا قايچىلاپ قېلىپلىشىپ كەتكەن تۈزۈمدە ئەمەس،بەلكى يېڭىچە تەپەككۇر،يېڭىچە شەكىل ئاساسىدا،ئاممىبابلىقنى ئاساس قىلغان،نەق-مەيدانلىقى（互动性）كۈچلۈك،كىشىلەر ئەركىن پىكىر قىلالايدىغان سورۇن ھازىرلىغان بىر لېكسىيە،مەن بۇنداق لېكسىيىلەرنىڭ كۆپلەپ مەيدانغا كېلىشىنى،ئىلمىي تەتقىقات ،مۇھاكىمە سورۇنلىرىنىڭ كۆپىيىشىنى چىن دىلىمدىن ئۈمىد قىلىمەن. نۇقسانسىز ئىش بولمىغانغا ئوخشاش ،نۇقسانسىزئادەممۇ بولمايدۇ ئەلۋەتتە،شۇڭا كۆپچىلىكنىڭ بۇ لېكسىيىدە كېتىپ قالغان تەرەپلەرنىڭ قايسى ئىكەنلىكى ھەم كېيىنكىلىرىنىڭ ياخشى ئىشلىنىشى ئۈچۈن،ئىمكانقەدەر خاتالىقتىن ساقلىنىشى ئۈچۈن تۆۋەندىكىدەك بەش تۈرلۈك يېتەرسىزلىكلەرنىخاتىرىلەپ چىقتىم،ئەگەرمەندە خاتالىقلار بولسا پىكرىڭلارنى قوبۇل قىلىش ئۈچۈنقولۇم كۆكسۈمدە. 1.لېكسىيە ئەسلى رىياسەتچىلىك توغرىلىقباشلانغان(مىسرانىم تورىنىڭ رىياسەتچىسىمۇ بۇ لېكسىيىنىڭ رىياسەتچىلىك توغرىسىدائىكەنلىكىنى ئالاھىدە ئەسكەرتىپ ئۆتكەن)ئەمما بارا-بارا بۇ لېكسىيىدە ئىقتىسادىيمەسىلە(مەسىلەن مەركىزىي تېلېۋېزىيە ئىستانسىسىنىڭ قايسى رىياسەتچىسى رىياسەتچىلىكتىن قالدى...نېغمەت يىلىغا مۇنچىلىك كىرىم قىلىپ ئۇنىڭ پروگراممىسى قانچىلىكنى يەپ كەتتى قاتارلىق....)،تۇرمۇش مەسىلىسى(يەتتە كۈندە مال قايتۇرۇش..)زىيارەت (ئابلاجان ئاۋۇت ئايۇپ،ئۆمەرجان ئالىم...)قاتارلىق نۇرغۇن تەرەپلەرگە چېچىلىپ كەتكەن،دېمەك ئالدىن مۇكەممەل ،پۇختا تەييارلىق قىلىنمىغان،بۇنىڭدا ئۈمىد غەنى ئاكىمىز ئۆزى ئېيتقاندەك ئۈندىدار بىلەن بولۇپ كېتىپ مۇكەممەل تېزىس تۈزەلمىدىمۇ ياكى باشقا سەۋەبلەر تۈپەيلى ئالدىراش بولۇپكەتتىمۇ مەزمۇن ناھايىتى چۇۋالۋاق چىقىپ قالغان. 2.بۇ ئەسلى ئىلمىيلىقى كۈچلۈك مەخسۇس رىياسەتچىلىك توغرىسىدا سۆزلەنگەن لېكسىيە ئىدى ،ئەمما كېيىنچە دىن-پەن دېگەندەك جەمئىيەتنىڭ نازۇك قاتلاملىرىغا بېرىپ تاقىشىدىغان لېكسىيە بولۇپ قېلىپ بەزى يەرلەردەھەتتا ئۈمىد غەنى ئاكىمىزنىمۇ ھالسىرىتىپ قويدى،دەل شۇنداق چاغلاردا ئۈمىد غەنى ئاكىمىز چاقچاق سەنئىتىمىز(غۇلجىلىق بولغاچقىمىكىن)نىمۇ بوش قويۇۋەتمەستىن ئارىسىغا ئېلىپ قىستۇرۇپ ،كىشىلەرنى كۈلدۈرۈش ئارقىلىق جاۋاب بېرىشكە ئامالسىزقالغان سوئاللىرىنى يېپىشقا مەجبۇر بولغان. 3.