ھىجاپلىق قۇياش (قاراخان)

qaraxani

	ھىجاپلىق قۇياش قاراخان قېلىن تۇمان ياتار يولدا ئىغاڭلىشىپ،لەيلىشىپ ، ئىس-تۈتەكلەر يوتقان بولۇپ يېپىلدى كۆك زېمىنغا. قىستىلىشىپ يولۇچىلار ،ماشىنا يول تالىشىپ، نەپەس ئالماق خىلۋەتتىمۇ توختىدى زەپ قىيىنغا. <<ئاي پەرى>>نى ئەلچى قىلدۇق بوشلۇقتىكى مارسقا، ئازادە ۋە يورۇق ياشاش ئىستىكىدە تولغۇنۇپ. ئامال يوقكەن مۇھىت ئاسراش ئېڭى ئاجىز ھادىسقا، كۈشەندىگە يولۇقمىسا ئىنسان كەتمەس ئويغۇنۇپ. چوپانلارمۇ تېزەك قالاپ يېشىل كۆكنى بۇلغايدۇ، كۆككە يەرگە تۈكۈرىدۇ بەزى مەستلەر پايلىماي. چالا كۆيگەن ئىس دەردىدە ئۇچار قۇشمۇ قاقشايدۇ، ساپ ھاۋانىڭ ھوزۇرىنى يۈكسەكلەردە قۇچالماي. نۇر زىياغا قاقلىنىشقا دېھقان،مايسا ئىنتىزار، لېكىن ئۆزى ئوت قويىدۇ تاماكىدا ئېتىزغا. قۇرۇم بولدى دەيدۇ باغۋەن نالە قىلىپ لالىزار، كىرىپ كەلدى سېسىق بۇسلار بۇرۇن تۇرماق ئېغىزغا. يېتىپ بارغاچ بەدبۇي پۇراق ،ئىس -تۈتەك ،بۇس قۇياشقا، چېھرى ئۇنىڭ خالى ئەمەس چاڭ-توزاڭ ۋە مەينەتتىن. شۇڭا ئۇنىڭ رۇخسارىنى ھىجاب بىلەن ئوراشقا ، ئۆكتە قوپقان پەرقسىزدۇر قاۋاندىن، بەدنىيەتتىن! 2014-يىلى10-يانۋار

GopaL

	بەلەن چىقىپتۇ جۇما تۇنجىسى مەن ئوخشايمەن..

kakkuk11

	ئاي ۋە قۇياش مۆكۈشمەك ئوينار ، ئىنسانىيەت ئاتلانسا سەپەر . نەپەس ئالدى يالغانچى گازدا ، ئۈمۈد ئۈچۈن ھىجاپلىق سەھەر .

sayramkizi

	بورتالا ناھىيىمىزدىكى قەلىمى ئۆتكۈر قەلەمكەشلىرىمىزنىڭ بىرى بولغان قاراخان ئاكىمىزنىڭ شېئىرلىرىدىن مىسرانىمدا ھوزۇرلىنىۋاتىمىز، قەلەم تۇتقان قوللىرىڭىزگە بەرىكەت تېلەيمەن.

xamxar114

	تۇلىمۇ ياخشى يېزىلىپتۇ. مىھرىبان ئىگەم ئىلىمىڭزنى تېخمۇ زىيادە قىلسۇن.  ئىلگىرى بىر شىئىرىڭز بارئىدى.ھەر بىر  سۈرىگە بىردىن يازغان  مىسرانىم دىن ئۈچۈرۈلدىمۇ نىمە؟

qaraxani

	sayramkizi يوللىغان ۋاقتى  2014-1-10 09:23 PM بورتالا ناھىيىمىزدىكى قەلىمى ئۆتكۈر قەلەمكەشلىرىمىزن ... سايرام كۆلىدە ئاققۇ، مەن ئاققۇ بىلەن دوستمەن.

kakkuk11

	qaraxani يوللىغان ۋاقتى  2014-1-10 10:11 PM سايرام كۆلىدە ئاققۇ، مەن ئاققۇ بىلەن دوستمەن. سايرام كۆلى باغراش كۆلى ، ئاكا -ئۇكا قېرىنداشتۇر . كاككۇك بىلەن قاراخانمۇ ، بەلكىم راستلا قېرىنداشتۇر . ئاكا سىزنى ئىلىخولۇقمىكىن دەپتىكەن ئالمىلىقتا چېپىپ يۈرگەن چاغلاردا چۇ ؟ ھى ھى بورتالالىقمەن دەپ قويۇڭ... بورتالا يېرىم تۇققانلىرىمىز بار... ئاللاھ خالسا بارسام چانمىغۇدەكمەن...

tilsim.

	مۇشۇ  بورا تالاغا ئۆتۈپ باقسام قارا خان ئۇستاز نىڭ دىدارىنى كۆرۈپ كىلەر ئىدىم ،  لىكىن پۇرسەت بولمىدى،يا بورتالا ئىكۋاتۇرنىڭ ئا تەرىپىمىكىن ... ياكى قاراخان ئۇستاز  جەنۇپ تەرەپكە ئۆتۈپ بولالمىدى. ئاللا خالىسا مۇلەققەتتە بولۇشنى ئىستەۋاتىمەن ، ئۇلۇغ ئاللا شۇ كۈنلەرگە يەتكۈزەر ئىنشائللا... تىنىڭىز سالامەت ، ئىشلىرىڭىز ئۇتۇقلۇق بولسۇن ئۇستاز ، ئىجادىيەتلىرىڭىز مەڭگۈ توختاپ قالمىسۇن .

kaqvr

	kakkuk11 يوللىغان ۋاقتى  2014-1-10 10:19 PM سايرام كۆلى باغراش كۆلى ، ئاكا -ئۇكا قېرىنداشتۇر . كاك ... ھەجەپ بىر يۇرتۇڭلارنىڭ كۆل سۇلىرىنى داڭلىشىپ كەتتىڭلار ، مەنمۇ مانا ئەمسە دەپ ھەر يوغان نانلىرىمنى تۆكىمەن بىكا مۇنبەرگە ... ئىچىمنى قىزىتماڭلار بى ...

سەفەر

	شېئىرنى ياخشى يېزىپسىز .... تەشەككۈر .