ئاشقلىق

othor

	ئاشىقلىق كۆزلەرنى شۇ ئۇيقۇ ئەسىر ئەتكۈچە، خىيالىم تۆرىدىن كەتمىدىڭ نىگار. ساقلىدىم ئۇيقۇغا ئىشتىھا باغلاپ تۈن يېرىم بولسىمۇ كەلمىدى زىنھار. ئوت دېسەم ئۆزۈمنى زۇلمەتتە يانغان، سەن نېمە ؟بىلمىدىم ئوتنى كۆيدۈرگەن. بارمىدۇ بىر سېھىر بىلمىدىم سەندە شۇ ئازغۇن قەلبىمگە سېنى سۆيدۈرگەن. خىياللار قوينىدىن چۆچۈپ ئويغىنىپ، ئۇيقۇنى مىڭ تەستە باشلىدىم تەنگە. ھەي توۋا چۈشۈمگە رىژىسسور بولدۇڭ ئىيتقىنا ئەي نىگار سەن قانداق بەندە. ئويلىماي دەيمەنۇ خىيال بېغىمدا ، لېكىن شۇ خىياللار سېنى ئىزلەيدۇ. چۈشۈمدە بوش ئەمەس سېنىڭ ئەرۋاھىڭ يۇشۇرغان سۆزۈڭنى ماڭا سۆزلەيدۇ. ئىشەنگىن سەندىمۇ ئاشىق يۈرەك بار ، قۇلاق سال قەلبىڭدىن چىققان تىۋىشقا. يانسىمۇ يۈرەگىڭ يانار تاغ كەبى بەزلەيسەن يۈرەكنى ئېيتە نىمىشقا؟ مۇھەممەدرېھىم ئابلىز »ئوت« 2017.1.10-كۈنى ئەتىگەن سائەت 4.00 تۈن ئۇيقۇسى يىراقلاردىن يولۇمغا تەلمۈرۈپ باقىدۇ،  خىياللىرىم  بولسا تۈن ئۇيقۇسىغا بوي بەرمەي ئەقلى ھۇشۇمنى ئېلىپ قاچىدۇ ، ئۆزۈمنى ئۇخلا دەپ بەزلەيمەنۇ لىكىن يەنە خىيالنىڭ قاينىمى ئۇيقۇنى بىزار قىلىدۇ ، ئۇيقۇ ماڭا تەشنا ، خىياللىرىم ئۇيقۇمغا دۈشمەن ، مەن بولسام ئۇيقۇ بىلەن خىيال ئارىسىدا سەرگەردان . بەزىدە كۆرگەنلىرىمنى ئەسلىسەم ئۇيقۇممۇ ياكى خىيالىممۇ؟ دەپ ئويلاپ قالىمەن ، چۈنكى خىيالىمغا ئۆزۈم باشلىق ، ئۇيقۇمغا سەن ساھىبخان...

aa0998

	خىياللار قوينىدىن چۆچۈپ ئويغىنىپ، ئۇيقۇنى مىڭ تەستە باشلىدىم تەنگە. ھەي توۋا چۈشۈمگە رىژىسسور بولدۇڭ ئىيتقىنا ئەي نىگار سەن قانداق بەندە. مۇشۇ بىر كۇپلىت شېئىرىڭىز ماڭا چوڭقۇر تەسىر قالدۇردى. قەلەم تۇلپارڭىز ھارمىغاي.

520يولۇچى

	شىئىرڭىز ھەقىقەتەن ياخشى چىقىپتۇ،قەلمىڭىز ھارمىغاي،!!!!!

gultaj

	شئېرنى تولىمۇ ئېسىل يېزىپسىز ....... شئېرى تىل ،قاپىيە ناھايىتى ماس كەپتۇ ....بۇندىن كېيىنكى ئىجادىيەتلىرىڭىزگە بەرىكەت تىلەيمەن .........

GopaL

	بۈگۈن ساپلا شېئىر ئوقۇپتىمەن...

intizar

	كۆز كۆرگەننى كۆڭۇل ئارزۇ قىلىدۇ،ئارزۇ قىلغاننى ئادەم ئېنىق ياخشى كۆرىدۇ،مانا بۇ مۇھەببەتنىڭ باشلىنىش تەرەققىياتى..... شىئىرىڭىز ناھايىتى ياخشى چىقىپتۇ .قەلبىڭىزدىكى مۇھەببەت ئوتىنى تېخىمۇ جانلىقراق ئىپادىلگەن بولسىڭىز بەك ياخشى بۇلاتتى.چۇنكى شىئىر دىگەن ئادەمنىڭ كۆڭلىدىكى ھېسسى تۇيغۇنى ئىپادىلەيدۇ ئەمەسمۇ.