دىن بىلەن پەن مۇناسىىۋىتى ھەرگىزمۇ ئىككى ئېغىز لېكسىيە بىلەن ھەل قىلىنىپ كېتىدىغان،ئاساسسىز قۇرۇق گەپلەر ئۆزئاراماسلىشىپ كېتىدىغان مۇناسىۋەت ئەمەس،كىشىلەرنىڭ ئىدىيىسىنىڭ بىرلا قېتىمدا ئېچىلىپ كېتىشىمۇ ئۇنچىۋالا ئاسان ئىش ئەمەس،مېنىڭچە بىرىنچى قېتىملىق لېكسىيىدىلا بۇنداق چوڭ مەسلىگە ئېسىلىۋېلىپ جاۋاب بېرەلمەي گەپ ئەپقاچىتىلىق ھۈنىرىنى ئىشقا سېلىشسورۇندىكى كىشىلەرنى قايىل قىلالىسىمۇ ئەمما ھەقىقىي ئىلىمي تەتقىقات مۇلاقەتچىلىك ئىشلىرى بىلەن شۇغۇللىنىدىغان كىشىلەرنىڭ كۆزىدىن قېچىپ قۇتۇلالمايدۇ. 4.ئۈمىد غەنى ئاكىمىز شىنجاڭ تېلېۋىزىيەئىستانسىسىنىڭ ‹كۆڭۈلدىكى سۆز›پروگراممىسىنىڭ ئۇيغۇرچە رىياسەتچىسى بولغانىكەن بۇ لېكسىيىنى ئۇيغۇرچە سۆزلىشى(نۇتۇق ئورىگىنالىنىمۇ ئۇيغۇرچە ئالدىن تەييارلاپتۇرۇشى )،بەزى يېڭى ئاتالغۇلارنى ئالدىن تەرجىمە قىلىشى ياكى قوش تەرجىمىلىكھالەتتە ئۇنى چۈشەندۈرۈپ تۇرۇشى كېرەك ئىدى ،ئەپسۇس ئۇيغۇر تىلىدا ئۇيۇشتۇرۇلغان بۇ لېكسىيىدە نۇرغۇنلىغان خەنزۇچە ئاتالغۇلارنىڭ شەرھلەنمەستىن ئۇدۇل ئەكىرىلىشى ئۇيغۇر ساپ تىل رىياسەتچىلىكىنىڭ خىرىسقا دۇچ كېلىۋاتقىنىنىڭ بەلگىسى بولۇشى مۇمكىن. 5.بۇ نۇتۇقنىڭ ئالاھىدە كىشىنى خۇرسەن قىلىدىغان ۋە كىشىنىڭ دىققىتىنى تارتىدىتىغانقىسىمى ئاخىرىدا بىر ئوغۇل بىرقىزنىڭ بايانى بولۇشى مۇمكىن،ئوغۇل بالا تەكلىپ پىكىرلىرىنى ناھايىتى ئىدىتلىق ،ئىسپاتلىق سۆزلەر ئارقىلىق ئوتتۇرىغا قويۇپ ئىسلام دىنىنىڭ ئىلىم-پەننى چەتكە قاقمايدىغانلىقى،ئىككىسىنىڭ بىر-بىرىنىڭ كەمچىلىكىلىرىنى تولۇقلىيالايدىغانلىقى توغرىسىدا مەلۇمات بېرىپ ئۆتىدۇ،ھەم سوئالىنى ئوتتۇرىغا قويۇپ ئۆتىدۇ ،ئەكسچە بۇ لېكسىيەگە شۇنچە‹‹ كۆڭۈل قويۇپ ئاڭلاۋاتقان››لار تۇيۇقسىز ئۆزگىرىپ غۇدۇراشقا،ھەتتا ئۇنىڭغا‹ئۇدۇل سوئالىڭنىدە!!!››دېگەندەك تەلەپپۇزلاردا كايىشقا باشلايدۇ،ئۇلار ئۈمىد غەنى ئاكىمىزنىڭچۇۋالۋاق نۇتۇقىنىڭ ئارىسىدىكى ‹گەپ-ئەپقاچتى›چاقچاقلىرىغا كۈلۈپ ئولتۇرغانئەمەسمىدى،يەنە نېمە ئۈچۈن براۋنىڭ پىكرىگە ھۆرمەت قىلماستىن ئۈزۈپ،غۇدرىشىدۇ؟؟؟بۇشۇنى چۈشەندۈرىدۇكى بۇ يەرگە كەلگەنلەر ئۈمىد غەنىنى ۋە ئاتاقلىق ياش ناخشىچى ئابلاجان ئاۋۇت ئايۇپنى كۆرگىلى كەلگەنلەر...شۇڭا لېكسىيىگە بۇنداق ئىلمىي پىكىرى،ئىلمىي پوزىتسىيىسى يوق ئاقنانچى كىشىلەر تەكلىپ قىلىنماسلىقى كېرەك. ئىزاھات:بۇنىڭ ھەممىسى پەقەتلا ئۈمىد غەنى ئاكىمىزنىڭ لېكسىيىسىدىكى يېتەرسىزلىكلەرگە بېرىلگەن سەمىمىي ئەسكەرتىش خالاس،ئەگەر خاتا ،كەم يەرلىرى بولسا تۈزىتىشكە تىرىشىمەن،بۇ بىر تەرەپنىڭ مەيدانىدا تۇرۇپ يېزىلغان ماقالە ئەمەس،كۆپچىلىكنىڭ ئىككى قۇتۇپلىشىپ كەتمەسلىكىنى سەمىمىي ئىنكاس يېزىشىنى قارشى ئالىمەن. پىكىر بەرگۈچى:شىنلاڭ مىكروبلوگىدىن @AbabakriImir

@binakar

	تاققۇ- تۇققۇ زەنجىر مارجان چىچىلدى،تىرىپ بولالماي كەچ بولدى! دىگەندەك سۆزلەنگەن لىكسىيە بولۇپتۇ،لىكىن يەنە ئىجابىلىغىمۇ بار،رامكىنىڭ سىرتىغا ئازراق بولسىمۇ مارىلىيالىدى.ئۈمىت غەنى ھازىرقى سەھنىدىن ئورۇن ئالالىغان رىياسەتچى (ھەر جەھەتتىن راۋرۇس يىتىشكەن،ساپالىق،رىياسەتچى بولۇشقا تىخىمۇ لايىق كىلىدىغان،بىراق سالاھىيەتكە نىمىشقىدۇر ئىرىشەلمىگەنلەر خىلى كۆپ)لىكىن،سەركە رىياسەتچى ئەمەس،نۇتۇق قابىلىيىتى ناچار،بۇ ئەيىۋىنى ئانچە مۇنچە چاقچاقلارنى قاملاشسۇن قاملاشمىسۇن قىستۇرۇپ يىپىشقا ئۇرىنىدۇ، بۇ قىتىمقى لىكسىيە ئۈمىت غەنىنىڭ كەيپىياتىنىڭ ناچار ۋاختىغا توغرا كىلىپ قالغاندەك،ھەم كەيپىياتىنى تۇراقلاشتۇرالمىدى،يەنە كىلىپ بەزى شەخىسلەرنىڭ نامى زۆرۇر بولمىسىمۇ تىلغا ئىلىنىپ باشقىلارنىڭ شەخسىيىتىگە تىگىپ قىلىش بولۇپ قالدى،ئۈمىت غەنىگە قۇرئانى كەرىمنىڭ تەرجىمىسىنى تازا ھەزىم قىلىپ ئوقۇپ بىقىشىنى دائىم ئوقۇشىنى تەۋسىيە قىلىمەن،ئۇيغۇرنى چۈشىنىش ئۈچۈن،ئۇيغۇر جەمىيىتىنى چۈشىنىش ئۇچۈن ئىتىقادنى چوڭقۇر چۈشىنىش تىخىمۇ زۆرۈر!

سەنجەر

	ئىنكاس يېزىلىۋاتىدۇ ...

hokumran

	شارەكتەك يۇمىلاپ مۇنبەرلەر ئارا ئايلىنىپ يۈرۈيدىغان بۇ ‹‹تەكلىپشۇناس›› ئالىمنىڭ تەكلىپىنى قانچە مۇنبەردە قانچە قېتىملاپ ئوقۇغۇنۇمنى ساناپمۇ بېرەلمەيمەن. كۆرگىنىم پەقەت بىراۋلارنىڭ ئىچىدىن چىقىۋاتقان كۆرەلمەسلىك ئوتى. تەكلىپنىڭ 1-ۋە 4- چىسىنى ھەر ھالدا قۇبۇل قىلىشقا بولىدۇ. بەلكىم بۇ تەكلىپتىن ئۈمىد غەنى بەزى تۈزىتىشكە تېگىشلىك تەرەپلىرىنى تۈزۈتۈۋېلىشى مۇمكىن. بىراق ‹‹تەكلىپشۇناس›› شۇنى ئېنىق بىلىۋېلىشى كېرەككى بۇ لېكسىيە نوقۇل ھالدا رىياسەتچىلىك ھەققىدىلا نەزىرىيە سۆزلەنسە ئاڭلىغۇچىلاردا ھېچقانچە تەسىرات شەكىللەنمەيدۇ، شۇنداقلا رىياسەتچىلەرنىڭ جەمىيەتتىكى تۈرلۈك ئىشلاردىن خەۋەردار بولۇشتەك ئالاھىدىلىكىنى روشەن ئىپادىلەپ بېرەلمەيدۇ. 2-ۋە 3- تەكلىپكە كەلسەك ‹‹تەكلىپشۇناس›› ئالىم ئابابەكرى ئىمىر رىياسەتچىلىك ئوقۇمى ۋە جەمىيەت ۋە ۋەزىيەت ھەققىدە ھېچقانچە بىلىمى يوق تۇرۇپ ئارتۇقچە جۆيلۈشكە باشلىغان. چۈنكى رىياسەتچىلىكنىڭ ئەڭ ئاددى تەلىپىدە رىياسەتچىلەردە ئونۋېرسال بىلىم ساپا، ھازىر جاۋابلىق، يۇمۇرىستىك خۇسۇسىيەت بولۇش تەلەپ قىلىنىدۇ. ئۈمىد غەنى مۇشۇ نوقتىدا رىياسەتچىلەردە ئونۋېرساللىقنىڭ كەملىكىنى سۆزلەش بىلەن بىرگە ھازىرقى جەمىيىتىمىزدىكى كىشىلەرنىڭ قىزىقىشى ۋە بىلىم ئېلىشىغا توسالغۇ بولغان بەزى ئامىللار ھەققىدە قىسقىچە چۈشەنچە بەرگەن. شۇنداقلا كىشىلەرنى بىلىم ئىگىلەشكە دەۋەت قىلغان. 5- تەكلىپگە كەلسەك ‹‹تۇخۇمدىن تۈك ئۈندۈرۈش›› ھۈنىرىڭىزنىڭ كارامەتلىكىدىن، ئۇيۇن كۆرسە 100 يۈئەننى غىڭ قىلماي ساناپ، شۇنچە ياخشى لېكسىيە ئۈچۈن خەجلىگەن 30 يۈئەنىگە چىدىماي ئىڭراۋاتقان بىر پەلپەتىشنىڭ ئىسلامنىڭ ئەينى دەۋىردىكى گۈللىنىش تارىخىنى ھازىرقى جەمىيەتتىكى ئىسلامنىڭ ئورنىغا قۇيۇپ، ئىنتايىن نازۇك مەسىلە ئۈستىدە سۇئال سورىماقچى بولغانلىقىغا، باشقىلارنىڭ ئاشۇ پەلپەتىشنىڭ ۋاقىتنى ئىسراپ قىلغانلىقىغا، شۇنداقلا جاۋاب بېرىش تولىمۇ قىيىن بىر سۇئالنى سورىماقچى بولغانلىقىنىڭ ئالدىنى ئالغانلىقىغا قاتتىق ھەسرەتلىنىپ كېتىپسىز. بەلكىم ‹‹ئۆكسۈپ يىغلاشقىمۇ›› ئۈلگۈرگەنسىز. سىزنى شۇنچىلىك ھاياجانغا سېلىۋەتكىنى ۋە دىققىتىڭىزنى تارتقىنى زادى نېمە؟ ئاشۇ سۇئال سورىغۇچى پەلپەتىشنىڭ ئۈمىد غەنىنىڭ لېكسىيەسىنى تولۇق ئاڭلىيالمىغىنى ۋە چۈشىنىش ئىقتىدارىدا مەسىلە بولغانلىقىدىن شۇنچىلىك ھاياجانلىنىپ كەتتىڭىزمۇ؟ ئاۋال لېكسىيەنى قايتا ئاڭلاڭ! ئاندىن مۇنۇ گەپلىرىمنى قۇلاقنى دىڭ تۇتۇپ ئاڭلاڭ! ئۈمىد غەنى ھەرگىزمۇ ئىسلام دىنىنى پەن بىلەن زىت دېگەن قاراشنى ئوتتۇرىغا قويمىدى. بەلكى ھەقىقىي ئىسلام دىنىنىڭ ئىلىم-پەننى چەتكە قاقمايدىغانلىقىنى ئەمما كېيىنكى كۈنلەرگە كەلگەندە بىر قىسىم كىشىلەرنىڭ دىننى بورمىلاپ چۈشەندۈرۈپ، ئۆز ھۆكۈمرانلىقى ۋە ئۆز مەنپەتى ئۈچۈن دىننى پەن بىلەن زىت قىلىپ خەلقنى نادان قالدۇرغانلىقىنى چۈشەندۈرۈپ ئۆتتى. سىزچە بۇ دېگەنلىرى خاتامۇ؟    1. ھازىرقى ۋاقىتتا ۋاقىت ئالتۇندىن قىممەت. ئەسكى تامنىڭ تۈۋىدە تامغا يۈلىنىپ ئاپتاپقا قاقلىنىپ كۈن ئۆتكۈزۈشكە كۈنۈپ كەتكەنلەر ئۈچۈن ۋاقىت ئەرزىمەس نەرسە بولغان بىلەن ئۈمىد غەنىدەك تىرىشچانلار ئۈچۈن ۋاقىت تولىمۇ قىممەتلىك. كىچىككىنە بىر سۇئال ئۈچۈن شۇنچە كىشىنىڭ ۋاقتىنى ئېلىش ئەقىلگە ئۇيغۇنمۇ؟ چىنپۈتمىسىلە شۇ فىلىمنىڭ 84 مىنۇتلۇق يېرىدىن باشلاپ قايتا كۆرۈپ ھېلىقى ئەزمىنىڭ نېمە دېمەكچى بولغانلىقىغا دىققەت قىلىپ بېقىڭ. 2. ھېلىقى ئەزمىنىڭ دېگەنلىرىنى قايتا دەڭسەپ بېقىڭ! ئىسلامنىڭ ئەينى ۋاقىتتىكى گۈللىنىش دەۋرىدىكى ئىلىم-پەن بىلەن دىننى بىر يولدا ئېلىپ بېرىشتەك يولى ھازىرقى جەمىيىتىمىزدە مەۋجۇتمۇ؟ ئەگەر (مەۋجۇت)لا دېسىڭىز ئاغزىڭىزغا ئۇرۇۋېتىشتىن يانمايمەن. بۇ سۇئالغا جاۋاب بېرىشتىن ئىلگىرى ئەتراپىڭىزدىكى يۇرتلارغا، يېزىلارغا، سەھرا قىشلاقلارغا بېرىپ بېقىڭ! ئوقۇشتىن بالدۇرلا چېكىنىپ، گاگا ئويناش، بىليارت ئويناش، ۋە باشقا ئۇيۇن بىلەن ئالدىراش يۈرۈۋاتقان سەبىي بالىلارغا نەزەر كۆزىڭىزنى ئاغدۇرۇپ بېقىڭ. ئۇلارنى ئوقۇشتىن چېكىنىشكە مەجبۇر قىلغان زادى نېمە؟ بۇ سۇئالنىڭ جاۋابىنى ئۆزىڭىزگە قالدۇردۇم. رىئاللىقنى سۆزلەشنىڭ ئۆزى گۈناھ بولسا مەنمۇ ئۈمىد غەنىگە ئوخشاش گۇناھكار بولۇشقا تەييار. 3. ئاشۇ پەلپەتىشنىڭ قويماقچى بولغان سۇئالىغا سىز جاۋاب بېرەلەمتىڭىز؟ سۇئالنىڭ مۇكەممەل جاۋابى نەگە بارىدۇ، كىملەرنىڭ ئىستىقبالىغا تاقىشىدۇ بۇنى بىلەمسىز؟ بۇ ھەرگىزمۇ ئەرەب دۆلىتى ئەمەس، بەلكى جۇڭگۇ. ناۋادا ئاشۇ پەلپەتىشنىڭ سۇئالى زىل يەرگە تاقاشسا ھۆددىسىدىن سىز ياكى ئاۋۇ پەلپەتىش سۇئالچى چىقالامدۇ؟ مۇشۇنداق لېكسىيەلەر يەنە داۋاملىق ئېچىلالامدۇ؟ ئىشىنىمەنكى ناۋادا شۇنداق ئىش بولسا ھەر ئىككىڭلار قۇيرۇقۇڭلارنى خادا قىلىپ قىسىۋالىسىلەر. چۈنكى سىلەردەك كىشىلەرنىڭ ئوينىغان ئويۇنىدا تالايلىغان بىلىملىك كىشىلىرىمىزنىڭ قۇربانلىق بولۇپ كەتكىنى ئەقلى ئويغاق نۇرغۇن كىشىلەرگە ئويغاق. شۇڭا باشقىلارنىڭ ‹‹غودۇراپ›› ئۇنىڭ ئاشۇنداق سۇئالنى سورىشىنىڭ ئالدىنى ئېلىشى ئۈمىد غەنى شۇنداقلا ھەممىمىزگە پايدىلىق. بىزگە سىزدەك ‹‹تەكلىپشۇناس››، ياكى ئاۋۇ پەلپەتىشكە ئوخشاش ‹‹داموللا››، ھاجىم كېرەك ئەمەس، بەلكى ئۈمىد غەنىدەك يىراقنى كۆرەلەيدىغان، باشقىلار ئۈچۈن ئاز بولسىمۇ نەپ يەتكۈزەلەيدىغان رىياسەتچىلەر كېرەك.   4. يازمىڭىزنىڭ ئاخىرىدىكى (شۇڭا لېكسىيىگە بۇنداق ئىلمىي پىكىرى،ئىلمىي پوزىتسىيىسى يوق ئاقنانچى كىشىلەر تەكلىپ قىلىنماسلىقى كېرەك.) دېگەن سۆزىڭىز ناھايىتى ياخشى ئېيتىلىپتۇ. راست ئېيتىسىز، مېنىڭچىمۇ سىزگە ئوخشاش ھازىرقى جەمىيىتىمىزدە نېمىنىڭ توغرا، نېمىنىڭ خاتا ئىكەنلىكىنى بىلمەيلا تەكلىپ بېرىۋېرىدىغان ‹‹تەكلىپشۇناس›› ئالىملار، ۋە ئۇيۇن كۆرسە 100 يۈئەننى غىڭ قىلماي ساناپ بىر ياخشى لېكسىيە ئۈچۈن خەجلىگەن 30يۈئەنىگە چىدىماي ئىڭرايدىغان، جەمىيەت، ۋەزىيەت ھەققىدە ھېچنىمىدىن خەۋەرسىز يۈرىدىغان ئاۋۇ پەلپەتىش سۇئالچىلار بۇنداق لېكسىيە سورۇنلىرىغا تەكلىپ قىلىنماسلىقى كېرەك.   سەمىمىي ئەسكەرتىش: ئىنكاسىمنى نەقىل ئالماقچى بولغانلار ئالدى بىلەن فىلىمنى تەپسىلى كۆرۈپ چىقساڭلار. ناۋادا ھېلىقى سۇئال سورىغۇچىنىڭ سۇئالىنى ئاڭلىماقچى بولساڭلار فىلىمنىڭ 84 مىنۇتلۇق يېرىدىن باشلاپ كۆرۈپ باقساڭلارمۇ بولىدۇ.

uqkun420

	بۇ تەكلىپ تولمۇ ئورۇنلۇق تەكلىپ بوپتۇ ، لىكىن بەزىلەرنىڭ ئىچگە ئۆتەپ كەتكەندەك قىلدۇ . دىمسىمۇ ،خەختىن زىل مەسلە دەپ قورۇققاندەك ، ئاللاھدىنمۇ قورقۇشى ، ھە دىسە مۇسۇلمانلارنىڭ ھىسياتى بىلەن ئوينۇشۇپ ، ئىسلام دىنغا تاش ئاتمىسا بولاتتى . بىلمىگەن ساھاگە باھا بېرىش نادانلارنىڭ ئىشى .

pida~kar

	يازغۇچى ababakriimir ئەپەندىگە ئەگەشتىم !

kapitan2

	hokumranئەپەندىم دائىم مىنىڭ كۆڭلۈمدىكىنى،مەن دەي دەپ تۇرغان گەپلەرنى مەندىن بۇرۇن دەيدۇ ،مەن مۇشۇ مۇنبەردە قايىل بولىدىغان كىشىلەرنىڭ بىرسى جۇمۇسىز. تۇنجى سوئالنى سورىغان پەلپەتىشنىڭ چەتكە قېقىلىشى ئۇيغۇر جەمىيىتىدە بۇنداق گەپلەرنىڭ خەقنىڭ قولىقىغا خوشياقمايدىغان بولاپ كەتكەنلىگىنى ئىسپاتلاپ تۇرۇپتۇ. ھەم ئۈمۈد غەنىمۇ كونىراپ جەلىپكارلىقىنى يوقاتقان بۇ تەۋەرۈك سوئالغا لايىقىدا جاۋاپنى بەردى.

yure

	ئۈمىد غەنى توغرا ئېيتتې ، ئۆنې قولليمەن